茶茶Go

營業中

休息中

茶茶go位於旺角登打士街💕旺角地鐵站E出口行過嚟好方便👏🏻👏🏻飲品有好多款 睇到眼花撩亂🥳🥳🥳我哋叫咗一杯相思奶凍沙冰（$34）同埋芝士奶蓋金黃芒果（$42）💗兩杯飲品都好解暑 相思奶凍沙冰可以食到一粒粒嘅紅豆 口感好多層次😚芝士奶蓋金黃芒果嘅水果味好鮮明，芒果味唔係死甜嘅😍值得一讚 而且個芝士奶蓋嘅調味好好 👍🏻另外我哋仲叫咗一盒紫菜肉鬆小方（$38），一盒有四件兩個人share食都好足夠🥰紫茶肉鬆小方非常惹味 呀，食到停唔到口😚👍🏻👍🏻📍茶茶go旺角登打士街43P - 43S號鴻輝大廈地下9B號舖

登打士街附近有間甜品飲品小店雖然細細間但飲品款式都唔少行過俾附近既盒子甜品吸引左估唔到網上好興既盒子甜品呢度都有得食！～芋泥肉鬆盒子～$42芋泥同肉鬆forever friend一層芋泥一層海綿蛋糕再配肉鬆芋泥綿密蛋糕鬆軟一齊食口感一流～tiramisu~$38$38有咁大盒tiramisu估唔到！可可粉同啲細膩既cream呢個組合正以後口痕想食tiramisu可以黎呢度大盒性價比高～楊枝甘露盒子～$40呢款口味好少見表面有西柚果肉所以食落好清新夏日炎炎最岩仲見到有好多肉鬆小貝望落好吸引下次會想試下舖頭不設堂食同埋冇冰袋建議行完行先買買完要快啲返屋企

經過旺角家樂坊對面 有間台式飲品舖茶茶go💖👏🏻飲品款式選擇好多 而且仲有甜品蛋糕🍰🧁🥧門面都幾吸引 一於就幫襯吓啦😻😻😻🤍相思奶凍沙冰相思即係紅豆咁解😳杯嘢飲口感好豐富 但又唔會太甜 香港而家咁熱嘅天氣 好適合叫番杯🔥🔥🔥🤍原葉芝士舞霜—金黃芒果🥭芝士奶蓋加埋芒果沙冰兩樣嘢好夾❤️❤️❤️又係消暑一流😍😍😍🤍紫菜肉鬆小方（4件）本身我就好鍾意食紫菜肉鬆🥳🥳包着蛋糕好好味💕入面仲有奶油 夾埋一齊食好滿足🥹🥹🥹

宜家茶飲手搖店只賣手搖已經唔夠人鬥，去過幾次【茶茶Go】，除左飲品覺得唔錯之外、每次都係主攻佢地既盒子蛋糕或者小貝。今次見有幾款盒子蛋糕，就買左兩款試下。 楊枝甘露：上層同中間都好多西柚同芒果，唔會好甜，cream同蛋糕既比例都岩岩好。 Tiramisu：咖啡味超級濃，基本上唔甜，呢款既蛋糕會多過D cream，個人喜歡鍾意cream多D。如果鍾意完全唔甜的話，非常推薦呢款。 店員建議蛋糕要即日食，個人覺得攞到返屋企返返入雪櫃一陣再食會好食D。

大熱天時行街總會想飲d又甜又冰凉嘅飲品架，行行吓比我見到有茶茶Go仲有小倉又蛋糕架“正”呀！Oreo 抹茶沙冰，熱辣辣飲沙冰就最爽啦，Oreo同抹茶又幾夾喎，濃厚的抹茶鮮奶冰沙搭配脆口OREO碎片，一邊飲一邊又有得食oreo真係滋味又飽肚最正係每啖都係涼浸浸消暑呀💯岩燒黑糖珍珠奶茶，煙韌黑糖風味珍珠好彈牙口感好正，濃厚嘅奶茶味道層次勁豐富，最正係d珍珠特別多正呀！紫菜肉鬆小方，一盒有4個，見每個飽都佈滿晒滿滿嘅紫菜好吸引呀！咬落每啖都係紫菜原來小方係蛋糕黎架，好特別呀！蛋糕仲係軟淋淋好好味喎🥰茶茶Go旺角登打士街43P-43S號鴻輝大廈地下9B

