華姐清湯腩

營業中

休息中

今日2點幾去到，要等一陣位，大概等左15分鐘，叫左碗牛腩粉·好湯底清澈、香甜，清湯黎講好似真係做得幾好，食完成碗都唔知話口乾·唔太好牛腩好睇彩數，我呢碗可以話一半好食，一半唔太好食，成件肥膏脂肪加少少肉位又有、肉質硬難咬開都有·不好知道間舖係細既，但走既時間（比錢賣單出門口），個店員好似望你唔到咁，一野撞過黎，撞到我個袋跌左，跟住都睇唔咁，一野走左。感覺唔好😟🫠🫠···整體來講，60蚊一碗我覺得唔太值得食🤔 其實香港小店既牛腩做得更好，除非你係特登嚟試佢嘅清湯（但食食下 開始會覺得無味 無特登，見到好多食客都加辣椒醬食🤣 咁姐係唔係食清湯麵啦🤫）如果我有遊客朋友，我都唔會帶佢食呢間野😂

來到天后，通常都會習慣地去華姐食一碗沙腩飯，通常如果時間尚早，就會得到一碗高質嘅沙腩。但係有時候，當時間晏咗少少，就會清空。崩沙腩膠質豐富， 食落口香淋軟糯，用同埋跟嘅比例接近50 50 ，非常好食。華姐其中一樣最出色嘅就係佢嘅湯底，唔係一般嘅牛腩湯，飲落去比較香甜。感覺上煲嘅時候加咗好多蘿蔔一齊煲。飲完第一啖湯，加上用珍珠米煲出嚟嘅菜飯。天衣無縫。牛腩沾少少辣椒油，完全帶出咗牛肉嘅香氣同唔會太油膩。要飲返入邊有幾舊蘿蔔，入晒味，但係美中不足就係有少少根，有啲老。整體來講係一碗非常高質嘅牛腩飯。

👤人數：2💰埋單：150🍽口味：標準，稍有味精味🍽菜份量：偏細華姐清湯腩好有歷史年份，味道都依然冇變，更多食嘅會係一個回憶故事。每次同朋友去完維園游水都一定會去食華姐清湯腩，而且每次都吾會變嘅係要坑腩，好淋好味，其中最最受歡迎嘅粉麵係佢嘅河粉，佢河粉同出面河粉有少少唔一樣，口感會稍微彈少少，唔係粉嗰隻，所以我每次幾乎都會食河粉。但今次河粉賣嗮，我哋分別嗌咗上海面同撈寬粉。都好好味呀，主要係因為都好彈，口感加分。至於湯底，我個人覺得幾好，雖然有少少味精味，但我可以接受，身邊有朋友就接受唔到，所以我諗見仁見智。

去開天后，唔洗問，總係要來個清湯腩。介紹番拎咗好幾米芝蓮推介嘅清湯腩🐮——華姐。疫情前，同隔離「大利」都會和平競爭，一人一條長人龍👭👬👭👭👭，兩間水準都好好，點都估唔到利捱唔住……執咗😢。佢既特別之處係可以選擇唔同既牛腩部位，例如坑腩、爽腩等。今次我簡左我最愛既坑腩牛筋🐮米+必食蘿蔔🥕。坑腩即牛腹部及靠近牛肋位置，比較鬆軟，帶有筋、肉、油花，入口番淋有牛味🤤🤤🤤不過，老老實實，有比較之下，覺得大利真係好味好多，坑腩今次完全唔合格，太瘦了😔！而蘿蔔對比大利簡直輸一條街，估計煮時落唔夠冰糖，唔夠清甜淋身。估計都係今次只係失手而已😏⋯⋯加油，華姐💪💪💪唔好令失望，令天后必食處又失去一個地方。🫠🫠🫠🫠🫠

咁岩經過天后，唔知有乜好食，就隨便入一間鋪頭試下，最後揀左呢間華姐清湯腩，原來係米芝蓮推介，盛惠$58。味道黎講都OK，但未至於有乜野亮點。一般清湯腩河就賣緊四十幾，而呢度要成$58，明顯有$10以上係因為米芝蓮推介。真係食過一次就夠，明顯唔值呢個價。另外呢度既用餐環境都幾劣，更加唔值呢個價。

滂沱大雨下到天后，見華姐清湯腩沒人排隊，入內即有坐位，入座後與友人各點了一碗清湯牛腩湯河、清湯牛肚牛腩湯河、炸魚皮。清湯牛腩河～湯一入口清甜好味，有牛味但唔羶，牛腩望落瘦瘦地則邊有少少肥，入口唔鞋口淋滑唔痴牙，夾雜則邊少少見肥，肥瘦適中，食完一口又一口，河粉順滑易入口，唔會太淋太散，美味可口，食後唔會好口喝，証明味精唔重炸魚皮～皮薄爽脆，唔油唔滯，配上清湯奉上，配搭適宜，小食必選牛肚牛腩河～牛肚有咬口但唔硬唔痴牙，牛腩同清湯就同牛腩河質感相同，都係清甜好味辣椒油反而平平無奇，唔太特別突出，反而唔落辣椒油，原味清湯可品嚐更清甜的味道店內坐位不多，加上疫情今日不用排隊入座都算幸運，店內環境尚算整潔，整體食物和環境都很好

