葫蘆燒肉刺身

營業中

休息中

聽朋友講元朗開左間唔錯既燒肉（果陣應該新開張 得佢一台客） ，滿心歡喜同屋企人去試，點知中晒伏係門口等左半粒鐘 ，座無虛席，諗住人多應該冇死啦，2個人坐bar台一人一爐都算啦，好食的話張就下，叫左個牛席2人盛（$788），印象中2人餐最貴係呢個 ，有基本紫菜飯和風湯，a4黑毛和牛，牛舌牛頸脊果類，紫菜飯比紫菜碎，湯唔好飲超市貨色，到主角牛燒完啲牛係碎既，牛舌鞋到爆（本人燒肉控，都試唔少靚牛肉），食落去同燒肉放題百幾二百蚊嗰啲冇乜分別。到服務，冇！全程黑口黑面，間舖唔大，2-3個店員，座位間隔又窄坐都坐得唔舒服呢間嘢我唔會再去絕對！其他食物我唔敢講，如果係想食燒肉嘅話我絕對唔會推介比朋友。

非常難得地入左元朗做野，喺街市地方見倒呢間裝修得幾靚仔嘅日本料理，就入左去lunch。因為時間已經三點零鐘，所以間餐廳無乜人，本身想叫一個飯餐，但見佢稻亭烏冬個menu好吸引，有好多款餸㨂，d餸仲要好似全部都好好食咁，最後㨂左烏冬食，湯烏冬配吉列豬扒同炸忌廉蟹肉餅，送中華沙律同一客湯。中華沙律係我嘅至愛，另外豬扒炸得外脆內軟，非常鬆脆。炸忌廉蟹餅覺得忌廉太多，但都係好食嘅。另外想講佢個烏冬係真足料烏冬，多到我都差d食唔哂，好味又抵食

今日同朋友嚟到朗屏站附近食燒肉一人燒肉全日套餐 有好多唔同嘅配搭有三款醬料 我就最鐘意蒜味燒肉又濃郁又惹味2個人嗌咗2個餐share澳洲和牛腹肉心 + 封門柳 $138增量100g +$90增量完之後嘅份量都幾多 份量啱啱好封門柳嘅肉味好濃Prime牛肩胛 + 封門柳 + 安格斯牛頸脊 $105增量100g +$45牛頸脊肉質好嫩 我哋都最鐘意依款每個餐仲有配飯同湯蜜桃白啤酒 $33 燒肉配啤酒另外朋友就嗌咗橙紅茶$12埋單每人二百多少少

日式燒肉餐廳充滿日系裝修風格，環境十分乾淨清潔，沒有任何油煙的感覺。澳洲和牛腹肉心＋安格斯的套餐中，澳洲和牛腹肉心是一種優質的牛肉，具有豐富的油花和極嫩的口感。安格斯牛則是一個著名的牛肉品種，具有濃郁的肉味。這個套餐的肉質非常優良。Prime牛肩胛+封門柳安格斯牛頸脊套餐中的Prime牛肩胛是最高品質的牛肩肉，肉質鮮嫩多汁，有著深厚的牛肉風味。同樣地，安格斯牛頸脊也是相當優質，具豐富的肉汁和口感。巨峰乳酸帶有乳酸混合果味雙重沖擊，跟牛肉的熾熱口感十分合拍。至於Hoegaarden peach桃味啤酒，這種啤酒帶有桃子的香氣和風味，是一種清爽、微甜的啤酒選擇，可以搭配燒肉增添風味。

在街市中竟然新開一間燒肉餐廳，門面光鮮明亮的燒肉店在舊鋪中確實吸精，除燒肉外還提供丼、刺身及定食，朋友與我帶著好奇心一同進內品嚐。一試燒肉套餐夠完整，有水準又夠飽！門面與舊鋪風格截然不同，路過總會留意到，不知為何餐廳招牌有總放題感😂。燒肉套餐方面，可以試到不同部位牛肉，不同級數分開不同套餐，套餐包括前菜、湯、飯及刺身，我們2位女孩來說吃光後十分飽肚，餐廳除了燒肉外，還有丼、定食，有1人/2人/4人set，不同組合人數都適合，友人與我品嚐了燒肉2人套餐。每枱勻放在4枝醬汁有柚子醬、鹽醬、韓味燒肉醬及燒肉醬，鹽醬是百搭之選，柚子醬適合牛肉，而韓味燒肉醬適合豬肉。刺身3點包括三文魚、吞拿魚、希靈魚各2片，三文魚味道香濃，吞拿魚只有少少鐵血味，希靈魚味道不太突出，整體解凍不俗，沒有多餘水份或血水，不過豉油好鹹6款肉有Prime 牛肩胛、安格斯牛頸脊、厚切豬腩片、牛舌芯、無激素雞腿肉及豬頸肉，牛肉薄片燒幾秒剛好又多汁，豬腩片燒後焦脆，牛舌芯雖薄片都帶脆口，如果厚切爽口感更明顯！吉愛那個紅色碗子，視覺好醒神！沉澱麵豉湯附有蔥粒及鳴門卷。紫菜絲灑上飯素於飯上，可能紫菜絲幼細，所以未能完全發揮到紫菜香

