華姐清湯腩

營業中

休息中

連續拎咗n年米芝蓮推介嘅清湯腩。🍜 只可以講：失望。其實呢間真係幾出名，聽咗好多年一直想試，本身見網上有啲人都話名過其實，咁嘢食都係親身試最實際嫁嘛！於是我都係搭咗叮叮去天后試（伏）下午去唔算多人，直入就得唔使排隊清湯味道普通，亦已經加錢叫咗最多人推薦嘅伊麵，質地都係無咩特別。牛腩唔夠香，質地比想像中嚡，有少少難咬，好彩其中一碗嗌咗肥腩先好啲🙂擔擔湯底唔係四川/上海味，建議嗌返清湯，不過擔擔麵個麵食落比伊麵好，有啲咬口。我願意相信佢十幾年前係好食嘅。

講起清湯腩，相信大家都會諗起天后個頭，幾年前食過一次麻麻地，今次再嚟食，加價但係質素好似仲好過上次。叫咗個醉雞，加錢轉雞髀。整得唔錯，唔會好凍或者好重味，就咁食既話酒味ok，連埋醉雞汁食就微甜，感覺適中。清湯牛腩河$55，個湯清得黎又夠味，河粉好滑，牛腩較瘦，唔多筋。另一碗牛腩米，個牛腩就比較肥，冇河粉個碗咁靚。但係最正係加埋辣椒油！米粉索湯好味道Addressss:華姐清湯腩 (天后)天后電氣道13號A地舖

食後感分享 菜名: 清湯牛腩河粉評語: 牛腩煙韌，有牛肉味，湯底清甜不油膩。份量適中，唯蘿蔔欠奉。 店舖位於港鐵天后站旁，店員服務態度良好，樓面乾淨整潔價錢: HKD$55碗

專程走到天后覓食，突然好想吃麵，想起天后有清湯腩，很多年前在灣仔某間清湯腩吃過後念念不忘, 見到華姐和旁邊別家的清湯腩, 選了華姐 (印象中好像未幫襯過), 每枱都坐了食客, 只好等一陣, 很快便有位子, 看到人家在吃金錢肚, 樣子好像很美味, 又想吃牛筋, 牛腩當然唔少得, 最後點了碗三拼麵( 牛腩, 牛肚, 牛筋), $80一碗真的有點貴, 但如果是好吃的就沒所謂吧, 等了不到3分鐘, 麵終於來了, 真的嚇一跳, 細碗到呢~~  先喝一口湯, 有點鹼水味, 是否因為點了麵的關係呢就不得而知了, 牛筋, 口感不錯, 不太淋, 有咬口, 再來金錢肚, 夠入味, 都算唔錯, 最後吃一口牛腩, 差D哽親, 唔係講笑, 從未食過又硬又鞋咁差既牛腩 麵就一般, 跟外面很多麵檔都差不多, 不過啖湯就勁咯.....係食完之後勁口渴, 應該係相當重味精俾$50蚊我都嫌貴

今日行開去天后，去到食晏時間，老公話想食清湯牛腩，嗰度有兩間清湯牛腩，諗住是但揀一間，見到華姐第一間又米芝連又排隊，決定去試吓，一家三口叫咗兩清湯牛腩河，一碗牛腩面加一碗蘿蔔，一嚟到我碗牛腩河得4片牛腩，再加一件佢肥到唔到落口嘅肥膏🙈⋯⋯$50一碗牛腩河，真係接受唔到得幾舊肉，食埋個蘿蔔，最後係食唔飽👎🏼👎🏼👎🏼👎🏼 連我六歲嘅女食完都話唔係咁飽😅蘿蔔$20一碗尚可接受，但係嗰碗牛腩河得咁少牛腩真係接受唔到囉🙈

回到香港准备接受家居隔篱，回家前在家裏楼下的华姐清汤腩买外卖回家吃。这裏的清汤腩一直是我的最爱 每次来香港一定来这裏朝圣。疫情期间下午三点多店铺内没有什么人。每一张桌子都有一块白胶片让客人隔篱着吃。看著每一个客人默默吃著自己的一碗面实在有一种 冷清悲凉的感觉。点了 华姐三宝清汤腩和白灼芥兰。三宝清汤腩绝对是最美味的食品，牛筋牛腩实在非常滑嫩，牛柏叶也很爽口吃下去口感很舒服。汤底清甜更加是我的最爱。白灼芥蓝非非常嫩滑，埋单港币九十六元实在有点贵但还是值得的。

今日同事介紹去食牛腩河粉，但係我想食飯跟住佢話有啊有菜飯所以去咗，等了大約15分鐘有位比較迫少少.同事幫我點完菜大約等10分鐘就有嘢食，賣相很不錯而且很香，見到湯底好清即刻忍唔住就要開動了...好神奇地湯底好清但係牛肉嘅味好重好好味..口感非常好牛腩好’琳‘ ...個底有白蘿蔔...白蘿蔔鮮甜冇渣充斥着牛肉味...菜飯好好食而且啲菜顏色係好鮮色感覺非常之好.美中不足之處食完之後我覺得都幾好喝，有落味精嘅嫌疑...或者留落好多鹽..之前食過唔同嘅清湯腩呢間真係好出色總結食物60服務30回頭率65性價比60環境30

