華記小食店

營業中

休息中

9-2-2013(六)是日上班前，先吃個早餐暖暖肚，選了位於涌美村的「華記小食店」用餐。它位於涌美村的最一行的最尾位置，稍不留神就很容易會錯過，絕對夠「隱世」！今天肚餓得很，所以我點了 5 餸 (魚蛋、炸魚卷、菜餃、豬腸、魷魚) + 1 麵 (粗麵) + 秘製咖喱汁 (另加$2)。 喝下一口湯底，是有加了少許味精，但確實比一般市面車仔麵店的湯底來得出色；魚蛋爽滑彈口，有魚味，沒有粉狀的感覺；炸魚卷份量足，炸得香脆可口，吃罷兩條仍想繼續吃；豬腸也不錯，炆得夠腍之餘本身亦已經很入味；菜餃的皮很薄，一咬下內裡有很多汁，很好吃；魷魚比市面一般車仔麵店的有少許的不同，外面吃開的是隨意的灼熟便上桌，而這裡的魷魚則不是白灼，而是有用配料去煮過，很入味。秘製的咖喱汁很濃郁，帶很重的辣味而且不太甜，吃到最後也不會覺得膩，另加 $2 也是值得的！滿滿的一大碗送進肚子裏，飽到暈，真的可以連午飯錢也可省掉了。。。絕對能媲美灣仔「車仔麵之家」的質素，誠意推介！

在青衣上班，平時食來食去都係翠怡入面的食肆呢日就同同事上了涌美的華記食車仔麵如果唔係同事帶我去，我都發現唔到呢間食店...好多學生幫襯呢~~去到要排一陣才到我~~車仔店內食物五花百門...經同事及店員推介下，就叫了湯伊+蘿白、豆卜、菜肉餃、"老"水蛋、鴨舌同炸雞翼蘿白<<甜, 多汁, 無渣......好耐冇過食呢種味道!...食完又唔會好口渴...真係多汁到會漏出來...果種甜又唔係浸糖水的甜味....一份有成4~5舊，唔叫就對唔住自己喇!!豆卜<<現成貨，但索盡湯汁，即刻提升味道!菜肉餃<<不知是自製定來貨? 一份3粒...比預期中出色，沒有草腥味！..下次要再叫先得~~"老"水蛋、鴨舌<<雞蛋不算很大隻，但勝在入味...平時唔多食蛋都食了2隻; 鴨舌, 其他地方食開的鴨舌就得條舌, 呢度有埋條喉嚨食，初時都唔敢食，不過試左一口~~正呀...好爽脆~比一般的鴨舌多一重口感~~~食下一條食下又一條，搞到同事食得一條咋唔好意思喇....雞翼<<店主在店的側面生炸出來的....外脆內嫩...唔會食到一口油...

開始第一次拍攝活動, 好緊張在不知地點詳情的情況下被賣豬仔, 要九曲十三彎咁跟著團友去冒險, 結果入村兼翻過竹林才找到這隱世車仔麵檔拍攝花絮就不便透露, 不如就講下食過乜撈麵有功架撈粗生麵 ... 粗生麵爽囗彈牙, 撈麵豉油是「車仔麵王子」特調；咖喱魷魚沒有梘水味, 還有魷魚的嚼勁存在, 咖喱質地滑並帶有奶香；蠔皇冬菇厚肉, 炆煮得入味, 菇身滑溜；毛肚(黑柏葉)軟腍, 稍稍一煮沒有縮起變韌；牛肺帶口感, 是因為還有脆脆喉管連住, 濃滷水味道蓋掩了牛燥味。撈油麵 ... 油麵唔粉唔油膩；黃金蘿蔔因為有用咖喱粉及十多種馬來香料煮過 , 所以顏色金黃, 味道清甜並帶隱約香料味, 選用價錢貴3倍的韓國蘿蔔, 貪一年四季都咁甜, 不過曾吃到一件有幼渣, 另外一件帶苦澀；黃沙牛膀潤味濃郁, 炆得腍滑, 滿口鬆軟。聞名辣椒醬...我只落了少丁丁, 開始時鹹鹹香香惹味, 辣度是可接受, 可是後來辣度上升, 越來越辣, 直情感覺到我的豬唇脹脹 , 發慶 辣到無晒味覺, 幸好工作人員話歡迎encore再排過隊去拿食物。「車仔麵王子」精心製作的心太軟 , 實為酥炸鯪魚球, 純肉製作, 入囗外脆內軟,

