華豐燒臘

營業中

休息中

呢間嘢平時中午/下午茶都好鬼full！我揀咗少D人所以下午茶先食！燒鴨髀賴(免斬）+例湯🤤🤤燒鴨髀個size都唔細喎！反轉背面好厚肉!! 咬落肉汁豐富!😭😭我已經深深迷上食髀嘅快樂! 真係爽好多!除此之外，不得不讚佢哋嘅例湯！碗湯都幾足料! 而且冇味精！💛💛基本上每一台都冇嗌嘢飲，直接揀湯!呢個價錢依中環嚟講都係性價比超高而且比起平時啲燒味舖坐得舒服好多!希望之後唔會變成遊客生意啦😭😭😭

呢間舖離晒譜，拿票等枱， 我們二人門口等，見有人埋單， 我以為一陣可以入。 過一陣， 有一人、三人、四人打招呼，夥計直接放人入，我開口說：我有票， 點解我唔可以入。伙記答： 你哋兩個人要等， 他們四人可以入。夥計咁嘅態度，認真趕客！

平日午市經過親都人山人海，不乏外地嚟嘅遊客朝聖，返工都冇機會去試食，終於星期六下晝經過見到下午茶時段冇乜人就即刻入咗去唔知係咪因為唔算太繁忙，喜喜地雖然冇額外加錢，但係都有隻燒鵝髀朋友叫咗乳豬飯，因為好耐冇食，選擇困難嘅我哋梗係share啦燒鵝髀以下午茶嘅價錢黎繼10分抵食，皮脆多汁，大大隻，加埋甜酸汁食到舔舔脷，再配埋例湯，飲完完全唔口渴，絕對冇落味精，湯底濃郁睇得出係真材實料乳豬飯雖然望落去少少乾，但係識落口係香脆嘅感覺，夾雜着肥膏，再加埋乳豬醬一齊食，別有一番風味，雖然好邪惡，但係久唔久一餐都冇問題嘅。希望下次經過冇乜人排隊又可以再試吓

一黎碗飯就知唔好食，我叫左雙拼，肥叉肥燒肉飯，走汁，凍奶茶少甜燒肉皮肉分開，切唔斷，重有骨，叉燒表面有光澤但食落好乾無味。基本上我唔係期望嘅嘢，鋪面門口都幾靚。服務就正常。

燒味（叉燒）是不錯，早餐算抵食（中環區計），杯奶茶都幾香。但侍應服務態度真的麻麻…..一個人入去，明明有位，佢點都要你同人搭枱。人地食野，都係想休息下，靜下，係都要迫人同陌生人面對面坐，仲要好無禮貌。有次帶住小朋友，都係搭枱，個位對住風口位，小朋友覺得好凍，同侍應講要轉位，點都唔肯。埋單俾錢，唔好諗住佢會同你講聲多謝，今時今日，咁既服務態度還可以嗎？

啲服務態度真係一般食物質素一般最重要係入邊啲卡位收唔到電話訊號個Wi-Fi又用唔到朝頭股票一開乜都買唔到要喺股市賺錢嘅，就最好預咗上唔到網我試過開始升咗百幾點到完全買唔到同佢哋啲職員講佢哋淨係識苦笑

有一次一個人食晚飯諗唔到食乜就入咗依家去食叫咗豉汁蒸䱽魚好好味，同埋都新鮮好大條叫咗腐竹上湯煮勝瓜好味道同新鮮都幾大碟一個人差唔多食晒晚餐跟set會有一個例湯同白飯至少食完冇口渴，唔眼瞓應該係冇味精唔同其他茶餐廳有好多都有味精同埋性價比唔夠高至少人流多食物比較新鮮有一次叫咗蒜蓉白菜仔都唔錯仲有 有時冇晒鯧魚佢仲有其他魚 有一次食咗馬友同黃花魚 都唔錯 我就見到好多人食佢嘅燒味飯同乳豬估計應該好好味同埋見到蒸肉餅都好大碟

首先是叉燒燒鴨飯，燒臘的味道濃郁，叉燒皮酥脆，燒鴨肉質鮮嫩，整體口感不錯。但可能有些許油膩，希望店家能夠控制好油脂的分量，使得菜品更加清爽。接著是臘味三寶飯，裡面的臘肉和臘腸確實很美味，味道濃郁，口感豐富。米飯與臘味的搭配也相得益彰，給人一種回味無窮的感覺。不過，有些許油膩，建議店家在烹飪過程中注意減少油脂的使用。最後是南乳粗齋煲，這道菜的味道也很不錯，南乳的獨特風味與粗齋的鮮美相結合，入口鮮香，令人難以忘懷。菜品的烹飪技巧和調味也相當到位。總的來說，這家傳統燒臘飯店的菜品表現還算不錯，尤其是叉燒燒鴨飯、臘味三寶飯和南乳粗齋煲都展現了燒臘風味的特色，值得一試。希望店家能夠繼續保持菜品的品質和口感，給顧客帶來更好的用餐體驗。

