茶木‧台式休閒餐廳 (黃埔天地)

營業中

休息中

同朋友放工相約嚟黃埔食飯。呢間分店裝修後, 以茶飲店登場, 就一於試下。店內裝潢簡約, 大部份為梳化座位, 枱與枱之間距離闊, 俾人一種身心靈舒服嘅感覺。熱佛手柑水果茶 (少甜)茶底揀咗四季青萱茶, 佛手柑同其他多種水果為茶飲帶嚟天然甜味, 生津解渴。有機台灣高山茉莉龍珠茶用茶壺及蠟燭奉上保持温度😍 熱茶散發清幽茉莉花香, 回味清甜, 餘韻悠長。羅氏蝦龍蝦汁手作麵有驚喜!!! 香氣逼人😍 肉質鮮嫩, 蝦頭部份有大量蝦黃, 鮮甜帶鹹香, 將手作麵帶到另一層次! 鳳梨鮮果甜酸肉主菜可揀飯或米粉, 肉條香脆, 酸甜開胃。台式滷味拼盤六款食材, 份量頗多, 底下仲有好多花生, 佐飯一流!櫻花蝦花枝餅即叫即炸, 入口彈牙

地方窄，想休閒，坐近門口。位置空間比較闊。服務冷待，餐也未放好已經行開。門口帶位，同經理無默契。客被叫入內，又被經理叫返出去等候。三文魚茶漬飯好食，比較喊。想食下次叫外賣返屋企食。

鍾意去茶木係因為食物多元化又抵食，而且夜晚都有晚餐，價錢經濟實惠，仲可以優惠價加小食等。晚餐加小食一款$22，加兩款$42。台式麻辣半筋半肉手工拌麵，麵質煙煙韌韌幾好食。撈埋麻辣醬好香辣。牛筋牛腩都夠炆得腍身。紅油抄手(半份）都非常香辣，抄手餡料飽滿。加錢轉咗滿杯珍珠鐵觀音奶茶🥤茶味幾香，珍珠有咬口。套餐送精選可頌窩夫，窩夫熱辣辣好香脆，牛角窩夫面上有朱古力醬，好食！羅氏蝦龍蝦汁手作麵，龍蝦汁夠鮮味！手作麵煙煙韌韌，質感相當唔錯！精選前菜沙津有士多啤梨、沙律菜等等，幾清新。蒜香麻辣豬耳朵（半份）非常爽口，蒜蓉加麻辣味好惹味！自家製台式烤香腸(一條）烤香腸鹹鹹地，切到一片片，幾好食！四季青萱鮮果茶啊有香濃鮮果味，菠蘿味最突出，茶味清香。散叫咗櫻花蝦花枝餅，大大件而且好彈牙。而家食滿$300仲送茶木珍珠奶茶襪一對！

今日有朋自遠方來，帶左佢去黃埔美食坊~茶木。食物方面：黃金鹽酥雞：炸到金黃色，一啖一口，不知不覺就清晒。蒜香麻辣豬耳朵：BB辣，豬耳朵夠爽口，仲配埋花生，另一道開胃小食。茶香三文魚湯漬飯：三文魚煎得香口，好豐富肥美，灑上紫菜、芝麻、木魚絲、脆米、櫻花蝦在粒粒分明的日本米飯上，再倒入鮮甜的茶湯，茶香撲鼻。Teawood紅燒牛肉麵：加左紅白蘿蔔，湯底清甜，紅燒牛肉炆得好腍，牛肉味勁出，自家製麵條夠晒Q彈，好有地道台灣風味，果然係招牌。紅豆薏米水：由紅豆、薏米煮製而成，能夠幫助消化。佛手柑水果茶：可以走茶，揀純電解水，茶壺內仲有好多新鮮水果，酸酸甜甜，好飲。雙重茶香蜜糖磚塊歐軟：即時製作，採用Milk Top獨家奶茶口味雪糕、濃郁鐵觀音鮮打奶油，配料仲有搽滿焦糖既香蕉同士多啤梨，香脆的歐軟麵包，這個期間限定，打卡必點。總結，餐廳食物美味，座位舒適簡潔，係傾計聚會既好地方。

