萬豚屋

營業中

休息中

好鍾意食烏冬 呢間仲要用石鍋上烏冬 完全滾住咁上枱比你食 天氣咁熱都要去食啊 🍽️厚切豚肉手打烏冬（2件豚肉）$86揀左香濃菌湯 用大啡菇整個湯底 面頭再加左黑松露醬 菇味香而濃郁 飲落仲帶少少creamy口感 另外加左粟米粒係湯底 粒粒都好香甜厚切豚肉方面 肥瘦適中 厚度夠厚 烏冬夠滑身無酸味上面落左啲豆苗 口感爽脆 連埋烏冬一齊食豐富左口感

店舖位置好易搵👍🏻，石鍋烏冬啲湯每次都係滾住上枱，好彩佢嘅冷氣都好夠🌬️，所以完全唔會因為熱辣辣而食唔到😙🔸香菌濃湯上級薄切豚肉手打烏冬💲95評分(5星滿分): ⭐️⭐️⭐️⭐️⭐️每次都必揀香菌濃湯，佢有一大羮嘅黑松露醬，撈勻後，個湯真係好香好濃郁好好飲😋 喺條片度，你會見到佢嘅料一啲都唔少，有蛋、冬菇、溫室豆苗、粟米，同埋上級薄切豚肉，全部都吸晒湯嘅精華，非常惹味😚🔸香辣麵豉吉列豬扒手打烏冬💲89評分(5星滿分): ⭐️⭐️⭐️⭐️(有3分係因為吉列豬扒👍🏻)🤭第一次試香辣麵豉湯，如果鍾意食辣嘅，就請留意佢係香辣麵豉湯，而唔係香辣湯，所以一啲都唔辣 係鹹鹹地😂。而吉列豬扒超大塊，外脆內嫩，炸粉算薄，肉質有汁😍。佢哋嘅芝士吉列豬扒係限量供應，之前試過一次，真係有拉絲效果，有好濃郁嘅芝士味🧀️服務質素: 🌕🌕🌕🌕🌑回頭率: 🌕🌕🌕🌕🌕

萬豚屋是一家值得讚賞的餐廳，他們的招牌菜品之一——厚切豚肉手打烏冬，以其獨特的風味和精湛的手藝贏得了食客的一致好評❤️❤️。以下是對厚切豚肉手打烏冬的食評：🐷厚切豚肉手打烏冬：厚切豚肉手打烏冬是萬豚屋的招牌菜品之一，以其精心烹製的豚肉和手工製作的烏冬引領了一場味覺盛宴👍👍。這道菜品將新鮮的豚肉切成厚片，搭配入口即化的手打烏冬，令人難以抗拒的美味令人回味無窮❤️❤️。豚肉的切割十分獨特，每一片都肥瘦適中，肉質鮮嫩多汁，帶有微妙的油脂香氣😊。它經過適當的調理，軟嫩的口感和豐富的豚肉風味令人愉悅。手打烏冬的韌性和彈性使得整道菜品更加有層次感，搭配豚肉的鮮香，讓人陶醉其中😊。萬豚屋的厨師們注重每個細節，他們在烹調過程中精心調配調味料，使得每一口都帶來濃郁的味道😊😊。無論是豚肉的鮮美、烏冬的口感還是湯汁的滋味，都完美地展現了豚肉手打烏冬的獨特魅力。👍。⚡️ 好味指數：🌕🌕🌕🌕🌕🧀️  約1300-1400 kcal 卡路里/份🍜烏冬在香港：烏冬是一種源於日本的麵條，由小麥粉和水製成，形狀平直而寬闊，與其他麵條有所區別👍👍。烏冬在日本料理中佔有重要地位，常被用來搭配各種湯料或炒菜👍。它的獨特口感和能夠吸附湯汁

本身都好少寫食評嘅，但呢間嘅烏冬真係我食過最麻麻嘅，所以不得不寫 本身一間餐廳個烏冬嘅軟硬度因應唔同人嘅喜好呢食完會有唔同嘅反應，呢間烏冬對我嚟講有啲太淋。跟住見有得揀湯底滿心期待以為好正就同女朋友一人揀咗一種，結果…唉，唔識形容最神秘係佢個玉子燒，原來係蛋包飯啲fd 一層蛋包餸，可能係我對玉子燒嘅理解有問題總結：我都明食嘢好主觀好個人，不過我真係第一次比咁嘅錢去食咁嘅質素嘅烏冬，當係交咗次學費啦可一不可再消費：上級牛肉手打烏冬+自家製吉列芝士豬扒手打烏冬+木魚豬肉玉子燒 = $274連水都無杯一定要人比錢買嘢飲，完

