茜廊餐廳 (天盛商場)

營業中

休息中

三五成群遊玩完南生圍，晚上去了朋友家附近的餐廳晚餐，環境幾寬敞舒適的，播着抒情的愛情歌曲，感覺甚有氣氛。招牌烤雞沙律 $85沙律菜以酸甜黑醋攪拌，爽脆清新，小編覺得個烤雞煮得幾好，微微咸而完全不韌。意大利香草焗紐西蘭羊架 $128羊架帶有好香的香草味，軟滑不韌，而且帶有少少羊羶才味美。新奧良雞翼(4隻) $35雞翼略普通，純碎蕃茄的酸味。白酒煮藍青口 $58青口浸在酒裡，有啖啖的酒香，如果青口肉略大更好。香煎鰽魚柳配溫室菠菜煮蜆 $118賣相很好看，色彩繽紛的，鰽魚柳幾鮮甜，再加上與蜆的互相配合，食味更鮮。朱古力心太軟配雪糕 $48朱古力心太軟似乎焗得耐了，偏硬了少少，流心如果多點會更好。吉士醬燴梨 $45小編覺得呢個甜品幾有心思，梨子批了皮，浸白酒雪凍，伴吉士醬食，清甜又多添細滑口感。平時都少去天水圍，呢次郊遊活動，巧合地讓小編踏足天水圍的餐廳，食物、服務和環境都不錯，有一番驚喜。

最近天水圍新開左間西餐廳, 見環境唔錯,menu又多選擇, 一於試吓啦！首先出場嘅係蒜蓉包、餐湯和沙律。田螺配薯蓉本來就好夾, 薯蓉焗到金黃色香噴噴, 但略嫌鹹咗少少。牛柳嘅擺設非常靚, 配菜亦相當豐富。牛柳選擇了七成熟, 可以配燒汁或者蒜蓉汁。魚柳煎得啱啱好,醬汁加入蜆肉黎煮, 非常鮮甜。重點係預留底下的溫室菠菜,菠菜吸收哂醬汁的精華,非常好味。食西餐又點少得精緻的甜品呢！啤梨有淡淡的酒味,吉士醬嘅甜味可以中和啤梨的酒味。估唔到內有乾坤,原來啤梨中間係雲呢拿雪糕,相當有驚喜！

難得齊人返天水圍，天盛商場大裝修後都未行過，見到呢間外觀裝修唔錯，唔似一般屋邨餐廳，家姐又話佢成日幫襯九龍灣個間「茜廊」覺得唔錯，咁就一於試試天水圍呢間得唔得先～一米長超級薄餅超級吸睛，而且上菜時四圍都會有好大反應，大家都「嘩嘩聲」，特別係小朋友都不約而同問「點解我地唔叫呢個既？我都好想食呀」，三款口味包括：黑松露野菌、羅勒蕃茄及皇后薄餅 ， 呢款薄餅係薄批底，所以啖啖脆卜卜，個人最喜愛黑松露野菌，又香又惹味，另外兩款都不過不失，羅勒蕃茄我覺得單調左啲，皇后薄餅餡有黑橄欖、蘑菇、芝士和火腿/腸仔粒，如果可加菠蘿會更吸引。一家人或幾個朋友都值得叫，不過我地坐大型卡位，當呢個一米長薄餅上檯後，張檯就無晒位喇，由於薄餅好長，充滿成張檯，我歲半仔仔超開心，全晚自己一邊「met」一邊食，好爽^_^羊膝拼鱈魚柳薯菜羊膝肉嫩帶微膻，正合弟弟意，「食羊緊係要有少少膻味先岩架嘛，完全唔膻就唔係食羊啦^o^」我覺得好有道理。鱈魚部份不過不失，我最鍾意係薯菜部份，啲薯仔整得好好食，有啲脆又入味，如果可以有多啲就好喇。忌廉同羅宋湯表現正正常常，不過可以既話，唔好用呢個淺碗裝好啲囉，拎湯一路行一路「倘」就預左架

