茜廊餐廳 (德福廣場1期)

營業中

休息中

今日(2006年3月25日)到茜廊享用午餐。熱烈推介這店的餐包，餐包一籃上，有不同種類，配上此店自制的蒜茸牛油，果真好味到爆。選了set b，香草羊扒配帶子，惹味的香草汁能減去羊扒的肥膩感，帶子配上白汁相得益彰。因坐在玻璃牆旁，日光透進來，很舒適。至於其他位置，亦用上浪漫昏黃的燈光。結賬兩人約$170，略貴。

這裡的牛油真的不錯呀! 一試難忘,有機會下次帶男友試試.這裡供應的麵包亦不俗, 在九龍灣區這間食肆也算高消費了.但幸好的是他的物質素是有保証呀!

終於都試左啦~我覺得同平日去食椰林閣之類的地方一樣味道！一d都唔特別...無令人回味的感覺！可以唔試都得個d...我係食特價晚餐個d...d餐包來的時侯~我同朋友問有無雀肉牛油...佢地話e度只得一種牛油(蒜蓉牛油)...真係好怪！

今晚一行七人往茜廊食晚飯，最開心見到侍應生送上兩籃既香口又熱辣辣的麵包，有薄多士、蒜蓉飽及提子飽。此外，還有兩瓶自製牛油。一面吃麵包一面渴熱辣辣的羅宋湯，十分滿足。至於主菜，我點了厨司推介的鮑魚沙律拼柚子醬豬仔骨套餐(送梳夫厘及餐茶)，價錢$103，都算合理。鮑魚暴露於空氣或冷藏太久，沒有鮮味，像柴皮；豬仔骨不過不失，但最不理想是餐廳的非吸煙區有限，真令人失望，祇好期待食肆能執行全面禁煙。

尋晚去九龍灣UA睇完戲過左茜廊, 我覺得呢道最好食係牛油, 佢地自製牛油加埋蒜蓉及芝士整, 查上麵包, 超正! 我點左個廚師推介: 紅酒燴牛肋骨配大蝦: 牛肋骨好淋好入味, 大蝦好鮮甜, 雖然個汁無乜紅酒味, 但酸酸甜甜好正! 我朋友點左鵝肝牛柳: 鵝肝得好少都味道ok啦, 牛柳又d un但味道都可以, 配上無乜蒜蓉味既蒜蓉汁, 但總括味道都可以~

唉…此餐廳真的是一年不如一年，以前都覺得味道不是十分好，但至少還未至於難吃。近年，當德福的商場逐漸擴張，越來越多餐廳進佔，此餐廳的味道在沒有進步的情況下，變為越來越退步…雖然努力裝修加添一些時代感，但餐廳最著重的應為味道。唯一仍可取的，是餐飽的雀肉牛油。

佢o地o既麵包真係幾好味o架，我次次去都食晒，同埋佢個碟蒜蓉牛油，超級好味呀!!!　佢ｏ地個酥皮湯都好好飲!!! 不過唔知係咪飲完湯食埋d包後太飽，覺得佢o地d主菜唔係太食o羅...同埋咁茶餐廳o既裝修，隔局，同service，收咁o既價錢好似有d過分喎...

以前去過一次，原來而家貴左好多...... 不過都幾好食既，個湯幾好，而且d包勁正，有幾款俾你。不過，因為食得多包，所以之後食正餐就食唔哂喇..... 仲有，coffee真係唔得......係差..........

同朋友到德福買東西，很久沒有來這裡，我便提議呢到食lunch。座低睇menu，發覺set lunch最平宜都要70幾，冇晒D平價野。我order左T-bone牛扒餐要羅宋湯，朋友豬扒及牛尾湯。餐麵包+牛油- 這餐最好的食品。牛尾湯料夠多，湯夠濃夠熱，但朋友說有"so"味。我的羅宋湯ok。主菜牛扒及豬扒肉質這個價錢都ok，但D汁同大滿"冠"飯盒差不多，唔知是不是共用，倒胃。餐茶coffee唔掂。

