茶木‧台式休閒餐廳 (iSQUARE國際廣場)

營業中

休息中

好耐冇食過茶木喇，今晚見到有小丸子主題餐，好得意喎，就食茶木啦！唔，睇完個餐牌，又覺得小丸子餐好貴喎，所以都係點返牛肉麵。👉🏼teawood 紅燒牛肉麵牛肉大大件，好味，麵條係粗粗嘅，好入味，仲有大件紅蘿蔔同白蘿蔔，份量都唔少。👉🏼醬油豬軟骨麵有幾件大大豬軟骨，啲軟骨唔止係淋，係差不多溶咁濟，又可以大大啖咬，超正👍🏼👍🏼👉🏼起司竹炭吐司佢係呢餐飯嘅主角，個樣靚之餘，有流心嘅芝士係大賣點。切咗一刀，啲芝士湧出來呀，好吸引呀！個竹炭toast幾脆幾好吃，點吓啲芝士，冇想中咁好味，芝士味淡，但食食吓又ok, 適合唔鍾意濃味嘅朋友。

茶木在10月推出小丸子聯乘，供應一系列小丸子食品，甜品及飲品。銅鑼灣世貿，旺角瓊華及九龍灣Mega Box 有茶木小丸子主題餐廳，可惜這天在尖沙咀I square, 只好點小丸子食品。點了Beli Bala 小食併盤，併盤內有炸蝦兩隻，雞翼兩隻，台式香腸一條，小丸子盒子內有花枝丸，並帶有水果火龍果及西瓜。併盤小吃是大路之選，但份量少，感覺不太抵食。飲品小丸子的是西瓜柳丁汁，其實不是果汁，是沙冰。爺爺的是抹茶歐蕾，這杯是綠茶Latte ，好喝。重點是杯子可以帶走，小丸子迷萬勿錯過！另外，我們點了紅燒牛腩麵及酥炸排骨麵，這次師傅似乎稍失水㔼，牛腩麵的麵煮得太冧，麵條都短而碎，我們要求更換，幸好店員都肯安排更換。更換後的麵條終於正常。店內較多內地客光顧，服務員基本都忙不可開交，如需協助，需內心等候。

放假約左朋友出街，諗住同佢食咖啡弄，可惜佢遲到，預唔到時間去等位，即場WALK IN，見到好長龍就無排到。遲到的朋友太餓，咁我地就去左茶木食個原本係LUNCH 的TEA。下午茶時段，同場的其他餐廳只得幾個人，茶木就幾時都爆場。雖然茶木長期好多人排，但turnover rate高好多，2個人等位，唔洗15分鐘就入到去。友人話想食下邪惡煎炸野，所以就就佢，叫左個炸魚腐同炸雞排。雞肉比較薄，但外皮炸得香口鬆脆，食落偏油膩。炸魚腐上碟前應該有再炸一次，上枱時表面仲泛緊油光，咬落入面軟淋淋，只有豆腐的質感，魚香欠奉，入口亦係偏油膩。其實每樣依幾舊已經好熱氣，但友人中意食，咁就陪下佢，同埋自己都好耐無放縱過。依家有做緊小丸子的期間限定飲品同食物，友人同我都唔太好小丸子，只係見有西瓜汁，所以叫黎諗住清熱氣。但可惜黎到係, 成杯都係沙冰，可能太凍，只見西瓜籽，但西瓜味就唔係幾飲到。最後當然唔少得叫返個吐司，例牌係叫士多啤梨口味。一如以往，中間的吐司切成一口SIZE，淋上左蜜糖，香甜脆口，真係啖啖滋味。之前同友人食飯總係眼闊肚窄，又或者佢還未熟悉我的食量，總惦記着前人的口味與喜好，難得今次叫的份量剛好，

同朋友去食個下午茶，點知接二連三俾店員無禮對待，被忽視。入到餐廳，我同朋友傾咗一陣計，唔係即刻點餸。女店員Mxx行過來問我哋嗌得嘢食未。我哋答未，佢黑面轉身走開。隔咗一陣我哋決定好食咩嘢，舉手嗌佢埋嚟，佢扮見唔到。我地然後舉手叫收銀處女經理Moxxxx落單，佢只顧新嚟客人。然後整個樓面完全無店員，之後一位男店員走出嚟我哋先至落到單。台式雞蛋肉鬆起司捲餅($45下午茶餐)。平平無奇。食完捲餅我哋又舉手叫店員Mxx同佢講我哋叫咗個甜品後上，而家上得啦，佢即刻話「唔關我事㗎，唔係我落單」我哋再解釋一次唔係漏單，係後上。流心起司竹炭吐司($79散叫)。份量超大，中間流心芝士忌廉 ，超肥膩。總結係，被不禮貌對待，嘢食幾好食都唔會再去呢間分店!