是晚我地黎左天水圍睇下有咩精靈捉唸住隨便食個晚飯^_^ 去左天盛商場，原來有茜廊餐廳！ 之前有係佢九龍灣分店食過，記憶中都唔錯！見呢間環境都唔錯，今晚一於再試下星期六晚上當然是多人等位！幸好唔鐘意等位既我地6點零就入座食完出黎見到咁多人等緊位...餐廳環境裝修都唔錯，整體空間都幾大，坐得幾舒服比起九龍灣分店更modern ~ 餐牌選擇有好多～淨係特飲都有十款八款佢有好多套餐，但我地決定簡單d,所以散叫兩個主菜share食檸檬薏米水：消暑解渴一流！除左有大量薏米外，仲有幾粒大紅棗，令到野飲唔需要加糖既情況下都好甜飲完覺得自己靚左檸檬、薏米、紅棗都好岩女人～哈哈！新奧良雞翼我地見到餐牌寫住4隻，上台時有6隻哈哈！廚師可能唔小心俾多2隻我地雞翼既醬汁整得唔錯，甜甜地、微微酸雞翼肉嫩滑！美中不足既係某一兩隻唔夠入味！但以呢個價錢食到6隻雞翼，相信無咩餐廳做到香煎鰽魚柳配菠菜煮蜆估唔到份量咁大有賣相又有實力既一道送魚柳煎得好香，魚肉幼滑，唔會好散菠菜加蕃茄仔被大量白汁浸住，菜入哂味，正！仲有數隻蜆！ 蜆無沙粒，配上汁，個汁唔會話好濃味，所以能夠帶出蜆既鮮味美國牛扒又一巨型既份量！牛扒大大件好厚！

今曰同hubby試試天水圍的西餐廳。這兒裝修時尚，空間感十足。晚餐由98至148 不等，包湯，餐飲同主菜。羅宋湯：好足料，非罐頭湯貨式，酸酸地又有少少辣同濃郁的什菜同肉味，不錯！葡式烤bb 豬配什菜沙律(148)：bb 豬份量十足，皮很脆，是葡式的脆皮跟港式的爆花脆皮很不同。bb 豬肉很嫩，充滿肉汁，有肉味而無羶味，啖啖肉少少骨，無乜肥膏，連不愛食豬的我也成碟Ko 左。強烈推介！美國牛柳薯菜（148）：牛柳有成吋厚，五成熟，有D肉味，而肉質有一半ok，另一部分帶筋較韌。配上黑椒汁的牛柳同薯菜，味道OK，但相比bb 豬，真的比下去，或許是bb 豬太好食了！檸檬薏米特飲：味道清甜，薏米軟稔夠味，加上檸檬紅棗等，清新又爽甜，很解暑！綠茶牛奶紅豆冰：綠茶雪糕無乜特別，紅豆大大粒，甜甜地少少起沙，味道如想像一像，奶味濃冰冰凍。真的估唔到天水圍有咁有水準的西餐廳，價錢合理，味道不錯，份量唔少，值得推介！

成日覺得天水圍好似無咩野食~依排開左間新野 見日日都好多人等位~原來依間有分店   媽媽話啲碟靚。(笑)入面都算好大下 裝飾得幾好 坐得舒服！！同媽媽去食，佢點左羊架。上桌時已經覺得香噴噴，咬落除左有淡淡既羊羶味 仲夠鬆軟吾會硬崩崩。表面有微微燒焦鎖住肉汁？ 加埋醬汁又再惹味啲~媽媽一個人食左三件（話可以比碗飯佢)依個飯哇左聲，好真材實料 原隻龍蝦 (依碟上桌速度慢少少）我仲諗 要由邊到開始食好呢~原來佢已經切開左兩邊 而且用叉好容易就整到龍蝦肉出黎 食得好方便(讚) 肉質係爽口加上大隻啖啖肉  底下係意大利飯 加埋其他海鮮、蕃茄、青紅椒等等，夠鮮味，配搭得好好   不過要襯熱即食 吾好掛著影相~如果吾係凍左滋味即刻減半！莞茜勁香！！如果吾中意食既人可能落單時要講？不過我太中意 仲想多~沙律當然係我提議，食甘多要有返蔬菜中和返~汁帶微辣 (一時醒吾起叫咩名 好熟好熟) 蕃茄同青瓜好味清新。但整體一般，吾點都得~~可能其他款會好食啲 最後得依個食吾曬 嘿嘿我一向愛忌廉 就算味道吾濃郁 飲落都幾開心。

