華嫂冰室 (皇廷廣場)

營業中

休息中

呢間觀塘分店都開左一段時間,位置雖然唔算方便, 但由於元朗本名都幾出名, 可惜太遠, 就冒名黎幫趁下未到夠中午12點黎到, 已經好多人係門口等位, 最後等左半個鐘多d 叫左個招牌菠蘿包,夾住厚切牛油, 煎蛋, 蕃茄幾樣簡單既材料, 加上牛油慢慢溶, 配搭新鮮, 味道唔錯, 加上菠蘿包焗返熱後都Keep到脆另外要左牛肉通粉同豬扒米粉, 落單時都係叫蕃茄湯底, 轉湯底+$8, 侍應聽左我地要咩, 但都未寫低, 就催我地繼續講, 可能佢記性好啦 (諗住)跟住侍應打返張單黎, 原來唔記得左落蕃茄湯底, 於是提返佢啦, 我無諗過張單會再錯等等下, 竟然黎左碗外賣, 真係好攪笑~跟住又要再改單食物方面, 蕃茄湯底無我期望咁高, 雖然濃味, 但茄膏味較重, 茄肉就已經煮到溶曬豬扒口感唔錯, 夠鬆化, 牛肉就冇乜特別 對比起另外幾間蕃茄湯底o既名店, 整體質素仲有一段距離另外叫左杯奶茶, 味道都唔錯, 茶味香濃, 奶又滑呢度食物都算ok, 但排咁耐先食到就唔太值

已經來過這裡幾次，每次都例牌要排隊等位，今次自己一個來比較快有位。因為自己不太好菠蘿油(其一原因是怕肥)所以都係睇人食包自己叫粉麵，之前試過所向無敵餐蛋丁同幾特別的芫茜皮蛋湯底米線配魚餅，唔錯但有點滯，不過忘了影相寫食評.. 今次食返最愛嘅餐蛋但配米粉，因為唔想食咁飽，留肚主要係為左飲呢度又濃又香滑嘅奶茶！餐蛋米隻蛋煎得幾靚，餐肉依然厚切不過之前來嗰次煎得香啲，如果煎耐啲就更好，米粉就普普通通不夠滑。

華嫂係觀塘開咗呢間分店都有好耐啦，但係佢條龍由佢開舖到而家，可以講話係未短過。途中我都食咗幾次，每一次都要排幾個字先至有得食。如果你問我有乜嘢咁值得我去排隊食，我就會話係幾特別而且又咁啱啱好口味囉。不過晏晝食飯嘅時間一點鐘我係絕對唔會係排隊嘅，通常排隊嘅時候會係一點半過後呢啲時間，會比較容易啲可以食到。我每次去到都會識叫一個皮蛋芫西湯底，出邊就真係搵唔到一個湯底嘅米線，而且佢啲料都幾足，皮蛋佢足足有一隻。湯底幾清甜，味精唔重。配料方面我就比較鍾意食佢嘅魚餅，如果多人去食嗰陣時我就會叫一碟。如果得自己一個我就會叫我喺個米線入邊。呢個魚餅好有家鄉嘅風味，而且都幾彈牙，推薦食品。佢最出名嘅碎蛋沙律三文治，呢個三文治係咪去到非常好食呢？我個人感覺又唔係，自已都可以做到，好住家嘅風味。但係出面食嚟講就勝價比高。如果嚟到呢度食早餐個話我就覺得偏貴，因為佢冇套餐，如果你要飲嘢嘅話要另外加10幾蚊先有一杯野飲，埋單兩個人都需要90蚊左右，如果以早餐來講就偏貴，反而午餐都尚算合理。

如果唔係約左朋友我都應該冇動力去華嫂，觀塘呢邊還好，如果叫我專登去元朗就應該去唔到 （笑）冬檸多 & 冬奶茶，普通茶記少有嘅益力多飲品，味道冇特別但感覺新鮮，奶茶我冇飲就唔知點俾分啦 （笑）冬檸多 & 冬奶茶，普通茶記少有嘅益力多飲品，味道冇特別但感覺新鮮，奶茶我冇飲就唔知點俾分啦 （笑）食評有人話呢個碎蛋多士有驚喜，我覺得冇喎，普通啦～唔驚喜但係okay嘅 😁冬陰公雞翼墨魚丸米，雞翼正 👍 似鹵水，又似可樂雞翼，好冬陰公咁杰咁濃啦，茶記有呢類型選擇好好吖，算好味啊！

