影片
更多
2016-08-09
429 瀏覽
難得齊人返天水圍，天盛商場大裝修後都未行過，見到呢間外觀裝修唔錯，唔似一般屋邨餐廳，家姐又話佢成日幫襯九龍灣個間「茜廊」覺得唔錯，咁就一於試試天水圍呢間得唔得先～一米長超級薄餅超級吸睛，而且上菜時四圍都會有好大反應，大家都「嘩嘩聲」，特別係小朋友都不約而同問「點解我地唔叫呢個既？我都好想食呀」，三款口味包括：黑松露野菌、羅勒蕃茄及皇后薄餅 ， 呢款薄餅係薄批底，所以啖啖脆卜卜，個人最喜愛黑松露野菌，又香又惹味，另外兩款都不過不失，羅勒蕃茄我覺得單調左啲，皇后薄餅餡有黑橄欖、蘑菇、芝士和火腿/腸仔粒，如果可加菠蘿會更吸引。一家人或幾個朋友都值得叫，不過我地坐大型卡位，當呢個一米長薄餅上檯後，張檯就無晒位喇，由於薄餅好長，充滿成張檯，我歲半仔仔超開心，全晚自己一邊「met」一邊食，好爽^_^羊膝拼鱈魚柳薯菜羊膝肉嫩帶微膻，正合弟弟意，「食羊緊係要有少少膻味先岩架嘛，完全唔膻就唔係食羊啦^o^」我覺得好有道理。鱈魚部份不過不失，我最鍾意係薯菜部份，啲薯仔整得好好食，有啲脆又入味，如果可以有多啲就好喇。忌廉同羅宋湯表現正正常常，不過可以既話，唔好用呢個淺碗裝好啲囉，拎湯一路行一路「倘」就預左架
一米長超級薄餅超級吸睛，而且上菜時四圍都會有好大反應，大家都「嘩嘩聲」，特別係小朋友都不約而同問「點解我地唔叫呢個既？我都好想食呀」，三款口味包括：黑松露野菌、羅勒蕃茄及皇后薄餅 ， 呢款薄餅係薄批底，所以啖啖脆卜卜，個人最喜愛黑松露野菌，又香又惹味，另外兩款都不過不失，羅勒蕃茄我覺得單調左啲，皇后薄餅餡有黑橄欖、蘑菇、芝士和火腿/腸仔粒，如果可加菠蘿會更吸引。一家人或幾個朋友都值得叫，不過我地坐大型卡位，當呢個一米長薄餅上檯後，張檯就無晒位喇，由於薄餅好長，充滿成張檯，我歲半仔仔超開心，全晚自己一邊「met」一邊食，好爽^_^
羊膝拼鱈魚柳薯菜羊膝肉嫩帶微膻，正合弟弟意，「食羊緊係要有少少膻味先岩架嘛，完全唔膻就唔係食羊啦^o^」我覺得好有道理。鱈魚部份不過不失，我最鍾意係薯菜部份，啲薯仔整得好好食，有啲脆又入味，如果可以有多啲就好喇。
忌廉同羅宋湯表現正正常常，不過可以既話，唔好用呢個淺碗裝好啲囉，拎湯一路行一路「倘」就預左架啦，但白色闊邊淺碗「倘」到成個邊都係湯咁上菜，似乎就唔多好睇（≧∇≦）；
我鍾意跟餐多士，又香又脆，認真製作絕唔hea。
葡式烤bb豬配雜菜沙律入口皮脆肉嫩，一定要叫，略嫌份量較少，雜菜沙律部份汁少，攪到好似齋食菜咁，好「青」味。
葡萄牙龍蝦海鮮飯 賣相豐富，但入口飯較咸，可能廚師煮時重手了，龍蝦不知何解比較韌呢，no good，仲好貴～
黑松露珍珠帶子意大利飯這個對口味好多，入口啖啖滲出黑松露香，好快已經比大家食晒。
服務，裝潢都唔錯，又有bb櫈提供（對有細路既父母黎計，呢點好重要呀），應該會再黎，不過我一定唔會再叫龍蝦海鮮飯，就算佢唔似今次咁咸，我都唔會再叫，太貴喇，寧願將呢個價錢用黎叫多兩三樣野好過喇。
張貼