我習慣少食午餐，下午茶食埋午餐個份，所以覺得tea set份量少，o個日食個焗唔知咩意粉，真係好少，個碟好淺。好彩個sevice ok，價錢又唔貴，環境又ok，整體黎講都ok啦！

我住茜廊樓上，睇住佢十多年既轉變以前走較高級路線，前幾年開始較平民化衣家可以話中中間間先講早餐，非常好，約25 蚊一位出門口，包你夠早餐味道泥講唔會有好大驚喜啦當然，如果想食飽D既可以豬扒併抄蛋，有包同凍熱飲塊豬扒大到有半隻碟咁大，味道ok鐘意食牛既人可以試牛扒，以朝早水準泥講已經好好中午11點起有「早少少食午餐」約45蚊，有四款一個月轉一次款，有包同餐湯，仲有餐茶幾抵食的選擇其實佢有一set 較貴既，約80 蚊，但有個更好既選擇，就係間侍應拎餐牌，散叫，加20蚊到就連湯加野飲計落同貴果set 餐差唔多，但係可以揀自己鐘意食既野晚餐都有早少少食晚餐，都係45 ，不過如果夜晚去咁食就唔抵啦，夜晚點曬燭咁，食好D！晚餐份量唔算特別多，但一般人都ok. 一定要叫餐或者加錢轉餐，佢果自制牛油好正！小食要試串燒，成個爐上，甜品必試火(炎)雪山，兩位用，仲有香蕉船都ok, 不過好大份架。

12月31日同朋友2人到這裡晚飯,當晚全部只供應set無散叫,fine!我叫左個香煎東星班配焗菠菜芝士扁意粉,朋友叫了南瓜汁蟹肉xx天使麵(西餐的名太長,可能有的出入)頭盆係三文魚雜菜沙拉--就只有一片卷狀的三文魚加一些青菜,配既汁係少許酸酸地都ok,但三文魚不太新鮮,餐湯有2款選擇但我同朋友都唔飲得,於是問個著西裝既經理有無別的選擇,佢話有羅宋湯好好味,但因有牛肉煲,我同朋友都唔食得牛,所以再問佢除左雞同牛既湯之外仲有無其他湯,佢好好人咁同我地講等佢去睇下,叫廚房整的無雞同牛既湯比我地,等左約5分鐘,見佢拎住2碗熱辣辣既粟米忌廉湯比我地,仲叫我地小心的飲因為好熱.雖然明知係罐頭湯,但份心意係值得比個讚佢囉,至於食物方面,我既東星班煎得好好味,份量有1塊大約6吋x3吋+1塊大約3吋x3吋既魚扒肉,另外配一塊約3吋直徑x約3/4吋厚既薯塊.至於焗意粉就唔係咁好食,淋得滯,menu話係扁意粉但其實係普通果種意粉.朋友既天使面除左面身較'淋'之外,食味唔錯.overall若果的面煮得好味的既話就值百多元一個set,但以當晚既水準來講就唔太值喇.(笑面係比個經理先生既)

今早去茜廊食早餐，因為茜廊的環境不錯，之前食過幾次都認為不錯，所以就再去。叫個雞扒腸仔公仔麵，但非常失望，一點味道都冇，完全是清湯，而且可能是係大光麵，唔好食！雖然腸仔同雞扒都可以，但我以後一定唔係茜廊食公仔麵的早餐。

今日lunch有人請去食飯....hee..所以家姐叫埋我去"chi"餐我叫左大蝦牛肉沙律...餐湯係牛尾漡.嘩d牛尾湯好濃好多料...不過愈飲愈覺得好飽肚...下次都係叫番羅宋湯.起碼覺得無咁heavy個salad真係幾好味...d prawn又幾鮮甜彈牙.正...不過lunch來講都算幾貴...好彩唔使我俾錢...hee..

去到九龍灣一定要去茜廊食飯,雖然價錢有少少貴.但環境係九龍灣黎講都叫一流講返佢\地食物,個日食左個牛扒餐\,牛扒都幾軟,吾洗用刀切,講都最正都係佢\地D餐\包,比牛扒仲正,有冇知佢\地D餐\包係用邊隻牛油