平日兩點去到，遠處還見到人龍，但我又趕時間! 好彩個d都係等外賣或大台!二人就可直入! 其實款式唔多，唔睇餐牌都記得有咩好食唔好食!但過左一排無黎，原來有新野出左都唔知！但新既都唔多吸引，就試下佢個豬扒朱仔包加奶茶！友人就叫左佢既至愛-鮮油菠蘿包加杏露！ 之前食過佢既招牌菠蘿包同咸牛朱仔都覺得好一般，唔夠熱，咸牛又唔特別夾，所以都唔係幾識欣賞！先來奶茶同杏露，奶茶唔哂介紹，好濃郁！唔夠5分鐘就黎個包，岩晒我依d趕時間既人!剩係睇個賣相都好咁，就分左小小比友人（把刀勁好切，切包都切得好乾淨利落，依方面係幾值得讚）！豬扒做得好軟腍鬆化，配埋個芥辣醬好好食，加上鬆軟的朱仔包，相當唔錯，值得一試。係我食過咁多次，係華嫂覺得最好食既野！友人話佢個鮮油菠蘿包好好食分d比我試，不過對d咁邪惡既野，我就真係無咩興趣! 所以就不便致評!雖然依份已經係我既午餐，但其實已經相當之飽！友人介紹佢既碎蛋多士都好食，唯有下次再試！由下單到食完都係15分鐘，趕時間黎食個輕食都係唔錯既選擇，係價錢方面有d貴!題外話，官塘開多左間華嫂冰室外賣店係觀塘巧明街好運工業大廈! 觀塘友就有口福，滿80蚊免費外送！其實咁貴，一個

我大大話在一年內先後來過十多次，由一至六，由十二點到三、四點，每次都有長龍。今天下定決心，等多久都等。一個人，還是等了十分鐘。原來不是要很久。點了：特色菠蘿包，牛肉米粉，凍奶茶。菠蘿包野心太大。菠蘿油加蕃茄旦。加起來化學作用不足，反成累債。每一件食材沒有驚喜和特別好味，菠蘿包碎掉，麵包鬆散，牛油溶了，一團糟只能用"What a mess"來形容。米粉平淡加平淡，粉身也略粗。基本上一包超力銀絲米粉更好味。牛肉也平凡至極。唯一印象深刻的是食後三十分鐘奇渴無比，味精重手無以復加。這個地方肯定沒有遊客，所以排隊的一定是香港人。如此可見香港人的茶餐廳狅熱到了匪而所思的地步。

逢見到「冰室」二字就好自然跟「懷舊」聯想起嚟...總覺得食物種類係好local...「華嫂」總店喺元朗...不久之前喺觀塘開分店...星期六放假...一於去食早餐先...店舖唔大...人龍仲未停過...門口有一級...仲要非常高...所以輪椅使用者無得入lu....唯有買外賣...「華嫂」附近有個「麗港公園」...地方大...空位多...好易有位坐...芝士咸牛肉蛋多士 $21芝士少少溶...再加非常鹹香又充滿油脂嘅鹹牛肉...好好食呢...呢個時候…其實已經唔太食唔到蛋嘅味道...招牌菠蘿包＄18內裏夾雜住一塊蕃茄同埋煎蛋...食第一啖會覺得好奇怪…因為又甜又酸有少少鹹鹹地....但食多幾啖其實係好食嘅...感覺幾新鮮...亦係第一次食到咁嘅配搭吸引我去到「華嫂」食嘢就係因為呢碗米粉...湯底轉皮蛋芫茜湯+$8先選擇兩個餸一共＄291.魚片頭：好彈牙！好彈牙！真係好彈牙！2.魚肉：質感食落好軟棉...一咬開就食到魚肉吸收晒芫茜湯嘅精華...而且配上簡單嘅調味...好食！自己本身好鍾意食芫茜...所以當見到碗內有大量芫茜嘅時候真係超級興奮！再加埋3-3舊嘅皮蛋...仲要有少少糖心...