喺附近staycation上網一睇天后必食推介就係華姐清湯腩地點好方便天后站A2一出來不足1分鐘已經到店由於眼闊肚窄又乜嘢都想食所以今次決定外賣叫咗個清湯牛三寶湯河粉($85)入邊有切牛筋牛腩同牛肚本身好鍾意食牛亦覺得佢整得好入味牛腩炆得好淋滑牛筋亦好滑口牛肚保持返適當嘅煙韌度很不錯餸嘅份量唔算少每一款最少有三四舊亦叫咗佢分湯河粉滑身👍🏻係會令人有記憶點嘅清湯腩食完之後亦唔覺好口渴今次未有機會試到腩汁蘿蔔同魚皮見到好多人推介下次有機會一定再試

之後絕不幫襯！味精味重都算！竟然手指插湯！手指插湯是一位中年戴眼鏡男士做！唔影佢相 唔嘈佢 都仁至義重！我叫爽腩，點知比皮你食！有圖為證！無論點翻成碗野，全部都係 腩表面個浸概皮！越來越離譜，之前同一間食過概爽腩絕不一樣！是同一間，你話煲得淋都好，個塊皮仲硬過香口膠，又un又硬賣單時，無人夠膽同我收錢，我都廢事嘈，比完錢，我當無事發生，仁至義重但此種惡劣食物及服務質素，每次都好離譜，我認為公眾及平台有知情權，幫襯過華姐清湯腩10年概我，絕不再幫襯！

第一次食，網上有好多人都話好好食，所以特意黎試下叫了清湯牛腩河同牛丸米。另外又叫了炸魚皮同蘿蔔。入到店，見枱枱都叫蘿蔔，所以我們又叫了。果然，好清甜，好好味。炸魚皮也好出色，香脆可口，完全唔淋。至於清湯牛腩和牛丸米，味道還可以，感覺唔係太特別。湯好清甜，加左醋同辣油，味道更好。店內人流都好多，想食既話要預翻時間排隊。店內環境乾淨衞生。不過，人流多，外面排隊人亦多，所以店內坐唔耐，食客食完就走。整體來講，食物環境不錯，難怪得到米芝連。下次會再試。

華姐清湯腩一直都好出名但冇試過 冇堂食試下takeaway 點知一試我自己就好鍾意叫左兩碗清湯腩米粉湯底清甜，牛腩肥瘦適中好香油脂 而米粉好爽 好好食而蘿蔔份量超多 不過有啲甜 少少假

🦋🦋去天后站 一定會嚟食清湯腩嘅原本有兩間返嚟冇呢佢原來有一間因為疫情已經執咗淨返呢一間 不過呢間嘢係我鍾意食嗰間你呢度坐位唔多 午餐 你一定冇位我今日係下晝嚟都幾滿漠克價錢其實都偏貴呀今日食咗個牛筋擔擔麵要60蚊加個菜22蚊食一餐面都成100蚊💰💰啦不過真係好好味有水準牛筋唔算好男不過個湯都真係好清好入味 港島區啲嘢真係好貴呀不過真係有質素嘅坐得都算舒服嘅上錯亦都好快我覺得小辣又真係唔係太辣喎 凍檸茶飲所以嗌咗個凍豆漿都好好味

其實華姐清湯腩大名已聽了很久，今日獨個兒在天后等朋友，見有時間，不如就試一試！餐廳內坐位不多。預左是塔枱塔枱～不如考慮下，就點了個牛腩河，再加豆腐一杯，價錢還可以～湯底雖然是不錯，清甜，但牛腩卻不是期待中的口感，河粉也不是嘩一聲。不過今時今日，呢款味道加價錢，已經不是一般牛腩麵店可以做到。

經開中圖附近餓餓地想搵野食去華姐清湯腩岩曬架啦。去到華姐一定要嗌嘅就係清湯牛腩同埋腩汁蘿蔔，雖然華姐既價錢係少貴，但我覺得係抵食既因為香港無咩邊到好似華姐呢間咁keep得住個水準

🙂小弟已經很多次幫襯華姐清湯腩，但每次見到碗牛腩麵，都急不及待開動了雙筷，未能影相寫食記，今次終於記得影相！😇小弟我經常在天后附近工作，華姐清湯腩已經成為我必食的飯堂。每次到天后工作，都很期待這碗熟悉的味道。😍今次叫了近期既至愛：”淋”腩撈伊麵+咖喱汁 配罐裝可樂。牛腩牛味濃郁又夠”淋”，證明大廚烹調和刀工一流！蛋香味十足，又夠彈牙既伊麵，再配上咖喱汁和廚師精心準備的牛骨湯嘅香味，配合得天衣無縫！可算是平民化的人間極品。令人一試難忘，再試無妨！期望她們繼續努力，發掘更多牛氣沖天的菜色！

一間位於天后地鐵站旁的人氣小店 有香港兩大食評家的點評掛在牆上 更得到2012年至2021年的米芝蓮推介 九個獎牌整齊排列在店內 店鋪不大 祇有大約30個座位 坐得比較辛苦 小店就是這樣的 食物價錢比一般的稍貴 相對地的也較大碗 今天我叫了牛筋牛腩米粉 湯真的是很清 牛筋顏色亦很淡 入口又軟又滑 牛腩是正宗的牛坑腩 層次分明又不硬 果然是名不虛傳唯一稍差的就是坐得不舒服和要來去匆匆的進食 這是小型食店無可避免的缺點