每個星期六起床一定會想起的車仔麵。不是因為J2，不是因為飲食男女，而是一早已愛上的傳統車仔麵、傳統的凍奶茶，傳統的味道...及那個十分喜歡硏發車仔餸的年青人----王子！！！很久很久沒有見過一個用心努力做食物的人！炸雞中亦，應該是大多香港人的最愛，亦是香港所有食店都提供的食物。但王子是唯一一個執著認真去做炸雞亦的人！他十分在意食客的反應，並加以改良！！除了車仔麵的基本新鮮好味主打：豬腸、豬紅、蘿蔔、菜餃、水餃、油菜‧‧‧等等。再有人氣限定(必等)：魚肉栗米炸雲吞、層次炸雞中翼更有傳統各式飲品：支裝維他奶、支裝汽水 及 秘製凍奶茶還有不日時令驚喜(可遇不可求)：亞婆豬腳仔、豬睥仔、咖哩魷魚‧‧‧無論是情感上，又或是味道上，華記車仔麵永遠是我的最愛！！！

之前睇電視介紹~見近近地去試下~~去之前睇下原來收好早~所以平時星期日訓到好晏ge我都突登早d起身去~~11點同埋d fd去到~搵左一陣問下人就搵到~~(原來涌尾邨都幾大ga wor) 去到叫左車仔麵先~~有牛腩,魚蛋,蘿蔔,牛膀,牛筋,雞翼尖.....加3碗麵~牛腩淋淋地~蘿蔔係幾甜~~其他餸都唔錯ge~因為去到個陣d炸物賣哂~老細話要等下先有~好~星期日無野做~咪等下lor~~叫左炸雞翼,魔鬼雞翼,炸豬排,炸雲吞~豬排:幾正~~簿身~~炸得岩岩好~~魔鬼雞翼.其實係炸雞翼加麻辣醬~~幾特別~~好香~~但幾辣~炸雲吞:呢個都幾特別~平時炸雲吞係蝦肉or豬肉~佢係牛肉加栗米~~幾創新~炸雞翼:都唔錯~~不過全場最最最正ge就係辣椒醬~~叫宗極辣椒醬~~~好似XO醬~~勁香~一入口唔係好辣~但食多幾啖d辣醬就黎料~~又香又辣~食完個嘴仲少少腫腫地,興興地~~好正~唔怪得知見佢出左告示話有人偷佢d辣椒醬~本身諗住買返瓶比屋企人試下~但可惜賣哂~老細話仲爭人好多瓶...但可惜今次食唔到水餃同天使雞翼~~希望下次有幸la~~臨走前老細仲比左facebook我地tim~~幾識做後生仔女市場~ha

