華南粉麵茶餐廳

營業中

休息中

而家想食好味嘅牛雜粉真的不易！間間都話老字號，沒有華麗裝修，但算得上乾淨。講返味道，華南真的保持水準。牛雜香到不得了，非常入味👍魚片不是一般只有彈牙，真的有一種說不出的舊時味道😋河粉滑、米粉爽，還有我喜愛的瀬粉。不夠飽更可加件多士。唯一要彈的，就算非繁忙時間，很多吉枱都總要指揮怎樣坐😂

喺親戚屋企無聊玩手機，隨便一刷，刷到全部都係野食，竟然睇到餓曬，直接就著鞋出門啦~~~華南粉麵喺銅鑼灣地鐵站附近，門口可以見到好大個招牌。環境系好傳統兼懷舊嘅茶餐廳，覺得特別有味道！！牛雜米，料好足，個湯底夠曬清淡，完全唔會搶咗牛雜嘅味道，而且都好大碗，我一個人喺絕對食唔曬嘅...雲吞麵入面嘅雲吞，佢嘅肉餡比較爽口，不過相比起牛雜嚟講就會少啲。檸啡~~記得我第一次飲嘅時候就覺得佢嘅味道好特別，所以一直都好鐘意！覺得檸檬同咖啡味道嘅碰撞，邊個都搶唔到對方嘅味道！！一遍食野嘅時候仲可以一遍廳老細將去泰國旅遊嘅事，不過店入面喺唔可以外帶飲品嘎！！

係灣仔返工已經超過15年, 一直都有去食, 其實已經發現佢地係舊年開始, D客已經越來越少, 開頭以為佢地不停加價啫, 點知今年D食物質素1次比1次差......牛太差....其實好早已經係....點知尋日去到, 諗住仲有魚旦好味D啦, 點知出晒事, 又腥又林.....直頭冇晒口感.....只有服務態度得以維持囉....(出名勁差...即係...粗聲粗氣黑口面....比錢仲要比人鬧嗰隻)....我真心覺得, 南記好食過佢好多!

十幾年前灣仔做野，午餐有時都會去華南食。那裡D員工太冇禮貌，我仲記得有次果個女伙記，個客唔聽佢話坐在未滿的一枱就講咗句操口，所以我之後没有再去。今次經過灣仔便再光顧看看有没有改變，但結果另我更失望。食物水準下降不講，連食物價錢都貴到離地。一碗牛什面要42,雙拼就要62，一支细可樂14，纸巾要5蚊。好食都話，伙記又串，D人叫佢跟下單就話D野做緊，等吓啦！再追就話唔等得就可以走。D態度認真一流。以後都唔會再去！

見到門口貼着一張報紙推介，邊抱重一試的心態價錢普遍偏貴双丸牛腩面 （$65），买相是不錯的，可惜牛丸老，魚旦腥，牛腩嚡而不入味，又肥双丸，（牛丸、魚丸） $53據說是三代人的努力，有大排檔做到店舖。但結果是令人非常失望。

一坐低立即整杯冰凍的凍奶茶消一消暑先!一碗好多好多料好大碗的米粉…崩沙腩牛膀牛丸魚蛋米粉崩沙腩 - 肉質嫩, 帶少少肥, 肉味濃牛膀 - 夠粉夠入味牛丸 - 新鮮牛肉打成的, 彈牙, 濃濃的牛肉味魚彈 - 手打魚蛋, 魚味濃郁, 並唔係平時的彈牙, 但又不失口感

最近都系食飯多啲，特別係系廣東菜，所以今晚就霖住自己去轉下口味喇，吊下自己嘅胃口，唔好養壞左個胃。雖然系晚黑，不過我都系要點豬扒包，岩先話養胃，唔理喇，豬扒包有小小油，可能系因為塊豬扒太大喇，所以食完之後感覺到油，不過真系價真實惠啊，哩一間已經好好喇，點做一碗粉，裡面個牛腩都好好味啫，系去煮嘅時候我就隱隱聞到味道，好軟好爛，入口之後岩岩好，容易咬咯，宜家霖起身都覺得好想食呀吖，半夜三更，點算吖！粉嘅話，就總體上麻麻吧，無咩好特別嘅，口感同味道都居中等水準，其他點個諸如炸魚皮都好中意！