其實晚市套餐價錢頗合理的，不過想吃的都不在套餐之內，唯有散點吧！招牌烤雞沙律（$85）既然說是「招牌」，那當然要一試！沙律用上了沙律醋，不過醋的份量多了一點，所以有少少那親喉嚨；雞肉微暖，味道可以，不過肉質「鞋」了少少。白酒煮藍青口（$58）個汁的酒味都頗濃，不過青口沒有海水咸味，而且很多青口肉都跌了出來。西式焗田螺（$38）西式焗田螺比起藍青口更值得一試，田螺很爽口，而且厚肉，伴了很幼滑，很重芝士味。香煎鰽魚柳配溫室菠菜煮蜆（$118）鰽魚柳比起想像中乾了一點，少了魚的滑和油脂的香味；溫室菠菜份量比想像中多，而且都很幼嫩。芝士焗英國保濕豬柳鮮茄茸汁（$128）見到個名「保濕豬柳」真的忍不住要試試是何方神聖！豬柳有大約一點五厘米厚，雖然那麼厚，但煮熟後的肉質都不會「鞋」，而且很爽口彈牙，唯獨炸過的表皮被汁弄濕了，少了應有的脆口感，似濕了水的吉列豬扒；配上鮮茄茸汁不錯，酸酸的，很開胃。凍朱古力牛奶抹茶（$35）抹茶和朱古力味溝在一起的味道真的很怪，而且比較淡。士多啤梨雪香（$32）比較正常的味道，士多啤梨味不算太濃，但甜了一點。吉士醬燴梨（$45）吉士醬凝固了，一點都不幼滑，味道有點怪；

難得的打風天，讓我和愛人可以手拖手一起午餐。亦正因為這八號風的上午，我才有幾會來這食店午膳。這食店的特色是提供一米長pizza，一班人圍住一齊拍照都幾有趣。老實說，這麼長的pizza我還未試過，真想下次來試試，但今天先來吃個午飯。看看餐牌，這裡提供不少選擇，但價錢就令人懷疑這區會有多少客路。不過就現場所見，幾乎都全場滿座，似乎這裡都有不少有能力的捧場客。看過餐牌，我選擇了香煎鰈魚扒磨菇意大利飯。意大利飯是我最愛的西式飯煮法，這裡意大利飯夠creamy，再加上磨菇、紅椒粒、青椒粒，既香口，又美觀。至於鰈魚肉，我相信本身是肉質比較梅一點的魚類，但絶不像在佳X買回來的龍利柳般，而是有魚味。整體來說非常好吃，再加上餐湯、蒜蓉飽、飲品，份量絶對充足。至於服務，這裡的員工不知是太新，還是老闆給的壓力太大，總像是「大頭蝦」，放下凍檸茶，但忘記給糖槳；又例如我愛人要了日式燒汁焗滋味雞飯，但上枱時卻又忘了給燒汁...

