華嫂冰室 (杜智臺)

營業中

休息中

由於疫情的關係，很久沒有出外用膳，今天約了同事去了湾仔華嫂冰室。 一般午飯時間，華嫂通常都是堆滿等位的人群，可能疫情事故 等了一陣就可以入去，座位之間保持一定的社交距離，就算要搭枱也有屏風隔著， 反而現在坐得比較舒服。由於最近腸胃不太好， 叫了一個清清的芫茜皮蛋湯底豬扒米線。降一降火，芫茜皮蛋的份量也不少，對不喜歡在外吃菜的我，竟然可以把它全部吃掉。而米線份量十足， 豬扒厚厚的， 煎得剛剛好， 肉質鮮嫩，真的價廉物美。 而我的同事點了炸雞球米線，同樣好吃。

同朋友係灣仔打完波，諗住搵啲野食，行行下就見到華嫂，難得唔使排隊，就去食返個下午茶。招牌蕃茄通，自選配料，豬膶，墨丸，份量相當足料，豬膶爽口有咬口，墨魚丸彈牙，配合埋睇落就知真材實料嘅蕃茄湯，真係好perfect~~~湯底都差唔多飲晒，又香又濃味～另外，嗌左個包，之前食過菠蘿包，今次試其他，牛角豬扒包，有驚喜，同樣好味，豬扒juicy,牛角包🥐酥脆，好夾！飲品嗌左個樽仔奶茶同檸檬利賓納，都算好飲的。

今日經開灣仔區突然好想食華嫂冰室因為係好多年前喺元朗食過之後就成日都好想食但係近年已經聽過好多人講已經大不如前服務態度又超差我有去過觀塘分店食我覺得冇問題點知我今日叫咗個冬陰功湯米粉同埋一杯凍奶茶先講呢一杯凍奶茶(真係好嬲)事關不能飲凍野但係天氣實在太熱啦我叫咗一杯凍奶茶走冰，點知飲到落口覺得又苦又澀。 咁我直接同店員講想加返冰點知店員話老細話如果凍奶茶走咗冰要加番冰要另加兩蚊我個刻O座嘴我本身凍飲就已經加咗兩蚊㗎啦而且杯走冰嘅凍奶茶只有三份二滿就算加咗冰都唔係滿架呢一刻我真心覺得佢個老闆好有問題為咗幾粒冰同個客人斤斤計較另外冬陰功米線的確幾濃郁但係實在太油膩同鹹了鍾意重口味嘅朋友可以試吓嘅但係我就覺得一般般

華嫂一向好出名食菠蘿包，今日經過灣仔呢間見唔使排隊就黎試吓啦！Order咗炸雞米線，另加8蚊轉咗芫茜湯底，當然仲有必食嘅招牌菠蘿包。先講個米線，可能食之前期望太高，覺得個芫茜湯底正正常常，無乜太大驚喜。炸雞外脆內嫩，加埋沙律醬點嚟食，都算係唔錯嘅。招牌菠蘿包上枱果陣賣相幾靚，金黃色嘅脆皮，加上流心蛋，淨計賣相已經贏晒！夾住厚切番茄，中和返牛油嘅肥膩感，順帶一提落單時可以同店員講叫佢地將個包切開一半上，咁就可以同朋友開心share啦！

Really like 鲜油奶多！外热内冷，咸甜口感，丰富多汁！招牌菠萝包一般，夹心太多，反而吃不到黄油味，夹的西红柿影响口感。热奶茶量很少，味道也一般，偏涩偏苦。下次打卡猪扒包！

好耐之前已經喺元朗食過一次，當時排咗兩個鐘，仲要熱辣辣，我記得當時食完，同朋友分享，都叫佢唔好特登食！某星期日晏就叫外賣叫過呢間灣仔華嫂，朋友話冇乜人幫襯，唔駛排，咁我哋兩丁友，咪中咗入去食！朋友叫餐蛋麵，唔會有乜驚喜！我叫咗豬潤雞翼芫茜皮蛋米粉我以為係炸雞翼，其實都好足料，一個女仔食唔晒，但又唔會話好好味囉！兩個人share多個招牌菠蘿包其實個包冇乜特別，只係一個菠蘿包，夾咗蕃茄、蛋、牛油，呢舊嘢凍冰冰，食到又lei hea, 唔知點解叫招牌囉！是日午餐$131, 嗰兩杯飲品，真係一般茶記貨式

見成日都咁多人排隊同推介華嫂冰室，所以之前專登去咗試下，但試完一次應該唔會再返去食🙁價錢偏貴，服務都幾差，仲要出餐都好慢🙁啲枱仲要好細張，坐得一啲都唔舒服😕.🐽招牌菠蘿包🐽菠蘿包味道冇咩特別，唔夠鬆軟，個包仲要係凍嘅，覺得有啲麵包鋪嘅菠蘿包仲好味🥺.🐽秘製撈米線🐽都幾多料，有豬扒 紅腸 餐肉 青瓜，味道一般。.🐽檳城喇沙湯米線🐽可以揀豬扒/肥牛/雞翼，最後揀咗雞翼。但雞翼嘅質素同普通茶餐廳都差唔多咁，仲有唔夠入味😟.總括嚟講嘢食嘅味道好一般，價錢又偏貴，唔抵食，似係想做遊客生意多啲，有啲失望，唔會再去食🙁