今日難得到旺角想去飲杯茶飲就上網search 左呢間店, 我買左杯芝士奶蓋白桃烏龍，結果完完全全沒有茶味，好好好淡，只有少少人工果香味，芝士奶蓋則尚可，加上店員愛理不理，態度令人覺得唔舒服，完全係一次貼錢買難受的經歷！附近有咁多茶飲店，我喺OpenRice 見有咁多正評，先會試呢間，估唔到店員喺短短幾分鐘已經可以令顧客咁唔愉快，再加上飲品質素低劣，絕對冇下次！而且附近有其他更好嘅選擇！P.S. 好奇怪點解可以有咁多好評，究竟有幾多係買返黎？

之前因疫情😷，要帶住口罩，好耐都無去旺角「掃街」啦，早排出旺角拎野，終於可以重拾返呢個咁正嘅活動😬。旺角真係「掃街」天堂，咩都有得食，發現一間又有小食，又有嘢飲嘅小店，都幾吸引。吸引我嘅係佢哋嘅「紫菜肉鬆小貝」，我好鍾意食肉鬆，我試過自己捧住一盒肉鬆用匙羹𢳂嚟食😅。講返呢個小貝，外層充滿肉鬆紫菜，内裡係小蛋糕，咸甜交集，肉鬆帶點咬口，蛋糕軟軟的，口感十足。另外order咗佢哋其中一杯人氣飲：OREO黑糖珍珠奶茶🧋，甜度適中，珍珠煙韌，加上OREO碎碎，幾特別。

茶茶Go係近油麻地小巴站對面,咁熱既天氣,真係一下車就想買番杯黎飲,而且佢既小食都好出名,所以就叫左紫菜肉鬆小貝。紫菜肉鬆小貝好特別,係外面紫菜肉鬆,入面夾住蛋糕,好特別既口感,而且佢都用好多料,真係好好味呀~同朋友一齊行街,緊係要叫杯珍珠奶茶啦,杯珍珠奶茶真係好夠荼味,而且珍珠都煮得好好,佢既配搭都幾有質素,good~另一杯就叫左若葉百香玉子,小編夏天比較喜歡飲酸又fresh 既飲品,所以就揀左百香玉子,真係好特別同埋真心啱得口味,超推介。

經開呢度，有啲口渴飲杯嘢先。💦💦京都抹茶玉露，佢嘅口感真係好滑好順口，抹茶味道又好濃郁，令人一飲而盡嘅感覺。而且唔會太甜，好岩追求健康嘅人士飲用。🍵逮丸芋頭1號，嘅逮丸好Q，白玉珍珠又好新鮮，加埋香甜嘅芋頭，真係一種好好嘅口感。🧋而逮丸芋頭2號嘅小芋園味道更加香濃，芋泥好滑好入味，而且唔會太甜，真係好好味啊！🧋原本諗住試吓佢嗰啲盒子，6:00，哇！賣晒喎，真係好生意喔！下次下次下次大概可以🙃😄😁

【旺角•茶茶GO】✨————————————————————————位置鄰近家樂坊 步行約2分鐘 鋪面細小 雖然餐牌上食物選擇寫滿 但現實卻只剩紫菜肉鬆小方（四件） 或許是太好賣了所以無貨😃🍯｜紫菜肉鬆小方（四件）｜HKD 38每嚿肉鬆小方都口感酥脆 加埋紫菜襯托升溫😀🍹｜金旺鳳梨酸奶｜HKD 34酸奶味濃厚酸酸甜甜 伴隨鳳梨嘅果香 味道好清新😃。🍹｜逮丸芋頭2號（凍）｜HKD 45芋香味濃 飲落食落都有趙頭😃

