茶木‧台式休閒餐廳 (iSQUARE國際廣場)

營業中

休息中

幾乎無試過喺isquare茶木要等位，星期五晚上果然係唔同⋯⋯不過都只係等咗大概15至20分鐘就入坐了。餐牌又更新了，所以今次都決定試吓新菜式。點了新增的麻糬紅豆宇治抹茶、意式辣茄醬牛柳絲手作麵和舊有的酥炸雞扒麵。先來了麻糬紅豆宇治抹茶，一整杯是抹茶沙冰，杯底是紅豆，而沙冰面放有少許麻糬。甜度適中，很適合大熱天時享用。不過所謂的麻糬實在不似預期，只是小小的粉團粒，口感算彈牙，但似是曾雪過變硬的粉團般口感。原先以為會是較大粒似芋圓的麻糬，可惜⋯⋯是兩回事。但除此以外，杯沙冰都算好飲。接著上菜的是意式辣茄醬牛柳絲手作麵，說好的辣並不辣。味道反而較似俄羅斯牛柳飯嘅感覺，不過都好好食又惹味。最後是等咗好耐好耐，追過兩次單的酥炸雞扒麵。雖然等咗好耐，但個雞扒真係炸到金黃酥脆無得彈！而且份量仲蠻多的嘛！麵身又彈牙，湯頭濃郁，真係好滿足。