晚餐到茶木食台色美食！ 路邊灘小食台式腸仔香甜，  花之丸入面有餡嘅，  酥雞炸得好香脆！鹽酥雞排肉燥飯雞扒好大份， 雞肉嫩滑，  仲配有流心蛋，  肉燥非常入味，適合撈飯食！烏魚子元貝手作麵 手作麵煙煙靭靭，  元貝兩粒大大粒好鮮甜， 有冬菇絲及其他配菜， 賣相非常吸引， 醬汁亦都好特別，不會太鹹 紅蔥醬燒豬軟骨麵 紅燒醬好香，  好有傳統台灣嘅味道， 用了粗麵 ，麵質唔會淋曬 ，豬軟骨炆得非常淋， 好入味不會太油膩！ 滿杯珍珠鐵觀音奶茶 奶茶一啲都唔甜， 珍珠佔了大半杯😍  非常煙靭，好正宗 ， 茶味夠香濃👍🏻👍🏻👍🏻雙重茶香蜜糖磚塊Toast   非常厚身又香脆，配茶味雪糕及珍珠 ，  仲有焦糖香蕉同士多啤梨，  係女士甜品嘅必選！

️🫖茶香三文魚湯漬飯❤️好有台式風格嘅茶漬飯，三文魚大大塊食落好香脆，肉質又嫩滑😚~ 由於茶湯非常濃郁，當飯連埋配料和茶湯一起進食，會有獨特風味，令人一試再試，入口茶香撲鼻，清新而唔油膩！🤪🤪🐽櫻花蝦花枝餅金黃色嘅賣相非常打卡able，食落彈牙有汁，雖然係炸但唔覺油膩，😍入面嘅櫻花蝦味道突出，鹹香嘅鮮味令口感覺很豐富！🤪☁️櫻花蝦魚湯浸娃娃菜娃娃菜新鮮解膩，有好多嘅櫻花蝦令成個魚湯都好鮮甜😚😜☁️白朱古力抹茶可頌窩夫☁️芒果吉士可頌窩夫試咗兩款口味嘅牛角包窩夫🤤食落口感很酥脆🤤貼心嘅店員焗返熱先過嚟～口感好正🤤☁️有機臺灣高山巨峰烏龍茶☁️有機臺灣高山茉莉龍珠茶試叫咗兩款特色嘅茶，各配上一粒特別的小冰球，冰球是以茶底製作☁️清新得嚟唔帶苦澀！☺️

今日和朋友在黃埔天地美食坊茶木享受了悠閒的台式美食，大滿足!餐廳環境舒適，座位闊落，悠和音樂令人放鬆，可以慢慢享用美食。餐牌選擇多，有多款台風小吃，小菜，米飯，麵食，果茶，台式茶飲，甜品等供顧客選擇。我們選了數款招牌菜，都有水準。茶香三文魚湯漬飯有驚喜。珍珠飯有咬口，三文魚煎得香，外脆內軟，有魚味，加埋烏龍茶及玄米茶製做的茶湯，以及樱花虾干，木魚絲和脆米通一起吃，有質感，又清新。鳳梨鮮果甜酸肉也美味，肉質肥瘦適中，鮮菠蘿，士多啤梨和藍莓增加肉的鮮味，開胃。小食樱花蝦花枝餅彈牙好食有風味。溏心蛋蛋白軟、鵝黃色嘅流心蛋黃香濃，見到都想食，真美味!草莓香草蜜糖磚塊又甜又美味，最啱與朋友或家人分享，材料有草苺、綿花糖、草莓雪糕、忌廉、3塊厚吐司以及草莓果醬。有機臺灣高山巨峰烏龍茶值得一試，茶清香甜潤，實屬佳品。凍黑糖奶茶加埋愛肉好飲又好食。下次再來試其他美食。

再訪茶木名物唔知有無人同我一樣去茶木其實唔係最想食佢嘅咸點，而係為左佢嘅甜品蜜糖磚! 次次嚟親就算已經飽到核爆都係要食佢呢個甜品先安樂。烏魚子元貝手作面, d面嘅口感好Q彈令人想追住食鹽酥雞排肉燥飯，雞排外酥內多汁好香口, 加上肉燥飯又中和左油炸感另外點左兩杯開胃西柚水果茶 同埋檸檬愛玉, 為甜品環節做準備份吐司磚真係好大份，而且每片吐司都烤到卜卜脆，仲有部分已切粒去皮方便進食，配埋d雪糕一齊食好快就食晒一份! 