🌳紫菜肉鬆小方$38之前朋友介紹咗呢間飲品店俾我，知我中意食肉鬆小貝😙小方由戚風蛋糕+蛋黃醬+肉鬆，鹹甜嘅配搭都幾夾，比起普通食嘅蛋糕層次多啲，又軟又香！買咗做早餐，基本上食一個已經好飽😆 🌳春滿鳳梨$42飲品充滿菠蘿香🍍用新鮮菠蘿製作而成，味道香甜而不膩，非常消暑解渴🥤飲到底有啲菠蘿肉，真係真材實料😳不過如果可以隔開就好🤣🦥茶茶Go (旺角)旺角登打士街43P-43S號鴻輝大廈地下9B號舖 🌲🌲🌲🌲🌲🌲🌲🌲🌼懶好食指數：4.5/5🌼懶住去指數：4.5/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤

今日同朋友嚟旺角行街，天氣非常之熱，行經呢條食街見到呢間鋪頭竟然有賣之前喺大陸食過嘅熱門食物小貝（呢到叫小方），同朋友都非常鍾意食所以就決定幫襯，另外再揀咗兩杯飲品因為天氣真係太熱。要咗杯春滿金旺鳳梨，我呢杯非常清新菠蘿清香，茶味甘香，夠曬清新醒神又解熱！另外朋友點左杯逮丸芋頭2號，飲落有好多重口感，因為有唔同嘅配料例如芋圓同埋芋泥，所以係滿滿嘅芋頭香味，夾埋鮮奶飲落更加滑溜，推介！個小方雖然唔係完全同小貝一樣，但真係非常好食，外面包有肉鬆同埋紫菜，味道鹹鹹甜甜，口感豐富，小方其實係好似戚風蛋糕咁，蛋味好香濃而且係好Q彈鬆軟，一盒4件，大滿足！

消暑台式茶飲🍹天氣太熱啦 最好飲番杯冰凍飲品🥰🥰經過旺角 俾呢間小店吸引住 除咗有台式特飲 仲有蛋糕 合子 所以就買返屋企 同屋企人一齊嘆番吓 消吓暑😉😉岩燒黑糖珍珠奶茶 $29珍珠大大粒 煙煙韌韌 奶茶香滑 正👍 春摘不知春奶蓋 $29碧螺春加上厚厚嘅奶蓋 攪勻之後飲 味道豐富香濃 😋👍 桂花烏龍奶蓋 $29花香 茶濃 奶滑 冰涼消暑👍🥰 櫻羽水果甘露$36有菠蘿 橙片 百香果 味道好夾 甘甜清新😋🎈茶茶Go (旺角)旺角登打士街43P-43S號鴻輝大廈地下9B號舖 #hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

天氣熱到一個點，尤其係旺角更加熱，沿途都有好多間飲品店，見到佢有埋蛋糕賣就試吓睇吓好吾好食先。飲品價錢吾算好貴，正常價錢，茶類飲品會比連鎖飲品店平，今次試左個嵐山烏龍烤奶，佢地沒有微糖提供，於是叫左無糖，無糖先飲得出佢本來既風味。奶味好濃郁，相對較厚重，鐘意重奶味既朋友會更適合，果然無糖版本飲落會無甘膩口，更岩天熱時飲用。朋友叫既草莓蜜蜜酸奶，比較像是草莓味乳酪，更濃一點的乳酪。蛋糕方面，當日只有三款，我們叫了楊枝甘露盒子跟tiramisu 盒子。盒子蛋糕方便拎走食，而且相對一件件既蛋糕黎講更好保存。楊枝甘露盒子睇得到有西柚粒粒同芒果粒粒，設計一層層，賣相吾錯，食落吾錯，芒果味忌廉甜味適中。Tiramisu 盒子相對出色，蛋糕層都有吸滿咖啡，食落咖啡味都可以，咖啡味忌廉相對出色，整體更突出味道！

紫菜肉鬆小方(36hkd)佢係蛋糕嘅質感，肉鬆畀得一啲都唔小氣，真係啖啖都有勁多肉鬆喺入邊，仲有一層沙律醬夾心，食落咸咸甜甜，又出奇地match喎😆我見人人都會買呢個👀夕燒十八紅玉(23hkd)唔知點解我覺得近年多咗人鍾意飲淨紅茶，我個人嚟講一直都係紅茶嘅忠實fans，今次叫咗正常冰正常糖，飲落都唔會過甜，淡淡茶味唔會苦🥰夏天真係會想飲番啲清茶類嘅野飲👀清爽得黎唔會膩#foodiblum飲料