英王麵包店

營業中

休息中

正值在美孚轉車🚝，眼見👀閘內都有好多商舖。眼花撩亂😵‍💫，都不知道找那間去醫肚🤔？咁啱記起A-1 Bakery有免費🆓三文治券。就儘管一試，原來佢哋只係送士多啤梨🍓忌廉。唔緊要啦，都係本着試吓的心態😌唔知呢個係咪生招牌？本以為好簡單的三文治🥪，原來並不簡單🥰我鍾意🫶🏻🫶🏻有鮮甜士多啤梨🍓配搭淡忌廉，加上柔軟的麵包🫓口感和味道都好豐富😋，每口都甜但又唔腻份量唔係太大，可能能夠食下午茶☕️的份量。如果肚餓🤤的話，真係可以再食多件。總體嚟講，感覺清新，下次可以再encore🤗‼️每日限量供應，要食就趁早啦☀️☀️

由美孚西鐵站行去地鐵站，中間經過A1 bakery, 見到佢個脆脆朱古力批蛋糕，覺得非常吸引，就買咗啦。返到屋企，第一時間就食。蛋糕外層係脆皮朱古力，上面仲有滿滿嘅朱古力粉。內層係軟嘅brownie 質地，而中間咬落去煙煙韌韌，竟然係麻薯。一大舊朱古力批同屋企人分黎食，啱啱好！

剛剛在美孚站這店買麵包，一位短頭髮卷髮帶眼鏡女店員，告訴她不要紙袋了，也被她駡！因為遲了兩秒！她說在她未入袋前出聲嘛！然後發脾氣把紙袋掉一傍！美孚站！唔知大家有冇受過她的氣！

見到新出左飛碟三文治，有獨立包裝，相對可以保存得比較耐，有兩個口味：吞拿魚同蛋沙律。我買咗吞拿魚味，入面其實餡料唔多，而且味道冇咩特別，感覺上普通吞拿魚三文治都仲好食啲。完全唔推薦！

經過美孚，我買了青森蘋果批，蘋果味超突出，酸酸甜甜，美味極了！凍食誇啦啦，熱食又點樣吹喇叭呢？仲要層層口感，有海綿蛋糕感覺，下次要再來光襯😍佢打破了我對蘋果批固有印象，就係乾。

cheesecake:好耐冇食cheesecake所以係A1買咗個細cake同屋企人食😋食落唔膩 比平日食嘅cheesecake更有蛋糕質地🍰上面層焦糖唔係好甜(唔好expect係焦糖燉蛋脆嘅焦糖haha😅)夾埋蛋糕一齊食就啱啱好👍🏼最底個餅底就冇乜特別 但$58貨仔真係算係咁 最欣賞係唔膩同唔會太甜 tea time同屋企人一人食少少啱啱好唔會太heavy👅個人認為係焗爐焗熱仲正🥳入面d芝士熱熱地 cream cheese軟熟反 上面層糖溶溶地真係好開胃🤍抵食！青森蘋果批一向我都較為喜愛吃蘋果批，這個蘋果批皮脆又香，買咗返屋企之後我仲搵個焗爐焗返熱，焗香之後就更加香脆，入邊嘅蘋果蓉滿滿的足料，味道亦不會太甜，勁抵食➕好食😋

因家住美孚，所以，都不時經過呢一家港鐵內嘅「A-1 Bakery」，雖然，小弟就唔喺咁經常幫襯，但食過佢哋啲歐陸包及蛋糕，都有一手，質素唔錯。今次又路經，睇見鋪前擺放一啲烘焙產品，口痕痕就賣一個返去當下午茶。雖然大大張宣傳照，有3款烘焙產品，包括最新出嘅沖繩紅芋批，以及青森蘋果批及焦糖芝士蛋糕，不過，最想試，又知老婆會好啱食嘅沖繩紅芋批，喺無貨，問過店員，亦話時有時無，返貨唔穩定，就算有都喺嚟好少量！咁就唯有試試青森蘋果批。青森蘋果批 $58拎上手時，咪睇個蘋果批好似細細個咁，其實非常墜手，好有份量，而且，外皮焗得非常金黃靚仔，切開出嚟睇睇，都睇得出有好幾層，面頭嘅酥皮都算脆口，而中間嘅蘋果蓉清甜而帶有玉桂香味，內裡就混入好多微微酸香嘅蘋果肉，味道豐厚；而再下一層睇官網就話喺杏仁餡，不過，可能玉桂同蘋果嘅香味頗突出，所以，個人就唔太覺得有咩杏仁，最底下就仲有一層海錦蛋糕加酥皮底，故此，口感實在，又富層次。我哋試完室溫下食，跟住又試翻焗後食，都喺焗番熱香啲、好食啲！一件青森蘋果批、一杯手沖咖啡，喺依家成日要留晌屋企嘅日子下，都喺一種小確幸！

