華輝小食 (已搬遷) 新店位置

☘️搬咗嚟大圍一排，一直聽人講話呢間華輝小食嘅手撕雞腸粉係大圍名物，一定要試吓。我有幾次經過都見到排隊，尤其係食晏同放學時間，見好多學生排隊，所以每次想食都食唔成。☘️前排朋友嚟搵我叫我介紹吓大圍有乜嘢特別，我就即興帶佢嚟探呢個名物，可能係off peak 時間, 冇人排隊，我哋叫咗個芫茜手撕雞腸粉，因為我兩個都好鍾意食芫荽😋☘️個手撕雞腸粉份量都算ok, 芫荽好多好香，唔知係咪因為我哋要咗辣，所以感覺上雞有點偏咸，雖然麻醬香味都好濃，但如果可以減咸就好了！至於腸粉底就不過不失，作為一般小食係可以嘅，但係真心不覺得佢有乜特別！試過一次就夠了！