今日接阿仔放學，順便响黃埔食埋晚飯先返屋企😊。佢話好耐無食過牛肉麵🍜，好想去“茶木”。返正我都好耐無去過，就咁決定啦😆。黃埔店裝修得明亮簡潔，風格時尚🥰，座位闊落舒適，行新派cafe風格❤。睇咗餐牌📔，除咗台式食品外，都有唔少fusion菜式選擇，心大心細樣樣都想試😂，最後點選咗兩個台灣🇹🇼海鮮之旅晚餐，無叫到牛肉麵🤣，2個晚餐都+$30 升級咗做套餐。軟殼蟹龍蝦汁手作麵 (套餐）$138.-軟殼蟹🦀外層炸得鬆脆香口，內裏充滿肉汁，味道鮮甜。麵煮得煙韌有彈性，撈埋龍蝦汁一齊食，香濃惹味😋。珍寶茶凍雙重鐵觀音奶茶 (套餐+$10)🧋珍珠份量多，另外仲有3粒超巨型珍珠，巨型珍珠食落似啫喱，甜度適中🥰，估唔到又幾好食😋。另外，奶茶質感幼滑帶香濃嘅鐵觀音茶味☺️。精選可頌窩夫 (套餐甜品)窩夫烤得外脆內軟🤗，配上煉奶和杏仁，熱辣辣🔥非常好味😋。黃金鹽酥雞半份 (套餐追加小食 +$22)雞粒🐓炸得鬆脆乾身，但內裡就非常juicy，非常好味😋。干貝龍蝦汁藜麥飯 (套餐）$128.-干貝大大粒非常有口感，味道鮮甜😋，煎得啱啱好唔會過熟。飯加咗藜麥令口感更有層次🥰，味道更香☺️。熱佛手柑水果茶 (套餐 +

放工同舊同學食飯，我記得大學時期佢最鍾意食茶木嘅甜品。呢日佢嚟黃埔搵我，就一於同佢重拾舊味😃，幫襯「茶木」。近年茶木嘅環境裝修愈變愈靚，行小清新嘅風格🌱。我覺得茶木係台灣新派菜嘅代表🇹🇼，就例如當年就係佢引入台式窩夫多士甜品。菜式食物選擇繁多，定價就屬中等水平啦。佢採用手機QR Code落單，方便得多。我哋嗌咗一個晚嚐二人餐👫($298)，內容都幾豐富，包括一款小食、兩款主食同兩款飲品，另外仲可以追加小食同甜品。Teawood紅燒牛肉麵，呢個係餐廳嘅招牌湯麵🍜，湯頭濃郁，不過如果微微辣或許更惹味；而手作麵條闊度適中，口感富嚼勁。🥩燉牛肉有三大件，類似牛腱，帶膠質同咬口。同時，佢仲有幾大嚿蘿蔔🥕。烏魚子元貝手作麵，🍝依個有啲似台灣食到嘅意麵，麵質偏笠身，所以比較易滯。烏魚子口味嘅醬汁頗為特別，同明太子或蟹籽完全唔同，而嗰兩粒煎帶子就幾正，夠鮮味。台式滷味拼盤，拼盤由雞翼🍗、牛肚、牛𦟌、豆腐、豬腩片同溏心蛋所組合而成，除咗蛋之外，全部都有兩件。佢哋滷得入味，但少鹹。其中溏心蛋唔錯🥚，蛋黃做到不凝固、半流動嘅狀態。櫻花蝦花枝餅($58)，🦑手打花枝餅質感彈牙，入面堅係有花枝肉，而且用上櫻花蝦

去黃埔同朋友拜年順便食個開年飯~平時明明唔覺呢個FOOD COURT咁多人，唔知係咪新年關係，未到7點到已經爆場~呢度真係越變越多款式，新出嘅手作麵有唔少選擇，我就試咗烏魚子元貝手作麵。呢個新出系列無論賣相同味道一樣吸引，烏魚子元貝大大粒，煎得金黃食落軟熟，又夠厚身;手作麵條夠晒彈，個人覺得份量有點多加埋醬汁比較heavy，但男士們應該都好鐘意~ 另外一讚呢款麵配有毛豆，什菌同小蕃茄，食落多重口感又健康~朋友食台式麻辣半筋半肉手工伴麵，半筋半肉大大件，原本話唔食太多嘅朋友因為麻辣味夠香夠刺激，最後成碟麵清晒~~跟餐仲可以優惠價點小食/佛手柑系列果茶，茶底仲有多款選擇，用玻璃茶壺奉上，一路食一路嘆返杯真心唔錯。新年梗係要食得豐富D~ 路邊攤小食有大大件炸雞扒好香脆，仲有台灣香腸，夾住生蒜片食味道LV UP! 嚟得呢度一定要叫返個SIGNATURE蜜糖雪糕磚塊!!次次嗌飽但次次都會食得晒，呢款邪惡甜品實在令人又愛又恨~~

