萬豚屋

營業中

休息中

本身諗住食佢既炸芝士豬扒烏冬，點知想落order既時候竟然無供應惟有就咁食炸豬排野菌濃湯烏冬啦 3.5/5炸豬扒正常野，無乜特別，佢調味料方面有金蒜，七味粉，柚子醬，想試吓唔同味可以點下。最想講就係個野菌濃湯烏冬，啲蘑菇冬菇吸晒啲湯嘅精華，一啖咬落去除咗有湯汁仲有好濃蘑菇嘅味道。加上黑松露醬嘅配搭令到個層次得到昇華，個湯真心好飲，不過石鍋真係好熱，小心啲食，辣親條脷。厚切豚肉黑蒜油烏冬 4/5啲肉好林好肥美又夠香，黑蒜油湯底好味道，相比野菌湯底會比較鹹，翡翠苗同烏冬既配搭都幾夾。如果真係要諗，我會建議厚切豚肉配野菌湯底。黑胡椒煮活花甲 4/5花甲夠大隻又新鮮又肥，黑胡椒湯底幾好味。地理:附近有好多酒吧，食完飯再去chill都幾好。環境:個冷氣機壞咗，食到汗流浹背，明明日本餐廳又播韓國歌價錢:每樣野平均$100，食唔到芝士豬扒真係好唔憤氣。服務:聽到侍應會同客人講，冷氣機壞咗，安排佢哋坐入邊涼啲如果知道芝士豬扒冇嘅話，應該係個餐牌度標示住，好過我哋睇咗5分鐘10分鐘，都唔好意思走人。

萬豚屋見就見得多 聽又聽左好多年但係真係食就第一次入到去已經FEEL到店內冷氣爭少少可能加上食呢喲湯類既野真係會好熱厚切豚肉烏冬湯底香辣麵䜴小辣 顏色唔錯望落去都好吸引 小辣岩岩好唔會太辣太咸 湯底唔會太稀 始終係石鍋 啲湯同烏冬食極都仲係好熱手打烏冬都幾有口感 好彈牙 唔會痴住晒一PAT PAT不過喲豚肉就少左喲 唔係咁夠我食食完先醒起有吉列豬下次有機會再試試先 整體黎講食物味道不過不失但可以改善下個冷氣就更好了 🙏🏻🙏🏻

十多年前超好食，幾年前開始轉咗湯底就無咁好食，但因為石鍋上都仲ok 嘅，耐唔耐就想食下。事隔幾個月再食番，今次個雞扒整得好好，超巨型又夠juicy, 雞皮仲要有少少脆，正。

在尖沙咀試左呢間既石鍋烏冬，叫左豚肉石鍋烏冬同青口石鍋烏冬，食物就不過不失，份量就唔多，價錢食左平均$110。不過重點！係！店員服務態度真係差到爆！一入去3個店員，兩個全程黑面對住你，得罪你定M到定趕住收工？都係八點鐘姐。仲要收加一服務費，但係連杯水都無得提供？你除咗落單同出餐做左咩？望住你黑面咋。環境都一般，咩機都壞，淨係可以俾現金，埋單既時候出單部機又壞，又要等一陣。一個唔好的經驗，完全唔推薦，唔會再食。

今晚約左好友吃好西，所以早幾晚做定功課，上網找尋好野吃，見到這間烏冬店分數好高，因此選左這間，但結果非常失望，湯底非常咸，味精十分重，麵性十分難吃，價錢與食物不乎合，非常貴，下次不會再來

( ͡° ͜ʖ ͡°) 萬豚屋 - 日式❝ 熱辣辣石鍋烏冬朋友話一定要試香菌濃湯 ❞✿ 上級牛肉手打烏冬 $92朋友推薦要食香菌濃湯有一大匙羹黑松露醬晌面 真係唔吝嗇用石鍋真係可以keep住熱湯一開始重滾緊熱到食唔到咁濟😂牛肉上嘅時候半生熟都嫩但唔重肉味要趁早食唔係就會太熟另外打左隻蛋 加埋湯一齊飲都正嘅～✿ 木魚豚肉玉子燒 $55餡料都算豐富 大大塊份量足蛋煎得有點太油 不過不失✿ 香煎豚肉餃子(6隻) $51 煎得都夠香脆 但就冇咩特別當加個小食share都可以嘅～╰☆* 推介指數：🌟🌟🌟/  ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿

