英王麵包店

營業中

休息中

呢幾日病左，唔知系邊個講，病人食藥要准備紙包蛋糕，已經食厭左，餐餐藥前紙包蛋糕，嚇死寶寶了。今天點都要換個口味！夜晚經過西鐵A-1,見到仲有面包賣，好開心，今天終於可以不食紙包蛋蛋糕。最後揀左芝麻火腿芝士包，仲買左三個，當然不是我一個人食晒。哈哈。睇電視時就開出來偷食，咬一啖，火腿芝士就湧出來，好香口，包質地夠煙韌，好Q。真糸停不到口，一口接一口，剩返半個了。d芝麻仲好香脆，劈裏啪啦跌緊落來。聽日早餐得返半個包了。

全球氣候反常之下，六月迎來了第一個颱風。突如其來的的八號風球，迎來的是趕忙回家的人潮。美孚西鐵站內人擠着人的，與其站在人潮中乾等，倒不如買點好吃的吧！遇上A-1 Bakery推出的多啦A夢「I Love Pancakes」系列，三款不同口味的班戟每個售$14，能賣上這價錢就是憑多啦A夢的號召力吧！兩款班戟口味當中，較喜歡吉士布丁口味的大雄Nobita 班戟 ($14)。吉士餡料帶濃厚的蛋奶香氣，不太感受到焦糖的存在。看似是銅鑼燒的形態，其實跟一般的班戟無異，口感相當鬆軟，咸度卻有點過了。藍莓芝士口味的靜香Shizuka 班戟($14)較為甜膩一點，忌廉芝士味不太明顯，藍莓果醬偏甜，跟班戟一甜一咸的，格格不入的感覺。挽着盛那載班戟的漂亮百寶袋，再次鑽入那擠湧的人潮當中。若然這世上真有多啦A夢，能變出隨意門便最好不過了。

<A1-Bakery>💜一糰和氣系列-紫薯味🍠💰($11, $18*2, $25*3)✔️仲有👉🏾🍵抹茶同👉🏾紅豆味🙆🏻▪️☝️睇個樣好似煎堆🤔其實我期望係炸湯圓個類嘢。🌸✋🏿一隻手掌心大嘅size，唔算好大粒，一粒長洲大魚旦咁上下。🌸表面粘滿黑白芝麻，應該有炒香過，富芝麻香，而且增加左粒粒口感。🌸不過依舊糰唔係熱食，口感真係好奇怪😰👉🏾第一啖咬落去好似起左少少筋嘅麵團😲又有d似白糖糕，濕濕地韌韌地。👉🏾唔似麵包又唔似麻糬質地，好似只係d麵粉加左少少糯米粉咁😓👉🏾雖然淡紫色，但無甚味可言😕🌸內餡偏少，原本已經夠細粒，仲唔爆餡！👉🏾好在個餡都幾香紫薯味同質地好軟滑💁🏻🌸整體係不值一嘗，索價($11)😞#hkig #foodie #hkfood #foodies #hkfoodies #hkfoodie #uhkfood #wwhkfood #a1bakery #sweetpotato #bread #foodiehk

/<A1 Bakery>💫衛星包($16)🔻其實A1我甚少食佢d包類，由於太乾爭爭la🤔👉🏾但係依個🍞衛星包外表似足OK個鮮奶球😍，食過就會明白的。👀仲($16)大大個，其實我食鮮奶球純粹最仲2佢表面d醬！多到滴落側邊結成一塊先最好食！😻🌸💪6舊腹肌咁連埋一齊都無有怕，等我一日ko佢😁🌸表面層奶醬多到圍邊咁，中間d隙縫都滲左d層😛正正子，遇正新鮮出爐仲會焦香脆面🙈麵包質地軟但都係乾身🙁ok個鮮奶球仲軟熟。#wwhkfood #uhkfood #hkig #hkeat #hkfood #hkfoodie #hkfoodies #foodie #foodies #foodiehk #foodieshk #a1bakery #milkbun #bread #instafood

