茶茶Go

營業中

休息中

聽個fd講旺角有間巴斯克蛋糕一定要試下，好抵食，今次嚟開就試下舖頭係家樂坊斜對面好易揾，巴斯克有幾隻味，王牌原味、開心果、伯爵茶，最神奇係有咸蛋黃味，第一次試都係食返原味先件蛋糕相當有驚喜，芝士味十分濃，口感軟滑，濃濃嘅奶香同微微嘅雲呢拿味，甜度啱啱好，唔會膩口。凍食有啲似雪糕，三十幾蚊件有哩個質素，搞到我想encore多件夏天係旺角行到出晒汗，除左蛋糕，一定要買杯嘢飲，我揀左杯夏天特飲，西瓜啵啵沙冰，飲完真係透心涼，西瓜足料唔係死甜糖水，仲有啲啵啵咬下，口感滿分朋友揀左杯夕燒十八紅玉，紅茶味道帶有淡淡的肉桂與薄荷香氣，入口順滑唔澀，好出色，中意茶底必試見倒佢仲有紫菜肉鬆小貝，聽聞都好好食，下次一定要試埋

星期三係大型超市優惠日，掃完貨之後有啲口渴，就過對面買杯珍珠奶茶飲吓先。登打士街出名多珍珠奶茶店，簡直係珍珠奶茶嘅戰場！見到有間小店，門口有個大嘅雪櫃，專係放唔同嘅甜品，又有得買珍珠奶茶，就決定試吓呢間。行埋啲，仲見到有啲明星嘅應援物資添。望落去，啲甜品都好吸引，而且份量都幾大。好似一個巴斯克蛋糕，都只係$33，除咗原味，仲有伯爵茶、開心果味，仲有特別嘅鹹蛋黃味！其他蛋糕都有Tiramisu盒子、楊枝甘露盒子等等，本身仲見到個虎皮芋泥卷都幾吸引，不過今次就試吓個原味巴斯克蛋糕先，另外再要多杯黑糖珍珠奶茶。枱面放咗唔同size嘅杯，一望就知自己要邊種size，我就要咗大杯，仲大過張4R相！等咗一陣，黑糖珍珠奶茶就嚟喇。而家要用環保飲管，店員會好貼心咁問使唔使幫手𠝹開個膠面，呢點要讚！雖然係正常冰，但係唔會話多到成杯都係冰。飲落去，茶味重過奶，飲到最後啲冰啱啱好溶晒，唔會沖淡晒茶嘅味道，奶茶糖度都啱啱好，飲落去仲有啲回甘嘅感覺，黑糖味就唔算話太濃，正正常常啦。珍珠雖然煮得偏軟身，但都keep到煙韌嘅口感，唔會好似咬橡筋咁。飲管質量都好好，飲到最後個飲管都未變軟。飲完茶，梗係要配埋個蛋糕啦！

登打士街有好多小食飲品鋪，今日天氣非常熱，見到尼間茶飲店有好多選擇，一於買番杯黎試下。2杯飲品都大杯，行街飲一流 。草莓蜜桃沙冰，一飲非常冰涼，涼透心，消暑一流。草莓同蜜桃味非常濃郁，果味鮮甜，可以揀健康甜，更加突出水果既香味。夏夜白桃烏龍，飲落好舒暢，烏龍好清爽，同白桃味非常夾。除左飲品，店鋪仲有個小廚櫃，放左唔少甜品，好吸引 。例如盒子蛋糕、巴斯克等，價錢合理 。楊枝甘露盒子，賣相好靚，打卡都可，亦提供餐具，方便食用 。柚子酸酸甜甜，蛋糕奶油非常creamy香滑，蛋糕輕盈，值得再試下其他甜品。整體，經過店鋪，唔好錯過，飲品或甜品，都一樣有水準。

岩燒黑珍珠鮮奶呢款飲品嘅 黑珍珠好煙靭，搭配鮮奶，味道健康甜唔會太 sweet，飲落幾舒服。夏夜白桃烏龍茶烏龍茶嘅味道 just right，保留得到白桃 嘅香氣，飲完之後感覺好舒服。健康甜嘅程度我覺得係幾舒服，飲完唔會好涸喉、soothing虎皮肉鬆卷呢款卷外皮有虎紋，係鬆軟毛布卷蛋糕，裡面嘅肉鬆味唔錯，白色果層有少少似蛋白整成嘅嘢mousse 、搭配嘅 起嚟仲加咗啲風味：甜中帶少少鹹。份量啱啱好，做下午茶小食都幾好。

食貨們注意啦！最近挖到一間超正嘅寶藏店——Chachago茶茶GO 。先試茶飲。春滿金旺鳳梨一入口，新鮮鳳梨嘅酸甜迅速在舌尖散開，果香與茶香好似老友般合拍，超級清新解膩。夕燒荔枝玉荷簡直係夏日浪漫嘅化身，荔枝清甜，玉荷淡雅，茶湯順喉，回甘超持久。再講虎皮卷蛋糕，蛋糕外層虎紋金黃酥脆，蛋香濃郁。切開後，肉鬆塞得滿滿噹噹。肉鬆嘅鹹香，搭配蛋糕本身嘅香甜，層次超豐富，一啲都唔膩口。總之，Chachago茶茶GO茶飲、蛋糕都超用心。鐘意甜品同茶飲嘅朋友，千祈唔好錯過！