之前入過屏山店食華嫂,要排個幾鐘頭隊. 今次去開灣仔見餓餓地就去華嫂食番個包頂下肚, 平日黃昏時間唔洗排隊直入, 叫左個招牌菠蘿包加熱奶茶.上枱果陣賣相幾靚, 拎上手係啱入口既溫度, 但覺得再熱少少會再好食D. 金黃色既外皮,咬落去脆脆地, 個蛋唔燶仲有少少流心. 平時唔食牛油既我, 今日破例食左半舊哈哈個包一口咬唔晒, 要慢慢食. 歎埋杯熱奶茶, 正宗既港式下午茶~

終於去食華嫂冰室😋，叫咗幾款食物，基本上全部都好味👍🏻！茶餐廳來講做得好過好多對手！📍豬扒雞翼蕃茄湯通粉🍲🍅🍗🍖（$54）同勝x園有得揮，蕃茄湯底超濃稠🤤，瑞士雞翼入味夠林，豬扒大塊厚肉！抵食！😁📍鮮油奶多🍞🧈（$16）熱辣辣脆卜卜，舊牛油唔會得一半👍🏻，配合煉奶，天作之合！🤩📍砂糖鮮油豬🍞🧈（$15）呃人🤥並唔係用脆豬，只係普通餐包！不過都好味，砂糖顆粒增加口感😋！都正！📍招牌菠蘿包🍍（$21）必叫，雞蛋超香濃，番茄好清新，結合菠蘿油，好好味😋，好滿足！📍紅豆冰🥛🧉（$20）紅豆高分，好大粒，唔會太爛，好飲過龍x冰室太多！📍奶茶☕️（$16）好苦澀，唔滑。（個人喜好）茶記，你唔會期望佢俾好珍貴嘅食材你，但所有食物可以做到中上質素其實已經好好！已是：價廉物美！

相信一定有聽過華嫂冰室!如此出名應該冇人唔識!每次去到必點豬扒喇沙米線和冬蔭功煎午餐肉太陽蛋豆卜公仔麵，就算只是兩個人吃 都一定要點埋招牌芝士咸牛肉蛋豬仔包配埋奶茶，簡直係無敵!豬扒又大塊又 juicy, 午餐肉煎得香脆仲要厚切，豆卜索哂啲冬蔭功湯汁超正!豬仔包無得輸 ，超級好味包又香脆現在仲好好服務幫你分埋一半，免得自己切開搞到啲餡散開哂如此長情每次來都點同一樣既野食，當然有原因質素每次都一樣，超級好味!

知道華嫂不嬲都好出名食菠蘿包，經過灣仔呢間唔使排隊就黎試吓。叫咗個招牌菠蘿包加杯啡🤭☕️嘆個下午茶！菠蘿包外皮都幾脆，煎蛋有流心，仲有厚切蕃茄。整體來講都算合格。

每一次行過都控制唔到自己對腳，只想走入去食嘢，每一次都好想食飽類同米線，但係唔係太肚餓，怕做大嘥鬼公平少少上次喺尖沙咀嘅時候，食咗菠蘿豬扒包，今次就叫米線，可能我叫嘅嘢都係太熱門，有好多都冇，咁啱午餐肉同腸仔癮發作，一於就叫呢兩樣，湯底果要芫荽皮蛋湯，厚切午餐肉大大塊，兩邊煎得香脆，食落口感同質感十足，就算煎完都唔會有一滴油，再食一下腸仔，雖然唔係廚師腸，但係都好好味，芫荽皮蛋湯一如既往的好，成碗湯比我飲晒

星期日諗住悶悶地，出去抖下氣，行下街輕鬆下，諗住試下呢間人龍店，點之就中晒伏。呢排已經冇咩人出街食飯，佢已經唔再係人龍店，即使係午餐時間，成間鋪就只有2台客，3個侍應都可以視而不見，叫左幾次先有人埋嚟落單，食物仲要等30分鐘先拎出嚟，碗麵仲要難食到嘔，雞翼啲肉又霉晒，永冇下次 真心唔明點解以前咁多大陸人嚟呢度食，食物選擇又唔係多，價錢又貴，服務又差，出野又慢，張台又細，究竟有幾多係翻頭客? 佢係咪淨係會做遊客生意?

There are plenty of local HK style breakfast spots in this area ! Thick butter toast, the butter melts into the toasted bread. While the middle part of the butter was still hard. There are many texture to this toast.... crunchy outside soft inside ! The price is pretty reasonable!Sweet Soya sauce chicken wing with egg served with nissin instant noodle !!!!! The chicken wing was perfect, wasn’t too salty or hard ! It was still juicy on every bit ! I stand noodle texture was perfectly cooked and I

聖誕完左又到新年, 好多人趁住呢個時候放長假...但大食妹作為勤力嘅上班族, 喺呢啲時間都要返工, 所以就諗住食返啲好嘢慰勞下自己平時華嫂冰室一到食晏時間就超級多人, 等位閒閒哋都要半個鐘, 所以大食妹一於就趁呢啲比較少人嘅時候去食大食妹同同事兩個人嗌咗一個包再加兩碗麵<豬扒菠蘿包>菠蘿包外脆內軟, 裏面加入咗番茄、生菜、豬扒同一啲醬汁, 咬落好juicy, 係大食妹摯愛<腸仔餐肉通粉>因為怕唔夠飽, 所以大食妹同同事都每人嗌多碗麵同事就嗌咗一個比較普通嘅腸仔餐肉通粉...清湯冇乜味道, 同普通嘅熱水冇乜分別, 就唔係咁推介啦<秘製雞翼蕃茄湯米線>蕃茄湯底係用新鮮嘅番茄打成嘅, 湯底味道比較清淡, 但係相對健康, 鹵水雞翼非常入味對於華嫂冰室, 大食妹係比較推薦佢嘅麵包類佢嘅麵包上枱嘅時候係非常有熱度同埋軟熟