茜廊餐廳 (德福廣場1期)

營業中

休息中

o尋日入megabox前來這裡吃下午茶. 人仍然多, 環境仍然嘈, 服務是水準以下, 食物水準仍然港式,葡式豬扒飽一點也不葡式, 魚柳不滑....., 但價錢卻不斷向上! 如此水準, 真不明為何這店的評分還有這麼多笑臉?!

今次想講一講佢既午餐，午餐分兩個時段，一個叫「早少少食午餐」，由十一點半到一點，要一點前埋單的，一點後就得返正價午餐了，當然你十一點半都可以叫正價既食物所有餐不論正價與否…都會跟餐包同餐茶，中午飯開始餐包就會跟佢既蒜溶牛油…我諗好多人都會鐘意食個人認為，一定要就到食早少少食午餐時段，因為價錢平一半…但質素還可以，而且份量一樣夠，比較化算先講餐湯，中午泥講，選擇會比夜晚少，但多數都會有齊紅白同牛尾湯，如果佢有洋蔥湯，我就唔建議大家試了…真係麻麻。牛尾湯比較好，幾濃的，但如果唔鐘意「薏米」既朋友唔好叫，入面好多。早少少食午餐一般有四個選擇，咖哩係長期都有既野，我自己通常會揀佢既扒餐，唔會食佢既中式野，咖哩都幾好的，可以一試，一點後要成八十蚊的，只係份量多d同個碗靚d。如果一點後或者想試正價既朋友，不坊試一d扒類，因為我覺得質素比較穩定，我都見到好多人會食沙律，但我就未試過所以唔好亂講野了…另外，可以睇睇佢個主餐牌，入面無跟餐的，但加返十八蚊，就會變做餐，計返個價錢有時會平個set lunch，而且較多選擇，其中如果鐘意食牛利既朋友，可以試試佢有個牛利意粉，但唔好試鵝肝焗意粉，因為食唔出鵝

本人住係九龍灣，幫襯茜廊都有十年，第一次打食評，想先講返呢間野既早餐先早餐選擇普通，無轉好耐，但都可以接受，主要都係雞牛魚扒配蛋或者煙肉果類我次次去食早餐都會食牛扒炒蛋，質素穩定，以二十零蚊既價錢還可以，份量足夠，有配薯角佢既早餐平均都好大份的，如果真係想食得好豐富好飽，就可以試豬扒配炒蛋，豬扒係吉列的，半隻碟咁大，但味道唔穩定，間中有雪味同埋食完會好飽牛扒肉質還好，當然無得同西冷比，但唔係乾爭爭果種任食韓燒貨，d汁都可以，味道適中雞扒就少食，但都還可以，以早餐計各樣都幾好既算仲有面餐同其它中式野，但個人認為無咁好，而且以上果種早餐係跟面包或者多士，可以叫佢比提子包你，野飲最好唔好飲咖啡，特別係對咖啡有要求既朋友整體泥講，早呢到既早餐幾好，貴茶餐廳幾蚊，坐得舒服d，星期六朝早會比較爆

呢間野第一次食, 因為lunch time 度度都多人的關係, 見呢度都有d空位, 決定入去+ 上俾佢放在門口個黑版上面d野吸引住~ (唔知$3x-4x 有個餐+ 奶茶/ 咖啡)入到去找不到出面所寫的menu, 咪叫個waitress黎問, 點知係for外賣!!!(可能好多人好似我咁~ >.< 俾佢呢間野呃左入去!) 所以我咪叫男友出去望下. 我男友話佢有寫外賣, 寫o係最上面, d 粉筆字仲有d幪! 唉~ 最尾叫左最平的咖哩雞($65), 味道都唔錯. 不過, 勁少雞! 羅宋湯OK啦! 不過, 佢拿來果時竟然“賭"左d落隻羅宋湯碟度, 個阿姐仲“哎也!”叫左杯熱啡, 味道唔掂! 加上竟然唔記得俾野我stir, 果時又唔忙, 竟然咁大意!d餐具好污漕! 又唔齊!!! d食物質素更本唔值$65, 最多只值$40…我食完真係想立即走!!! d侍應服務又唔好…. 所以我唔俾tips, 更本唔值! 我真係俾唔落手…超唔明點解咁多人!?

喱間O野第一次食，星期六晚去到見好多人等位，等O左四五個字先有位，叫O左羊鞍同牛柳，兩個都要$九十幾，點知食物質素只值最多五六十元，而侍應服務更九流，叫個餐飲要叫幾次先O黎！都唔明點解咁多人！！！????總括: 只係一間扮高級O既茶餐廳！>_<"105

同爸媽一行三人去食DINNER:爸: 桂花橙汁豬仔脾意粉扖大蝦- 豬仔脾好咸媽: 椰汁葡國雞飯- 汁唔夠濃,椰味太勁我: 鴨胸配紅飯- 鴨胸好咸,紅飯炒埋D南瓜青瓜蛋白ok,不過略嫌有點散最愛是他們的GARLIC BUTTER,好味不過,有位女侍應的服務態度麻麻,媽媽明明叫佢寫野飲,但佢掛住同熟客傾計,望左媽媽一眼就繼續傾!!!仲要帶我地坐O係WASHROOM 隔離>_<"

