茶木‧台式休閒餐廳 (康怡廣場北座)

營業中

休息中

今日同事去食茶木， 其實我都有好幾年冇食過， 今日食完有surprise。我同同事都覺得茶木抵食左有set lunch, 而且選擇都多左。可能我太耐冇食， 改左menu都唔知。我叫左set A 原本想食滷水併盤但已經冇晒，唯有叫鳳梨蝦球， 係d咁熱天氣酸酸甜甜既野比較開胃。個set既飯係跟滷肉飯， 成個set最鍾意個飯， 半肥瘦既滷肉配上白飯， 唔肥膩又好送飯。個鳳梨蝦球味道似咕嚕肉， 個蝦球都係脆脆地彈牙，整體都唔錯。仲有3款小菜，跟埋半隻塘心蛋，成餐都幾豐富。個餐仲跟餐飲， 我叫左玫瑰紅茶， 仲有幾款飲品選擇， 最少唔係跟奶茶咖啡， 食完個咁豐富既lunch心情都好左。

之前食開咁多間都覺得唔錯嘅態度，太古城呢一間嘢食係冇問題，但服務態度真係好差講真，連實習生啲服務態度都好過他們穿白色衫的服務員。個個懶懶散散，入到去個環境覺得好壓抑。

茶木已成為我最近其中一個至愛的早餐選擇，原因很多，幾星期前寫過食評，有興趣的朋友可查看我4月5日的食評。..今次這樣快又想寫另一個食評是想同大家分享要❗️避開❗️的選擇，就是九層塔豬扒生力麵。...因為之前的鹽酥雞米粉及沙嗲牛肉麵都推介，於是今次想試新的，叫了九層塔豬扒生力麵 ($44 連飲品)。我不推介❌。..原因第一是餸少，鹽酥雞及沙嗲牛肉都有好幾件，夠餸，但這味豬扒只有兩小件☹️，其中一件又只是骨位和肥膏，所以即只有一小件可食的。..第二，豬扒是放在碗內，熱湯把煎香的豬扒浸淋了，也把豬扒的汁”洗淡”了。其實豬扒味道不錯。..生力麵 (台灣的即食麵叫法) 煮得太淋。..鹽酥雞米粉同樣是$44，多很多件，而且另上，不是浸在湯內，米粉亦爽口。明顯這味豬扒失色很多。..不過今次經歷不影響茶木在我心目中的地位，只是不會再叫這味，這味也不是不好吃，味道不錯的，我不建議只是覺得餸少，不抵，鹽酥雞與沙嗲牛肉及其他早餐選擇還是很推介的😊😊..這樣與大家分享是免得各位叫這個相對”唔抵”的選擇。

今天相約同事去茶木食個lunch, 因為睇報紙見到佢地有個限時優惠，堂食/外賣都可以，好少見茶木做呢D優惠，甘就一於去試下午市時段，在餐廳門外等左半小時才有位進入餐廳，一坐下就即時睇下餐牌有咩食先，我地三個人最後叫左買一送一果個麵set及一個午餐set提提大家如果叫左買一送一set, 就唔可以用其他coupon優惠，除左一張coupon就係order lunch set再送你跟套餐小食蚵仔鮮米湯四色麵原隻鹽酥雞翅總結，好食，份量夠，可以回頭！

下午茶唔知食乜，經過茶木。台式休閒餐廳，睇吓有咩食先，坐低叫咗個微辣手工拌麵套餐，有椒麻拌麵，仲有個花膠螺片雞湯跟麻辣鴨血，麻辣腐皮卷，鹵蛋，這個拌麵做得出色，微辣味道啱啱好，喜好食辣嘅人未必會喜歡，對於我來說反而食到麻香，糖心滷蛋正，錦上添花就是麻辣鴨血及麻辣腐皮卷，有台灣感覺，最後不夠喉，另再加半筋半肉牛肉麵，牛肉香味濃烈，牛筋炆得入味，牛肉湯底做得出去色，值得推介，真是下午茶的好地方👍👍👍

