華輝小食 (已搬遷) 新店位置

一直都聽人講依間係大圍既名物，今晚就同朋友試一試啦！ 平日見佢大排長龍，今日門口唔算多人，所以我地叫左一份小辣既手撕雞腸粉，叫完個姨姨會俾個牌仔你，我地就行附近睇下野等拎，等到個牌響就行番去拎！果然係名不虛傳，腸粉夠滑，手撕雞唔算好滑身，但雞皮好爽滑，而且既份量都多，而佢既醬汁麻醬同加少少辣味撈埋腸粉同雞絲一齊食就更惹味，成件事好夾，以$38價錢黎講都算幾抵食！兩個人share 份量都岩岩好大家下次經過真係可以一試，真心推介

陳皮嘅味道：擦子膠嘅口感購買腸粉後加$4有魚蛋滿心歡喜萬眾期待誰不知，放進口中一試，便知龍與鳳10分刺激我的味蕾相信魚蛋都是來貨的可惜就是取了垃圾級別的質素真心非常失望多年大圍的名物，真的大不如前非常可惜

作為大圍人 食過舊店久唔久都想食多次但情況每況愈下。。。今晚嗌咗雞絲腸粉-小辣返到屋企打開第一啖辣到不似人形辣度雞腸粉麻醬分量同質感，遠遠大不如前今次再嘗試多次都決定放棄呢一個心癮

見到好多網上嘅推介，話係大圍名物，必試之選。慕名入去試食。叫咗個手撕雞腸粉。個手撕雞完全冇雞味，口感非常嚡，亦都冇麻油香味，啲醬油都一般。腸粉係幾滑，但係冇咩米香。總結黎講，一般偏下水平，唔試都得。

係大圍LUNCH後行下，順便搵下大圍名物手撕雞腸粉，去到已經有人等梗，果然好受歡迎。以為只有外賣，原來係有堂食，實在太方便了。餐牌，除左手撕雞腸粉之外，原來仲有好多野食，以小食為主，飲品都有好多選擇。手撕雞腸粉之外有辣度揀，個形容句子好攪笑。先付款後取餐。手撕雞腸粉，$38，要了BB辣，雞肉份量適中，肉質幾滑，少少辣，腸粉皮薄又滑，有大量芝麻醬、秘制醬汁及芝麻，香口惹味。果然幾好味，下次有機再來大圍必食。大圍積福街積壽里4D號地舖

☘️搬咗嚟大圍一排，一直聽人講話呢間華輝小食嘅手撕雞腸粉係大圍名物，一定要試吓。我有幾次經過都見到排隊，尤其係食晏同放學時間，見好多學生排隊，所以每次想食都食唔成。☘️前排朋友嚟搵我叫我介紹吓大圍有乜嘢特別，我就即興帶佢嚟探呢個名物，可能係off peak 時間, 冇人排隊，我哋叫咗個芫茜手撕雞腸粉，因為我兩個都好鍾意食芫荽😋☘️個手撕雞腸粉份量都算ok, 芫荽好多好香，唔知係咪因為我哋要咗辣，所以感覺上雞有點偏咸，雖然麻醬香味都好濃，但如果可以減咸就好了！至於腸粉底就不過不失，作為一般小食係可以嘅，但係真心不覺得佢有乜特別！試過一次就夠了！

當日大圍最後一餐想食多D肉就search下揾到食手撕雞諗緊買半隻外賣算點知 網上講配 腸粉正👍🏻🥲手撕雞腸粉份量就一盒飯咁一個人食都夠1餐有花生醬淋係 手撕雞面豉汁就係腸粉底搞埋先好食手撕雞做到彈牙👍🏻吳 莓🤨本人無要辣但食落就feel到 辣辣地🤣吳知 係咪個style係咁🙊腸粉都夠滑👌🏻夾埋 雞又幾夾wo👍🏻結: 有水準 手撕雞腸粉👌🏻去開大圍 可以一試#手撕雞腸粉#華輝小食

終於有機會試試呢個手撕雞腸粉夜晚12點幾去到都非常多人等連埋排隊同埋等嘢食都差唔多半個鐘但味道果然冇令人失望鍾意食辣嘅朋友一定要試吓今次試咗大辣辣得非常過癮下次會加埋芫荽一齊試吓會唔會再好食啲呢間絕對係大圍飽肚宵夜嘅唔錯選擇

