茶茶Go

營業中

休息中

又到炎炎夏日，出咗成身汗，忍唔住買杯台式飲品解渴🤤。位於家樂坊對面嘅呢間飲品小店，除咗常見嘅飲品之外仲有特色嘅甜品，絕對係下午茶之選。泰式奶凍冰沙冰沙奶茶真係好泰國feel，好夠凍❄️，茶味好出，加上奶凍底嘅甜味真係超夾。我叫咗杯正常甜度，個人覺得都係偏甜咗少少，如果可以下次會叫少甜。😝墨羽仙草奶茶仙草食落彈牙，健康甜度啱啱好。奶茶味道好平均。大大杯食完爽晒。😙白玉珍珠奶茶白玉珍珠好爽口，啱晒唔鐘意黑珍珠痴牙嘅朋友。🤣紫菜肉鬆小方小方原來係蛋糕嘅意思😯，食之前估唔到肉鬆、紫菜同蛋糕嘅味道可以咁夾。肉鬆嘅咸香平衡咗蛋糕嘅甜味，最後加上紫菜嘅香味，成個甜點真係好有層次，真係值得一試。