華嫂冰室 (皇廷廣場)

營業中

休息中

講咗好耐話要食華嫂，落大雨一早計劃話要叫外賣，點知話送唔切，實在太想食嘅關係行去店度食。之前一直都黎左幾次，一係就係多人，二係都係多人，唔排番半粒鐘都唔得。是日我地4個行過去，一行到去，等4張枱就有啦（小插曲，突然外賣送到公司，本來話要2點送到，突然又會送到，好怪。。。）Any肥，等左15分鐘就可以入座，好開心！即刻叫好嘢食，同叫外賣唔同先。一同事叫喇沙湯豬扒，一同事叫肉眼筋，一同事叫豬扒芫茜湯。我就叫左墨丸魚片頭蕃茄，都ok，好足料，無加蕃汁嘅，我有試佢地嘅豬扒，好好食，煎得剛剛好，好大塊添！喇沙又係夠入味，唔會太辣。我仲同同事share咗芝咸牛肉蛋包，真係要堂食即整係最正，配得好好，雖然好邪惡，朋友一直都話好味，但真係好味！環境都ok，服務都正常，係要坐迫啲啦。

姐妹特意從深圳過來說要找好吃的，聽說好吃就和她一起過去找吃的，路程挺遠的，不過還是招牌菠蘿包好吃…過去那邊的時候的確好多人排隊啊…排了好久，不過總算是試到囖，好彩輪到我地就幾乎無曬了😂

自從觀塘開咗華嫂之後，我都幫襯過唔少次，啲嘢係好嘅，不過啲服務態度真係好差，我覺得佢咁做生意，真係影響晒華嫂響元朗嗰耳。話說，今日同朋友去等位食lunch，等左好耐終於有張兩人枱，點知另外有一個朋友趕到，我哋話可唔可以加多一個位，個後生仔可能係老闆，態度好差，話冇得加位要再排過，又或者我個朋友單丁自己食，唉，其實成日幫襯，我都知你旺都唔優做架啦，都唔駛態度咁差㗎。之後，食緊碗麵，想再叫野飲，佢又唔比，個後生仔話冇得加單，係加單呀，飲多杯都晤得，其實我都有俾錢架，咁様做生意，好唔掂囉。有時，有家族金漆招牌，攞咗個名氣，D繼承者都要好好守住盤生意，如果唔係，棧影響個金漆招牌囉，其實所有食客來幫襯你，都係因為欣賞你嘅食物，無必要惡侍啲客囉，講完，希望佢好自為之。

華嫂冰室大名鼎鼎，開到觀塘近近地，當然要去試試。工作日下午茶時間去到，竟然都要係門口等一等位，唔敢想像開飯時間係點樣啦。好彩唔係等好耐就入到。D位坐得好逼，九成九都要搭檯架喇。出名的係菠蘿包，但係想食鹹香嘢，就叫左個鹹牛肉豬仔包。哇，無得頂，個包熱辣辣上，麵包又軟又香，中間鹹牛肉夾芝士夾煎蛋，非常足料，食到d餡跌晒出黎，停唔到口。配埋杯凍檸茶或者凍奶茶就仲正！絕對有下次！我見其他人好多都食緊番茄湯底一丁。下次要試埋個菠蘿包！

久聞華嫂大名，既然觀塘有分店，便往試。地點為敬業街皇廷廣場，總算不難找到。招牌的菠蘿油沒吃，吃了芝士咸牛肉蛋多士，包外脆，芝士伴咸牛肉加乘出來的味道不錯，整體不錯吃。芫荽皮蛋鮮牛肉湯通粉，芫荽湯好喝得不得了，好肯定材料充足才做得這麼美味；鮮牛還可以，太熟了，味道不及福華街的鍾記，份量則勝過。冬蔭公湯底豬排米粉，豬排味道不錯，不會太硬，但冬蔭公湯則不行了，只吃到辣味，酸味只丁點，甜味吃不到。奶茶反而很失望了，還以為這些名氣茶餐廳的奶茶有一定水準，可惜這個茶味不濃，入口感到味道很薄弱，該是奶不足，加上茶淡，才該如此差勁。黎生相信，這個水準該是偶一為之，是泡茶的問題，不是材料的問題。又是遇上大落差！又是水準不穩定的問題，單是兩款湯底已是天與地的分別！不過，華嫂成名的蕃茄湯底和菠蘿油還沒試過，或許，要吃的，真是要到元祖的屏山走一轉才成。