茶木現在早開了，有早餐供應。早餐時間八點開始，至十一點，想食記得要早少少，不是一般的十一點半。早餐都配有台式刈包，麵方面可以選擇生力麵或米粉，生力麵是即食麵的台式叫法，早餐包香腸、餐肉、火腿、煎蛋，四選二。餐飲除了奶茶、檸水檸茶、咖啡、美祿、朱古力外，還可免費選擇豆漿、黑糖薑母茶、珍珠奶茶💖💖比較有特式，最好不用另加錢，抵讚👍👍😊😊 凍飲加$3。早餐平均大約$40+，免加一👍👍😊😊食物評分 (最高為5⭐️⭐️⭐️⭐️⭐️）台式三杯牛肉湯生力麵配刈包及腸蛋 $42 ⭐️⭐️⭐️⭐️鹽酥雞湯米粉配刈包及餐蛋 $44 ⭐️⭐️⭐️⭐️⭐️台式三杯牛肉湯生力麵配刈包及腸蛋 $42 ⭐️⭐️⭐️⭐️牛肉入味，湯味道剛好不會太鹹，生力麵原來是台灣式叫法的即食麵，可改米粉。 鹽酥雞湯米粉配餐蛋及刈包 $44 ⭐️⭐️⭐️⭐️⭐️這鹽酥雞味道正，我的至愛💖💖鬆脆可口剛剛好，分開上不會被湯浸淋。剛上時還熱辣辣剛炸好，要等一等才吃。還有兩塊炸了的香葉，好好味😋還配有餐肉和蛋，仲有刈包，好豐盛的感覺😊😊刈包一定要大讚，整得好，不論口感、味道、份量都無得彈👍也是我來茶木食早餐的重要原因。刈包可單獨吃，又可夾蛋同餐肉、腸、火腿等。珍珠奶茶是包的，熱的

When we were in Taiwan, beef noodle are always cheap but good. But this is not the case in this restaurant. The noodle texture is not a lot better than instant udon but the price is like 100 / person. The soup was was heavily marinated. Its beyond nescessary.

今早去太古城買嘢，顺便嘆番個早餐系康怡廣場閣楼見到間茶木台式休閒餐廳，食番份台式早餐。 選左份三杯雪裡红肉絲湯米粉配餐肉煎蛋刈包+原味熱豆浆早餐，米粉爽口，雪裡红就淡味左啲，米粉份量幾多，刈包夠熱同軟綿，同餐肉夾起一同食，就好好味豆浆幾有豆味，可能我飲原味，所以嚐到豆香味，我比較喜欢食刈包，但等餐時間稍为長，约等20分鈡，如趕時間就冇甘好，希望餐廳能夠改善一下，大至上質素都0k，下次會再嘗試吓食午餐

年初五去了茶木食晚餐，通常都會食招牌的牛肉麵，有時也會食三小碟；這兩款食物也從不令我失望。但今天想講的是新春特定的迷你小盆菜。這個小盆菜共有六款餸菜：鮑魚、蘿蔔、香芋、魚蛋、豬蹄和香菇。這是一個二人餐，所以每樣餸都有兩件。通常這些迷你菜都會每樣小小的，但茶木卻非常貨真價實，童叟無欺；鮑魚也是正常一般大的那種，香菇非常爽口、厚肉；白蘿蔔也是茶木的拿手菜（因為牛肉麵都會加上蘿蔔）。這個餐價錢 $168加 $20再添一碗白飯和一杯飲品。我再叫了一杯黑糖薑母茶，溫補一下。這個餐相當不錯，好食，夠飽，性價比高！

黑糖珍珠紅豆奶茶，好好味！珍珠有咬囗！紅豆有點過甜，多加冰塊，冲淡啲，好味啲鹽酥雞扒刈包配蚵仔米線，鹽酥雞扒外脆內軟👍🏻蚵仔米線超唔掂😩蚵仔勁腥，食咗一兩粒已經唔敢食！茶木啲蚵仔千祈唔好叫！！！好多時都唔新鮮😖朋友叫的冬瓜茶，我不太欣賞，只覺是杯糖水⋯⋯雞蛋肉鬆起司卷餅，味道也不錯。