今日同朋友嚟到黃埔，行街行到攰，提早食個early dinner，剛好有下午茶餐，就同朋友去食。茶木好耐之前都食過幾次，以往都係食台式肉燥飯、牛肉麵為主，仲有食茶木最出名的甜品—蜜糖磚塊。因為太耐冇食，不論係落單方式同菜單都轉變左好多🤣🤣🤣。。落單已經變咗電子落單，非常方便。今次同朋友決定試吓新嘢，叫左主食烏魚子元貝手作麵、茶香三文魚湯漬飯，仲有小食話梅粉地瓜條拼甜不辣、路邊攤小食，甜品就叫左曲奇冰淇淋拼草莓吉士可頌窩夫，甜品可以叫侍應後上，非常貼心，因為撞啱係下午茶時間，小食同甜品都跟飲品😍😍😍，超抵！。烏魚子元貝手作麵呢個主菜嘅做法同整白汁意粉差唔多，不過係用咗手作麵，手作麵軟硬適中，食落彈牙，加入台灣盛產的烏魚子同白汁，麵條creamy得來又帶點鹹香，畫龍點睛嘅地方係有煎香的元貝，整體配搭唔錯！。茶香三文魚湯漬飯呢個茶漬飯有驚喜，首先賣相已經非常之吸引，三文魚煎到香噴噴，白飯上有飯素，仲俾咗柴魚片、蝦米仔、炒玄米，可以按自己嘅喜好撈落個飯度，重點茶漬飯的茶已經有調味，唔使怕茶漬飯味道淡！。話梅粉地瓜條拼甜不辣台灣小食當中，我最鍾意係食話梅粉地瓜條，話梅粉酸甜鹹，配炸到脆身的地瓜條

呢間喺黃埔美食坊既茶木，搬咗新舖位後餐廳面積比之前更大，柔和燈光襯托全新裝修，清新優雅之餘而且富現代感。食物保持一貫水準，所以經常來幫襯。叫咗一份黑麻油雞翅小食，聞到已經覺得好香，食時每一啖都充滿麻油香味，非常棒! 再叫二個台灣古早小菜，紅蔥地瓜燉無骨牛腩同古早杏鮑三杯雞，兩個小菜都用蠟燭保持溫暖，不怕美食變冷了。無骨牛腩啖啖肉，牛筋又滑又諗，而三杯雞就好入味。 每個小菜都包括白飯或地瓜米粉一碗，加$10仲可以轉肉燥飯。有機臺灣高山巨峰烏龍茶， 淡淡甘香烏龍茶，散發微微巨峰提子香氣，味道非常特別，生津解膩。 最後配2件鳳梨酥，鬆化無比，入口即溶，味道亦不會太甜。

茶木分店通常都開於住宅區，方便約大家聚會見面今次我選黃埔，於美食坊上一電梯便是。裝潢簡單而且木系感覺重，令人感覺明亮清新，而且座位寬敞，私隱度高，坐得舒服。台式滷味拚盤 $86有雞翼、腩肉、豆腐、蛋，全部都炆得很入味，其中我覺得雞翼最好味，又唔會淋哂。櫻花蝦魚湯浸娃娃菜 $70有6,7棵，菜吸收了魚湯及蝦味，看似簡簡單單的菜色，但味道一點也不簡單，而且解了油膩感。鳳梨鮮果甜酸肉$98 轉肉燥飯$10擺盤精美，啱哂打卡!!味道方面，酸酸甜甜，肉質感彈牙，我最喜歡這個，必點小菜!!而且配菜都好多，送飯一流。木柵鐵觀音草莓青檸茶 $42 (凍)嚟到台式店，一定要嗌返杯台茶!!我同朋友都選少甜。這個清新，茶香濃，酸酸地、幾開胃。佛手柑水果茶高山金萱烏龍 $46 (熱)朋友選這個，朋友說香茶，入口舒服。冰淇淋拚草莓吉士可頌窩夫 $58 配抹茶冰淇淋跟朋友一齊食，切一半分享，啱啱好，外皮脆脆地，內軟、不太甜，配上抹茶很夾，一凍一暖。

今日黎到黃埔搵野食，想食台式野就揀左茶木，間店好近mtr，響黃埔天地美食坊，坐得好舒適，平時通常都係食牛肉麵，但見到menu多左食物既選擇，今次就嘗試下其他新野！金黃鹽酥雞就如其名一樣，炸到金黃色，香脆可口，咸味適中，雞肉同炸粉都幾平均，唔錯櫻花蝦花枝餅好似食緊有蝦味既花枝丸，好彈牙！台式鹵味拼盤集合糖心蛋、牛肚、牛𦟌、鹵水雞翼、豆腐、豬腩片，鹵水好入味，好抵食！軟殼蟹龍蝦汁手作麵第一次食呢個麵，龍蝦汁同手作麵幾夾，麵質煙韌有驚喜，軟殼蟹份量都唔小，值得一試！曲奇雪糕球拼雜莓吉士可頌窩夫賣相好靚，雜莓既甜夾到吉士，窩夫既口感好似食牛角包甘鬆化，茶木既甜品都做到幾有水準！下次一定會食埋佢其他既甜品