服務態度好好同埋佢地好旺🙈，好多人吖🤦🏻‍♀️🤦🏻‍♀️，佢地好細心，地下就算有吸管嘅外套都汁起佢，但見到某啲客對茶木職員態度語氣好差，佢地都保持微笑👍🏻👍🏻👍🏻食物勁好食，雖然有少少貴同埋有加一但我見到食物就係抵曬🤤🤤尤其一至五有餐😀六日較吾抵冇套餐😕😕食得多可以草積分換嘢食🎉抵吖👍🏻👍🏻👍🏻個apps可以第一時間知道優惠勁方便👍🏻👍🏻👍🏻

是日再次來到茶木午餐，位置坐得舒服，上餐也很快。這次點了雞扒滷肉飯和水果茶。人不是很多，坐得很舒服。茶木的menu設計好靚，賞心悅目。雞扒滷肉飯很好吃，它的雞扒油炸得剛剛好，不會太厚粉，肉質嫩滑有肉質。滷肉拌飯超級美味的，滷肉選用肥瘦適中的豬肉，非常下飯。而且米飯很香甜，還配有半隻滷蛋，青瓜解膩。水果茶很好喝，裡面有不同的水果例如火龍果、西瓜、百香果等，很fresh。對這一餐非常滿意，下次還要再去試試其他食物。

今天和朋友一起去了位於尖沙咀國際廣場的台式餐廳- 茶木吃午餐。雖然平日，但還是有幾個人排隊，環境很舒服，裝修也不錯。雖然餐廳很滿座，但是侍應反應很快，幫我們下單很快，上菜速度中上。首先講一下芒果香草蜜糖磚塊，份量十足，朋友是甜品控，忍不住拍照打卡，雪糕是濃郁的芒果味，附在麵包上的芒果和草莓很新鮮清甜。再來是紅燒牛腩麵，湯底濃郁，牛腩十分入味，蘿蔔煮的入味又保持清甜。這次午餐非常滿意，下次再試一下其他台式美食。

今日去開呢頭做嘢，所以就去咗iSquare食，諗住入邊咁多餐廳，應該OK。12點半放飯時間，間間餐廳都要等位。茶木最早有位，所以就食呢一間。過多10分鐘，出面已經排晒隊。😳價錢唔係平，但係身為港女最愛嘅餐廳🤔我諗質素應該唔差。但可惜今次非常失望😔。佢嘅lunch set有小食前菜、主菜（雞/鴨/豬/牛配麵或飯）、 再加一杯飲品。我叫左個雞飯。🙈雞肉好老又唔滑👎🏼，個醬汁麻麻的一堆蔥油做味😓。至於個滷肉飯就一般啦。但個餐咁貴，仲有+1，唔會expect係呢一個質素😣。黎到台式餐廳，點會唔飲珍珠奶茶！😤但佢lunch set包個杯野飲⋯係冇嘅。🙈想飲就要加錢，所以我叫咗個仙草奶茶。味到好似無牌子可以自己沖嘅台式奶茶🙈。另外加咗$18要一個開心果蛋糕。個蛋糕幾好味嘅係餅底唔夠凍姐👌🏻。所以整體來講，嘢食食得落口嘅不過真係唔值咁貴同埋唔知點解咁多人會食🙈。

今日無無聊聊行街，在尖沙咀想食野，諗唔到食咩，朋友話食茶木最好總有一間在附近。又多選擇，有飯，面，甜品，各式飲品，應有盡有，而且又坐得舒服呢呢款泡飯美味又足料好飽肚呀。雞翼超入味，真係想食多幾隻呀。湯底濃味，食完無口渴，飲得過。而且面又爽口炸雞扒真係超邪惡！！但熱氣到暈呢。總評分不錯，食物ok, 地點又方便。值得再黎。最近太古都開左間，已經去過2次啦，最鍾意佢成日有新menu, 可以成日黎試新野呀茶木的分店越來越多，真的很方便呢。