上次食過銅鑼灣嗰間都OK，今次試吓康怡呢間🤔鋪頭比較細，枱同枱之間都比較窄。午市餐牌都幾多選擇，價錢一般。黑芝麻醬雞絲冷手作麵（$86）真係幾求其嘅一碟餸🤣一碗雞絲、麵、青瓜絲同埋花生，跟住自己淋D買返嚟嘅芝麻醬...嗰醬太甜，芝麻味唔係咁濃。雞絲份量唔多，但係麵嘅份量就多。個人唔係好鍾意呢度嘅手作麵，白得來有少少透明又粗，好似糯米糍嘅口感。義式鱸魚青醬手作麵（$86）等左起碼20分鐘先到😓魚好大塊同埋炸得好靚😮魚肉都好白，比想像中出色。但係餐牌冇寫住炸嘅，而我個人唔係好食煎炸野，有啲失望但係都唔可以賴佢...😶但係個青醬撈手作面真係比較難食🤢，青醬太多油同埋比較稀，結D會再好D，配意大利粉會好味D。真係唔知點樣講好，呢碟餸又好又唔好🤣服務態度唔錯，午餐嘅份量都大，食物質素就唔得🙁咁嘅質素就算貴。

每次經過茶木(不同地區)，午市時都要大排長龍，今日早少少三人行都要等5分鐘先入座，如果再晏少少仲等得耐午餐餐牌，分為Set A 同 Set B兩種，我哋就叫左3個 Set A。每款都包前菜(溏心蛋，浸漬蘿蔔，麻醬時菜)。溏心蛋保持一貫水準，內軟外香。中間係麻醬娃娃菜，麻醬好好味，娃娃菜超快食晒。菜單上嘅浸漬蘿蔔轉左麻辣青瓜，味道有點辣。1. 鳳梨糖醋蝦球，配肉躁飯，凍紅豆薏米水。蝦球甜酸度適中，食落令人十分開胃。肉躁香濃，配飯一流。2. 青蒜照燒沙朗，配香芋米粉，冬瓜茶。米粉幼細，簡單配上兩件芋頭條已好好味。而牛柳超淋好味3. 芥茉塔塔醬鱸魚條，配牛肉麵(菜單上嘅中卷麵線轉左)，玫瑰紅茶。牛肉麵有少少辣，牛肉厚身亦煮得好淋，充滿台灣味道。而鱸魚條夠香，脆卜卜好好味

從未有興趣寫食評的我，這次見到老婆點了"三杯鴻禧菇里肌"，等了近30分鐘，鴻禧菇5條，特地拍張照片與各食客朋友分享。我老婆很喜歡吃鴻禧菇，結果來的是滿滿的三杯其他菇片、薑片、蒜片及辣椒，難道是現在的鴻禧菇很貴嗎？

The lunch is about $100 for just a noodle (without any meat or veggie) , boba tea. Its actually quite expensive. Its not like I cant afford it but there are a lot other choices for this price.The noodle is a bit dry too. Not worth the value. Boba tea I didn't taste any tea favor, all I taste is sweetness.

閒日的下午時間行開太古, 坐低食個tea休息下, 食飽之後再行過. <<鹽酥炸雞排刈包拼蚵嗲麵線>>蚵嗲麵線算幾台灣風味, 不過由此蚵仔少d, 得兩隻, 味啖. 鹽酥炸雞排幾香幾吸引!! 熱辣辣!! 襯返個刈包, 都幾有台灣夜市風味. <<紅燒牛肉麵>>比起平時食分量少咗, 真係下午茶分量. 牛肉都仲係幾香幾好食!! 湯底唔錯, 唔會太淡. 下午茶連埋嘢飲. 冷熱都得. 我哋試咗個<<熱黑糖薑母茶>>同<<凍紅豆薏米水>>, 配合返成個台灣夜市tea set.