每次經過這裏都忍不住要坐下來，一碗牛腩湯河粉。牛肉河粉一上來，就嗅到一陣很香的牛肉味道。看上去湯頭很青，喝一口，更愛上了，清甜無比，加上了蔥花的香味，絕配。牛腩也不錯，很嫩，也很有牛肉味。這次我還叫了蘿蔔，蘿蔔經過多時的煮後，牛肉的香味已滲入了蘿蔔中，很美味。加上一杯豆漿，很完美的午餐。

比較過附近幾間清湯腩，見到食評話呢間係最高分，所以就算等位，就去試吓。叫左兩碗牛腩河粉，一碗正常，一碗瘦腩多葱。點知道放低兩碗粉，兩碗都係瘦腩，一碗無葱，一碗少葱。如果戴住口罩落單聽唔清楚，可以問多一句，唔好求其放兩碗河粉就算數。如果無鋼牙，d牛腩咬唔開。估唔到一間用牛腩做招牌嘅店舖，質素咁差。牛腩啲湯唔知落咗乜嘢，得陣甜味，怪怪的。第一次幫襯，亦係最後一次。

“ Simply Delicious “We ordered their signature Beef Brisket and Homemade Dumplings in Clear Noodles Soup.Decent quality of Beef Brisket.Homemade Dumplings and Noodles are Fresh and Tasty.The Clear Broth are simply the best.The place is tiny but it’s all worth it.

清湯很濃味，但味精越來越重手，食完超口渴。一直很喜歡食話姐，牛腩肉質不錯，我最喜歡金錢肚，但近年清湯味道感覺越來越鮮甜，食完超口渴，感覺都是味精換來的味道。有點失望，寧願你加價，也希望保持質素及健康。

位於天后的華姐清湯腩，是米芝蓮推薦小店，已經連續多年獲米芝蓮指南推薦的香港平民小店，不但深得本地粉絲力撐，亦是外地遊客的朝食站之一。.華姐清湯腩主打濃淡適宜的湯底，牛腩煮得煙韌爽口，充滿牛肉香氣，配以伊麵，吸盡牛湯精華。本人覺得配伊麵比米粉出色，伊麵本身較容易吸收湯底，更能凸顯經多小時熬製而成的湯底。.蘿蔔鹹甜兼備，大小均勻，爽甜可口，冇湯不成菜，與牛腩湯是絕配。.午市時間較繁忙，可能需要排隊等候，但烹調和進食速度快，所以翻桌率高，稍等一會就能進座。.性價比：4/5星

晚餐限聚令唔知食咩好，見到華姐ig話有外賣火鍋套餐😍，之前都有試過買返嚟同朋友打邊爐，但成煲咁買真係好乸脷🥶，而家個套餐都幾抵，重有晒牛腩、牛筋、牛肚同蘿蔔，唔使諗。佢地話有真空包裝，但要早一日訂，我呢啲即興架嘛，緊係即刻叫c6帶埋個煲落去買啦🤣🤣🤣，如果呢啲都有人送外賣就重好。買左個4人份量，都塞到個煲好滿，腩汁蘿蔔吸晒汁最好食，食晒啲腩都半飽，剩返嘅湯底加啲水再用嚟繼續打邊爐。我哋又買左啲海鮮，蝦同貴妃蚌就唔少得啦，最後淥埋個烏冬，有海鮮嘅甜又有牛骨湯嘅濃郁，正正，飽到講唔到嘢😂

都唔知我係咪太耐冇出街，而家買外賣$130 ，換來得十零舊牛楠牛肚牛根！真係天價，我好肯定佢呢份淨牛腩牛筋牛雜嘅份量，係小過我分開兩碗叫嘅份量，加上佢又冇粉面喺入邊，真係物超級不所值。再加上不可一世嘅服務態度。如果$130得甘少但物有所值都話，我都可以接受，咪當去酒店食牛腩河咁囉。但係牛楠唔係正到值呢個價，冇下次了👎🏻從來未試過寫食評，多次華姐鼓勵我出食評！好後悔當初在天后，兩間牛腩店，之間選一間，選左呢一間！

食物:牛腩生麵$50，問佢有冇坑腩，佢話盡量啦！點知真係有喎，仲唔使加錢，冇得輸！天后站冇第二間食到咁好味嘅坑腩！夠淋、半肥瘦、夠多！非常好味！麵底嘅份量正常！但煮過龍咗十幾秒！有啲淋！不過有啲人可能鐘意食淋嘅麵！我個人喜歡硬啲、爽口啲！湯底飲落超激盪，鲜甜冇咩味精！可以飲晒！籮白普通， 不過$20可以食！畢竟唔係咁多店舖有！環境: 好光猛，普通大細，要搭檯，冇裝修，但好新淨！冷氣普通！坐得都舒服！衛生: 非常清潔！服務: 好！客客氣氣！值得經常去！抵佢有米芝蓮！