點解我叫哩間餐廳做「大家姐」呢？其實有段故仔，話說我以前在灣仔上班，lunch time這間餐廳係迫爆人既，除了地鋪外，還有開埋樓上鋪先夠坐，店內有位女仕會大聲呼喝d食客（我想大概是老闆娘吧！），她指你坐邊，你就要坐邊！無得擇！就算有位都好，如果你不是坐在她指的坐位上，她會大大聲咁話你，話到你要坐在她指的位置上。話說回來，為什麼她對客人態度那麼差，還是有那麼多食客㗎呢？係有原因既......哩度既粉麵和湯底，又確實無得彈既。我每次來到都會點雙拼（選擇1.魚蛋，牛肚米；2.墨丸牛肚米；3.牛雜河）這間餐廳既腩汁辣椒油係自製既（夠辣，夠香！好似有得賣$100一樽）配埋枝細可樂！P.S. 有樣野要提提，就係哩間餐廳既淨魚蛋（圓d,白淨d,爽d)和雙丸河d魚蛋(普通潮州魚蛋）係唔同㗎喎!為什麼我會知呢？因為我見別人order既魚蛋和我雙丸河d魚蛋唔同，我就問個職員啦，佢話人地叫果碗係淨魚蛋喎），所以下次你地落order既時候，自己小心d,或者問清楚d! 因為哩間餐廳講的不是服務，而是真材實料！職員既態度....唉....你就唔好要求咁多喇....碗粉又真係幾好味既！

下午路過譚臣道這間不顯眼的小店。門前貼著一張張剪報，說什麼"隱世牛腩", "灣仔蛇竇", 五月的灣仔又熱又翳焗，那好吧，偷閒一下吧。有別一般茶餐廳，華南沒有卡位，裝修簡單。全是摺檯摺凳，但勝在乾淨企理。點了一碗崩砂牛腩河，和一罐可樂。這裡很有效率，下單不久伙計便端來了食物。呷一口碗裡面熱騰騰的湯，oiiiishiii!!!喝得出是真正足料。湯濃得來，帶著香味。喝了幾口也不覺得咸和嗆喉。碗裡面的牛腩, 紋理清楚，瘦得來啖啖新鮮啖啖肉。而且份量足夠，$47一碗絕對值回票價。另外特別一提的是桌子上那兜自家制的辣椒油，可以請伙計另外要一隻碗仔，另外盛幾滴。吃牛腩時醮一下才放進口裡，再喝一啖冰凍可樂，人生樂事，不過如此。

響灣仔揀咗間門口有車泊嘅民間美食。先來個崩沙腩撈粗麵「走蠔油」，加碟炸魚皮。個崩沙腩夠捻，夠入味，個麵就略嫌多咗啲鹼水味，二個炸魚皮脆就好脆，不過得四塊，但都算中，大塊嘅！之後加左杯凍鴛鴦，人生一大樂事，但個人就唔係好受得茶餐廳嘅奶，飲完有少少頂住頂住，不過始終享受左先算🙈之後再整多件西多士，「加埋成千卡路里」，塊多士中間嘅花生醬份量啱啱好，加埋啲煉奶同牛油，#omg , but once in a long while is really ok!! 埋單$12x 我覺得絕對抵食，性價比好好👍🏾👍🏾回頭指數：當然係絕對會啦，🤗🤗

今日同同事嚟咗呢間華南粉麵食晏，聽人講呢度嘅牛腩、牛雜好好味咁咪嚟試吓囉…坐位就絕對係一般，嘩！睇完餐牌只有一個字係"貴"所以都唔想雙拼喇，咪叫一碗牛雜米$42同埋一份炸魚皮$22…碗米粉唔係大碗嗰種，d牛什香濃！唔老！好易入口，唔會乾爭爭！湯底無味精！食完都唔會好口渴！不過嗰份炸魚皮大拿拿收我$22得嗰幾舊(係用隻細膠碗裝嘅), 炸魚皮香脆，我諗應該係自家制！雖然好味但絕對唔抵食囉

