茜廊餐廳 (天盛商場)

營業中

休息中

由於太懶關係，係自己地頭搵食，之前見朋友食過，好吸引咁，於是決定來試啦！原本4人，一直等其中一個朋友，後來因她家中有事來唔到，剩下我們3人，叫嘅食物就少左羊架、燒雞沙律、千層麵、薯條配黑松露醬。黑松露醬幾香但唔係好夠，薯條夠粗；羊架香口帶點羶味，唔羶就唔好味啦，呢個啱啱好；燒雞沙律都唔錯，菜夠新鮮，雞就無咩特別；千層麵都ok，但由於太飽，最後食剩4分1千層麵囉

好少走入天水圍甘遠食飯，甘岩去塭個朋友就順便醫下肚。呢間好似周圍都有分店，不過之前未食過，又見裝修幾靚，就同朋友試下喇。整體而言，價錢非常合理，我地幾個都食得好飽我覺得呢個好似乳豬，哈哈，但最好食係呢個。無論係賣相，味道，口感，各樣都做得好好，我比9/10分！牛扒目測唔知幾多oz,不過真心夠大份，肉質幾腍，都幾有誠意。小食嗌左個青酒煮蜆，個湯汁幾有鮮味，蜆都尚算ok,不過不失。呢個意粉喜出望外，有少少辣，幾岩我胃口。見到有一米長pizza好吸引，不過考慮到我地無甘大個胃，最後嗌左個細pizza,唔算好出色，𣎴過真係有幾隻青口同蝦，感覺有誠意，加分！總結價錢真係好抵，質素幾好，又坐得舒服，服務唔錯。

很久沒有同表哥見面，近近地搵左天水圍西鐵站附近的商場食晚餐。我地大概八點鐘去到，餐廳已經坐滿左大半人，幸好不用等位而且有卡位坐。Menu:一坐下來，店員馬上為我們遞上Menu同水。餐廳的碟子很有特色，還以為自己在高級餐廳吃飯呢！來之前看過餐廳的資料，原來這裡的招牌菜是1 Meter Pizza，可惜我們兩個人一定吃不完。唯有下一次再叫吧！望望餐牌，食物不算太貴，八十多元已經有一個Dinner Set。Dinner Set 有前菜 (什菜沙律/餐湯) + 主食+ 餐飲。我點了一個美國牛柳薯菜 配黑椒汁 $148 表哥點了一個韓式鐵窩飯（牛肉拼雞肉）$85首先送來的是前菜，一份什菜沙律，一份餐湯跟餐包。我們加了錢轉飲特飲，檸檬薏米水跟朱古力雪香。超推薦大家要點這個檸檬薏米水，用玻璃器皿裝著而且大大杯很足料。朱古力雪香一杯朱古力冰上面擺著雪糕球，不過不失吧！韓式鐵窩飯（牛肉拼雞肉）$85份量很足的石頭窩飯，飯面都擺滿了牛肉跟雞肉。飯粒被煮得粒粒分明，只是牛肉跟雞肉煮得太乾了。美國牛柳薯菜 配黑椒汁 $148牛柳沒有雪藏味，肉汁頗多的，只可惜份量有點少。呢餐食左大概二百元左右，有質素而且價錢中

本身住開天水圍既我已經對附近既野食開始厭厭地 呢幾個月天盛商場開左幾間新餐廳其中一間就係呢間西餐廳😚平時都有食開佢既早餐 其實選擇唔算好多但勝在夠平又唔收加一 今日咁啱有時會可以試到lunch 但因該成3點先食所以我地3個人嗌左2個餐share都算ok!茜廊既環境其實都算ok 睇得出有用心去配搭過d顏色同擺設都幾靚 服務方面唔係rush hour都算唔錯又幾快 早餐個陣真係麻麻 落單個陣粗聲粗氣好似鬧人咁-.-...講返佢既野食我地嗌左2個set分別係雜菌繪天使麵同埋煎蛋雞排煙斗粉配蒜蓉包再加左杯朱古力雪香特飲首先上既係雜菌燴天使麵($42)+朱古力雪香特飲(跟餐加$20)佢上菜都好快下10分鐘都冇就上左仲要係熱熱既😋份量都好充足啖啖菇 再加上天使麵既口感好滑食落口又香又滑溜溜既好正 佢唔係多汁既但食落又唔有乾既感覺👍🏻但就咸左dd好彩佢唔係好多汁如果唔係一定超咸xox之後上左杯朱古力雪香特飲 佢個杯好高好grand但又唔係好特別同普通朱古力沙冰冇乜分別😂但睇落係幾靚既 而且飲落都唔係淡 朱古力味適中😛最後就係煎蛋雞排煙斗粉配蒜蓉包($40)佢一上台已經好吸引 因為佢擺碟擺得好靚😆個塊

