茶木‧台式休閒餐廳 (康怡廣場北座)

營業中

休息中

閒日的下午時間行開太古, 坐低食個tea休息下, 食飽之後再行過. <<鹽酥炸雞排刈包拼蚵嗲麵線>>蚵嗲麵線算幾台灣風味, 不過由此蚵仔少d, 得兩隻, 味啖. 鹽酥炸雞排幾香幾吸引!! 熱辣辣!! 襯返個刈包, 都幾有台灣夜市風味. <<紅燒牛肉麵>>比起平時食分量少咗, 真係下午茶分量. 牛肉都仲係幾香幾好食!! 湯底唔錯, 唔會太淡. 下午茶連埋嘢飲. 冷熱都得. 我哋試咗個<<熱黑糖薑母茶>>同<<凍紅豆薏米水>>, 配合返成個台灣夜市tea set. 

Taiwanese stewed beef with noodles in soup 🤤😋.The beef is so sooooft and the noodles taste so good with it 😊.This is an afternoon tea set, so the black sugar bubble tea is free ✌️

Strawberry vanilla honey toastWith a scoop of ice cream. Toast Cubes are covered with sweet honey and goes very well with the melted icecreamDevil but very yummy 🤤😋Who want to share this with me? 😊

午市自選套餐$70前菜➕主食➕飯麵芝麻醬手撕雞✖️地瓜新竹米粉手撕雞好一般 芝麻醬唔係好夠 雞唔夠滑 上次見同事食米粉好正咁 今次到我叫🤤 新竹米粉好爽好滑 每碗都有3粒地瓜📜Overall：唔知係咪因爲過咗lunch hour的關係 無客 啲server係咁想收走我盤lunch😳 但係仲有大半碗米粉未食完呀～ 除咗手撕雞 其他都好食嘅

好幾年沒吃茶木了。和朋友路過茶木，見時間尚早卻有人龍，心想不如就排一排隊等時間過。誰知才排了數分鐘，就被安排入座了。我們食量都不很大，所以點了一份主食而已。牛肉還好，但牛筋卻太難咬了，不能吞下。為了健康一點，我們點了一份菜。這一道菜不合格，菜、乾蝦、上湯，是放到同一碟子上，卻各有各味道，像是各自煮好了才擺在一起，一點也不入味。最後還有招牌甜點。還記得數年前在其他分店吃過一次，水準大致保持，算是這餐最叫人滿意的一道。p.s. 侍應打爛碟，碎片從隔離枱飛到我小腿......

The Taiwanese food here was fantastic! The set lunch was so affordable, it included a cup of drink, a dish of appetizer, as well as a main course (either noodles or rice). I enjoyed my lunch very much. The seats and environment were quite comfortable too.

平日見此店大排長龍, 一直想找個機會來試試。 今日經過時, 剛巧未見人排隊等候坐位, 即時與朋友走到接待處。 剛巧滿座, 我們二人唯有等候。 等了約十分鐘, 有座位了。 我們想嚐嚐不同的台式美食, 故點了一個肉燥飯和一個滷味拼盤。 酥炸排骨肉燥飯 : 酥炸排骨算脆口, 但肉味不濃。 肉燥味道亦清淡, 沒有了台灣肉燥飯的味道。 台式滷味拼盤 : 拼盤賣相不俗, 滷水色澤光亮。 滷水拼盤內有雞翼丶牛肚丶牛𦟌丶雞腎丶五花腩肉片丶豆腐乾丶花生和半只滷水蛋。 足夠二人份量。 各種食物皆算腍, 唯不夠入味。店員在下單後, 會給予一個標示座夾住了點菜單。 顧客用膳完畢, 帶同標示座去付款處付款便可, 頗便利。 店舖現時招募會員。

同老公行完BB展後，突然好想食啲涼涼地既甜品便諗起茶木，雖然還讀書既時候都會同啲同學仔一齊食，到大個依然都鍾意食🤤最鍾意食草莓雪糕磚塊🤤一啖雪糕一啖麵包糠真係好食，行完街街點都要食啲雪糕先叫完美🥰🥰❤️

好吃的台灣菜，這間一定榜上有名！這是我心中最好食的一間台灣菜餐廳，我每次來都會叫這個紅燒牛肉麵！好喜歡他們這個湯底，是他們自家製的啊，牛肉味很濃郁呢！除了正餐，我也很愛他們的甜品，蜜糖方塊！每塊面包都沾了蜜糖，再把它烤得脆脆的，配上雪糕和水果，味道十分好！

今日同家人兩個人到太古茶木食飯，6:30左右到餐廳，餐廳內9成已滿，環境都整潔，但缺乏空間，枱與枱的擺放都幾擠迫。我地點了鳳梨鮮果甜酸肉並且把這個加了套餐，套餐會有飯，沙津或甜品另外還有紅燒牛肉麵，餐飲方面我地加了$9轉了珍珠奶茶，食物方面紅燒牛肉麵很快便送到但是略嫌肉質有點林，而甜酸肉大約隔了20分鐘才送來，時間比較久但是炸得很鬆脆，醬汁餸飯也一流！餐的甜品我們選擇了紫地瓜慕絲塔，樣貌很吸引，但是沒有地瓜味只有甜，麻麻哋，而我們額外再點了一個甜品，海鹽奶蓋戚風蛋糕，應該是新推廣的產品，蛋糕時間比較耐飯後再要求上，差不多用了20分鐘的時間，蛋糕賣相很漂亮，味道也不錯， 質地像海綿蛋糕，上面配上一個雪糕，但是兩個人吃比較多，如果多一點人吃比較適合！