幾年以來，幫襯左呢間野都不下三十次，原因係佢收得夜，但每次都唔會食得太多，都認同其他人講嘅灣仔貨(其實係深水埗貨)中環價。我多數都會食下魚蛋粉、多士、飲品，而男朋友次次都會食牛腩麵，佢話都係志在食個湯底，講真，d牛腩係唔掂，鞋口的。咁我食開d公仔麵呀，多士呀其實都係普普通通(呢d屋企都整到嘅野都唔會差得去邊)。只係我覺得價錢方面都實在有d貴....三十幾蚊一碗一餸公仔麵，仲要無餐，加凍飲要$21一杯，睇返5年前都仲係15蚊，我明白物價係貴左，但以一杯飲品黎計，21蚊喺一間坐得唔舒適嘅粉麵檔黎講都實在太貴，而且加幅太大。而呢間餐廳嘅待客態度認真差，我唔expect五星級服務，但都唔會接受到一間餐廳連小小彈性都無。當時係平日中午２點正，我陪我男朋友去食lunch，佢叫左個坑腩魚蛋米，一杯凍奶茶，之後個侍應問我叫乜野，因為我其實已經食左lunch又好飽，睇下個餐牌最平就叫多士食，但我食飽午飯都食唔落包啦，一杯熱飲都成廿蚊咁滯，所以我話諗諗先。咁我見間餐廳都得7-8個人左右，一半都唔滿，所以無特別深究我嗰15分鐘內到底叫咩野食好。我望下張單，原來都已經食左76蚊 (55蚊麵+21蚊飲野)，唔夠

星期五中午到灣仔一遊，順路走到馳名中外的華南食牛腩。普通牛腩米40大元，崩沙腩米45元，小弟試一試崩沙腩。伙記落單乾淨利落，一句唔該多謝這種廢話都沒有，對這類麵檔的服務沒期望，因此亦沒有失望。但係小弟對這碗崩沙腩就有好大期望。根據親愛的OpenRice圖片，感覺這裡的牛腩色香味俱全，大概有唔試唔知身體好的感覺。可惜，小弟到現在為止都未能一試崩沙腩的滋味。此話何解？皆因小弟的一碗崩沙牛腩米，一粒牛腩都冇，只得一大抽牛腩皮。小弟三十有五，第一次，真係第一次食到咁有特式的牛腩米，令人大開眼界。埋單走人，遇到傳說中的超級西面人，果真人如其名。這趟旅程只留下失望與憤怒兩點感觸。可惜！給華南浪費了我人生入面的一頓午餐。

又到和一班同事出街食飯的時候，我就(有點私心地)介紹去譚臣道的餐廳群覓食，見到這家成日好多人的麵店有位，大家同意地去食啦。見到店家在門外貼了很多報紙雜誌的介紹，都可見這店來頭不少。我就點了崩沙腩米粉。當然，我只知崩沙腩並非普通之食物，所以我去維基百科全書一下。崩沙腩 (Skirt Steak)：又叫「爽腩」或「蝴蝶腩」，是牛肚皮的腩位，位于牛的横膈膜附近，爽腩貴坑腩一半，由於有塊薄軟膠質，爽軟不硬。回想起食落真的比牛腩，甚至坑腩更合口味，因為沒有太鹹，而且煮得十分滑溜，但沒有那種好難咬的感覺，唔怪得一碗米粉都要成四十幾蚊。不過，它的湯底又沒有味精，有牛的鮮味，不錯不錯。

很喜歡食粉麵的我，食完永華，當然去埋華南，但以前有好多地方賣的河粉都好幼滑，晶瑩通透，原來因為成本太高而選擇較便宜之來貨，有時去未食過之粉麵店會望下其他食客進食之河粉水準如何才點菜，咁華南之牛腩及河粉已經贏咗半個灣仔區，牛腩固之然係用咗超過60年之牛汁煮成，所以味比較濃，肉質又不會過鞋，不錯，但最喜歡是河粉，幼身滑溜、晶瑩通透，配湯食一流，不過服務一般。