華輝小食 (已搬遷) 新店位置

講起大圍，大家一定會諗起呢間手撕雞！呢家小店最出名就係手撕雞腸粉！但係姨姨態度好一般，唔知係因為唔憂做定係咩原因。腸粉手撕雞 $38★★★★☆手撕雞唔算超級滑身，但雞皮好爽滑唔會好漏。比起手撕雞，我更欣賞個腸粉，佢食落好細滑，完全唔鞋口，熱辣辣食更好味。佢個醬汁以豉油同花生醬為主要元素，食落好香花生醬，加埋D芝麻，好惹味！但食到去中段D醬汁太多變左浸腸粉手撕雞，而且腸粉又索汁，變相好咸，食唔落去。但整體係好食，2-3個人SHARE就岩岩好。沙薑鳳爪 $28★★☆☆☆鳳爪係大大隻，一盒有6隻到印象中。沙薑味只係得鳳爪表面，鳳爪入面冇咩味道，仲食落有陣雪藏味。雖然價錢唔貴，但唔值得一食。🌟總括：腸粉手撕雞推薦大家一試，但係沙薑鳳爪唔洗叫，無謂哂左個肚。