同朋友午餐，佢介紹食烏冬，可以叫飯或烏冬，餐廳應該出名烏冬。我同朋友都叫左黑蒜湯底，熱辣辣既窩有埋蒸氣咁送上枱，正👍🏼👍🏼👍🏼👍🏼我哋叫左吉列豬扒烏冬+厚切豚肉烏冬。我係見到隔離枱個吉列豬扒好大份，所以叫。結果係吉列豬扒好適合影相，而我比較喜歡食厚切豚肉，健康D咁。另外，推介加$6冰鎮咖啡，用處係影相🤣🤣🤣唔難飲，但又未話好飲咁🤣🤣🤣反正可以影相📸️服務員好有善😊朋友就話有奶茶同檸茶叫，加入港式風味。最緊要同朋友一齊食飯，食物係更加好味🤩😎

今次繼食完魚生飯之後，又喺尖沙咀搵到抵食好去處，今次呢間就位置赫德道，位置唔算難搵。餐廳主打係石燒烏冬，同一款烏冬配以唔同湯底，例如有香菌濃湯、豚骨魚介、黑蒜油豚骨、香辣麵豉同埋咖哩湯底。但都有幾款丼飯同小食可以揀吉列豬扒手打烏冬配香菌濃湯 $92上枱好似圖咁滾住上枱，熱辣辣，配上黑松露醬增添香味。吉列豬扒即叫即炸，炸皮唔太厚亦唔太肥，豬扒就稍為薄身左D，湯底飲落都幾順口，似拉麵既豚骨湯底，烏冬都彈牙，份量夠飽肚。厚切豚肉手打烏冬（可選2/4件豚肉）配香菌濃湯 $86/$94同樣地滾住上枱，有啲似豬五花厚切，唔怕肥要試試，因為入口即溶，好邪惡！

☃️啲幾日凍咗好多❄️同少爺仔異口同聲一齊話要食呢個🍲石鍋烏冬！食完個身立即暖笠笠䁔返哂(˶‾᷄ ⁻̫ ‾᷅˵)全部烏冬以石鍋上枱上到枱啲湯仲滾緊⚠️小心唔好辣親手Keep住食到最後都仲係熱辣辣，要慢慢食先至得石鍋烏冬嘅餸有好多款揀例如牛肉，厚/薄切豚肉，花甲，吉列芝士豬扒⋯湯底有🍄香菌濃湯，🐟魚介豚骨，🧄黑蒜油豚骨，🔥香辣麵鼓可自選大中小辣🐖厚切豚肉手打烏冬(香辣麵鼓 小辣)🍲$83豚肉有兩舊，每舊大概1吋厚，脂肪肥美，入口即化，炆得十分入味(●’◡’●)ﾉ而湯底小辣都幾辣🔥手打烏冬好滑煙韌彈牙🌟重點有隻生雞蛋係入面，滾湯下自己控制想食半熟蛋定熟蛋| (• ◡•)|配菜仲有大量豆苗同粟米🌽❥烏冬控的我，想大家推介多啲好味烏冬俾我同少爺仔食(≧▽≦)••••••••••••••••••••••••••••••🔎萬豚屋 尖沙咀赫德道19-23號地舖••••••••••••••••••••••••••••••

喺尖沙咀諗唔到食咩就會諗起呢間烏冬 尤其是呢幾日咁凍 就想食石鍋烏冬 照燒雞扒手打烏冬黑蒜油湯底熱辣辣嘅烏冬 入面有一隻蛋 仲有啲溫室豆苗 不過本身唔鍾意食所以夾走晒🙈🙈🙈照燒雞扒好大塊 外皮煎得好香脆 肉質都算嫩滑 味道甜甜地 都唔錯 黑蒜油湯底都好香 唔會覺得死鹹 連埋烏冬食啱啱好-吉列豬扒石手打烏冬黑蒜油湯底吉列豬扒炸得好香脆 炸粉都算薄 配沙律醬食可以中和返 唔會咁膩 不過一定要趁熱食 -整體黎講呢個價錢質素算幾好 但今次食完覺得好口渴🫣

食左十幾年😆屹立不倒的萬豚屋烏冬🐷🍜唔想多人趕食趕走Weekend 二點幾先食可以慢慢嘆但三點幾就截單架啦😆統一Menu, 無分午晚餐要食滾燙石鍋，首選厚豚濃菌湯底😋熱辣辣到🌬️🌬️🌬️薄豚啫係豚肉片厚豚就肥厚豚🤣每碗都有蛋和粟米上面呢個係海鮮～唔會滾燙的，海鮮丫麻太滾啲海鮮咪老，配濃菌湯都會比海鮮味蓋過淡啲有鮮蝦、蜆同帶子新鮮、鮮甜配辣湯會仲正😋😋😋呢到咁多年無變就係數據依然收得好好好好差🤣叫你食嘢咪玩電話📱好多人幫襯架～店家有wifi提供

