華嫂冰室 (皇廷廣場)

營業中

休息中

機緣巧合之，第一次試華嫂，不過就不是出名的茄通或菠蘿包,身為奶茶控的我，當然要試試樽裝凍奶茶呢細細樽，應該有330ml,以$22 來說，價錢略嫌貴了一點色澤是不錯的，飲落，奶味偏重，而且少了一點茶味，不夠幼滑，剛在雪櫃拎出來飲，甜味適中，但放久了，不太凍時，就略嫌太甜，整體來說，一般吧～下次有機會會試下堂食，會試試冰花奶茶以及招牌食物呢～希望冰花奶茶會比這好～

估唔到分店開左咁耐，都仲係咁多人，遠遠已經見到一大堆等住入去潮聖既人群，2個人足足等左1個鐘先入到去食。食物叫左招牌菠蘿包，入面有一小片牛油，一隻煎蛋同2片蕃茄。菠蘿包果然好食，非常之脆，配埋半溶既牛油真係好正。另外仲叫左一個蕃茄朱扒通粉同蕃茄雞翼通粉，湯底非常濃郁，但通粉就過淋，有d仲爛哂。豬扒不過不失，雞翼就得表面皮位入味，入面既雞肉冇乜味，但都嫩滑。整體來說，要等一個鐘堂食個人認為有d唔值得，下次再食會外賣菠蘿包，快靚正！

下午茶 試新野喇喂！叫外賣自取方便得多! 落到去唔洗等! 因為華嫂真係長期多人! 哈哈哈!!見到佢個MENU有個鮮油腿菠蘿包! 馬上就試下! 超級邪惡既一下午茶! 真心好正呀！菠蘿包皮勁脆！又夠大個!!同牛油火腿一齊食好好味呀！原來係好夾呀！因為外賣既關係牛油已經溶緊喇!!!所以好快我就KO左喇！ -

成日經過都勁長龍，今次特登早啲去食brunch。10點半去到，完全唔使等位，仲有好多位。之前食過佢啲包款，今次就叫左麵。叫左一個自選面，豬潤煎魚餅烏冬冬陰功湯，煎魚餅要另加＄3冬陰公湯要另加＄8，所以一碗都要成四十幾五十蚊。不過佢貴得有道理嘅，個冬陰公湯好好味，好似正宗嘅泰國冬陰公湯咁，唔係好淡溝粉個種。個豬潤都好爽，煎魚餅就真係即叫即煎，要等一陣先上，熱辣辣，好彈牙👍🏻 另外叫左冰花奶茶，之前黎食次次都話冇冰花，今次終於有，試左明白點解呢杯野要$20咁貴。佢d 冰花都係奶茶雪成，成杯都係足料奶茶，啖啖都係咁濃郁，飲過就會明咩叫「好有奶茶味」😂佢茶同奶比例好好，飲得出好濃gei茶味但係唔會over，$20都真係值得試👍🏻

刷微信刷到奶茶推荐…看到了华嫂冰室…就约着和小伙伴直接来了…也是草率…也能是因为周末而且是下午茶时间，到的时候有很多排队（当时看评价大家都说不怎么等）奶茶的确还蛮好喝的。一开始觉得有点苦，后续蛮甜…冻奶茶简直我最爱～但是奶茶对我好灵…喝了晚上就睡不着觉,…两个人还吃了两个菠萝油包，一碗番茄猪扒面，还有一个芝士猪仔。猪仔包上面的面包是脆脆的！特别特殊的一种感觉！觉得挺好吃的！是咸的～然后菠萝包…里面有番茄还有蛋～说实话我一直不能get到菠萝包的点，之前特异吃一个菠萝包很有名的店也没有感受到什么惊喜…什么冷热交融blablabla…啊…不过吃这个我觉得蛮好哒～最后那个番茄底的面…哎这个怎么说…我好喜欢里面的猪扒呀！很劲道的感觉！但是通心粉好难吃…可以换成其他面…总体还行…之后有机会还会去吃～

