茜廊餐廳 (德福廣場1期)

營業中

休息中

我地兩個人，每人叫左個餐，主菜未黎前有籃麵包，籃麵包好多；仲係熱熱地既添!個餐有湯，我地選擇左酥皮海鮮湯，食左少少麵包再加埋個酥皮湯己經有飽飽地既感覺。我叫果個係乜乜牛柳配厘酒(咁上下名啦)，幾好味，d汁唔會好濃。最後都係食唔晒個餐。有餐茶又送甜品，真係好抵食。服務唔錯，待應上菜時會叫你慢慢享用，有個經理見我地d野食仲未黎問我地叫左乜，幫我地催催個廚房添!環境幾好，只係嘈左少少!埋單二百蚊都唔駛。