小妹幫襯此店，是由小時開始，雖然己投身社會工作及已搬離青衣一段時間，但逢放假而又有空的話，必定會回青衣，與家人一聚，前往華記，每次都係坐起同一張凳，可能日久生情吧。而自從睇完J2台之某飲食節目，感觸好大，王子由一個西裝骨骨既男子，脱下領呔，每日用心工作十幾廿個小時，為的，就是客人既一碗麵……小妹更一直有留意此店之食評，而發現近期有某D所謂食評家，可能連煮野都唔唔識，更甚既係連味精都未見過，究竟係行家惡意“種”傷，還是……，所以，小妹今日，就毅然決定個真真正正既網上食評家，踢爆真真正正過份吹虚之所謂名店!!!是日天氣清爽(10月27日，星期六)，宜吃車仔麵，小妹連同哥哥、媽、爸共四人一同去華記食車什麵，由於一家四口人齊，一到，哥同爸B去搵位，媽就跟我去排隊叫麵食，排隊用左約廿零分鐘，值得一讚既係“陸”麵大叔同我地講早晨(之前唔笑加木口木面)，分菜姐姐既笑容更是爆燈加親切，由於爸B信觀音及唔食辣，所以我地其他人就將辣既同牛類放於自已碗麵內，再另外叫左碗淨送，，如下：豬紅3份、黄金蘿蔔2份、豬腸2份、雞翼尖、鮮鵝腎拼鸭舌、魔鬼雞翼(1份3隻)食評:豬紅，好滑又夠入味；黄金蘿蔔:清甜入味，顏色

以前住涌美，對於華記一點也不陌生，中學時更是常客，早兩年前也寫過食評，那天特然心血來潮特地回來再回味一下，可惜美味不再，而且印象甚差，真想念以前鬍鬚老的踏實企理美味的車仔面。為何感覺差了? 先說食物，比以前的選擇多了，什麼天使王子公主等等食物旁邊總會有"飲食男女"這幾個字，鋪天蓋地除非你是盲的不然你一定不會看不到，可是食物質素差了，是因為人流多了嗎? 這次來吃還是點了以前每次都會吃的豬腸蘿蔔，還有以前沒有的窄負皮，本來吃窄雞中異，可是買完了，可惜。豬腸梅梅爛爛的...蘿蔔口感還可以保持有口感的水準，可是咸了點，沒有了以前那種入口咸中帶點清甜的味道，而窄負皮感覺一般。整體來說，味道差了，只是一般的車仔面。另外，也真想說說煮面與選菜的一男一女，他們不停在說笑甚至有時候在動手打鬧，大家有講有笑感覺輕鬆的不是問題，但眼見他們的口水都噴到前面的食物裡面實在太噁心了 女的指甲長長的又塗了不知道是黑色還是深紫色的指甲油...收完錢手都不抹一抹就用手去拿食具食物... 拿喳面就是這樣了吧，外面的車仔面也是這樣吧，但這不應該出現在華記! 以前干淨企理的華記似乎因為人流增加已經不再了.. 什麼"飲食

近年電視的飲食節目很多，不時都會介紹一些食店，雖然有時都會看到一些不錯的食店，但想要去的感覺通常都不那麼強烈，只是記下名字，但沒有立刻定下到底什麼時候要去，但這一次比較例外。在週中看過節目之後，就決定要週末去試試，原因是因為怕再不去就沒機會了。節目應該是重播而不是首播的，可是當天下午的客人超級多，就連店員也說很久沒有看到這麼多客人，我想他們也是看過節目才來吧。這家車仔麵店頗隔涉，在青衣地鐵站還要轉巴士上山才到，而就在我在網上找到底有什麼車可以由家裡直接到青衣，發現附近竟然有一架巴士可以直接去到車仔麵所在的那條村，雖然車程長，但如此方便，更加沒有可能不去呢。節目裡說這家車仔麵從前是車仔檔來的，然後因為生意好所以搬了入舖，店主過身後就由他的兩個兒子和太太繼續經營，可是大兒子和二兒子不和，二人雖然一起工作但幾乎是零交流，而媽媽就變成磨心。店裡面有兩款不同的辣椒醬，他們各自都說那是根據爸爸的秘方所做的，每次有客人查問關於那兩瓶辣椒醬，媽媽總會叫客人兩款都試，由客人自己選擇喜歡那個，但節目最後有提及媽媽年紀漸大，如果她離開車仔麵店的話，大兒子也會跟著離開，也就是說如果媽媽不做了，那麼就只會剩下一