今日難得唔帶飯同同事出去食 順便可以講下八卦野 所以我地就揀左啲坐得舒服嘅地方食lunch 就係係isquare 嘅茶木啦~ (加上珍珠奶茶嘅引誘真係好吸引xd)雖然一如以往依間餐廳成日都要等位 我地六個人大概等左15mins 就入得啦 我今次就叫左自選餐 主茶要左地瓜燜牛腩 加埋個肉燥飯 滿足我想食肉燥嘅願望哈哈講返野食先 佢前菜有大豆芽 古早蛋 同埋炸花支丸 全部都幾好食 特別係個蛋 佢係涼涼地唔係温熱嘅 微甜且內裏鬆軟 不過係份量有啲小 不過唔緊要 主菜撘救 佢個地瓜好"淋" 入口即融 而且啲牛腩都係 又有咬口(因為有連埋啲根) 好入味所以餸飯一流 加上有肉燥嘅點綴 令我好滿足 覺得冇叫錯 下次要再黎食

平時不写平差平的……九龍湾茶木好好…… 國際廣場茶木服务超差……午市套茶有野飲我講佐2次个服务生說沒听见沒帮我下單真系白痴……套餐有野飲啦……听唔到唔識問客人咩？？我们4人点了4个餐4杯"野飲係唔係白痴都識得問下客人

前排約左朋友出尖沙咀，諗住食飽飽先去行街，但我一個帶兩個小朋友，朋友又帶一個小朋友。想搵個有BB凳的地方食野，所以就去左 iSquare 的茶木。我地都分別叫左兩份午餐，午餐最抵吃！鹽酥雞扒絕對是我每次都會叫的，炸物來講真係很好的選擇。但牛肉麵我就不太喜歡，但配埋紅燒沙底，很香。酸梅冰是跟套餐送的，所以不用加錢。但這杯朱古力火山不是跟餐送的飲品，所以要加錢配的。但熱愛朱古力的我，真的十分喜歡，仲有一層厚厚的 cream，很肥但很正。

幾乎無試過喺isquare茶木要等位，星期五晚上果然係唔同⋯⋯不過都只係等咗大概15至20分鐘就入坐了。餐牌又更新了，所以今次都決定試吓新菜式。點了新增的麻糬紅豆宇治抹茶、意式辣茄醬牛柳絲手作麵和舊有的酥炸雞扒麵。先來了麻糬紅豆宇治抹茶，一整杯是抹茶沙冰，杯底是紅豆，而沙冰面放有少許麻糬。甜度適中，很適合大熱天時享用。不過所謂的麻糬實在不似預期，只是小小的粉團粒，口感算彈牙，但似是曾雪過變硬的粉團般口感。原先以為會是較大粒似芋圓的麻糬，可惜⋯⋯是兩回事。但除此以外，杯沙冰都算好飲。接著上菜的是意式辣茄醬牛柳絲手作麵，說好的辣並不辣。味道反而較似俄羅斯牛柳飯嘅感覺，不過都好好食又惹味。最後是等咗好耐好耐，追過兩次單的酥炸雞扒麵。雖然等咗好耐，但個雞扒真係炸到金黃酥脆無得彈！而且份量仲蠻多的嘛！麵身又彈牙，湯頭濃郁，真係好滿足。

由於買左7:30既戲飛，所以諗住係附近食買餐，就唔會太趕啦。 。。本來打算食拉麵。。。但心血來潮想食台灣野。還好，拎左飛等一陣就有位啦。叫左個台式雞扒面同餃子，雞扒味道唔錯，不過炸得有少少乾，唔似豪大大咁，湯底有牛肉味。另外有餃子，正正常常，未算特別出色。

一班人就係要吃好西！茶木相信大家都試過，但因為我無寫過，我就來寫寫！食左好多野，果個雪糕磚真係不得之了！好食，好食，好好食！唔怪得之前請人，都話入職福利就係食呢舊野。。。其他野就不過不失啦，炸豆腐以為純粹炸豆腐，原來係魚豆腐，有驚，無喜。。。反而中意食豬耳，怕辣，就無原味，少少辣都唔得就唔好勉強，牛肉麵果啲都正正常常，最欣賞係無趕客，尖沙咀通常都會有限時間食，我地就食左人地幾個鐘，服務都不錯，不停有人加水果啲！食物上台速度都滿意