因為家住美孚，故經常經過依一間「英王麵包店」，不過幫襯嘅唔多，就算幫襯都喺買麵包多，是夜突然想請老婆食蛋糕，所以，打算買兩件凍餅返去一齊嘆番吓。臨近收鋪，望望餅櫃，凍餅剩番嘅款式真喺唔多，幸好所剩嘅幾款都啱佢口味。小型包裝盒，啱啱好裝到兩件凍餅，仲附上膠叉，不過，如知佢有埋膠叉就叫佢免送，反正拎番屋企食。藍莓撻 $26店子有幾款鮮果撻，包括芒果、藍莓及士多啤梨，首選喺芒果，可惜無晒，只剩藍莓，我哋都OK。有別一般鮮果撻，用上好多忌廉或吉士，個藍莓撻只喺撻面有一抹薄薄嘅忌廉，依個更啱我老婆食，而撻底採用厚身嘅做法，加一層藍莓醬，再鋪上海綿蛋糕，所以，整體嚟講好足料，吃完可以講喺「好飽肚」，啲藍莓亦好鮮甜，唯一毛病喺撻殼唔夠脆。藍莓芝士餅 $28反而，小弟較欣賞件藍莓芝士餅多啲，單睇賣相做得甚有水準，芝士餅採用美國芝士位做法，薄薄嘅餅底，面層又烘得均勻，入口質感挺實而軟熟，芝士味濃郁，底下一層藍莓醬嚟得清甜不太搶，正正喺恰到好處，所以，先至較討我哋歡心。兩件餅睇到用料十足，做得大大件，每件都只喺廿零蚊，味道又做得唔錯，確喺抵食。

今日放工行過發現有新出產品，當然主要是因為被叮噹（多啦A夢）主題吸引啦。而且是朱古力蛋糕，所以沒多想就買回家同家人吃過飯後甜品。外觀吸引，有聖誕氣氛。抵錫蛋糕設計可愛，同外盒圖案一樣，抵錫細細個，一人一口便可以食完，十分適合飯後吃。雖然切落去時感覺十分實，但食落口還是不錯，十分濃郁的朱古力味，感覺朱古力比蛋糕還要多，喜歡朱古力的朋友可以一試。68元算正常價。

小好對英王麵包一向有好感，只因知道佢地價錢貴係因為用料靚；是日做完嘢已是下午4：30，回程時又經過呢間A1，因中午只係求其食左左嘢，到呢個時候又開始肚餓，行入店內只覺喜列豬扒包好有吸引力，可能係一整日冇食過肉，所以一見個有原塊豬扒嘅吉列豬扒包就好想好想食買左個包，睇個外表真係好吸引，豬扒好大塊，加埋生菜絲同沙律醬，真的叫人對它流晒口水但大啖一咬就知出事，首先個包唔熱呢樣係預左的，咁樣一大堆放出黎，真係冇可能確保保持熱辣辣；但出事嘅係塊主角—————豬扒！！！！塊扒因凍左而唔脆，呢樣小妹100%接受，但塊扒炸到收晒肉汁，變得好乾，而且沙律醬同生菜絲好少 食食下，小妹覺得個味道同口感為何如此熟悉？諗諗下，諗起麥記個麥香雞包！！真係如出一轍成個包，唯一可取的，個麵包真係幾好食，鬆軟、包面的芝麻好香口。而塊豬扒叫做唔韌，好易咬開但又唔係梅晒嗰隻，但……整體黎講，今次的確係失望

抹茶布朗尼牛角飽 ($16/2個) 唸住抹茶嘢🍵無死，不過食左呢個都有點失望。這個牛角飽入面有一小條抹茶brownie, 抹茶味不太濃，而且仲有少少過甜，口感幾特別因為一次過食哂蛋糕牛角飽，平平地過下口癮還好，不過不太鬆脆，又淋哂就是了。唔知翻熱後會不會好食d?