真係要推介一下！😜幫襯此店都一段時間，想推介比d識食既人，分享一下~😁😁我嘗試過好幾款：黃金蘿蔔：清甜而且冇渣😱豬紅：滑口而唔會散，味道ok😃鮮豬腸：用新鮮豬腸製，味道正👍，仲有肥有瘦good😄冬菇：係用韓國菇黎整，味道超正，由其係d汁，用了陳皮同蠔豉，勁落本而且$12份😍😍咖哩魷魚：香而不太辣，食到用左多種香料秘製😀😀層次雞翼：正正正！一定要試！外脆內滑，慢慢咀嚼會感覺到吾同味道😱😱粟米魚餅：未食過d魚餅冇骨，啱哂d怕魚骨既人，魚肉係海魚打成👍加左陳皮，整到塊魚餅好香😍粟米係新鮮既見老闆一粒一粒摘，真有心機😊😊撈米／麵：老闆自家製秘製豉油👍👍👍總括此店食物，食得出用心去煮🍴為食既朋友，可以不妨一試！😉😉不過逢星期一休息架！

這天十二時許跟友人決定去試試！店子應該有多年歷史，都是街坊幫襯為主。我點了伊麵底、牛腩、豬腸、魚蛋加了咖哩汁，用料新鮮，咖哩汁辣得來有刺激的感覺！之後還來了一客小食：即炸雞翼～超好吃！總括這店真的值得車仔麵愛好者一試！

都係街坊生意, 個個星期都係咁多人。唔知係唔係太多人識, 唔知老闆還是邊個, 態度又真係平平, 唔憂做, , 叫慢少少都話。今次試下伊麵, 味道唔錯, 少少甜, 但係爽口不腍, 出奇?冬菇: 都係甜, 炆得好腍, 是我至愛, 細細隻口感好, 一口食晒。牛腩: 唔肥, 冧, 入味。豆卜: 無乜特別, 勝在索湯汁有味。幾個朋友叫埋, 三碗嘢, 要$109, 其實真係貴。但員工的態度, 真係要改善,嚇怕人, 附近間間服務都好, 唯獨佢哋同間舖一樣自成一角。

本身居住青衣多年的我已經聽過不少朋友對的好評，但自己始終一直未有嘗過；終於當日下午便與老公仔史丹利走去試試!由於正值午飯時間， 我與老公仔約等了數分鐘後才"有位"，甫坐下立即點了咖喱魷魚、冬菇、黃金蘿蔔和豬腸加米粉來吃! 冬菇沒有帶任何苦澀味，吃得出有很香的陳皮味道，細心的老闆將冬菇切得細細件上碟方便像我們女仕們享用 黃金蘿蔔是他們的推介食品之一，大大件很清甜兼無渣，好好咪 而咖喱魷魚和豬腸味道十分出眾，特別讚賞其咖喱汁香濃惹味! 可見師傅的用心製作，配以米粉來吃真是一絕!!最後我們還點了一個層次雞翼，雞翼上碟時香氣撲鼻! SIZE也是"重量CUP"，細問老闆下才知道雞翼是原庒由巴西進口，它入口爆脆多汁，雞翼醃料味道獨特，作為食客以9元2隻的售價絶對超值!!

