茜廊餐廳 (德福廣場1期)

營業中

休息中

我地兩個人，每人叫左個餐，主菜未黎前有籃麵包，籃麵包好多；仲係熱熱地既添!個餐有湯，我地選擇左酥皮海鮮湯，食左少少麵包再加埋個酥皮湯己經有飽飽地既感覺。我叫果個係乜乜牛柳配厘酒(咁上下名啦)，幾好味，d汁唔會好濃。最後都係食唔晒個餐。有餐茶又送甜品，真係好抵食。服務唔錯，待應上菜時會叫你慢慢享用，有個經理見我地d野食仲未黎問我地叫左乜，幫我地催催個廚房添!環境幾好，只係嘈左少少!埋單二百蚊都唔駛。

無錯....裝修後整間餐廳好似格調高左, 食物的款式都加添左不少, 中/西/日/馬來等各式其式, 價錢合理....因為有D真係夠2個人食, 因為又包餐湯,餐飲,一籃麵包,加埋主菜,share 分就最好, 最多叫分小食就最fit, 一人一分, 我就覺得食唔晒有點浪費, 招呼和以前一樣甘親切....

新裝修後此店人流更勝從前，晚飯時間都有好多人排隊去食。食物味道比起以前好食，色香味都有所改進，侍應服務依然幾好！抵讚！菜色方面亦好多元化，各國特式食物如綠咖喱、燒羊架、日式鐵板燒等都有得食，其中以前Cellini 餐廳既菜式都變為茜廊既主菜（例如花紅粉大蝦），因為大家同是美心集團，Cellini 結業後，佢地既師傅都轉去茜廊。Cellini 既美味，我想眾食家都略知一二，如今於此店吃到（價錢比Cellini平），真係好驚喜。但此店在裝修後，環境依然很嘈，唔知點解，環境比其他餐廳吵耳，美中不足。

星期日tea time去呢間食，都要登記ga,不果等左一陣，因為好耐無去，所以今次去環境好左，但無以前咁靜，幾糟lor,食物普通，價錢當然o吾平啦!!!仲有估o吾到西班牙凍湯好難飲，飲左兩o下說好辛苦，想嘔!!!

我都有去過食幾多次早餐,下午茶和晚餐, 都唔錯, 特別係麵包和餐湯, 要數話唔滿意我覺得算係那兒位置坐得太密, 傾計唔方便, 招呼都算ok, 幾禮貌丫...無問題呀??我反而覺得((草草Darkness))寫近十幾個食評, 只係為增加食評數目而係甘寫, 都不算太寫事實, 好多都一連串寫德福和淘大.....so...我唔係甘同意呀XXX

食物一般....而且幾貴一個set dinner 要$80-100通常有意粉,牛肉,羊或者雞..無咩特別....而且味道唔算好好服務仲幾差.....

記得以前響o個邊出job,lunch都好鍾意黎呢度,因為唔熟路,又唔想去快餐店,好鍾意佢個雀肉牛油,尤其大蝦沙律,去親都係order呢個,不過係好嘈下,好難叫到侍應service,因為佢地永遠好忙咁,唔停腳...

我對你既食評就唔多認同, 我雖然無寫到呢間食評但我覺得都唔係你講得甘差, 我通常星期四都會去那兒食晚飯, 覺得D services 都幾得呀, 套餐價錢唔算貴, 坐得都算舒適, 係D燈光黑D遮, 野食方面我就覺得它的芒果套餐和那兒既餐包好好味, D牛油最特別,好香口, 而且個羅宋湯酸味適中, 服務都叫幾好, 其實唔只我甘講, 我見在"開飯啦"網頁都好多人讚呢間餐廳呀, 可能你甘岩搭唔好彩遮......

服務差成咁, 點忍, 叫又無人理, 更甚的係連收錢都唔多好聲氣, 俾錢仲要受氣, 我又唔係邀求多多, 連我同女友的遴台都話劣, 野都唔係好好食, bill都唔平呀,咁可以仲有的咁差的服務呀!!

今日同朋友去食晏, 叫完o野食無耐, waitress 已捧上一大籃麵包, 共有兩件蒜蓉包, 兩件多士, 一個提子包, 嘩! 淨食包都夠飽, 其中最值得推介係蒜蓉包, 仲係鬆軟微脆, 好正o架, 但要同waitress 姐姐指定叫才有, 至於午餐價錢約$55 至$70 幾, 多款式又大碟, 餐飲更可轉鮮果汁, 而經裝修後, 環境更好, 值得一試, 註:夜晚會調暗燈, 幾有情調!

環境仲衰過茶餐廳,又嘈又污糟!好明顯係唔夠人手,d侍應好躁lor!叫左個肉醬意粉,真係好難食......牛扒同蝦都好唔新鮮~好彩一早食包食飽!

久不久總會幫襯一下呢度, 雖然佢已經唔多適合飲杯o野, 傾下偈, 懷緬過去…除非寫紙仔傾, 唔係要唱山歌至得囉!呢度價錢同客路越來越似花園餐廳, 口碑最好係牛油同麵包, 我都咁話, 其他o野都過得去, 份量好足添. 如果唔計感情因素, 佢都OK, 起碼好過Mecca.

我試過lunch and tea... both are quite good!!麵包和牛油的確好正！價錢都合理

我好耐之前係度食過午餐, 佢o地的牛油好好味.有晚同男朋友睇完戲食晚餐,雖然係嘈D,但食物水準搭夠.我叫o左個牛柳,好味道,又夠腍,唔錯.<br>

Strongly agree with you. I tried a set lunch at there. Overall is good, I feel well at there. Price is expensive when compared with other restaurant at the nearest place. It is hard to talk at here, very loudy.