不嬲聽講華嫂岀名多人食！咁岩又去觀塘做嘢，見放完工仲好早，11點幾，心諗應該無咩人食掛？！諗住去食個靚早餐，點知行到去都已經好多人排緊隊！真係名不虛傳！我一條友單拖去食，好彩都OK WOR，好快就有位，預左要撘檯。先黎杯冰花奶茶，呢杯夠港式夠濃夠茶味我鐘意！不過叫普通凍奶茶都OK！唔駛加錢飲冰花，花臣野！早餐到！叫左個招牌波蘿包！新鮮熱辣上！初初驚波蘿包又蛋又番茄成個配撘好奇怪，不過食落好夾見隔離枱叫左個咸牛肉豬仔包都讚好味，下次試下華嫂啲野食唔錯！不過唔值排咁耐隊！見又係觀塘開分店，希望之後幫襯唔駛排咁耐！

一直久仰華嫂的大名，住在天水圍那麼久也未曾到屏山吃過一次。經過觀塘發現開了新的分店，一定要嘗試。現場真的有很多人在等位子，我們都等了將近45分鐘。鹹牛肉多士，這個不過不失，多士很脆，鹹牛肉略嫌較少。火腿蛋忌廉湯通粉，這個是朋友叫的。我本來不喜歡吃通粉可是這個湯底實在太香，有很重的奶味，而且很滑，完全被吸引了。番茄豬扒米，這個湯底有很濃的蕃茄味，有時會吃到蕃茄蓉。所以我都整碗吃完😂😂怪不得華嫂會這麼多人排隊，吃過一次以後，我也經常想去再吃多次。

朋友提議去食, 去到眼見有30人向到等緊, 一向唔鐘意等既我, 因為朋友已經拿左票等左20 分鐘, 無理由而家, 所以等落去, 不過都聽到好多講國語既人向到等, 依間野都係吸引遊客多架啦. 因為時間關係, 未入坐, 已經要點好餐, 跟住企多一陣就可以入去啦,  裹面有大約10-20 張枱. 其實已經見d 人好快食完出黎, 可能因為唔可以加單啦, 一次過要叫哂食咩野. 招牌菠羅包 ($19) - Good try ,  甜加咸既配對,  因為菠羅包重係熱既, 食落好脆口,  隻蛋係太陽蛋, 蛋黃係咁流出黎, 好幸福既感覺~!!招牌撈米線 ($43) - 配料有紅腸, 午餐肉, 青瓜同加上大量莞茜, 唔鐘意食 莞茜既我, 唔記得叫走茜,  整體味道係"野"味,  米線好嚼口 (係非一般既嚼口) , 紅腸同午餐肉都有煎過~~~食唔停口

久仰華嫂大名，一直未能一試屏山本店只好捨遠取近，到這裡一試傳說中的菠蘿包結果大失所望首先菠蘿包的包身不熱，面頭又不脆雞蛋好明顯過熟，沒有流心效果完全沒有化學作用只是一個不熱的菠蘿包夾著牛油蕃茄雞蛋而已湯麵已有心理準備，果然不出所料沒有驚喜的豬扖雞翼配搭煮得過淋的出前一丁超級普通的蕃茄湯底我只能說如果剛巧經過而又不用排隊可以一試否則不用刻意到來

公司附近就係好出名嘅華嫂冰室，一直都係lunch食，今日早左出門口就決定去華嫂買三文治。而我就揀左蛋牛多，一打開個紙袋雙眼發哂光！個蛋係我最鐘意嘅太陽蛋，而唔係平時嘅炒蛋。食落啲蛋王流出個飽面超級正，加上咸牛肉，直頭好味到暈！一早食呢份早餐真係令我一整日都充滿力量。咁正嘅三文治都係$17份，唔怪得咁多華嫂粉。蛋牛多 $17如果唔需要多士的話，等候時間都係只需要五分鐘，但如果揀多士，就要等耐啲大概十分鐘到。

華嫂冰室係向元朗屏山衝出觀塘我諗大家都知，媽咪成日同我講總店唔憂做，好早關門又會大排長龍，我心諗有冇咁誇張架？無耐就有開分店既消息，呢間就開係近觀塘碼頭位置，雖然唔算就腳，但開業以黎仲係會大排長龍，之前同同事FAREWELL，就揀左黎呢度賀下佢 XD  雖然出名菠蘿油，但我又見佢豬扒雞翼番茄湯通粉好吸引，湯底用鮮茄慢熬而成，每粒通粉都有係滿滿既鮮茄精華唔似出面可能用茄醬開湯，就會好淡茄味唔夠喉但下次認真要試下招牌菠蘿包，見到台台都食緊好吸引