幫襯華記多年,明知佢哋好鍾意拉閘休息,所以已經好保守咁過咁過哂元宵,新十六先去幫襯.點知華記今年又刷新放年假紀錄,新十七先啟市,結果又摸門釘.隔了兩天再去幫襯,見到大公子忍唔住投訴,佢竟然笑騎騎咁話"係呀,今年係放長咗少少"真係無佢符,下次過年後想去都係先打個電話穩陣.露天座位最適合而家呢啲天氣光顧,遲多一兩個月就開始落雨同熱,會幾辛苦.自從兩個仔接手鋪頭之後,食物種類增加了很多,不過每次幫襯還是會點回以前食開那些.魔鬼雞翼,心太軟,鹵震盪豬手全部無食過.雖然無試過,但我對華記的出品非常有信心.原因係佢哋真係會好俾心機整每一樣餸,真係老土啲講句,牛腩有牛味,老闆娘有女人味.照舊點一碗伊麵走蔥,收到order大公子即刻專注淥麵,務求將麵煮到啱啱好.坊間現在好流行日式拉麵,部份麵館會容許客人揀麵的軟硬程度.實情呢種做法在華記已經行咗好耐,若果你點的是撈麵,華記係會將麵煮得較軟身.咁樣客人就唔會食到口罕罕,真係非常細心.牛腩賣10元一份有4-5舊,都幾貴.不過華記用的並唔係碎腩,件件都肥美帶牛香,算是物有所值.牛腩炆得唔係太淋身,同坊間的牛腩專門店群記九記尚有一段距離,但作為車仔麵餸,華記的

華記小食店是我每星期總會光顧一, 二次的車仔麵店，由於他們新年放兩星期假，所以要到上星期日才再次光顧，早上約十二時到達，嘩....................，非常多人，龍尾排到出路口，差不多排了十五分鐘，食這碗麵真不易啊！下次都係要早D喇。這次點了我的至愛蘿蔔，牛腩，豬腸，菜，貢丸及雞翼等。麵選擇蛋粗麵配：蘿蔔：一如以往，清甜可口，每次必食豬腸：入味，無騷味，最緊要乾淨，新鮮的豬腸真係不同，極力推薦菜：是介蘭苗，無渣，爽脆貢丸：須然現成來貨，但肉質彈牙，有濃濃的香菇味，一般車仔麵小有食到這樣的質感牛腩：肥瘦適中的牛腩和香噴噴的牛肉味，咬入口滲透出的肉汁，非常正斗雞翼：每次都是即叫即炸的，非常鬆脆及juicy加咖喱汁和這裡自的辣椒油(食得辣一定要加，不過加咖喱汁要加一元，辣椒油就不另加收費)結賬盛胃四十二元本來還有其它喜愛的食物，如咖喱尤魚、水餃、牛膀、咖喱魚蛋、蟹子丸、魚餅..........等等，但由於要減肥，只好下次再吃這次最特別的是發現了那個漉麵師父唔同，這個師父的技術明顯好過以前，往日經常不夠熱及麵身過硬的缺點都改善了，總括來說，食物的質和量有所提升，感覺得到食物的調

今日十月一日國慶假期，天氣又清爽， 揀食華記車仔面係最佳嘅選擇我同女朋友各自ordered了兩碗車仔面，當然一定點了我至愛嘅豬腸，華記嘅豬腸絕對唔龢，真係非吃不可!女朋友就至鍾意吃華記嘅蘿蔔同粟米餅。每次嚟幫襯啲蘿蔔又"林"又入味...好juicy，不過今日我地嚟遲咗，ordered唔到粟米餅，佢地啲炸物好受歡迎，賣完就冇，想食就要早啲我地仲點了兩款由華記王子主理嘅特式小吃：心太軟同阿修羅雞翼心太軟：一般人以為心太軟就係甜品，華記嘅心太軟係用鯪魚肉打成一個個乒乓球狀嘅鯪魚球，一啖咬落去外脆內軟，真係停唔到口！ 阿修羅雞翼：其實叫魔鬼雞翼，改這個名絕對係正確不過，主理嘅王子話魔鬼雞翼有份三等級，阿修羅只係入門級，但已經另我同女朋友舉手投降，一咬落去外層香脆非常，之後“阿修羅”嘅感覺即刻出嚟，那種麻辣嘅感覺很快報滿在舌頭上，再加上雞肉又嫩又滑，真係一隻雞翼食出咁多感覺！再配上冰凍清新嘅檸檬茶，即刻醒神哂!