華南粉麵茶餐廳

營業中

休息中

由細食到大, 愈食愈難食都算. 每隔幾個月都會想比次機會佢. 對上兩三次都問老闆娘點解d牛腩咁瘦咁un. 佢都話d貨差左, 有機會都想入番d靚貨. 我表示體諒今日新年佢地開番, 入去整個坑腩河, 叫佢唔好比咁瘦我, 上幾次都好瘦好乾. 個阿叔居然再問我要肥定瘦, 我話半肥瘦, 佢話「咁你要講清楚嘛」我黎幫襯果陣你都未嚮度做啦, 未訓醒就訓醒先幫人落單講番碗河. 個湯正常水準. D所謂半肥瘦坑腩...垃圾, 真心垃圾. 點解可以咁垃圾? 我今次真係無說話好講, 因為佢真係明顯地比左d坑腩我. 但點解d肉可以乾過牛肉乾. 坑位明顯, 連住果層衣都正常, 但一去到舊肉就清一色厚切牛肉乾. 極度垃圾果一刻我決定同呢間由細食到大既粉麵店永別. 我加左好多好多羹辣椒油連埋d渣, 將個湯一飲而盡. 同佢黎左個goobyekiss不再見, 永久blacklist

在灣仔福臨門在後巷, 是我第一份工作常去吃早餐的地方, 轉工後很少經過這裡, 多年重回舊地, 改變不太大, 華南粉麵依然車水馬龍. 這裡的牛腩牛雜河價值七十多元, 可以和九記媲美, 但前者則較為低調. 湯頭清澈而沒有漂油, 味道濃香不死鹹, 還有微微的甜美. 崩沙腩上的橫隔膜十分彈牙和爽口, 牛什則是十分入味而乾浄, 品質上乘, 對得起其價錢.

地踎鋪，餐廳價🙄$66 牛肚河，$78牛腩撈粗，$3多蔥😳物價真係好貴😅辣椒醬 $280/樽，有客買2樽！我真係好窮😜有朋友話佢 Keep 到以前嘅水準，又有朋友話唔夠以前好食，特別係D牛丸

黎到灣仔搵食，諗住食個Quick lunch 咁就決定食粉麵🍜貪佢夠快。決定黎到譚臣街呢邊，因為有一堆粉麵店。 咁吾諗咁多是但搵一間入去，因為食飯時間吾多，咁就入左去華南。一坐底見到牆上一堆明星照，咁多數賣會好貴。點知，望望餐牌，平均一碗粉都已經40 蚊起😟，而我地怕羞又吾好意思走，店員又係咁問食咩食咩，咁就叫兩碗粉吧🍜牛什米（HKD 53)：公道講句，牛什每個部位都比一舊最少，咁的確吾錯，而且洗得乾淨，無怪味。😋但可惜米粉既份量少，而且好似淥吾淋咁，仲有點硬🤨湯底吾算油，係普通牛肚湯。雙丸（魚蛋，牛丸）(HKD 64)： 咁就60 多元就睇下有幾大碗，點知係個碗大，份量少食完好似食空氣咁，牛丸濃味有胡椒粒係入味，夠彈牙，而魚蛋都係調好曬味，普通。留意番，兩碗都係單點吾包野飲🥤，而飲品無得跟餐，要飲就24蚊起。見人地食炸魚皮咁滋味，叫一碟，25 蚊，份量真係少，但味嘅吾錯，脆身，炸粉薄。總結：價錢貴 份量少 吾值對面街食碗粉連飲品都吾洗60 蚊不會再光顧

自己伙計落錯單，之後輔返兩隻餃原來收番我錢，感覺非常不舒服，有啲好似俾屈。咁多年介紹唔少朋友去幫襯食宵夜，依家覺得有啲白費。算吧返正一向喜歡的韮菜餃水準下降了，以後少了一個宵夜的選擇有點可惜。

$66一碗牛腩牛肚米（因外賣加了$2），價錢認真貴貴，以為老舖有料到，價錢咁貴食物應該會有質素。唉！想多了！要求食瘦腩，得到「un」柴皮，乾「猛猛」的瘦腩數件。牛肚沒有特別要求，心想以為有金錢肚，sorry loh，竟又是乾乾扁扁的，沒有texture；賣相不佳之外，味道亦欠奉。碗牛腩牛肚米豪無鮮味是預料之中，居然連味精或鹹味都欠奉！米粉亦不特出！性價比超低！灣仔區大把粉麵店、車仔麵店可供選擇，此店不用考慮！

我諗好多人去得華南都係食牛腩,粉麵.有冇人都食過佢其他嘅野？我就食過豬扒多 (記住要叫多士, 因為烘底, 普通底冇咁好食)嘩, 驚為天人! 塊豬扒好juicy好夠味, 又淋. 多士上嘅牛油係熔左,同塊豬扒係非常之夾!