今日朋友臨時有事，於是自己一個人食午飯，原本打算買外賣，最後意外走到中環街市斜對面的「華豐燒臘」於是決定去那裏食飯！其實我細細個就聽說過，華豐以賣出色的「叉燒」而聞名，店舖門口非常顯眼，吸引了許多人在那裡等候。室內燈光明亮，正中間懸掛著華豐金色字樣的裝飾，地板上則鋪著十字花式的啡色圖案。值得一提的是，服務員的態度比以前好一點，算有禮貌！我點了一份午餐，選擇了切鷄脾飯（午餐) 加上煎蛋🍳，並且再加上一碗例湯。切鷄脾飯的切鷄啖啖肉，口感鮮美嫩滑，還有一隻煎得恰到好處的荷包蛋，再加上秘製的甜鼓油，讓我吃得非常滿足☺️☺️這頓午餐只需$88，連例湯一起算在內，在中環來說，真是十分超值！真心推介，佢哋凍檸檬茶，奶茶有水準，薑蔥蒸鯇魚、叉燒飯、粟米滑蛋脆魚柳溫馨提示：佢哋海南雞飯，份量細，雞肉有點靭，反而叫雞髀飯仲實際切鷄脾飯(午餐) $88.00 ⭐️⭐️⭐️⭐️➕煎蛋例湯-25.00華豐燒臘地址：中環域多利皇后街58號號鴻基大廈 地下A, B & E号號舖

呢間餐廳我幫襯左差不多八個月，食物可以的，但某侍應就👎👎👎👎👎該侍應係著黑衫黑褲，應該係高級啲掛，但佢態度比其他侍應差到不得了。同客落單唔係行埋嚟個客度，而係隔幾張枱大聲問個客：食咩，講丫！我想講你哋唔係大排檔，唔係咁樣隔幾張枱嗌個客落單嘛😤果個侍應成日衝衝衝咁，好似得佢忙，把聲同態度都👎👎👎👎👎味道幾好食都無用！

華豐是一家以前以賣叉燒而聞名的燒臘店，他們的叉燒非常美味，從一家由燒臘店轉型為燵爉茶餐廳，而這家茶餐廳平時門外經常排隊，尤其有三分之一的客人是來自大陸的遊客。因為我和同事剛好要到附近買東西，所以順便光顧了這家餐廳。我的同事點了他們的四寶飯和例湯，賣相吸引，而且味道應該也不錯，特別是雞肉，口感好，且帶有新鮮的雞味。另外，我點了一份海南雞脾飯，雖然米飯略嫌有點硬，但雞肉的質地還算不錯。他們的凍檸茶非常好喝，相對於現在很多茶餐廳的飲品，可以飲得落口，又真係到好飲嘅地步都算係咁！無骨海南雞脾飯飯⭐⭐⭐HK$90賣相擺設靚，雞🐓味好，似走地雞，但整體okay，但飯比較硬。四寶飯⭐⭐⭐⭐Hk$72賣相極吸引，我同事話好好👍🏼食不過我見到佢嘅「燻蹄飯「都應該睇落去唔錯，同埋好多人叫佢哋嘅「臘腸飯」，如果唔怕肥應該都可以選擇一下！

其實呢間野我都食個好多次呢野食係ok嘅侍應嘅服務都唔係差但我想講我今次去嘅時候我問緊侍應a如果加餸係幾錢咁啱侍應b係隔離 就答侍應a要加三十幾蚊咁我就同侍應a講我再睇下先咁其實我就正正坐係落單機隔離（即係侍應b嘅隔離）可能侍應a話加三十幾蚊覺得貴 侍應b即刻好大聲話：唔洗錢呀？而家啲野唔洗錢呀？係咁架啦果下我勁想講：halo。其實我坐係你隔離咋你要講都唔應該係個客面前講囉真心。係得呢個侍應係咁。其他都冇嘢

早上11點去中環見客.見早到中環半小時,路過華豐,內有座位.入內吃個港式早餐.沙爹牛麵,煎蛋,多士,熱奶茶.沙爹牛麵,沙爹汁夠香夠濃,牛肉唔鞋,熱辣辣,又香又好味.煎蛋及多士,即做既出,太好.奶茶,茶有茶香,少有.煮得好,少有的出色.服務和衛生方面,都不错.下次,我想試埋燒味飯.

今天早上要到Soho區見客，食過早餐有力行上去。有人話華豐食物差，服務差。我要試試如何。照舊，沙爹牛麵，熱奶茶,配煎双蛋和半件多士。早餐$42.沙爹牛麵，我覺得不错，沙爹味香，牛肉一件件，不是那種碎片，麵也恰當，温度夠熱。奶茶，值得讚，第1口已飲到茶香，好開心，好滿足。茶也滑。煎双蛋和多士，都正常新鮮。好既早餐，一天既好開始。服務正常喎。有人話這店燒差，我希望以平常心去品評,。好的要讚；差的，評論出來，希望有所改善。下次來會試肥义和燒味。

依間的燒味在附近很出名，咁諗住去試吓啦，結果就食到一肚氣😡😡咁因為下午茶時段比較多人，咁我哋等陣係沒有問題，但是我哋連位都沒有就叫我哋落單，我知道他們忙，但也不是這樣迷你四寶飯 $46 推薦指數🗯️：🌟🌟🌟依家出名的就是燒味，所以燒味味道方面絕對可以放心，不過份量就真係好少，就算係細食的女士也只是勉強夠飽頭抽鮮魷炒麵 $58 推薦指數🗯️：🌟🌟🌟🌟他們的炒麵也炒得好乾身，食落好有「鑊氣」，而且調味都做得好好，唔會太鹹太淡，鮮魷食落都算新鮮，唔會咬唔開欖角菜甫肉碎炒飯 $58 推薦指數🗯️：🌟🌟🌟同樣都炒得好乾身，不過因為用菜甫去炒，所以食落會比較濃味，但又不止於食完好口乾，都算唔錯雖然整體食物質素都唔錯，但係員工的態度讓我絕對不會再嚟，也不推薦別人，我哋在用餐過程中，見到員工就係我哋旁邊玩鬧，更是貪好玩咁想將污糟嘅杯放係我哋枱上，你忙冇服務，我都覺得冇問題，但係咁樣連基本尊重都冇☹️