華嫂冰室 (杜智臺)

營業中

休息中

華嫂米線每個湯底都唔錯，皮蛋芫西湯係我日常最愛，夠足料健康低脂湯底今次食檳城喇沙湯底配搭豬扒，豬扒炸得啱啱好，肉質外香內嫩，醃味夠入味索埋喇沙汁簡直一流😍 另外有半隻糖心蛋，少量生菜豆卜作配菜

灣仔上班族又到午餐諗食咩好時間，見華嫂唔洗排隊梗係食佢啦豬扒煎蛋配豉油汁 $48普通碟頭飯，豬扒煎到微微焦黃色剛剛好，肉質不乾柴，正常水準，不過不失😂😂豬扒檳城喇沙湯米線 $52金黃色喇沙湯底十分濃郁，帶少許微辣，椰奶味香濃味道突出，稀稠度恰到好處；伴隨配料有半邊熟蛋同索晒湯底精華嘅豆卜，超好味😋豬扒肉身都好大塊，啖啖肉🍋凍檸檬益力多 跟餐半價 $10酸酸地微微中和益力多嘅甜味，飲落幾清新可口，唔錯唔錯💯💯

返工lunch hour 諗唔到食乜既情況下近近地就揀左華嫂冰室既間遊客必試既茶餐廳地點都算幾隱蔽 有一點想講一講就係 疫情下要填資料入餐廳進餐 但佢地填資料既指示係完全唔清晰我量完體溫後先發現紙仔放晒係門口當出返去填返之後再進入 有位職員大聲呼喝叫你量體溫 當時已告知「量過啦 只係填返紙仔」但佢聽都未聽先 再叫我量溫體 當下我再重申已量過 佢先答我「係咩 岩岩睇唔到 唔好意思」我想講既係 你要我量多次唔係問題 唔該注意態度成間餐廳都係客 你大聲呼喝 難免會令人感尷尬而不服！而食物方面，今次嗌左「厚切叉燒煎蛋飯」唔記得影實物就食左但整體係唔錯既 叉燒真係好厚身 但略嫌蜜味可以多d ，不過佢個飯豉油同蔥油都好夠 可以補返(甚至可以減返d）但問題不大 相信落order 果陣提出可以做到 但如果兩者可以平衡返d 會好好多跟餐配左凍檸茶 正正常常 冇乜特別只係size 比平時茶記細杯好多 所以冰唔夠 落熱茶後上枱已是凍檸茶走冰了整體而言 作為一間遊客必到茶餐廳我只好為佢地既服務方面扣分 可以做到更好別無他選下都會再次光顧。

芫茜皮蛋豬膶牛肉米線湯底好好飲，飲完無覺得口渴，芫茜份量好多。滿足晒芫茜粉絲，豬膶口感還可以，不是厚切、是薄切，所以有小小鞋。牛肉嫩，似乎用梳打粉醃了一陣有呢個軟滑口感。米線吸收晒湯的精華，女士要食晒一碗真係好飽。凍奶茶都係正常貨色，沒有驚喜，紅茶香濃，但有小小苦澀味道，花奶都放得不夠。好彩服務員態度好，我問可以加多一點花奶，服務員用一個小糖醬杯比花奶比我。環境乾淨，員工服務態度有禮貌，下次都會再幫襯。

諗住依家6點後冇堂食，晚餐就外賣華嫂返去食，因為太內冇食，叫左個豬扒喇沙米線同秘製撈米線。點知返去一打開個秘製撈米線見倒啲紅腸、餐肉、豬扒全部都炸到乾晒，根本入唔倒口，食左都怕喉嚨痛，而家疫情嚴重都係咪搞，最終都冇食☹️跟住個豬扒喇沙米線好小小，但個豬扒都係好燶，失望的一次

呢間位於謝斐道272號，杜智臺地下3-4號舖嘅店舖叫華嫂，呢間餐廳我幾乎天天都會幫襯，每天我都會買早餐，佢嘅招牌蛋沙律多士，真係非常好味，有時會買下芝士咸牛肉多士、雞蛋成牛肉多士，其實呢間餐廳所有食物都好好味的，可以稱得上是我的飯堂，今日午餐都係食呢間，揀左豬扒雞翼出前一丁，扒扒厚切😋，雞翼我估是瑞士汁煮👍🏻，非常夠味，湯底還可以揀蕃茄湯底、芫茜皮蛋湯底、冬陰功湯底架，今日我就揀原味湯底，天氣凍凍地食碗麵，暖笠笠，正。👍🏻

ฅ≧∀≦ฅ 疫情關係，少左人返工出面食，今次等左5分鐘就有位✌️平日午飯時間起碼要等半小時以上⤐⤐⤐⤐⤐⤐⤐⤐⤐⤐皮蛋芫西湯米線，炸雞球+午餐肉湯底清甜，湯料非常足，皮蛋芫西佈滿成碗炸雞球皮脆肉嫩~ 不厚粉不太肥膩午餐肉兩邊都煎得香口惹味，睇佢個厚度夠曬誠意⤐⤐⤐⤐⤐⤐⤐⤐⤐⤐豬扒煎蛋飯有咖喱汁同黑椒汁選擇，今次食黑椒汁豬扒多汁肉嫩，份量不少煎蛋🍳流心正最後就梗係唔少得杯靈魂飲品～凍奶茶奶滑茶味濃，正！