我哋今次又到元朗揾食！咁岩一行落朗屏站就見到呢間勁新淨嘅燒肉店～叫左2個一人燒肉全日套餐～Prime牛肩胛 封門柳 安格斯牛頸脊套餐 ($105)100g增量！！只要加$45就可以升級至250g！封門柳係牛嘅橫膈膜下嘅肌肉，所以肉味好濃！比較少脂肪～而安格斯牛頸脊好軟稔有咬口，而且油花適中！牛肉燒一陣好快熟～肉汁十足！無激素雞腿肉 +豬腩片 豬頸肉套裝 ($85)加$35就可以升級至300g！雞腿肉好厚切，口感十足，而且好多肉汁豬腩片燒到脆卜卜勁好食😆😆呢度嘅豬頸肉好柔軟 好送飯😆😆最正嘅係附送麵豉湯、小菜中華沙律同味素飯！我哋叫左波子汽水同水蜜桃乳酸😆水蜜桃乳酸甜度適中，不過如果可以再凍少少仲正餐廳好有誠意，準備左4種醬汁比客人👏🏻大推柚子胡椒醬👍好清爽而且柚子嘅澀味令肉香更散發！

假期天，開餐都是原區為主，葫蘆近近地，正好一試！地方雖小，五臟俱全！乾淨企理，小店格調！午市套餐，有多款選擇，價格便宜！點了兩份午市套餐，日式咖喱吉列豬扒定食 $75套餐連日式咖哩飯、和風湯及餐前小食吉列香脆，豬扒鬆化，配酸梅汁，經典惹味！咖喱汁惹味，伴飯一流 可加$15追加，巨峰乳酸 另一份是壽喜燒汁牛頸脊丼 $88，配白飯、和風湯及餐前小食免燒烤肉 😂😂😂，牛頸脊唔韌，飯底夠多，飽肚無難度。每枱都有多款烤肉醬汁，我比較喜歡燒肉醬，味道較合心意！同樣可加$15，追加 水蜜桃乳酸 $15。冰凍清涼，蜜桃🍑味香甜，很喜歡！

午市燒肉套餐：美國牛肩胛+牛舌芯，有和風湯，餐前小食，紫菜素飯，美國牛肩胛慢慢燒至微焦粉紅色，牛肩胛紋理肥瘦均勻，油脂滲出，入口肉質軟腍，慢慢咀嚼牛味濃郁，有嚼勁，好味道。牛舌芯大大片，入口口感爽脆，有嚼口，有濃郁的牛肉味，越嚼越香。吉列咖喱豬扒飯，我超喜歡炸至金黃香脆的豬排，再配上咖哩汁，外層脆卜卜中間軟腍，雙層口感，咖喱豬扒飯好惹味，！豬扒炸得好鬆化唔油膩～咖哩汁嘅咖喱味亦好香好濃！每啖飯都有咖喱汁～正呀！我點了波子汽水，多年冇飲，令人回味童年，今餐很滿足，食飯有質素，會常來。😁

餐廳原來開了7個月，平時經過都無察覺，剛好今日想附近食野，就見到依間燒肉。星期五夜晚8點多食晚飯，剛好不用等位，但只有高枱，剛坐低一陣有普通枱，職員都主動詢問要唔要調位👍點了個2人盛既餐，追加左個玉子。餐有刺身，紫菜飯，湯，牛牛仲附2隻蝦同元貝，2杯飲品及甜品2個人食加埋$800左右。刺身鮮甜，元貝同蝦都好新鮮，牛牛亦唔錯，每款約4件左右，2人食足夠。係元朗區有啲有質數既唔駛出城，都唔錯選擇。係個環境迫啲，上完刺身食左幾啖就上牛牛，枱根本放唔到如果上菜把握得好啲時間先會更好。上牛牛時職員每逐樣講係咩，錯👍整體感覺幾好，會要次光顧