旺角有好多茶飲店，見到依間有唔同種類嘅飲品，仲有甜品櫃添，身為甜品控嘅我決定飲依間~逮丸芋頭2號，係芋頭鮮奶+小芋圓，芋頭鮮奶好綿滑，芋頭味好濃。小芋圓煙煙韌韌，好有口感。京都抹茶玉露，有啖啖嘅抹茶味，唔會好膩，飲落成個人都好舒暢。見到有巴斯克同盒子蛋糕，我地買咗楊枝甘露盒子蛋糕，用透明盒裝住方便食用。上面鋪滿柚子，蛋糕層層分明，好香甜。飲品種類實在太多啦，下次黎可以試下其他款，佢嘅巴斯克蛋糕都有唔同味可以試下。

旺角有好多唔同嘅廢水台式飲品店舖最近朋友介紹有一間台式飲品，仲有各式各樣嘅蛋糕可以飲杯嘢食個蛋糕，於是買外賣試吓。同朋友一人叫咗一杯嘢飲同埋紫菜肉鬆小貝。飲品就試咗店員推介嘅京都抹茶玉露及大吉紺野香橙，可以試一杯有奶一杯無奶唔會咁滯。抹茶香濃，入口先會有鮮奶嘅順口，然後抹茶香就會喺後面慢慢滲出嚟，就算叫咗無糖亦甘香而不會苦澀。大吉紺野香橙利用了新鮮橙汁及綠茶溝製，非常清爽感覺亦比珍珠奶茶健康飲品仲有果肉人非常喜歡。紫菜肉鬆小貝一開始以為係肉鬆麵包由於我非常喜歡食肉鬆於是試吓。一咬落去竟然係戚風蛋糕，配上奶油及海量嘅紫菜肉鬆喺蛋糕面雪凍嚟食更顯雞蛋嘅香味，鍾意食肉鬆嘅朋友一定唔可以錯過。

夏天咁熱，真係時時刻刻都想飲手搖。係旺角登打士街有好多間飲品店，最後都係簡左茶茶go!🍫朱古力獎門人飲之前記得要搖勻! 有幾款朱古力，所以飲落係好濃朱古力味道，呢款甜度冇特別簡，但出到黎都唔會太甜，覺得幾好。🍵京都抹茶玉露見到係店舖推介，應該都係人氣款式。原來佢係有漸層，幾岩打卡。抹茶味好濃，帶少少苦澀。飲落唔會卡粉，好順滑。🥹平時收工經過都見到D盒子比人掃曬，今次假日下就黎，終於係有貨!今次叫左個芋泥肉鬆盒子，入面分層有蛋糕，芋泥 ， cream，仲有面頭既肉鬆。整體食落唔會太甜，芋泥好好食，配埋咸香既肉鬆，不錯! 下次有機會想試埋其他口味既盒子!

LunchTime打後出太陽，突然間變返熱飲杯廢水降降溫先！經過呢間茶茶GO，除咗有茶飲，仲有Cake食𠻹！.➜鹹蛋黃巴斯克原味、茶味嘅巴斯克蛋糕就見得多，今日行過茶茶GO，見到竟然有鹹蛋黃口味嘅巴斯克！忍唔住買返件同朋友Share。食落鹹蛋黃同Creamcheese嘅鹹香味又幾夾，唔會太膩.➜老冬瓜四季春 & 京都抹茶玉露價錢都係$30左右，但就好大杯！抹茶好香濃，同牛奶比例啱啱好！半糖就無咁重茶澀味，易入口之餘仲可以品嘗到抹茶香氣；唔想太膩豬太郎都會揀返杯老冬瓜四季春，無額外加糖減低買完巴斯克嘅罪惡感！.#msmessypig_food

今日黎到旺角行街，俾依間飲品店嘅凍櫃吸引住，最後買咗2杯飲品同1件蛋糕XD冰糖燉梨，冬天又凍又乾，估唔到居然會賣冰糖燉梨，今日咁嘅天氣一於買黎滋補下。淨係少少甜唔會太膩，每啖都滲透住雪梨味，仲有少少燉梨後嘅酒味，底下原來有成個雪梨同紅棗，唔怪得咁入味。甘蔗青茶，冬天打得太多邊爐有啲熱氣，買杯甘蔗青茶就啱哂。非常清甜，冇草腥味，飲完成個人好舒服。開心果巴斯克，有啖啖開心果味，軟軟香濃，下次一定要試下原味同咸蛋味。