❇️環境佢既位置係小街內，但一搵岩街就會見到，門口都有幾個街車位🇯🇵一行入去，就好有日本居酒屋既感覺同佢d背景影相，會好似係當地咁👍🏼.❇️食品好耐無食過咁煙韌，又熱辣辣嘅烏冬佢係用個石鍋直接上，所以大家要小心隻手一邊食 一邊都仲出緊煙.🔥活花甲手打烏冬（魚介豚骨湯）大家睇相都見到佢花甲幾大隻數量都唔少👍🏼個湯好濃味，但係食完之後都唔會覺得口渴👍🏼.🔥芝士吉列豬扒烏冬 （黑蒜油豚骨湯）芝士豬扒有做到拉絲效果😍食落去中間淡淡濃郁嘅芝士味🧀黑蒜油湯一放低就聞到好大浸蒜味😂啱晒鍾意食蒜嘅朋友.⭕️吉列忌廉蟹餅個蟹餅都好香脆，但係我個人就唔係好鍾意入面一pat pat.整體嚟講佢嘅環境又靚，烏冬又超級好食，我覺得我短期內都唔會再去👍🏼

萬豚屋一路以來味道都唔錯，湯底海鮮都good good，用料豐富。但我唔明白嘅係，其實佢本身係咪有用餐時間限制？我18:35落單，佢1910就印張單出嚟同我講話繁忙時間,其實我哋已經冇停過係咁食,有一碗未食晒分別有兩位職員分別同我哋講係咪食完要收走？

好好味😋好鐘意食石鍋鳥冬熱騰騰👍呢間有質素 每次晚上6點好走去排隊拉 好多人等😛好值得去食 價錢大約98-110一碗 佢個黑松露湯鳥冬好有味 吉列豬扒好正 好難得搵到呢間

𝕊𝕖𝕡𝕥𝕖𝕞𝕓𝕖𝕣 𝟚𝟘𝟚𝟚🙆🏻‍♀️： 想食烏冬呀🤦🏻‍♂️： 咁就呢間啦（之前都係聽朋友講呢間石鍋手打烏冬係唔錯，今次去開呢一頭突然想食碗熱湯麵類，咁就揀咗呢一間日式嘅手打烏冬店，分別叫左1. 自家吉列芝士豬扒手打烏冬（香菌濃湯）2. 活花甲手打烏冬（黑蒜油豚骨湯），湯底其實冇咩特別，唔係想像中出色，而家呢個價錢嚟講，價錢比較略貴，由於個人認為花甲份量不多，而且芝士吉列豬扒嘅份量比較細，加上吉列豬扒內的芝士沒有拉絲和不夠流心，感到有小小失望。）

#萬豚屋 尖沙咀 石鍋烏冬湯底用心 今次食左魚介湯 3豚肉份量都幾多 厚薄豬各有3-4片 仲有大腸3-4 粒腸都好入味 食吾曬 同行朋友食牛 牛肉就吾太多留意 坐得都幾舒服 剛好有卡位 吾會好似大門咁迫 價錢差不多 當然 沒有驚為天人既感覺不過都好食既 Lunch 就平啲+錢有野飲

本身諗住食佢既炸芝士豬扒烏冬，點知想落order既時候竟然無供應惟有就咁食炸豬排野菌濃湯烏冬啦 3.5/5炸豬扒正常野，無乜特別，佢調味料方面有金蒜，七味粉，柚子醬，想試吓唔同味可以點下。最想講就係個野菌濃湯烏冬，啲蘑菇冬菇吸晒啲湯嘅精華，一啖咬落去除咗有湯汁仲有好濃蘑菇嘅味道。加上黑松露醬嘅配搭令到個層次得到昇華，個湯真心好飲，不過石鍋真係好熱，小心啲食，辣親條脷。厚切豚肉黑蒜油烏冬 4/5啲肉好林好肥美又夠香，黑蒜油湯底好味道，相比野菌湯底會比較鹹，翡翠苗同烏冬既配搭都幾夾。如果真係要諗，我會建議厚切豚肉配野菌湯底。黑胡椒煮活花甲 4/5花甲夠大隻又新鮮又肥，黑胡椒湯底幾好味。地理:附近有好多酒吧，食完飯再去chill都幾好。環境:個冷氣機壞咗，食到汗流浹背，明明日本餐廳又播韓國歌價錢:每樣野平均$100，食唔到芝士豬扒真係好唔憤氣。服務:聽到侍應會同客人講，冷氣機壞咗，安排佢哋坐入邊涼啲如果知道芝士豬扒冇嘅話，應該係個餐牌度標示住，好過我哋睇咗5分鐘10分鐘，都唔好意思走人。