收錢加切腸粉個阿嬸把口唔係用黎講野既。俾個響既牌佢拎外賣，佢睥一睥之後大聲一句：擺抵喇！當我想問佢係咪呢袋？（因為在場有好多人等外賣，諗住問清楚唔好拎錯）個阿嬸就即刻喝一句：攞喇！請問佢份工係咪唔包講野，講多句會死咁。請呢d員工真心倒米🥲🥲個外賣袋出面Hi晒汁，問佢有無紙巾/布俾我抹一抹，佢就係咁易用塊布Hi一下，完全無抹到🥲個袋仲係好污糟。講返野食，手撕雞腸粉都仲keep到，味道ok。但粢飯完全係伏，好難食🫣

叫左兩盒例牌手撕雞,兩盒都有半個雞殼,雞翼,雞脾,仲搭多兩條雞頸基本上有一半係骨, 究竟佢撕左d肉去邊？ 未見過有骨既手撕雞…..............完全唔會再幫襯lor

之前一直見好多人話呢間好好食，但係位置實在有啲遠，所以一直都冇去試。不過今次喺大圍嗰邊食飯，所以決定買個外賣返屋企試吓。咁我覺得如果要食掛就一定要食例牌手撕雞，話明係例牌應該唔會中伏。我覺得佢雞肉都夠嫩滑，調味唔錯仲有芝麻香。不過最大問題係下面有一大舊骨，本身都覺得幾抵食，但係咁大舊骨又真係覺得有啲唔值。同埋我比較唔明既係，點解我明明叫唔辣，最後食落去會辣辣地？其實我就食得辣嘅，但係我覺得好似俾佢呃咗咁。

講起大圍，大家一定會諗起呢間手撕雞！呢家小店最出名就係手撕雞腸粉！但係姨姨態度好一般，唔知係因為唔憂做定係咩原因。腸粉手撕雞 $38★★★★☆手撕雞唔算超級滑身，但雞皮好爽滑唔會好漏。比起手撕雞，我更欣賞個腸粉，佢食落好細滑，完全唔鞋口，熱辣辣食更好味。佢個醬汁以豉油同花生醬為主要元素，食落好香花生醬，加埋D芝麻，好惹味！但食到去中段D醬汁太多變左浸腸粉手撕雞，而且腸粉又索汁，變相好咸，食唔落去。但整體係好食，2-3個人SHARE就岩岩好。沙薑鳳爪 $28★★☆☆☆鳳爪係大大隻，一盒有6隻到印象中。沙薑味只係得鳳爪表面，鳳爪入面冇咩味道，仲食落有陣雪藏味。雖然價錢唔貴，但唔值得一食。🌟總括：腸粉手撕雞推薦大家一試，但係沙薑鳳爪唔洗叫，無謂哂左個肚。

手撕雞腸粉 $38叫左小辣 但都幾辣下 唔食得辣既注意我下次會叫BB辣手撕雞好入味好好味 腸粉都好滑 份量比想像中多抵食 但啲姐姐態度麻麻地 可能太多人 keep住都有人排隊有得堂食幾好 都坐得算舒服

呢間舖已經不如從前咁好味，職員很不友好，店鋪裡面環境差，檯面好多油，都無人清潔，企係店內一陣，職員會叫你企出門口，話阻到佢地，感覺上就唔係想做人生意，建議想食手撕雞，唔需要特登去呢間，不值得一嚐

話說今日去喱間野買手斯雞腸粉好記得本人電話內置八達通只有20幾蚊本人就用自動增值增左$100第一次拍卡佢話收唔到之後拍第二次佢又話收唔到但係我嘅付款紀錄佢就收咗我50蚊又冇收據。。…..我同佢有坳我話你收咗錢但係佢部機又顯示佢收唔到錢 最後我就俾咗$50現金佢收銀個肥婆態度非常差同埋佢成日都話部機都係咁人哋見到佢收咗錢但係佢見唔到佢八達通嗰部機收咗人錢X店黎架。大家吾好再去。態度又差。又收多人錢 真系垃圾都 不得了。