其實由未有觀塘分店開始已經聽過元朗華嫂，只係住港島又一年都唔會有機會去一次元朗既我一路都未"的起心肝"去食一次，怕週末大排長龍多人嘛!直到知道公司附近開左華嫂，估都估到lunch time 排長龍，聽同事講早餐都係咁多人..後來發展到有得叫外賣，咁就夾埋一齊叫啦，八十蚊就送，其實叫三碗已經夠!我點左秘製雞翼米線:唔好睇佢普通瑞士汁雞翼既外表，食落已經知係真。鹵水雞翼，唔係浸兩浸就算。外面既味道同雞翼入面既肉係一樣嫁，好有屋企味!而且一碗有三隻，抵食過X仔米線啦!同事叫左檳城喇沙豬扒湯米線，都係咁話好好味...下次點埋其他野食再匯報!

話說琴日放假同個fd一齊去食華嫂冰室，地方係逼既，阿姐少惡，唔係好想落單咁。不過食左個招牌咸牛肉芝士豬仔包加凍柚子蜜，食得岀係有心思，起碼包皮有少脆內面係軟。而我fd食豬扒喇沙米加熱鴛鴦，佢都話唔錯既。佢話個豬扒整落似新鮮豬，都唔會似一般茶餐廳d豬咁硬同乾。不過唔知係咪d碗碟洗得唔乾淨而我地個腸胃又敏感，食完兩個鐘後翻到屋企，我地兩條友都痾到....，我同我個fd都成晚痾至少6次，就算幾好食都好，下次真係有得揀都寧願唔食茶記。。。

其實吃過華嫂冰室幾次 不過都是在屏山總店今次上班緣故經過，10時多不鋪面不算人多既然不用等位就直接進去醫肚子了一如以往點了「豬扒莞茜皮蛋湯米線」&「凍奶茶」之前試過「蕃茄湯底」也不錯真的很濃很足料但個人較喜好莞茜的清新口感可能因為早上的緣故，店員服務態度挺好等了5分鐘左右就上齊了飲品及米線了湯底一如以往濃郁，米線略有點點太熟但仍能接受由於可能皮蛋的香味已滲入湯中它那種獨有的香味咬起來不重，平時不吃的我也能吃兩三口而奶茶當然依舊香滑濃郁整體環境乾淨衛生，又有冷氣比起屏山總店，觀塘分店環境確實吸引多了

「菠蘿包」是典型的香港地道美食，菠蘿包跟一般的麵包有個最大的分別，就是菠蘿包表面有一塊凹凸不平，甜味的酥脆表層。再加上菠蘿包可以自由配搭不同配料，自由的食法令菠蘿包既可以俘虜香港本土食家歡心，亦可以吸引海外遊客慕名而來，搶着想試食這港式美食。有菠蘿包提供和售賣的麵包店、餐廳，冰室在香港比比皆是，但是擁有創意口味的菠蘿包，就不是一般的茶餐廳隨便能做到。由於菠蘿包擁有甜味的酥脆表層，所以選取菠蘿包的配菜或調味料，在味道上不能跟菠蘿包的甜味相撞，否則會大大浪費菠蘿包這美味素材。例如在工廠林立的觀塘，在商貿大樓「皇廷廣場」樓下，就有一間把菠蘿包當三文治來食的，以菠蘿包作為招牌菜的工廠餐廳「華嫂冰室」。「華嫂冰室」現在是觀塘一帶工廠文員的理想餐店，是食下午茶的理想選擇。單是我當日光顧「華嫂冰室」，「華嫂」店外已經聚集大量等候座位的人，我也不能例外地，要在輪候册上寫下名稱電話，然後在店外排隊等候。即使每次光顧「華嫂冰室」，都要等待一段長時間，才能有座位可以入座。但是食客仍然不辭勞苦，每次都願意留守在餐廳外等候，肯定跟「華嫂冰室」食物的質素有着一定關係。而事實上，「華嫂冰室」的招牌菜，招牌菠蘿包跟咸