好多年前黎食過覺得幾好食，前排同朋友再去食，之前仲有晚市堂市嘅時候，六點半左右去到都唔洗等位，餐廳比較細，環境都有啲擠逼，食物我覺得都係以前好食啲🤔🤔·上級牛肉手打烏冬(香菌濃湯$92)香菌濃湯即係黑松露湯底，聞到好香黑松露味，仲見到有一大pat黑松露係湯面😍😍烏冬上枱時非常熱辣辣，牛肉可以靠熱湯淥熟👍🏻烏冬好彈牙，仲吸晒湯嘅味，不過食食下就開始覺得有啲鹹😢份量唔算好多，女仔食就岩岩好，飲品都需要另外叫

【尖沙咀石燒烏冬專門店 萬豚屋 完全唔值呢個價】.見到店面寫住石燒烏冬好似好吸引，就入咗去食😮點知落完單無聊上網search下，先發現呢間嘢好多負評，即刻覺得好緊張😕//環境🌕🌕🌕🌕🌑裝修幾有日本Feel，座位亦都唔太逼，就咁睇都好似算乾淨🙆🏻‍♀️//食物🌕🌕🌑🌑🌑1️⃣自家製吉列芝士豬扒手打烏冬 （$100）佢有3款湯底可以揀，我揀既係黑蒜味，但食落完全feel唔到有黑蒜味，個湯底係一般味精味，個手打烏冬都算彈牙😕.個烏冬既配料有粟米粒同蛋，本身以為個蛋會係溏心蛋，或者起碼係個烚蛋，但佢係我自己喺屋企煮麵懶既時候，直接打隻蛋落個煲等佢熟個款蛋😞一送到上嚟隻蛋已經係徹底熟咗，D蛋白又散曬咁，好失望😟個吉列芝士豬扒都脆既，不過D芝士唔係會拉絲個隻，肉都比較薄身🥲2️⃣Daily Catch海鮮手打烏冬 （$109）佢落咗好多配料，有蝦、蟹柳等等，不過食得出唔新鮮，個蟹柳仲要爛曬，個湯底望落就OK，飲落就無味🤨//總結整體嚟講唔可以話好難食，但佢既質素完全唔值呢個價，唔會再幫襯了😂

-餐廳:萬豚屋-P1活花甲手打烏冬(魚介豚骨湯底）$99P2活花甲槄庭烏冬(魚介豚骨湯底）$107-啲蜆好大隻好甜好鬼正而且冇沙🤤🤤個湯底都好濃郁仲有幾個湯底可以俾你揀😍有香辣麵豉，香辣咖喱，香菌濃湯，魚介豚骨同黑蒜油豚骨🥰小編極力推介魚介豚骨因為佢係用唔同魚乾熬成嘅湯底😋👍🏻👍🏻👍🏻👍🏻烏冬都可以揀手打或者稻庭😼手打就會Q彈啲通粗啲🤪🤪-評分CP值:7/10好味:8/10賣相:7/10-地址: 尖沙咀赫德道19-23號地鋪#foodiehk #cake #hkig #hkeats #hkfood #foodie #餐廳 #餐廳推介 #美食 #美食推薦 #沙田美食 #日本料理 #日本菜

香菌濃湯上級牛肉手打烏冬$92因為用石鍋載着所以食到最後都仲係好熱，但係同時呢個亦都係一個缺點，牛肉越煲就越老，初頭食都好嫩嘅就但係因為之後過熟，所以之後食就比較老，而且佢有隻蛋係入邊亦都係越煲就硬，自己鍾意食半生熟蛋，但係烏冬食到最後都係彈牙同埋個湯真係好好味，下次會試吉列芝士豬扒手打烏冬.蟹肉牛油果野菜沙律$90好大兜好大兜好大兜！omg，真係好大兜，沙律新鮮蟹肉同牛油果都有足夠嘅份量，撈埋都好夾成為而且個份量真係好大個容器大過我塊面😅😅😅.Cp 值及夠飽: 我同屋企人兩個去食，份量都多，所以都夠飽嘅，但如果兩個男人去我諗就要嗌兩碗烏冬啦，我哋係一男一女咁去食.翻啅:我會因為個湯底同烏冬返嚟，另外我屋企人好欣賞佢個沙律