葫蘆燒肉刺身 (元朗)元朗俊賢坊18號權益大廈12號地舖去開元朗做嘢見到朗屏西鐵站附近有間日燒就入咗去老闆娘好親切😊因為覺得二人位唔夠擺嘢，老闆娘主動俾我哋調位，用個大啲嘅爐，仲會主動介紹唔同嘅餐安格斯封門柳+牛頸脊套餐叫咗一個老闆娘推薦嘅套餐，最多人叫叫埋增量裝都係HKD138，晚市烤肉套餐都算好抵安格斯封門柳同牛頸脊肉，兩者嘅肉質都好鮮嫩，我鍾意牛頸脊好Juicy，入口即化，帶有濃郁的牛肉香氣。唔洗燒好耐，燒完肉質更加鮮美，外層少少焦香，內裡依然鮮嫩。撈埋飯，燒肉肉汁四溢，食到舔舔脷😋安格斯封門柳+澳洲和牛腹心套餐價錢貴啲，但我覺得都值得一試和牛腹心肉質鮮嫩多汁，肉質細膩。燒完，口感更加豐富，肉質更加香嫩，啲油脂融化在口中，散發出濃郁的牛肉香氣🐮🐮值得一提，佢哋嘅醬料全部都係日本直送，鹽味同埋蒜香味，最多人用。鹽味清清地，提鮮肉味。我自己就鍾意烤肉醬，加柚子醬，甜鹹甜鹹，更加襯托到烤肉嘅香味，又解到膩🤭水蜜桃/巨蜂提子乳酸梳打 有啲似益力多，加水果味嘅梳打，配烤肉，好唔錯，仲好開胃！大家去開元朗，不妨都去支持吓，良心小店！

這間葫蘆燒肉刺身位於朗屏，係一間地下店舖食燒肉一人一爐，都有幾個一齊食都幾好，整間店舖分別有不同嘅坐位🤔，有高檯坐位及普通坐位，同時我覺得一人坐位都唔錯，靜靜地食嘢嘆吓都幾正😙!.壽喜燒汁牛頸脊丼 $88呢一款牛頸脊丼賣相睇得吓🤔，整個牛頸脊前菜有玉子、椰菜、中華沙律、麵豉湯等，牛頸脊大大塊又夠厚度😲色澤味道濃郁😙，加添埋壽喜燒汁令到味道更加美味😋，配埋佢嘅丼飯粒粒軟硬適中又有口感!.無激素雞腿肉+豬頸肉套餐 $68+$30燒肉1倍增量呢一款套餐一次過食到兩款雞腿肉及豬頸肉😙，前菜中華沙律、麵豉湯等，店家用咗無激素嘅雞腿肉肉質比較鮮味腍嫩，豬頸肉鮮而爽口😋，燒熟咗食到入口味道口感都唔錯🤔，配番碗粒粒飯食就好!.

今日同朋友去食燒肉 好多燒肉舖都剩係得牛肉套餐 而我朋友唔食牛肉嘅 咁啱見到呢間有個冇牛肉嘅套餐 所以我哋就去咗食啦🤩鳥豚二人盛🐥🐷呢個套餐就啱哂一啲唔食牛嘅人 個套餐有好多嘢 兩個人食簡直係飽到食唔晒🤤🤤 6品盛燒肉盒🍱咁佢會有海鮮 包括虎蝦同帆立貝 都好新鮮 虎蝦幫你切開埋個殼 好方便 食嘅時候就唔會咁麻煩👍🏻另外肉類就有火雞腎 無激素雞腿肉 豬頸肉同豬腩肉 啲肉都冇雪藏味 全部都切得好薄 好快就會熟🤪再加埋一啲日本直送嘅燒肉汁 令到啲肉嘅味更加豐富😍刺身三點盛三文魚 希靈魚 吞拿魚 每一塊都好大塊同埋都好有鮮味😋二人前就有和風湯 同中華沙律 佢個飯係用珍珠米 另外再加埋紫菜飯素 就咁食都覺得好好味🤤另外仲包埋飲品 咁我哋就叫咗荔枝乳酸同青蘋果乳酸🍹最後仲有一個日本直送嘅甜品香蕉朱古力卷蛋 唔會太甜 好啱香港人嘅口味🤪