嚟做facial之前先嚟買幾杯廢水，又驚肥，所以就買咗一杯夏夜白桃烏龍😛😛 飲落去一啲都唔會有罪惡感，但係又refresh到！茶味幾出👏🏻👏🏻另一杯咗係 夕燒十八紅玉（芝士奶蓋）😏買比老公嘅，個奶蓋唔會好肥濟feel. 就咁飲都重芝士味，配埋落去紅茶底就中和番，如果熱就好啦🥳大推介呢度嘅蛋糕！ $38就有一件大大嚿，而且做到流心好勁！開心果味濃，重點係一啲都唔甜，下次一定會再嚟買❤️❤️#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

之前喺灣仔都飲過一次，原來旺角分店有好多甜品可以揀，手搖杯加蛋糕呢個配搭真係唔錯，買番屋企當下午茶可心下先OREO黑糖珍珠奶茶Oreo加入牛奶、紅茶、碎冰一齊打碎攪勻，黑糖珍珠每日新鮮製成，煙煙韌韌口感唔錯，因為黑糖珍珠本身同Oreo牛奶都有一定甜到，所以建議大家可以嗌少甜版本西門名物芋頭二號圓形波波樽好可愛，打卡一流，芋圓份量十足，充滿了有半杯, 好好吃,好有台灣風味開心果巴斯克蛋糕開心果流心巴斯克，入口濃郁絲滑

📍茶茶Go (旺角)旺角登打士街43P-43S號鴻輝大廈地下9B號舖喺旺角食下午茶，有好多選擇，今次我嚟到一間喺旺區登打士街嘅街頭小食舖頭，門面有應援同埋地道裝置，好有香港特色。今次同朋友嗌咗兩杯嘢飲同小食，加埋都只係大概$100鬆啲！🔻1. 夕燒荔枝玉荷 （$36）✨呢杯嘢飲係清甜荔枝手調，有啲似市面嘅荔枝玉露，但係再清新啲🍵最重要係佢個底裏面有好多荔枝果肉，重料！🔻2. 泰式奶凍冰沙（$34）✨好欣賞呢杯嘢飲唔太甜，因為出面好多嘅泰式沙冰溶少少都偏甜，但佢比較適合香港人嘅口味，而且佢嘅奶凍好多，係thai tea界味蕾嘅享受😊🔻3. 芋泥虎皮卷（$42）✨佢嘅蛋糕種類更加出色，種類有好多，例如有有巴斯克蛋糕、芋泥肉鬆卷等。芋泥虎皮卷外層好軟熟，有蛋香味，而裏面芋泥蓉幼滑，但一啲都唔膩。呢間小食舖我定會再encore😆

和朋友在附近吃完晚餐, 意猶未盡,所以我們再找飲料甜點開心一下見到這間台茶很多款式, 大約有40-50款, 所以決定此間, 朋友一見到餐牌, 已決定了要喝黑糖珍珠奶茶, 這也是職員推薦的, 他選了是紅茶底, 珍珠很多很滿足, 大大杯,賣相味道一流, 而且只是$27, 因為我們試過幾間也是珍珠太硬扣分, 這間剛剛好我則點了新款飲料, 選了芋頭鮮奶, 名叫逮丸芋頭二號, 杯杯小小, 但份量十足, 芋圓是充滿了有半杯, 好好吃,有台灣風味,我覺得好似吃緊芋頭糖水一樣,證明真材實料,而且打卡一流為食的我們也點了一客蛋糕,我們選了楊枝金露盒子,起初我以為輕輕的盒子只是一陣風, 怎知我們回家分食的時候,原來根兩十足, 味道不甜,很多柚子, 不苦清新的口味, 芒果也好好吃, 其實我未吃過此類食品,我認為$40是超值其實我們也想買埋巴斯克,奈何太飽了, 下次必要再來, 仲有呢間竟然有台式冰沙, 少見的飲品, 店員一人沖飲品,收銀, 介紹飲品, 一腳踢,我覺得她很用心經營此店!呢d 平民價錢但好味食物, 下次一定再來光顧 , 畢竟經濟不好, 更應支持本地小店

今日經過「茶茶GO」見到Menu幾吸引 除咗供應各種手搖飲品 有奶茶/咖啡/水果茶/酸奶/沙冰 仲有自家製蛋糕 鍾意甜點嘅我點會錯過 一於Try Try夕燒荔枝玉荷 加入咗大量新鮮荔枝果肉 荔枝味道濃郁 帶來清新嘅口感 對我嚟講 甜度稍顯偏甜咗啲 下次可以減糖芋頭鮮奶綠 奶茶茶底香濃幼滑 香濃的芋頭味與奶香結合 再加上綠茶的清新 飲用時唔會感到很膩 頗為清爽 值得推薦鹹蛋味巴斯克 開心果味就食得多 今次食吓鹹蛋味外層焦香 內裡濃郁嘅芝士味和鹹蛋黃醬 口感十分creamy 絕對值得一試🔖店裡掛滿香港各種街牌 很有香港地道特色 「茶茶GO」無論係口味或創意 都值得一探究竟 下次想試吓佢哋嘅虎皮卷同埋Tiramisu盒子蛋糕📍茶茶GO旺角登打士街43P-43S號鴻輝大廈地下9B號鋪