之前在位於九龍灣的茜廊餐廳吃過晚飯，質素還不錯，得知天水圍開了分店，近近的，當然來試試啦！天水圍的 茜廊餐廳 就在剛裝修好的天盛商場，鄰近天水圍西鐵站，即使不是新界西人，要來吃飯也很方便。假日的 茜廊餐廳 門庭若市，建議預早訂位，免卻等位時間。幸好我們訂了位，一行五人準時入座。有別於九龍灣總店，裝修走工業風的天水圍分店的menu更有格調，你看！加了老媽的老花眼鏡，文青feel呢！(笑)打開menu，內裡圖文並茂，好像雜誌呢！先來一點小食吧！單點：西式焗田螺 ($38)田螺面的薯蓉焗至金黃色，賣相不錯。田螺的size不會太小。略嫌不太夠牛油香味，但話分兩頭，亦是比較健康的份量。除了單點餐牌外，這裡還有晚餐menu，套餐就是多了餐包、餐湯和飲品。餐包：蒜蓉包吃得出是預先焗好，所以咬起身有輕微偏硬。除餐湯外，可選的雜菜沙律夠新鮮。接著來到主菜啦。晚餐：意式意大利雲吞溫泉蛋 ($98)自家製的意大利雲吞，肉餡是由肥豬肉、豬肉和火腿混合而成，貼心的侍應在我們order的時候特意提醒，因為加了肥豬肉，所以吃起來或許會覺得有點油膩。但事實上吃起來不覺得肥膩呢！所以大家不用太擔心。葡式烤BB豬配雜菜沙

今晚同埋一家人嚟到天盛商場入面的茜廊晚餐，以前都去過德福那家分店不過今晚嚟呢間新開的都幾有驚喜，本menu都已經好有型，好似份報紙咁我哋叫咗個超長嘅Pizza食，足足有成1米咁長，上面分別有3款唔同味不過先嚟個烤雞沙律，味道合格，烤雞肉幾林幾Juicy，唔會乾淨淨外父叫咗個7成熟牛扒餐，裡面粉紅色冇血味，肉質幾林！然後一碟茄汁意粉俾小朋友，好多配菜茄醬好好味最後就到超長pizza出場啦，真係要清哂枱面嘅嘢先放得落，起初我仲擔心唔夠飽要叫多樣嘢，但係其實真係可以俾8個大人食都夠3款味包括羅勒蕃茄Pizza, 黑松露野菌Pizza, 仲有水牛芝士Pizza最後都要打包.....

同屋企人食飯，知道天水圍呢個商場剛剛裝修好，有好多新嘅食肆進駐，我哋都來湊下熱鬧！今次選左一間連鎖餐廳，好耐好耐以前響九龍灣食過覺得唔錯，價錢又大眾化就嚟試吓。晚餐都有十幾款，每款都係大約80至＄150，食得豐富又唔肉痛。晚餐包埋餐湯蒜蓉包同飲品，餐湯揀咗羅宋湯，材料十足，味道真實，唔會好似茶餐廳果啲咁過甜。蒜蓉包亦香脆。跟餐加$24可以玩鵝肝多士一塊，不過個人覺得味道一般，唔夠香，煎得過火有點燶。加$20有紅蝦一隻。肉質彈牙而且好厚肉！Dinner set 叫咗葡式烤豬配沙律！份量有四份一隻豬咁多，皮脆肉厚，肉質亦嫩，加上醬汁一齊燒，夠入味。重點係呢個餐只係＄148！扺！皮夠薄夠脆，肉質夠厚夠嫩！呢個係散叫嘅西西里海鮮意大利粉 ($98)，海鮮材料豐富，有大量嘅珍珠帶子、蝦、青口響入邊，意粉用上茄汁去炒，加上少少辣更加惹味開胃！呢個香煎鱸魚白汁菠菜煮蜆亦都係散叫，只係$118！鱸魚煎得皮香脆，肉夠嫩，白汁用奶油加白酒上湯製成，蜆勁甜又大！配上個醬汁十分好味！薯蓉焗田螺亦只係＄38！薯蓉焗得好香，有牛油味，而且食落creamy柔滑！田螺厚肉。而家佢哋仲推廣，登記成為會員每月有唔同嘅優惠