想食好耐架。默佢只做星期一至六而且收5點，唔係附近做開野都冇緣食了。下午茶之選 腿蛋治，好好味嘅煎蛋,有獲氣，而且啲蛋黃流晒出黎，好正加杯檸檬益力多，消濟啊！好重料,真係成杯都係益力多！我最中意架了咸牛肉豬仔包，雖知罐頭野，但係隻蛋升華左成個包😊流心的蛋唔係間間可以做到每人33.5，下午茶ok la

舊同事告知元朗華嫂冰室喺觀塘開咗分店，住喺附近，梗要搵個星期六去食個早餐。上Openrice睇過知道會多人，所以去搵食都唔好太晏。早上十點九去到門口，已經企咗一啲等位嘅食客入門口攞張飛，好意頭吖，"88"。等咗唔算太耐，二十分鐘入得。等候期間，除咗睇下食乜之餘，都望下其他嚟幫襯嘅食客，發覺好多食客都係好似我咁第一次嚟幫襯（因為到咗門口都唔識入裡面攞飛）。因為鋪頭位置比較吊腳，仲有食客係坐的士嚟添兩個人叫咗豬扒出前一丁，豬膶魚肉米粉配皮蛋芫荽湯底，再加支樽裝凍奶茶，總數咁啱又係"88"。落咗order後等咗至少十分鐘啲食物先到，時間都算係耐咗啲豬扒丁麵唔錯，塊冇骨豬扒煎得幾香，實得嚟都算爽口，4/5分。個豬膶魚肉米粉嘅豬膶係薄切，少少爽得嚟有啲實，魚肉係街市嘅鯪魚肉，粉咗啲，個皮蛋芫荽湯底（另加八蚊）都幾足料，整體感覺唔錯，3.5/5分。樽裝凍奶茶夠奶味，甜度適中，4/5分走嗰時已經過咗十一點半，門口啲人多過之前成倍有多。憑我以上觀察，奉勸各位食家嚟之前都要擇時辰，唔係真係有機會等番一粒鐘華嫂冰室因為冇提供套餐，飲品唔可以跟餐叫，所以又食又飲埋單會貴過一般茶記。佢仲叻到星期日係唔開添

今日早左放學，有同學提議食華嫂平時聽得多 親身食都係第一次我地一行三人去左食華嫂仲捻住有排等位點知出奇地快大約只係等左5分鐘我地三個女仔叫左以下食物杯雪花奶茶好正 好好飲我地全部交換食 其實真係飽到嘔我覺得雞翼最好食仲有個鮮油菠蘿包 同鮮油奶厚多士 真係好邪惡呀食完真係肥幾磅有同學仲話余文樂成日去食心捻有冇咁幸運會遇到佢誰不知食食下 ....佢真係入左嚟！！！😱😱😱真係估唔到啲幸運既事都比我遇到好可惜望到幾眼 佢就入左vip 房lu 隔離枱對住vip房門 一開門就見佢地狂影好啦這些機會都不是我的$211蚊三位 每人70 仲有余文樂見值呀奶茶真係好飲 大家要試其他食物，三碗麵我覺得雞翼個個最好食其次豬排同鮮牛 ，同價錢豬排會抵食啲芝士咸牛肉蛋多士其實都好食 只係食到最後我地已經飽到食唔落Anyway 下次會去試埋其他湯底

出名要排長龍嘅茶記無幾多間，就排吓！試吓有幾特別先😋排咗成個鐘，滿心歡喜的點呀叫呀....首先嚟個蕃茄豬扒麵，豬扒味道一般，湯底味道唔夠濃😞期待下個吧！煎魚餅，一般嘅魚滑喺街市已經醃好，同係屋企自己煎嘅無分別，遜色！😟坐得唔舒服之餘價錢仲唔係平喎，無下次！