住在天水圍已好多年，都沒有吸引的餐廳，通常都是去屯門或元朗吃東西，看見商場的變遷，天盛商場開了一些新餐廳，終於有一些新意。綠茶雪糕紅豆冰有別於茶餐廳的，紅豆大大粒，有些少甜，十分冰凍，感覺不錯。烤百里香春雞的香味烤得很香濃，肉質鮮嫩，能夠鎖著肉汁，不會感覺太乾。西式焗田螺味道又很不錯，田螺面佈滿了薯蓉，再焗至金黃色，外觀十分吸引。內裡的田螺大大粒，與薯蓉十分配合。這餐廳最特別最創新的食物就是這個，一米長的Pizza, 放上到檯不禁嘩了一聲，要兩張檯才可以放到這長方形的Pizza,這Pizza有三款口味，有黑松露野菌，羅勒蕃茄及皇后薄餅，一米長的薄餅，已經切好了一份一份，每一款味道都各有特色，薄薄的批底，口感很脆口，普通薄餅吃到沒有新意，可以約多幾個朋友一嘗一米巨薄餅。看又吸引吃又吸引，特別開胃。餐廳的甜品也很有特色，這個蕉焦朱古力布朗尼雪芭的設十分吸引，朱古力和香蕉的配搭很合適，香蕉有焦香味，增加香蕉的味道。這餐廳格局很舒服，食物又很創新，味道又不錯，天水圍終於有間不錯的餐廳了。

琴日同屋企人去食嘢，去到時1點45分，host話2點有下午茶，因湊住左個BB，問左話可以入去座住等下午茶。座低左問左其中一個女服務生攞個下午茶menu睇住先，佢就一開始已經態度好唔好感話下午茶要2點先有架!!!!而家俾你睇都無得落order.感我咪話我睇下有咩食姐，我會等2點先叫。過左ㄧ陣我睇錶點係58分，我見佢地已經將成個餐廳換哂所有下午茶menu..亦有客人入黎座低左睇下午茶餐牌啦，感我咪再叫同一個女侍應黎落order囉，點知佢一樣係態度好唔好感話重未夠鐘wow.跟住見佢重即刻走左去同另外一個著白色裇貌似高級過佢既男職員一路細聲講一路望住我地張枱一路笑囉!!!!!!!!我開始已經有啲嬲，你明明所有枱轉哂menu..其他客人亦座低左睇下午茶餐牌，而你地餐廳當時跟本得果5至6台客人左右。你行黎寫完order都夠哂鐘啦，你寧願企喺部pos機旁邊無嘢做都唔行黎service!!!!!後來可能有個女 supervisor見到唔對路，就走埋黎落單!!!我認為一間餐廳就算你啲嘢食整得再好食，但只要你啲服務態度差，再好都唔會有人黎囉!!!!!!呢啲餐廳真係唔會再去囉😡😡😡😡

很久沒有更新了！今次來到天水圍的茜廊餐廳，一坐低就聞到淡淡香味，原來是點了爉燭。 點餐後，很快有蒜溶包和湯啦!!! 我點了一份7成熟的牛扒 7成尚算有肉汁，肉質粉嫩，配上洋蔥汁吃，感覺一流，最重要是少筋呢，還有我好像吃到有碳燒的味道，可能是我記錯吧(P.S因太忙，此文章9月才打的) 由於三個人去的關係，所以有三杯飲品，左起朱古力味飲品，OK!!但味道淡了點，中間芒果味，有點像喝藥水，右手邊的是我點，綠茶雪糕配紅豆冰，是三杯中最好的一杯，可惜冰大塊了一點，改用碎冰會更好，還有雪糕溶太快了=.=

離開流浮山，我們在天水圍找東西吃。雖然住在天水圍的朋友也曾說過被大改革後的商場又不及以前平民，但天水圍的天盛商場內裡有很多新食肆又是不爭的事實。茜廊走的不單是平民化西餐廳，而且餐牌誠意十足，寫了很多不同的食品資料，最重要的是他們還自己的故事和創作意念都解釋清楚，充份看到那份餐廳與客人的交流。Set dinner款式也算多，價錢不貴。我們選了一個set dinner，然後叫了一些散叫的東西。餐湯和多士先來，白湯較咸，但煮得很熱，沾多士是一流的。白酒煮藍青口，味道不俗，白酒香味淡淡地散發出來，青口較細隻，但因為隻數多的關係，也是一道滿足的小食。黑松露醬炸薯條是浪子十分推介的小食，價錢不貴，薯條即炸勁香脆，顏色又不算太老，而且隔了油。黑松露醬則雪好了，但因為醬濃的關係，沾起上來很上醬汁。主菜來了，葡式烤BB豬，起初還以為相片只供參加，以$148一個set dinner來說應該不會太大份。誰不知與餐牌相片幾乎一模一樣，是一樣的大份。烤豬有點似中式乳豬，但不是脆口易碎那種，而是帶點煙靭的豬皮。脆口的豬皮下有著幾分厚的豬肉。香濃又爽肉的豬件份量頗多，基本上是2-3人份量的。跟來的沙律菜也十分新鮮，