我走遍全香港，最美味的番薯包就是AI Bakery 。日式番薯包看下去是黃澄澄，肚子脹脹的。番薯包外面是麵包，裏面釀了日式番薯，造形完全是一個蕃薯，可見麵包師傅細心工夫。 其實，咬起來外面有點硬和乾，不似傳統法式長棍麵包（baguette），感覺比較似parisienne。一直咬下去便是蕃薯，吃起來很Q嫩，不會軟趴趴，咀嚼時帶著濃郁的番薯香甜味，麵包酥脆香味和稔囗的薯泥，軟彈的口感與豐富的味道相互緊扣，很不錯。大家有機會，不妨試一試！

本身係英式鬆餅嘅粉絲，貪佢夠牛油香，唔會鬆泡泡，感覺好實在。扮吓high class啲咪喺屋企加果醬同clotted cream 咁！A1呢個scone越整越難食，無牛油香啦，食落鬆泡泡好似偷工減料咁啦！重要係！！！我今次食到係似光蘇餅味囉！呢一刻如果玩呢個蒙眼試味遊戲，你一定贏咗啦，點會覺得呢個係scone呢？！！

小弟家住美孚，但就住近西鐵線嗰邊，有時搭荃灣線返到美孚，就會再行番過西鐵線，依一間「英王麵包店」就經常經過，而且，佢都開到好夜。但話時話，由於晌屋企食完早餐先出門，所以，甚少幫襯佢哋買早餐，今次嘅幫襯，都喺口痕當下午茶。雖然久唔久經過，但就唔太多留意佢啲產品，依一款梳乎厘芝士蛋糕（$19）似乎喺新出品嚟 ！近排啲芝士蛋糕又熱鬧番起嚟，咁佢喺咪加入咗「梳乎厘」元素呢？食完之後，小弟個答案：唔喺 ！唔知「梳乎」咗邊度，跟一般嘅日本芝士蛋糕無太大分別，絕對唔喺好似梳乎厘「梳乎」到咁輕盈軟身，相反，質感綿密細緻；此外，芝士味亦唔多突出，比較淡口，似有還無咁款，老婆仲話較喜歡上次食友所送半熟工房嘅「半熟芝士蛋糕」。雖然，基本上個芝士蛋糕無論口感、味道都唔喺差，不過，以梳乎厘命名，就明顯喺有啲誇大之嫌 ，唔俾個喊臉佢都算我手鬆啦！

元朗站雖然開了A1麵包店, 但以方便程度都是美孚站內的較為優勝。 無論早上外出, 還是晚上回家, 很多時間都會經過。 每次總會被香氣和玻璃櫃內各式麵包吸引, 總會駐足一番。排得滿滿的麵包, 總是很吸引!洋蔥芝士火腿包 $19麵包面烘至金黃, 除了有香草,還有烘焦了的芝士, 翻叮熱後更加香噴噴。粒粒車打芝士, 數量很多很香口。 火腿的脂肪位較多, 有點鹹。 還加了洋蔥絲增加香味。 麵包好軟熟, 質感鬆鬆的。 麵包很大個, 餡料份量多, 吃罷非常滿足, 充實了一個早上, $19 好抵吃! 焦糖丹麥酥 $25丹麥酥分有半個或全個賣, 而這袋是一半份量, 已切成四塊。 麵包鬆軟綿綿, 清楚的紋理可以逐層撕開, 微甜中帶焦糖香味, 雖然是無餡包, 得焦糖作伴顯得有點寡, 但甜甜的味道適合不想鹹食或吃肉的早上。 嗜甜的我, A-1所有麵包中最喜歡這款, 不過不是經常都有得賣,一見到有就即刻要光顧了!

Discovered a new branch of A-1 Bakery so took a look.The Sweet purple potato cream puff looked delicious so decided to get one.★☆★☆★☆★☆★☆★☆★☆★☆★☆★Sweet purple potato puff:The puff fared better because the cream was good and unsweetened and the sweet potato puree was velvety and tasted natrual.The weird thing that ruined it was the chocolate sponge cake in the middle because cream puffs are not meant to have cake in the middle!★☆★☆★☆★☆★☆★☆★☆★☆★☆★