茶木‧台式休閒餐廳 (PopCorn 1)

大家同學仔媽媽考試前一聚，嘆個早餐先，我最鍾意飲珍珠奶茶，估唔到茶木早餐有得飲😍😍，二話不說就入了茶木食早餐。首先，我點了台式三杯沙茶牛肉湯生力麵 配腸仔太陽蛋，台式珍珠奶茶。這套台式餐點三杯沙茶牛湯濃郁，牛肉嫩滑入味，生力麵Q彈牙，米粉腸仔軟糯，太陽蛋流心，好好味。台式珍珠奶茶經典，茶香濃郁，珍珠Q彈有咬頭，不甜。然後，同學仔媽媽點台式肉燥湯米拼雙太陽蛋，肉燥加配豬排，濃香台灣奶茶。這套餐湯米粉熱騰騰，肉燥香濃，雙太陽蛋流心誘人，加了菜更健康。另外，豬排肉質厚實多汁，不柴不乾，配濃香台灣奶茶，茶味濃郁，奶香滑順不甜膩，簡值完美收尾。下次早餐一定要再黎食！😋😋😋…查看更多

餐廳環境晚餐唔想煮飯，就落黎呢到食個套餐座位餐枱都算闊落，餐廳裝潢都算有空間感手機落單，唔洗叫待應，方便唔洗煩，因為叫佢地拎杯水有排先會應機衛生程度OＫ，可以接受。食物評價朋友叫左個燉排骨定唔知炆肉，唔係好記得一點完單，唔洗五分鐘就上菜，快得可怕，味道唔算好，亦唔算差，無乜記憶點Ｄ肉就真係好淋，淡到一夾就散果種如果有機會就唔好點呢個套餐了，唔建議鳯梨鮮果甜酸肉 $93呢碟菜等左一陣子先到，我相信廚房係需要即炒先花時間上枱份量夠多，好滿足，擺盆有花思，有半個菠蘿做裝飾，但其實唔需要都得咕嚕肉都好好味，加埋D鮮果炒，好JUICY，啖啖肉菠蘿份量又夠多，非常推介大家點呢度菜整體：我會剩係推介鳯梨鮮果甜酸肉，好味。…查看更多

難得約齊一班同事出嚟食飯，我地㨂咗去《茶木》食。好耐冇食過佢嘅lunch，好似多咗好多款式咁。我揀咗「醬燒豬軟骨椒麻手工拌麵」，我比個名吸引咗，感覺好好食咁。個餐望落唔錯，份量都唔細，加上有小食，唔㤦齋食麵咁寡。麵係《茶木》自家製作，食落口感好Q彈爽口，加上佢嘅台式醬汁，口感非常豐富，完全係我想要嘅口感同味道。豬軟骨夠淋。醬汁非常入味，同個麵非常夾，而且份量都唔少，性價比極高。小食有兩件扁豆腐同一件鴨血，充滿台式風味，鴨血帶點麻辣，非常惹味。餐茶點左「凍頂烏龍茶」，夠清同消濟。《茶木》一直我只係諗到「紅燒牛肉麵」，今次揀咗呢款菜式，絕對係有驚喜，最驚喜係佢個麵勁好食，下次要試更多唔同嘅菜式。…查看更多

今次同兩位同事去咗茶木食晏，叫咗幾款招牌菜式，每樣都相當有驚喜！今次同朋友去茶木食晏，最驚喜一定係個柯仔金不換奄列肉燥蓋飯!上檯時就見到鋪滿晒嘅柯仔，每粒都脹卜卜，咬落鮮甜多汁，完全冇沙，同金不換嘅香氣夾到絕。奄列煎得啱啱好，外層微微焦香，入面仲保持到滑溜口感，撈埋個滷肉燥一齊食，鹹香中帶住海鮮嘅鮮味，層次豐富到不得了！同事叫嘅鹽水雞配菜飯都唔輸蝕，雞肉撕得幼細，配埋青瓜絲同特製醬汁，清新得嚟好開胃。至於個紅燒牛肉麵就更加係招牌之作，牛肉炆到淋而入味，湯底濃郁得嚟唔會太鹹。追加嘅鹽酥雞同紅油抄手都係水準之上，特別係紅油抄手皮薄餡多，辣得過癮！雖然價錢唔算平，但質素絕對對得住個價錢。茶木keep到咁高水準，難怪午市都咁旺場！…查看更多

在旅遊展得到茶木優惠券，所以今晚在此癲拿。就座後，職員主動sell二人餐。有湯有飯有二主食二甜品二杯飲品，咩都有，唔洗諗，樣樣皆備，無需左計右計。最煩惱=點哪個主菜！手機下單後，慢慢等晚餐來到。台式滷味拼盤 溏心蛋半隻，豆腐雞翼牛𦟌五花腩金錢肚各二件，一堆豬耳，花生墊底。全部滷得十分入味，要馬上食白飯！三杯蚵仔啖啖滑雞 這個滑雞的鹹度比不上滷味拼盤。 滑滑蚵仔和雞肉，還有雞脾菇，栗子。澱粉質=白飯＆手作麵蟲草花鮮菇湯 上枱以小火加熱。沒有鮮菇，但有乾身的菇。湯清甜，剛好可去除主菜的鹹香+油膩。甜品二款香提舒芺蕾奶油鬆餅   二粒青提對半開，變做4 X 0.5粒鋪在表層，中間忌廉，中芯以糯米珍珠承托，鬆餅皮夾著來享用。整體不油膩，不太甜，仍有胃口享用粿條。台式米麻糬粿條紅白配，襯色一流。白色杰撻撻的糊狀物有米粒，帶玫瑰香。淺啡色條狀物似涼粉／仙草／愛玉／薯粉，要咬多几口。嚐過不太甜的奶油鬆餅，就覺得這個粿條比較甜。飲品選擇黑糖薑母茶＆凍檸茶。埋單免廿蚊，等於免加一。…查看更多