我想讚一讚您間鋪頭！我兒子從來不去吃早餐！只去茜廊吃！因為這裡有黑松露炒蛋、香脆魚柳！晚上的羊扒夠新鮮、都好好味！另外，有個一米長的pizza，送來時好有驚喜！

番左五日工好攰呀 懶洋洋 唔想出咁遠食飯 只想舒舒服服咁坐低食餐好嘅！經豬先生帶路 發現天水圍有間齋睇門面感覺幾高尚嘅西餐廳 再望一望餐牌 價錢都好合理喎 一於入去試下啦！晚上七時半入座大概已有八成入座率 地方好寬敞 感覺摩登而且富時尚感  以雜誌形式為藍本嘅餐牌 設計上大有諗頭 襯番餐廳形象  豬先生豬小姐叫左兩個dinner set 三款side dish同兩款dessert  dinner set嘅包包用蒜同黑椒輕輕調味 好香口 羅宋湯相當足料！有肉有菜 酸味味 再加啲胡椒粉 唔錯 有對比之下 忌廉湯比較普通 建議揀紅湯！有成十隻八隻藍青口 藍青口尼隻品種嘅青口 本來肉身就係細細粒 雖然如此 但肉質都算帶鮮偏甜 可惜白酒味未能完全滲入藍青口 鵝肝都算大舊 當然不能預期軟滑即溶 但香煎後配上脆脆多士 加上少量沙律菜伴碟 算係好抵食嘅餐前小菜 尼款薯條好特別 唔係將啲黑松露碎灑係面 而係將啲黑松露溝埋落個醬汁到 估唔到都幾夾 薯條粗切熱辣辣 加上特制開胃黑松露沙律醬 零舍滋味可口 放中央嘅珍寶帆立貝好搶鏡 食落都幾爽彈 除左珍寶帆立貝 仲會有啲小貝柱 雜菜 菇菌拌飯

網上話間野好食又走去試新野 落單落少左 落單時要等好耐先有人黎 D野食真系麻麻 價錢又唔係平 中位價錢 一個意粉要百幾蚊雞翼D汁系茄汁海鮮意粉 D海鮮吾夠味 焗薯上嘅肉粒香茅味 吾岩我食焗螺 D螺有D淋 冇螺味

同事推薦不用出城也有味道好、有特色的西餐。於是下班就一起去朝聖😬一到門口，裝修格局寬闊，燈光看上去很舒服。不到八點的時間已經坐滿了客。坐下看menu，有很多選擇。Set dinner 也有十幾個，還有吸引的兒童餐😍。看來應該不錯，很期待。惠顧套餐，餐飲可以優惠價升級至特飲。第一個是小食，意大利雲吞 $78平常西餐的義大利雲吞，有的太厚，有的汁太多，好膩。這雲吞皮厚度剛好，一口一啖，配合那清甜的汁，吃著吃著，就KO！再來碳燒西冷牛扒薯菜 $108有餐湯和多士，餐飲。我不喜歡吃蕃茄，所以平常絕對不會喝羅宋湯。但同事喜歡喝，那就試一下吧。喝進去有辣辣的，這做法第一次喝，完全沒有油浮面，好喝！再連著香脆的蒜蓉多士，配合很好。主菜牛扒，是今餐驚喜之作👍份量十足，比我的臉還大，而且厚度足足寸半！！我們order 了七成熟的牛扒，上碟果然是這個熟度。一切開，非常juice，入口即溶，濃濃的炭燒味，不加汁料，直接吃已經夠香的。如果想惹味一點可以加黑椒汁。$108 吃到這牛扒，很是驚喜！真系大件夾抵食👍飲品叫左日本紅豆冰，套餐轉飲+28蚊看上去普通紅豆冰的樣子，一喝就吸到大大顆的紅豆，很有咬口。重點甜度