23 May 2007 (Wed) - 晚飯終於一嘗此處的酥皮湯，確實係幾好飲，我叫既main course亦都唔太差，係煙三文魚肉醬意粉，不過稍為咸啲！差勁既始終係啲污漕既杯碗碟，我叫餐飲時叫咗個熱飲，好在係要自己斟，見到比我既吉杯勁污漕，所以叫佢換過隻比我，呢度既杯碟點解可以咁污漕架呢？到底個洗碗碟機係咪壞，太舊？真係不得而知．．．

上個星期去食個lunch,見成日咁多人食呢間...所以試下la....首先打算叫野食....點知o的waiter o的禮貌又唔好.....比o的餐具又唔齊冇....野飲又冇飲管....o的野食味道好一般....完全唔值.....

7 May 2007 (Mon) - Birthday Dinner (16)唔知係咪地方大得滯，想叫個人黎落單都有啲困難！我本想飲酥皮湯，但係因為時間尚早，未到6:00pm，所以只係有下午茶供應，又唔好意思散叫，因為同個朋友唔係太熟，費事要佢請咁貴！叫咗個粟米三文魚蛋包飯，份量認真細，明既，下午茶嘛！味道一般，不過不失！但其實我最想彈既係啲嘢好污漕，啲餐具全部都有未洗得乾淨既痕跡，仲有張枱都好污漕，好多食物碎渣，點解可以咁污漕都比人坐？我唔明，係因為知道一陣又會有第二枱既關係？？我唔鍾意呢度咁污漕既感覺，令人好唔舒服，食完真係立即走．．．其實我真係麻麻呢度，不過人哋請既我都唔好意思開口講！

住九龍灣既朋友提議黎呢度聚會，燭光晚餐都幾有情調，餐牌食物唔平，平均都要一百蚊一個餐。我地四個女仔叫左四個餐，餐可以跟酥皮湯，因為覺得抵啲，所以就叫左呢個。點菜後首先黎左一藍包，應該叫多士先岩，因為全部都係硬的！有幾款(方包，蒜蓉，提子)，同埋蒜蓉牛油。蒜蓉牛油好重蒜蓉味，其實都幾香，但個人覺得味道太濃，有啲羶。酥皮湯係忌廉湯，食晒都幾飽。四個餐最好食都係個牛柳，肉質好嫩，聽講係呢度最出名既。不過有個蕃茄湯天使麵就麻麻，冇味既！其餘兩個餐係焗飯同龍利柳就中規中矩。餐飲可以揀薑茶，紅棗茶或者柑桔蜜，唔錯！

12 March 2007 (Mon) - 下午茶有個朋友下晝唔駛返／無返，專誠過黎搵我食下午茶，去咗呢間半餐廳半茶餐廳feel既地方食，坐位間格就真係麻麻，好似好辛苦咁，睇得出佢係想用盡佢既空間去擺晒啲枱同椅，雖然我坐嗰個位都算係半卡位式，但係郤係要經過其他人行入去，感覺怪怪的！我叫咗個焗肉醬螺絲粉，友人叫咗香蕉pancake，螺絲粉都OK大碟，幾抵，味道亦不俗，不馬虎，可能無乜人既關係，個pancake都唔錯，唔太甜唔太漏，可以係一個食tea既好選擇！價錢仲好合理，唯一美中不足真係佢既座位，如能令人客有舒服既感覺，真係要黎個大裝修至得！

果日求其走左入一間餐廳食,就入左茜廊啦1)佢畀我地個位仲有d飽碎0係檯面2)叫極都冇人望到,似係成堆咁傾計2)佢地黎錯野食,叫我啃左佢3)最後黎左既野係好乾好難食4)唔畀貼士所以黑面總括而言係好差..!!好難說服到我下次再去!!thanks

2個人去食，佢D蒜蓉包好多又好好味，跟住D酥皮湯好好味道,鬆趣十足的酥皮比D湯好味好多。至於正餐就得個大份不是環境都算舒服同OK!

朋友話d牛油好食. 去試下.d牛油搽麵包果然唔錯.個湯都ok.但個主菜就真係差.牛仔粒炒蝦好可怕. 汁o既味道配得好奇怪. 又似中又似西. 朋友那個香橙鴨胸味道更差.真係又貴又唔好食...

o尋晚舊同事約o左o係呢度食飯.叫o左咖喱牛腩飯,燒BB豬仔骨,同埋肉醬鰻魚菠菜麵.酥皮白湯亦不大好喝;咖喱牛腩少少辣,味道一般,但白飯只有一碗;燒BB豬仔骨皮很脆,但肉比較咸;肉醬鰻魚菠菜麵的肉醬很多,食起來很"漏"!甜品凍疏乎里很像cream,但味道怪怪的!始終如以前般,質數與價錢不成比例,價高質低!