成日聽倒同事話想食「華嫂」，「華嫂」好好味⋯⋯不過lunch hour 成日都大排長龍，要食就要早啲排！但自從華嫂可以外賣之後，成件事就唔同左喇 同事們成日都會叫華嫂下午茶，好邪惡之前食過芝士咸牛肉蛋多士，好足料！價錢又抵！想試菠蘿包好耐，但下午5點後通常就冇晒！今次提早左叫，等左半個鐘左右，鮮油菠蘿包就送到黎喇！每個包都會有獨立嘅外賣袋係鮮油菠蘿包呀食緊先記得要影返相！哈哈，一打開紙袋就見倒有一大片牛油夾喺菠蘿包入面 個菠蘿包外脆內軟！仲熱烘烘架！夾埋入面半溶嘅牛油！好香口，真係超級好食！！！本身麻麻地菠蘿包，但華嫂依個會令人一試難忘13蚊一個下午茶算抵！仲要食物質素好高！十分推薦！

華嫂係公司附近實在太好啦！又嚟食我最愛既喇沙湯底再加雞翼今次叫左米粉不過個人覺得喇沙湯底配米線好食啲而冬蔭公湯底就配米粉另外再加左杯 話梅柑桔 飲落喉嚨真係好舒服 酸酸味味甘 推薦！

星期六下雨天，華嫂依然要排隊但算快有位入座前已經落定單招牌波蘿包波蘿包夾住一塊鮮牛油，荷包蛋，番茄。冇想像中咁新鮮，唔熱，波蘿包面幾香味道亦好好，但真係唔夠脆。有點失望...豬扒雞翼番茄通粉+熱奶茶兩塊大豬扒加兩隻雞翼，幾抵食。豬扒幾厚煎得唔錯，雞翼一般。番茄湯就非常濃，好夠番茄味，非常足料！不得不贊個奶茶，好滑好濃，絕對係一級港式奶茶！雞翼喇沙米線喇沙湯比較淡，辣味蓋過應有的椰香，變左普通辣湯。整體一般。唔知係咪分店關係，名大於實，有點失望。但雖然多人都冇一食完趕你走，算係咁。

今天偷個懶，放了假平日放假感覺很好呀突發地約個朋友吃下午茶既然有時間就當然要吃平常等很久的華嫂我們吃下午茶大概等了十五分鐘左右就有座位了太好了✌🏼因為我十分肚餓呀我點了肉眼筋雞翼烏冬要了冬陰公湯底加杯凍奶茶朋友點了招牌菠蘿包加熱奶茶他說要喝熱飲才算品嚐奶茶坐在他旁邊我也嗅到熱奶茶的香味的確很吸引呀下次我也要喝熱的肉眼筋很爽口，不過冬陰公湯底比較酸我不太喜歡酸的雞翼很入味呀看到朋友的菠蘿包，很吸引，很想咬一口😋有很大片牛油😍華嫂不是不好吃不過不便宜呀，其實而且等位也等很久只是華嫂跟其他的茶餐廳吃的不一樣，是有一點特別的若果要等位，下次下次要吃多一點！！

官塘呢間華嫂冰室依然都是咁多人，呢次叫左招牌菠蘿包，有一隻煎蛋，二片番茄和一塊牛油，菠蘿包微熱，非常之鬆脆好味道加上牛油少少真是超正😋，喇沙湯豬扒米線，湯好濃郁入味超正👍

公司附近就係華嫂所以有時lunch都會走去食一點鐘攞飛 大約要等三十分鐘左右自從第一次試左觀塘限定喇沙湯底之後就一試愛上兼上癮甘未有喇沙湯底之前係食過蕃茄同冬陰公個人認為配雞翼係最抵食既有三隻 好入味本身喇沙湯底係跟左半隻熟蛋小小芽菜 芫茜同埋大量豆卜如果就甘叫已經好豐富不過我係貪心既另外仲加左午餐肉(加七蚊有兩塊)每次來都會叫午餐肉因爲呢到啲午餐肉係勁厚切的！正！另外魚餅都好食不過就貴啲 加十一蚊有三塊食完呢碗米線 實在太滿足了！