又是出trip的日子，晨早摸到觀塘碼頭找早餐吃。怎知一場來到才發覺心儀的地方沒開，心裡不禁有點氣....心念一轉，忽道想起"華嫂"就在不遠處，而且還要是不用排隊不用等就可以食....實在是替代的最佳之選....記得第一次來吃時，一口氣食了菠蘿包以及油多，事後絕對令人飽到上心口....今次重來，就立意要試試這裡的粉麵米線一類的水準....又記起這兒的茶啡，弄得算是相當有水平。今趟點的凍鴦，兼具備了奶茶的滑與及咖啡的甘，而且在冰塊滿載底下仍不失茶與啡帶來的味道與質感，實是難得....聽聞此處有一味秘製撈米線，只是在觀塘分店這邊有得賣。正所謂物以罕為貴，那就當然要試嚐了.....一看它的色水賣相便知是走偏酸辣路線。一嗒之下果然沒估錯，入口既有微酸亦帶微辣，細咬下還輕輕滲出了點點的麻香來。所有的酸、麻及辣都是猶如蜻蜓點水般適可而止的，令我這個既未能食太辣太麻的人吃得甚為受用....配料可說是大堆頭大製作的 ---- 將紅腸、豬頸肉、餐肉及青瓜全部切成一條條和米線撈勻，光是切的功夫，逐碗去處理去弄就已甚花精神及時間了....怪不得下單後要等起碼十分鐘後才可以開動....紅腸、餐肉及豬頸肉都有經略

難得住觀塘，難得閒日放假，是日緊係帶媽媽去華嫂食個靚BRUNCH啦。果然，11點呢啲早餐高𡶶時間剛過，Lunch時間又未到，平時排長龍既華嫂都唔洗排隊，實在太好喇XD先黎一杯熱奶荼，其實之前飲過佢既凍奶荼覺得好香滑，可惜病病地，唔可以飲凍野，熱奶茶茶味都好香，但如終唔夠凍奶荼滑，皮蛋芫茜湯底米粉配豬肝＆魚肉，湯底真係好足料，面頭勁多芫茜，皮蛋一開四而唔係得少粉皮蛋碎，同埋我好鐘意呢個湯底清黎好香芫茜味，一啲都唔油。豬肝唔韌，係我鍾意既爽口type；魚肉爽口同埋冇咩味精同黑椒味，本身應該幾新鮮。番茄湯底米粉配墨丸＆肉眼筋，呢個番茄湯真係好濃，番茄迷必愛，配料方面墨丸好彈牙，肉眼筋呢，其實我都係今日先知係豬一個好爽口既部位，佢既爽口又唔似豬頸肉咁油，口感幾特別。招牌芝士咸牛肉蛋朱仔包，呢個真係久仰大名，朱仔包烘到外脆內軟，咸牛肉超級香，配埋半溶芝士同半熟煎蛋，真係冇得輸。下次真係想試埋佢個冬蔭公湯底，華嫂真係會令人食完又食，唔怪得食完呢餐12點令出面又出現人龍，哈！

7月14日話說久聞華嫂既大名，但一直未有機會試，咁岩呢日閒日黎開觀塘，一條友都要沖去食呀！！其實樣樣都想試，可惜得一個人食唔到太多，就試左 招牌菠蘿包18 蚊同奶茶。菠蘿包一上枱已經好吸引，入面有蕃茄，煎蛋，厚牛油，包面個皮夠脆，一口咬落去多重滋味，實在太正太滿足。奶茶係碎冰黎，冰花奶茶，飲落唔會沖淡曬d味，正，奶同茶既比例岩岩好，又滑又有茶味，但又唔會太苦。

一早聽聞華嫂大名但耐何將軍澳入去元朗主店真係遠過飛去台灣一轉所以一直都沒機會去試到 加上聽講排隊都排成個鐘好彩 觀塘而家已經有左分店 一拖再拖 拖到今日先有機會一試呢個大有來頭既華嫂冰室正所謂早起的鳥兒有蟲吃我同老友為左唔想排隊 一早8點幾9點就去左食 完全唔哂排隊兩個人order左三樣野share食1/ 招牌菠蘿包老老實實 呢個配搭真係第一次試其實又真係沒咩特別驚為天人既感覺但係個菠蘿包係非常新鮮既 唔似隔夜貨但希望下次可以烘得再熱啲先上台2/ 招牌蛋沙律多士呢個反而有啲出乎預料啲料好多 多到一路食一路跌哂出黎而且蛋沙律十分香 配搭fresh 爆生菜 完全唔會有膩既感覺3/ 豬扒雞翼蕃茄通蕃茄通底都算濃郁 但人工茄膏味偏多而配料都係普通菜式 沒咩特別～4/奶茶成餐最高質應該係兩杯奶茶茶底香濃 奶同茶既比例都調配得岩岩好唔會話茶味太濃/太奶總結：可以一嘗 但如果要排個幾鐘先食到就可免則免