最近光顧天水圍新開張的茜廊餐廳，份量大，價錢算抵食, 令人喜出望外！餐廳的環境很舒適，裝潢設計走美國工業風格，開揚的水吧設計，感覺好像拉近客人同服務員的關係。牆上掛上pizza的圖畫和不同酒瓶，好似置身於外國平民小餐館。招牌炸雞沙律超大份沙律, 有營養價值豐富的牛油果, 橄欖,蕃茄仔, 鮮雞肉,是我最極力推薦的頭盤菜!黑松露薯條薯條配黑松露醬是頗有新意的食法, 黑松露味很香, 但個人就覺得稍欠濃味, 而且吃不慣甜味的黑松露。西西里海鮮意大利粉廚師很有心思的擺盤, 味道同外面的餐廳水平一樣。西冷牛扒薯菜這塊西冷牛扒有成吋厚, 而且有如一個手掌般大, 價錢也只是$100, 十分平民化!吉士醬燴梨較罕見的甜品, 所以原本令人期待, 誰知一啖落口即中伏, 梨肉極之重酒味, 並非每個人鍾意, 幸好可以伴 朱古力醬吃。

雖然我是屯門人，不過我甚少踏足天水圍這天約了2個同是天水圍的人，少數服從多數，好吧，我移玉步過去天水圍吧~這家位於天盛的茜廊，朋友帶才會路(主要我是個路痴)我有去過九龍灣的茜廊，有了個印象不過進去時已經感覺很不同應該是新開新裝修，整個感覺新派一點不知道大家有沒有一個感覺當你打開餐牌後第一眼看到的，你最後左選右揀後...還是選第一眼看到的這次我又犯了這個毛病了第一眼就看到保濕豬！雖然並不知道到底什麼東東不過最後我還是挑選了它本應對那個長條形的PIZZA甚感興趣怎知道竟然有一米長...3個人怎樣吃...沒辦法...但我還是想吃PIZZA就選了我最愛的芝士！芝士！芝士！朋友想吃扒就叫了牛扒原來PIZZA的廚房是開放式這裡即烤的PIZZA很不錯！還是可以拉絲，不過不知道這裡有沒有芝士粉，再加就更完美我們2個晚餐附有的餐湯跟餐包不過不失黑松露薯條，如果沒吃過我之前去荃灣的另一間店朋友說這碟很不錯！不過我就因為有了對比，有點失色醬可以更濃先來西冷扒不算很薄，咀嚼起來不會韌已經令我意外加分加分牛柳看起來黑黑的....不過牛柳嘛，很少出錯肉質起來就比西冷有勁喂喂，我的保濕豬呢？竟然是壓軸呢UM....

要不是我朋友在天水圍,我應該唔會走入呢個悲情城市不過今次去感覺又唔好咁差因為連街市都已經裝修過和變得好新潮不都係選擇返市區有得食既餐廳.......sidewalkmenu好像報紙，幾特別黑松露pizza , 餅底香脆，略覺不夠多料，可以加多些菇菌類，黑松露都夠香呢個意大利雲吞最好食！醬料似carbonara ，中間仲有隻流心蛋！原又有黑松露，不過呢碟多好多！份量不少童心未泯，叫左朱古力綿花糖沙冰，好甜，幾好味，冰碎唔會好大粒，當甜品咁埋尾，perfect