收藏左依間都一段時間 襯早收工係附近冇乜野做 就去左依度試下 夜晚6:30左右入座 暫時得2-3張枱 ， 之後開始好多人 到7點幾已經開咗要排隊 可見真係幾受歡迎黎食依間 緊係要試下石鍋烏冬 今次叫左「自家製芝士吉列豬扒手打烏冬」 湯底有4款簡 跟湯底收費，今次就叫左「魚介豚骨」（$99） 而男朋友就叫左「厚切豚肉手作烏冬」配「魚介豚骨」（$91） Order好快上枱。 上枱嗰陣熱辣辣起泡 豬扒分開上 。 厚切豚肉手作烏冬 豚肉相當厚 仲好肥美而芝士吉列豬扒手打烏冬， 湯底其實相當油 雖說係魚介 仲其實冇魚味😅 不過個吉列芝士豬扒絕對加分 ， 煎得岩岩好 豬扒入面有芝士係度 食落有豬扒味同時又唔會俾芝士味cover哂 ， 配上沙律醬 絕對一流 店舖冇水或者茶提供 需要order ，我地分別叫左「完熟水蜜桃梳打汽水」$26 同埋「活乳酸爆珠特飲」$28 梳打汽水其實都係支裝 水蜜核味相當重。 而爆珠特飲 其實係益力多味飲料加啲爆珠 冇乜特別。 依間其實相對性價比較貴 。貴既原因係餐廳冇提供水 如需要 最平都要$10 一支水 。 如果食到口乾飲多啲水都要俾多舊錢 唔急既會簡出去附近買飲

已經不再是以前萬豚屋，永遠black list ，食丼都唔係日本米，飯又吾熱，仲差過隔夜飯，的肉越咸苦，好失望，我估應該轉左手了。我見餐牌都轉左新嘅，員工衣服都唔同咗。

話說萬豚屋我幾年前就黎過一直都話要帶友人黎試下帶到今時今日先終於比佢食到🤣6點半黎到好彩未洗等位一入去就揀食咩我就一定係石鍋烏冬本來想食番活花甲手打烏冬不過諗諗吓都係試下個豚肉先湯底就一定係香菌濃湯🤡友人話費事2個鍋烏冬咁熱所以佢叫個石鍋飯喎ok~🥢吉列豬扒手打烏冬香菌濃湯($92)個石燒烏冬一上到枱仲卜卜卜咁滾緊上面仲有一大羹黑松露醬真係好揼本😍個吉列豬扒另上係基本即刻食一件脆卜卜，入面仲juicy架喎如果再厚肉d更好再飲啖湯撈埋d黑松露醬之後個黑松露味係淡左嘅不過佢本身個菌都好夠味所以好好飲唯一覺得有少少唔好係d菜嘅草青味都幾勁有少少蓋住個菌湯味添🥢泡菜豚肉燒石鍋飯($88)友人話佢d肉好多多到食到尾都仲可以啖啖飯都有肉😂而且石燒飯有飯焦👍🏻唔錯🥢香煎豚肉餃子($51/6pcs)煎餃子比起2個主食就遜色左少少喇其實又唔係唔好食不過就普通左d同埋煎得唔夠香脆咁囉😅整體黎講我覺得佢仲保持到水準嘅唔係都唔會仲有咁多數就排隊食啦🤡📍萬豚屋尖沙咀赫德道19-23號地舖

自從冇喺尖沙咀做野之後好耐冇食過呢兩日凍咗諗起就嚟食點知湯底大打折扣，同以前差好遠，依家得個喊字☹️但最令我失望係佢既服務…外面排隊時已經揀定野食，19:45入坐，19:51出入單雖然我哋食得快，但出面等位企咗咁耐食完都想坐多10-15分鐘休息陣先走點知一食完冇叫埋單就自動比張單我哋，出單時間係20:20（好後悔冇影相為證）半個鐘到就想趕我哋走，佢真是係好意思做得出😡😡😡佢仲不斷走埋嚟打開帳單睇下我哋比錢未雖然晚飯係繁忙時間，你一早set用餐時間得30-45分鐘，我唔會嚟食囉！以後唔會再嚟😡

💰豪快活蜆鰹魚湯烏冬 $98活蜆份量都幾多，但就有兩隻未熟嘅🥲 佢嘅湯底好普通，食落似係超市都買到果種鰹魚汁，而且勁咸，加上佢唔提供水，我愈食愈口渴！💰上級牛肉魚介豚骨石鍋烏冬 $88石鍋烏冬個湯底正常啲，唔會太咸，牛肉味都幾香濃，但真係好普通，可能我哋唔識叫，揀濃味嘅湯底應該會正啲掛🥲💰麻醬菠菜 $30覺得係三樣入面最好味嘅嘢～ 📍萬豚屋