話說星期六係港灣道打完波，餓餓地唔知吃乜，沿途見到華嫂冰室既招牌，見幾多人吃應該唔錯就入去試一試，唔知係咪星期六既關係無下午茶餐，咁就叫咗個招牌撈米線同杯檸檬益力多。先講下個招牌撈米線，D料都幾足，有午餐肉，紅腸加酸青瓜，整個份量係足夠一個成年男人吃，D午餐肉，紅腸同酸青瓜係切成條，方便食客撈同進食，黎下係幾貼身要加分，味道方面普普通通不及雲貴香。飲品方面係益力多加咗檸檬，我本人飲唔出有咩分別，益力多同檸檬本身都係酸既，我覺得係玩卓頭多D～由於唔係下午茶餐，埋單過50有D小貴～

周六早上9時許經過，一行兩人隨心想吃過早餐。室內大概7 成滿，眼見有一張吉四人枱（中間間了透明膠版，即可坐2張2人），正想坐低，條大姐大大聲話張枱要留番俾3/4人嘅客，要我哋同另一食客搭一張細圓枱，我見坐得咁唔自在，都費時再講，即刻走人。我唔係第一日食茶仔，講服務態度係多餘，亦明白位置安排潛規則，問題係你間店未滿，我又唔係話要2人坐4人卡位，食個早餐20分鐘左右，仲要串串貢，貼錢買難受就免喇，一定冇下次。

又到左加班時間，冇乜餐廳甘夜仲開，所以都係叫外賣啦。今次試下叫華嫂、同事話佢好食🤔。叫咗香煎豬扒配通粉，番茄湯底，加埋凍啡少甜。外賣大概等10至15分鐘，都好快手的。返到上去一睇，佢嘅湯同餸係分開擺㗎，所以唔使驚外賣到咗就會淋哂，食落去豬扒都幾大塊，都唔係太多骨，都啖啖肉既，個湯反而有驚喜，蕃茄味好濃，本身以為只係清茄湯，估唔到佢又有d料wo.外賣加埋轉湯底、加埋嘢飲大概$60幾蚊到，其實都唔係平，好彩佢塊豬扒唔係太薄，甘樣都叫抵返d.

Sogo 又開始咗減價，諗住博殺前黎醫肚先再去shopping。之前都幫襯過2次，每次都要排隊，唔知係咪因為疫情關係，竟然無人龍，仲可以直入。😲$23 招牌蛋沙律多士 - d料夾到漲卜卜，好味，略嫌個mayonnaise醬甜左d。見到好多枱客都係叫芫荽湯底，但我地都唔食就叫喇沙$52 雞翼配檳城喇沙湯米線湯底都係偏甜，佢d雞翼整到好淋，好易就離骨。$52 炸雞球配檳城喇沙湯米線雞球都幾多，正常，但個醬就太甜。之前排哂隊入黎覺得好好食，但今次無人排又覺得一般，唔知係華嫂退步左定係心理因素影響左我呢？🤣

招牌菠蘿包！朋友喺金鐘訂左酒店慶祝生日staycation，我就去同佢哋食個外賣華嫂冰室嘅午餐，傾吓心事，gathering下。不過因為係屋企食咗個好飽嘅早餐，食唔落一啲正餐嘅午餐，唯有嗌個招牌菠蘿包試吓啦。招牌菠蘿包$25- 好耐冇食過菠蘿包喇！雖然外賣個包凍咗，但係菠蘿包外層依然鬆脆，麵包都幾軟熟，最鍾意嘅係有厚切蕃茄同埋流心荷包蛋。幾樣食材都好簡單，夾埋一齊食真係好味道，唔怪得會係稱得上招牌！推介！朋友們食蕃茄豬扒通粉，份量都好足，同埋都幾好食！下一次有機會都想試吓。

今日去華嫂食下午茶，大約4:00到。可能因為武漢肺炎嘅原因餐廳都幾小人。我哋嗌左一個豬膶牛肉芫荽皮蛋湯米粉，豬扒牛角包同埋兩杯凍檸茶。保持華嫂嘅水準個面夠熱牛角包都好鬆脆。略嫌杯凍檸茶唔夠檸。正路野。

介紹新同事去華嫂食lunch😋食完都大讚多皮蛋芫茜及西生菜底，好味👍😋 豬扒夠腍juicy唔會鞋。其實個招牌菠蘿包 都好正架，可惜今次無食到，因太邪惡了🙈有位男高瘦的侍應服務很好👍初時我地2人坐小枱2人枱，見4人枱有人走了有吉位，主動同我地轉4人枱，我地對角坐，坐得更舒適及安全🤭#以前繁忙時間人頭湧湧總要排隊 #疫症下人少了 😷 #坐得鬆動 #終於唔駛搭枱#堂食最美味 😋#MagicCherry攻飲食 🍽

Treated by my boss.Although this restaurant is with blue stance, I’m writing this review in an objective stance.//It is a well-known Hong Kong nostalgia restaurant, selling quality local food. Ordered from online dining platform and the food arrived in warm(as expected) while the milk tea was cool(not icy but acceptable).//Toast with corned beef, cheese and egg-warm (not hot, accepted)-average level of salty(due to corned beef)-classic(ingredients matched)-not crispy enough(due to delivery)//