建議： 想食齊三款，早上時間會比較易買到3月尾出個時都想買黎試下，但每次經過都已經賣曬。周末早左出門口，舖頭岩岩番貨👍🏻 如果以試伏黎講，應該係史上最遲先去食。#試伏專員 真心順心試伏🤣 #歡迎報料 ❤️三款冬甩都好靚，個盒都好靚。雖然唔係BTS 粉Army，不過因為#試伏專員 S君鍾意Shooky (可能係因為之前行得 Line Store 多，見得多 仲入手左少少 🤭) 今次試左：▫️TATA x Cooky 既士多啤梨冬甩 (HK$20)因為Shooky 太細粒🤣 所以最後揀左🍓。如果以一個普通冬甩黎講，價錢當然係偏貴。不過，如果論包裝 同 裝飾又真係幾靚👍🏻插牌係膠，可以洗乾淨收藏番。不過個紙盒就有少少難搞，好彩冬甩底都有張膠托住，唔會整到有油漬。整體黎講，其實唔錯。面頭層朱古力好香士多啤梨味，啲心心仲係脆口❤️如果口痕想食甜野都係一個可以考慮既選擇，因為以連鎖面包店黎講，A1 質量唔差，至少唔係空氣包😋

今日返工超趕， 經過西鐵站嗱嗱臨買件三文治做早餐，返到公司打開件公司三文治，係非常足料嘅三文治，麵包係健康嘅麥包。一啖咬落去，感覺到好新鮮嘅生菜超爽口，芝士係車打芝士，香得來味道夠濃郁，簡單嘅三文治，食材夠新鮮，味道已經好唔同。放工嘅時候，經過A1再買多原味千層蛋糕，回家食嘅時候依然賣相完整，沒有打散，我鍾意千層蛋糕佢有好多層，而且啲cream都好夠滑，唯獨係略嫌佢嘅千層皮唔夠薄，如果千層蛋糕的皮可以薄返少少，咁就可以加強左蛋糕嘅層次感，不過我對A1蛋糕嘅質素不嬲都好有信心.

收到會員通訊宣傳呢個「香軟椰絲蓉包」，由於本人好中意椰子味所以即刻買個試下。岩岩食頭幾啖覺得好好味好多椰子蓉，好足料下。但食左一大半後就開始好滯了，應該要分兩次食。

A1 fans又出動啦🤓周不時都會買佢既三文治食，價錢$20左右，貴過美心7仔ok小小，但質素幾穩定，又幾多選擇。今日揀左他他蝦三文治🥪，餡料都幾健康，有好多西蘭花、蝦仔幾爽，他他醬都幾香，幾樣野夾埋一齊食好match，就算天氣凍都覺得佢幾好食😋

今次試左芝士蛋糕🍰。蛋糕面有層幾靚既焦糖，整體好紮實。由於擺左入雪櫃一晚，第二日叮左一半黎食，但原來芝士蛋糕熱食係好奇怪😂食左軟軟地冇乜芝士味，都係凍食好啲。不過講真呢款蛋糕麻麻地好食，我覺得Basque cheesecake好味啲～

又係A1度搵新野試，今次試呢個【焦香軟心芝士蛋糕】，即係Basque brunt cheesecake。原來basque cake係西班牙起源既，蛋糕本身細細件咁，但都幾重身；望落有小小焦糖面。第一啖就食到軟滑的忌廉芝士，其實成個蛋糕根本就係食cream cheese面粉得小小。我仲食到有小小檸檬味，但好輕微。蛋糕中間部份會比外層軟滑，整體幾好食，但兩個食好啲，因為食晒成個都幾漏

今日早餐食左個好爆既面包，係牛油咸面包+紅豆蓉+鮮牛油既組合，OMG卡路里已經被我拋諸腦後面包係煙韌既牛油咸面包，其實岩岩出爐應該好好食，個底有啲脆；不過A1啲面包通常唔會即日清（食得出），第二日再賣就會變左韌左啲，因為吸左濕氣。其實牛油同紅豆夾唔夾真係見仁見智因為頭幾啖未食到紅豆，牛油加包係好香但有啲太油；到食左紅豆蓉，都真係幾甜，夾埋個包咸咸地都叫balance到啲甜。呢個包熱量之高真係一個月食一次就夠

GODIVA聯乘A-1 Bakery推出既秋日期間限定「Godiva 生巧克力焙茶蛋糕」都推出左一段時間，今日經過A1終於買左黎試蛋糕外層係朱古力海綿蛋糕，點講好呢？我覺得稍為解咗少少唔夠鬆軟，內層係甘香既焙茶忌廉， 最內層係GODIVA生朱古力。陪茶同朱古力其實都幾夾嘅，咬落一啖同時食到幾種不同口感， 層次分明，生朱古力係入口即溶嘅口感，甜味恰到好處。以呢個價錢（$38）來講算係收貨啦，但係蛋糕可以做得好少少，因為本身A1嘅蛋糕我覺得係唔錯嘅。另外要留意番，睇返材料第一名係whipping cream，所以熱量真係唔野少啊，哈哈。