同同事lunch諗住嚟灣仔食平嘢，就入咗嚟呢間華南粉面，其實呢條街附近都有茶餐廳，平均一個lunch set 都係$48至$60諗住求其食碗粉可以再平啲，冇睇餐牌就入咗嚟食緊麵搭枱就不在話下，態度唔算太有禮貌，應該係自己買咗間鋪做生意一睇餐牌就知道中伏，價錢可以自己睇圖⋯⋯（幅相係食左少少先影，不過碗麵就唔算大碗）$53 牛肚米粉： 一般貨色$46 魚蛋河粉： 魚蛋唔算彈牙，不過都叫魚蛋同魚片每樣有三舊如要飲品係冇得跟餐，要跟餐牌上正價價錢$24 起應該不會再幫襯

點了魚蛋河粉，蠔油芥蘭，魚蛋有點腥，好咸，魚片亦如是，有些鞋口，河粉很早就發哂水，浸到爛哂，筷子巳經夾唔到，湯底都係得個咸字，油菜普通正常，用餐環境比較迫，地方不太乾靜，伙記態度還可以，冇食評講咁差，兩樣野$71真係佢俾返我睇醫生就差唔多，長吃腎會有問題。

朋友之前推介我去食既一間粉麵店，朋友話呢間係灣仔好出名，而佢之前嚟食經常撞到明星，而呢間店經常都有明人嚟幫襯，今日去到，都真係撞到有明人嚟幫襯。入得去食，千祈唔好諗住有良好既服務，因為店家既伙記大叔們都係好豪邁既，食店座位都較窄同迫，當你一食完，伙記會好快收走碗碟，你想坐多陣都難，粉麵價錢都偏貴。叫咗個牛腩麵，牛腩確係炆得好淋好入味，湯底又有濃郁既牛味，係精華所在，又真係幾好食，食完都忍唔住飲多幾啖湯，至於麵底就覺得一般般，冇咩特別。

已經好多年冇幫襯，最後食過係好印象。今天中午經過灣仔，見有位便入去再去食下。 舖面一樣，冇裝修。坐低後再望下餐牌，見雙拼要$64, 本想叫多碟菜，但又$25 。所以只叫碗腩肚麵。 總結，牛腩好鞋，牛肚不是金錢肚。份量冇特別大碗，湯低重味精，食完好口乾。呢碗麵唔值$64, 有點水魚感覺。可以從我餐單中除名。而其他生料例如，魚旦，牛丸，要$280一斤，雲吞$90一打。我唔知值唔值，只知一些出名的魚旦也不用這個價錢。

This is the most Ridiculous ghetto noodles place in HK. It’s dirty, cheap deco, poor service but has a great Price 💸💰. It feels like it’s the only restaurant in the desert and people will pay top price for food. The only dish I know kind of tasty is the Beef Bovine Offal 牛什粉. Which cost $48, if you do a combo topics and will cost you $73. A bottle of take out chill oil is $250. It’s small and not even spicy. It can easily be the most expensive ghetto (Hawker Style) Place in HK. Don’t understand

聽講話係多年歷史既粉面店遲左出黎灣仔食lunch 道道都多人唯有求其一間有位就食同事介紹 佢都好多年無食無餐牌下 叫左碗雙丸米 餐牌一到$64一碗 不敢相信 唯有睇下有幾好食本人超少打食評 為平息不憤 晏教都唔訓打食評哩碗雙丸米絕對唔值64 請不要抱任何期望魚頭片唔爽又咸 牛丸都係咸又實 要飲多幾啖湯加左色既湯 都算係咁 老細 你再唔改善下d食物質素 好難有下次係哩個弱肉強食既社會下唔係自己鋪都好難頂 比d 油要二百字先比到味道評分 為有湊夠數

話說今日去湾仔見完客12點，諗住順勢食埋個Lun薯先返office，點知行過幾間食肆已經拉龍，都諗住求其食碗面算數，經過一間裝修勁舊嘅牛什檔，㷛牛什都見得下人，响門口望極唔見價錢，佢又唔係池記、正斗推算最多都係四十零蚊一碗面，點知一坐低望餐咭，即大叫阿媽我想走呀~。牛腩面要$53！！！係一碗。無計，都坐低左，照要牛腩面，面到，個湯好深色，味道唔錯冇味精，順番少少氣，咬舊牛腩，再伏，乾硬嚡。我突然諗起已故嘅蘭貴坊荔園。當年食，又係貴到Hi Hi ，但個湯再濃好多，牛腩大舊好很多亦係好硬。總之，今日依餐真係伏到服左佢。

一直都知到這間粉麵店特別貴，老闆又常常在客人面前教訓啲伙記，嚟食嘢都要聽嗰兩公婆（老細）鬧伙記，真係無奈！光顧佢既原因絕對不是特別好吃，只是覺得佢都算乾淨，食得安心一點。他們的魚蛋一向都偏鹹，食完非要支汽水解渴不可，但今天吃的牛丸真的鹹到不能入口，五十幾蚊一碗粉4粒丸，吃不下嚥，真係唔敢再去，免得傷腎！我有同收錢嗰位講啲牛丸好鹹，佢仲話可能啲湯啫，我話你地自己試吓啦，完全不接受意見，枉佢讚自己的嘢幾好幾好，吹牛也！