同兩個朋友放左工之後食返餐。想坐得舒舒服服可以傾下計，最後決定黎食teawood。一向好鍾意係台灣野既我，都覺得teawood唔錯。之前食過佢既牛肉麵，今次我就叫左個奶油手作麵。有菇類加埋有櫻花蝦，令個手作麵食落去有唔同既口感。我超鍾意個麵既口感，煙煙韌韌好有咬口，而且啲cream食落都唔會膩。我地仲叫左個士多啤梨吐司一齊share。吐司熱辣辣加上凍冰冰既雪糕係面，味道唔錯。加埋蜜糖既吐司真係幾好食架！價錢方便，以晚餐加埋甜品黎講算抵食

話說今日返太古坊開會，又係lunch出去爭崩頭既時候喇🤤所以我地一行4人急步飛去太古茶木（因為係女同事想食）去到坐低點餐，個女侍應非常搞笑，企係我背後與我同事中間落單，我令轉頭望佢，見到佢條鼻涕差啲跌到落我膊頭😂我即刻遞張紙巾俾佢，佢接咗張紙巾刷完鼻涕之後就話公司唔夠人，想請病假都唔得⋯⋯我就好欣賞佢咁敬業，不過應該帶返個口罩😷，可能又驚嚇親啲食客，所以...🤦🏻‍♂️好啦，講返我個午餐，秋葵牛腩+肉臊飯前菜中間嗰舊野好好食，牛腩都好好味😋依杯薏米水走冰，好飲又飽肚😆

晚飯時間去到都滿晒，要喺出面排隊等幾個。於是觀察下人地叫乜，有麵、餸、台式厚多士。有位後就睇下本印製精美好多相嘅餐牌。睇完成個餐牌後，我覺得最抵就係呢兩個涮涮鍋，一碗牛肉麵都成$70+，個鍋咁多料又可烚吓烚吓，都係$78同$88，所以決定就叫呢兩個。杞子蔴油鮮雞涮涮鍋聞到已經好香，周圍啲食客都望過來，有個小女孩經過忍不住講左句”嘩好香呀”😊😊個火頭好似唔係幾夠，個鍋又好大好多料，結果到粒火種燒完都未滾，雖然啲食材都熟晒，我地都想滾先食，個侍應女仔好醒目，都未叫佢，就自己行埋嚟話幫我地換火。個牛肉鍋都一樣好多料，有幾個好細粒嘅麻薯，都好甜下，如果無咁甜會更好，而且好細粒，我建議早啲食左佢地，否則之後會沉左喺其他好多料下面好難搵番，而且會煲溶左佢地。我真係覺得呢兩個鍋點都抵過嗰啲一碗碗嘅麵，而且遲啲夏天都食唔到啲咁熱嘅嘢，所以我地真係叫得好😊😊

星期五晚約左表妹食飯，近近地去康怡廣場嘅茶木。去到嘅時候有一條小隊，但係都好快有得入座。茶木主打係台灣菜式，今次我地試下西式嘅主食！Menu有兩個燉飯，一個係白汁黑松露，一個係茄汁，因為怕白汁膩，我地揀左義式辣茄汁牛柳絲燉飯鍋。燉飯用鐵碟裝住，店員提醒我地小心熱。飯食落好濃味，番茄醬嘅味道係同茶餐廳焗豬扒飯嘅味道一樣哈哈，不過濃十倍，因為平時焗豬扒d汁一定唔夠撈飯 醬汁足夠，有車厘茄、洋蔥粒、牛柳絲、菇菌、辣椒絲。牛柳絲好淋，車厘茄好juicy，個飯值得一試！另外我地食左炸雞扒麵同滷肉飯，哩d普通嘢就唔講啦 講下新出嘅甜品 - 流心芝士竹炭吐司！茶木嘅吐司甜品已經食到厭，但係哩個唔同，係流心架！一球大大嘅Cookies & Cream雪糕坐落吐司上面，一掀開，黑色通窿嘅吐司磚入面裝住奶白色嘅流心芝士。芝士似珍珠奶茶嘅芝士奶蓋味，竹炭吐司皮脆脆嘅，再配上雪糕，我地幾個女仔秒殺！下次都係唔食佢地嘅台灣菜，有d悶，不妨試下佢地嘅西餐呀！

一間好出名既台式食物連鎖餐廳，佢最出名既係佢出既蜜糖磚塊，姐係超脆既多士上面淋上蜜糖，再係上面加上不同口味既雪糕，就咁聽都覺得好味，而且食過都知真係好好味，係一樣好出色既甜品，我非常鍾意食，只係佢呢個蜜糖磚塊既份量非常多，平時冇可能成日食，亦好難當正餐咁食，但唔好以為茶木淨係得依樣好食，其他台式食物都係咁好食先屈機!我最推介既係呢度既鳳梨鮮果甜酸肉、紅燒牛肉麵同埋酥炸蚵嗲。鳳梨鮮果甜酸肉真係不得了，佢炸到每舊肉都係咁脆而且用水果汁包住，酸酸甜甜咁超好味，一定一定要叫黎試下!