公眾假期3點幾到，等左45分鐘，終於都有得食。排隊時，安排妥善，時間控制得好好。比平日類似的茶記比較，待應服務態度確實不錯。本來想試佢嘅出名冰花奶茶，但由於太晏，賣晒😬😬唯有叫佢地嘅普通奶茶，奶茶味道茶味香濃，好飲👍蕃茄湯亦都帶有不錯的蕃茄味，仲有粒粒蕃茄湯，good👍最鍾意佢哋嘅招牌菠蘿包，好味，香脆，蕃茄新鮮，夾埋煎蛋一齊食，真係果然招牌好食。有時間的一定會再食過，終於明白點解咁多人排隊。

黎得華嫂，凍奶茶係唔少得既，幾時都話凍奶茶最正，之前都試過冰花奶茶，但係覺得分別不大，所以緊係叫平啲嗰個平時黎都係食菠蘿包同番茄湯底，但其實我覺得番茄湯底華嫂唔算好，所以今次試下新野，要左觀塘限定既喇沙同撈米線撈米線睇落好足料，聞落都好香，上面有午餐肉，紅腸，豬扒同青瓜，撈嗰陣見到啲汁太稀唔係好掛到落米線到，食落係室溫，如果冰鎮過或者再雪凍啲會襯隻味多啲，少許失望最驚喜係個喇沙，食落好香椰奶味而且夠辣，忍唔住係咁飲，豆卜索曬啲汁之後好惹味，加埋我呢個牛魔王最愛既肥牛唯一可以改進既地方係米線烚得耐左少少，不過成碗配搭起黎食到停唔到口bonus：見到某余姓明星黎食下次黎可以轉下口味食喇沙👍

今日放假, 就同老婆去食華嫂冰室, 為免怕LUNCH時間人多, 12點未夠就去了, 唔駛等就即刻有位, 正!一人叫左一碗面加份多士:咸牛肉煎蛋米粉: 咸牛肉就咁入口覺得咸左D, 不過同湯米粉一齊食, 味道剛剛好;肥牛喇沙湯米線: 好香, 唔會好辣, 對我呢D唔係好食得辣既人來說, 好味!招牌蛋沙律多士: 呢個好有驚喜, 侍應一拎過來, 我地即刻食, 塊多士剛剛烘好, 好脆好有口感, 見議唔好放到之後先食, 唔係就會淋左.

呢間觀塘分店都開左一段時間,位置雖然唔算方便, 但由於元朗本名都幾出名, 可惜太遠, 就冒名黎幫趁下未到夠中午12點黎到, 已經好多人係門口等位, 最後等左半個鐘多d 叫左個招牌菠蘿包,夾住厚切牛油, 煎蛋, 蕃茄幾樣簡單既材料, 加上牛油慢慢溶, 配搭新鮮, 味道唔錯, 加上菠蘿包焗返熱後都Keep到脆另外要左牛肉通粉同豬扒米粉, 落單時都係叫蕃茄湯底, 轉湯底+$8, 侍應聽左我地要咩, 但都未寫低, 就催我地繼續講, 可能佢記性好啦 (諗住)跟住侍應打返張單黎, 原來唔記得左落蕃茄湯底, 於是提返佢啦, 我無諗過張單會再錯等等下, 竟然黎左碗外賣, 真係好攪笑~跟住又要再改單食物方面, 蕃茄湯底無我期望咁高, 雖然濃味, 但茄膏味較重, 茄肉就已經煮到溶曬豬扒口感唔錯, 夠鬆化, 牛肉就冇乜特別 對比起另外幾間蕃茄湯底o既名店, 整體質素仲有一段距離另外叫左杯奶茶, 味道都唔錯, 茶味香濃, 奶又滑呢度食物都算ok, 但排咁耐先食到就唔太值