華豐燒臘

一心想在中環食個燒味飯. 原本想去一樂, 不過人又多又貴, 伙記態度麻麻. 見呢間都有人排隊, 諗住實冇事. 首先環境係OK, 伙記服務態度算係好好, 有問有答. $85一個燒味餐, 凍飲加個例湯都係$111. 叫左個义鵝飯, 係加左15元先有得食鵝. 點知......... 啲鵝只得皮同肥肉, 6舊係完全冇肉. 真係好失望. 义燒係OK. 心諗早知叫鴨仲可以慳番15元. 見周圍其他人都係冇叫燒味...... 可想言知. 後來同收銀反映, 佢好有禮貌話... 你出聲嘛, 換過俾你...... 我都好無奈.…查看更多

今日放工約老公係中環附近食晚飯，發現呢間餐廳裝修得不錯，不似一般茶餐廳，環境乾淨舒適。**金菇瑤柱扒西蘭花**清爽又夠味，西蘭花脆脆的，吸滿了瑤柱的鮮甜，金菇則讓口感更滑溜，吃起來很舒服。 **麥味欖角金沙骨**這道菜就是邪惡又誘人！金沙骨炸得外脆內嫩，欖角的鹹香讓整體更有層次，一口接一口完全停不下來。 **例湯**熬得夠火候，用料充足，不過味道鹹咗少少，如果唔係就100分。總結味道好，環境OK，吃得開心！…查看更多

呢間嘢平時中午/下午茶都好鬼full！我揀咗少D人所以下午茶先食！燒鴨髀賴(免斬）+例湯🤤🤤燒鴨髀個size都唔細喎！反轉背面好厚肉!! 咬落肉汁豐富!😭😭我已經深深迷上食髀嘅快樂! 真係爽好多!除此之外，不得不讚佢哋嘅例湯！碗湯都幾足料! 而且冇味精！💛💛基本上每一台都冇嗌嘢飲，直接揀湯!呢個價錢依中環嚟講都係性價比超高而且比起平時啲燒味舖坐得舒服好多!希望之後唔會變成遊客生意啦😭😭😭…查看更多

呢間舖離晒譜，拿票等枱， 我們二人門口等，見有人埋單， 我以為一陣可以入。 過一陣， 有一人、三人、四人打招呼，夥計直接放人入，我開口說：我有票， 點解我唔可以入。伙記答： 你哋兩個人要等， 他們四人可以入。夥計咁嘅態度，認真趕客！ …查看更多

平日午市經過親都人山人海，不乏外地嚟嘅遊客朝聖，返工都冇機會去試食，終於星期六下晝經過見到下午茶時段冇乜人就即刻入咗去唔知係咪因為唔算太繁忙，喜喜地雖然冇額外加錢，但係都有隻燒鵝髀朋友叫咗乳豬飯，因為好耐冇食，選擇困難嘅我哋梗係share啦燒鵝髀以下午茶嘅價錢黎繼10分抵食，皮脆多汁，大大隻，加埋甜酸汁食到舔舔脷，再配埋例湯，飲完完全唔口渴，絕對冇落味精，湯底濃郁睇得出係真材實料乳豬飯雖然望落去少少乾，但係識落口係香脆嘅感覺，夾雜着肥膏，再加埋乳豬醬一齊食，別有一番風味，雖然好邪惡，但係久唔久一餐都冇問題嘅。希望下次經過冇乜人排隊又可以再試吓…查看更多