接左新JOB, 第一次來到遙遠的天水圍,勞勞碌碌完整個上午，終於可以休息下食個LUNCH,行到去位於天盛商場既茜廊餐廳, 價錢比同商場既食店高一點, 但環境及服務質素, 係值得既~餐湯及餐包 (餐)西式焗田螺$38薯蓉好幼滑, 田螺亦冇腥味口感唔錯 意大利原味薄餅$79 (餐)薄底PIZZA, 咬落脆身, 有番茄, 芝士, 羅勒葉做配料醬汁配料份量適中, 葡式烤BB豬 $139BB豬好大隻,外皮鹹脆卜卜又薄, 肉質鮮嫩,厚而實,啖啖肉,中間有少少脂肪層, 配埋個黑醋汁,味道非常夾,減少油膩口感 焦蕉朱古力布朗尼雪芭$48好少見到實物靚過相片既食物朱古力布朗尼味道唔太濃, 軟硬度適中, 雪芭味微酸, 個人喜歡分開食香蕉上加上焦糖, 特顯左香蕉既香味,正正正忌廉牛奶抺茶 (餐+18)抺茶味好濃, 忌廉都好滑, 好適合熱辣辣既夏天飲哦而已好少地方有既兒童餐AR, 外型好吸引呀, 只供12歲或以下兒童使用, 要等下次帶個小朋友黎先有得試LA餐牌內仲有好多感覺味美既食物, 例如一米長PIZZA, 黃金雪山塔, 吉士醬燴梨(當日未有提供)但今日只得老細同我, 唯有等下

天盛街市同商場翻新，引入多間新氣象嘅食店，茜廊餐廳算係其中一家。好耐無同男友家人食飯，打算近近地不如試吓茜廊餐廳。7點鐘去到，全店爆滿兼好多人已經等位。呢度不設訂座，所以下次嚟要早啲到拎位先得。餐廳既裝修都幾簡約，好有美國風。間舖都幾大，間隔都夠闊落。我地一行五人坐咗喺corner 位，全排sofa坐得舒服又可以方便傾偈。食物首推係隻葡式烤bb豬配雜菜沙律，必點嘅！唔係我地食開嘅廣東乳豬，係葡式bb豬，豬皮望落同食落都脆口，豬肉有少少咸香，但又唔會太腍！佢地上菜速度都好快，啲菜差唔多同時間一齊上，好有效率。好快就又嚟碟炭燒西冷牛扒（黑椒汁上）。鐵板上熱到炸炸聲，超大塊嘅牛扒好腍好juicy，唔多根，不錯！另一㕑師推介嘅有一米長嘅pizza, 長到張正方枱都唔夠擺，$268可以試齊三款特色味道包括羅勒蕃茄味、皇后味道（豬肘肉、蘑菇、洋蔥同橄欖）同黑松露野菌味。最惹味當然係黑松露野菌，香味濃郁，食落有少少油份同爆多芝士。呢款pizza抵食，啱一班人一齊食之餘，影相都夠震撼！唔夠飽嘅話可以叫埋烤百里香春雞，原隻春雞上，份量比想像中仲要大好多，鍾意食邊個位，要幾大份，任你點切，啱晒一班食肉獸！

三五成群遊玩完南生圍，晚上去了朋友家附近的餐廳晚餐，環境幾寬敞舒適的，播着抒情的愛情歌曲，感覺甚有氣氛。招牌烤雞沙律 $85沙律菜以酸甜黑醋攪拌，爽脆清新，小編覺得個烤雞煮得幾好，微微咸而完全不韌。意大利香草焗紐西蘭羊架 $128羊架帶有好香的香草味，軟滑不韌，而且帶有少少羊羶才味美。新奧良雞翼(4隻) $35雞翼略普通，純碎蕃茄的酸味。白酒煮藍青口 $58青口浸在酒裡，有啖啖的酒香，如果青口肉略大更好。香煎鰽魚柳配溫室菠菜煮蜆 $118賣相很好看，色彩繽紛的，鰽魚柳幾鮮甜，再加上與蜆的互相配合，食味更鮮。朱古力心太軟配雪糕 $48朱古力心太軟似乎焗得耐了，偏硬了少少，流心如果多點會更好。吉士醬燴梨 $45小編覺得呢個甜品幾有心思，梨子批了皮，浸白酒雪凍，伴吉士醬食，清甜又多添細滑口感。平時都少去天水圍，呢次郊遊活動，巧合地讓小編踏足天水圍的餐廳，食物、服務和環境都不錯，有一番驚喜。

最近天水圍新開左間西餐廳, 見環境唔錯,menu又多選擇, 一於試吓啦！首先出場嘅係蒜蓉包、餐湯和沙律。田螺配薯蓉本來就好夾, 薯蓉焗到金黃色香噴噴, 但略嫌鹹咗少少。牛柳嘅擺設非常靚, 配菜亦相當豐富。牛柳選擇了七成熟, 可以配燒汁或者蒜蓉汁。魚柳煎得啱啱好,醬汁加入蜆肉黎煮, 非常鮮甜。重點係預留底下的溫室菠菜,菠菜吸收哂醬汁的精華,非常好味。食西餐又點少得精緻的甜品呢！啤梨有淡淡的酒味,吉士醬嘅甜味可以中和啤梨的酒味。估唔到內有乾坤,原來啤梨中間係雲呢拿雪糕,相當有驚喜！