最近發現朗屏呢邊開左一家燒肉餐廳，主打頂級Prime安格斯，單人的餐牌也不算貴，平均一人餐大約$80-100左右🤗Prime牛肩胛、封門柳、安格斯牛頸脊套餐$105主要係見到Double分量都係加$45左右，又真係幾吸引XD忍唔住就加左大，牛肩胛的肉質很嫩滑，加上醬料的配搭，多了一種層次感✨封門柳的油脂和肉質剛剛好， 如果把分佈著雪白的油花的牛頸脊放在一起食的話，能夠感受到一點點細微的嚼勁🤞Prine牛肩胛、牛舌芯、特級牛五花套餐 $102薄切牛舌芯比較快熟，咬下去也會有點煙韌的感覺，比較細嫩🌟特級牛五花油花一層油一層肉，肉汁濃郁，建議加上柚子汁一起吃，一口柚子味，一口油香味，完美的配搭😋好味指數：8/10性價比指數：9/10餐廳名稱：葫蘆燒肉刺身餐廳地址：元朗俊賢坊18號權益大廈12號地舖電話：21540166

元朗燒肉想介紹下，開業唔算太耐，店内都幾新位於朗屏街市天橋底下，人來人往，由朗屏站出發只需5分鐘就到👣👍🏻👍🏻今次點了午市燒肉套餐激安美國牛肩胛+牛舌芯 （100g) 套餐 $78 +燒肉1倍增量只需 $40 牛肩胛好爽口，牛肉味濃，大大塊，朋友大讚，可以encore 牛舌都唔錯既，口感更爽，同牛肩胛質感唔同，個人較喜歡前者🤭🤤🤤套餐包 🌀和風湯，湯唔會好咸 🎏紫菜素飯 （素），紫菜量好多，配燒肉極正 🎏餐前小食，中菜沙律套餐可以配特飲，我選了水蜜桃乳酸特飲 $15 好開心係店舖提供多款醬汁，包括柚子醬，鹽醬，燒肉醬，蒜味燒肉醬👅個人喜歡柚子醬，蒜味燒肉醬，點左，燒肉更yummy 朋友選了另一定食日式咖喱吉列豬扒定食🍚🍽️🐷 $75 定食配和風湯，餐前小食大大個飯配咖喱汁，唔會好辣，咖喱汁味道足夠，如果咖喱汁更多就好了😊豬扒剛炸起都幾可口香脆，但一定要趁熱食飲品揀左Hata 波子汽水（+$10） ，見到啲Bubble浮上黎，好治癒🥰

妹妹收工冇嘢做 即興約我收工去食飯👧🏻條友仔日日都食大餐 增肥馬拉松🏃食完pizza 🍕又食壽司郎又約我食燒肉🐷一人一個set其實呢個都幾唔錯 💓自己又可以揀自己想食咩類型嘅肉 因為有啲朋友仔真係唔食牛 一開始剩係得二人餐 一人set 一人燒肉都得😹🐮pr mime牛肩胛＋封門柳＋安格斯牛頸脊套餐$105燒肉100g增量+$45餐前小食 -中華沙律紫菜素飯和風湯水蜜桃乳酸特飲🐮鹿兒島A4黑毛和牛+牛舌芯套餐＋燒肉增量100g +$110＋紫菜素飯和風湯餐前小食荔枝乳酸特飲肉既質素唔錯 唔需要用任何醃料去醃製~原汁原味咁燒 輕輕再沾醬汁 去吊一吊味🤤大推！！！鹿兒島A4黑毛和牛🐮一級棒🤤！我同我妹係爭住燒呢個😈入口即化 好香既油脂 分佈旺盛🫦紫菜素飯 就咁食都好好食 如果可以加埋溫泉蛋就Perfect啦！ʕ •ᴥ•ʔ🐿🍃喺元朗區多一個燒肉店嘅選擇都真係唔錯 除咗燒肉之外 見佢都仲有嗰啲晚市定食餐🍱同場加映見到試當真-泰妹👧🏻 佢真係真係好靚女！希望嚟緊可以捐窿捐罅位大家搵多啲唔同類型嘅餐廳🫶🏻