英王麵包店

營業中

休息中

I ordered this cake at mei foo A1 bakery. You can pre-order a cake by just calling A1 and left your contact number. They can even write down the birthday blessings before you arrive and collect the cake. When you arrive the shop, you can make payment and then collect the cake immediately. In this way, you can ensure you can get the specific type of cake you want.I wanted to try this 培茶 cake for long and it didn’t disappoint me! It tastes really good. The good smell of tea and the sweetnesses of

每朝朝早都會途經美孚A1麵包店，每朝早都好多人，所以都令我卻步；到前日返工時間改晏左，今之途經呢間鋪，終於無乜人，所以就一試佢地既麵包，第一日試菠菜煙肉薯餅蛋沙律包，薯餅掃左日色小丸子果種醬，個味度好夾，中間有少少蛋沙律，好出色食完呢個麵包，可以keep到3個鐘都仲好飽第2日試明太子包，其實好似日式芝士包，但掃上一層明太子醬，都好有咸香，好好味 到最後，服務都唔錯，因為除左問我朝無會員咭，仲會問我要唔要紙袋，及提醒我要小心袋口淺，容易跌出

英王麵包店（A-1 Bakery)的麵包一向有水準，這晚經過，看到宣傳紙牌，才知道店子原來有自家製、不含人造色素的雪糕出售。打開雪櫃，有雪糕杯、手工雪條和雪糕三文治三個選擇。我選了芒果味雪糕杯，付款時店員還貼心地提醒，叫我要盡快吃。店子在地鐵站的付費區內，不可飲食，唯有出閘後才吃。雪糕的質感介乎雪糕與雪葩之間，應該是奶的比重不太多。味道方面，有芒果的香味，可惜裏面沒有果肉。當然，以$12的售價來說，希望有果肉是要求太高了。總括來說，以現在的推廣價來說，性價比還是挺高的，下次會試士多啤梨口味。

最緊好似好興呢款蛋糕🤩又未得閑去cafe坐低慢慢食 所以買住A1頂下癮先🤟🏻.焦香軟心芝士蛋糕🍰 $18帶定頭盔先 我未食過呢款蛋糕嘅🙈所以冇得同其他比較 但係我覺得A1幾好食😍食完一次 跟住一口氣買多左4個🥰佢有啲似半熟芝士蛋糕嘅口感 好綿密軟滑😚但係又未去到嗰個入口即溶咁誇張🤣唔會太甜蓋過左芝士味 芝士味都幾濃🤤不過呢款蛋糕嘅特色應該係面頭層燒焦糖🧐但係唔太食得出有焦香味 同埋個面都唔係燒得好靚😟有人話佢幾似pablo個芝士撻👂🏻有興趣可以比較下😋

迷你蛋糕✨ $21/5蛋糕仔係A1嘅迷你系列🤤聽個名都覺得好可愛💓佢而家嘅產品全部都用膠袋預先pack好 所以蛋糕仔嘅款都係pack好晒🥡佢有四隻款：迷你合桃蛋糕🥧迷你朱古力蛋糕🍫迷你忌廉芝士蛋糕🧀迷你九州番薯蛋糕🍠-合桃同埋朱古力個蛋糕底係一樣嘅~唔可以話太乾好鬆散 但係都唔可以話好濕潤🧐口感比較實淨🙈有蛋香味 不過就冇乜牛油味🧈朱古力粒唔太多 合桃都淨係得一粒😣整體都幾普通～-忌廉芝士蛋糕食到淡淡嘅芝士味 不過就唔好expect佢好濃味🤭佢口感好鬆軟又帶點煙韌 有啲似丹麥方包嘅口感🤣甜甜地鹹鹹地 呢個好味😋-番薯味係新款😍呢個係四款入面最濕潤 口感最綿密嘅😚唔知係咪因為加咗番薯落去 所以幾軟滑❣️不過就略厭佢濕左啲啲🤏🏻番薯味好出 蛋糕食落好香甜🤤

A1嘅芝士蛋糕真係做得唔錯‼️$90唔洗就有個15cm嘅cake🤩仲要係好味嘅 真係好難搵😚因為真係好平 所以我成日都會就咁買一個嚟食🥳-特濃芝士撻🍰 $88佢叫做特濃芝士撻 其實即係芝士蛋糕再包咗層牛油撻皮喺外面🤣佢仲有一款Mini版 不過我就冇食到 所以唔知係咪一樣味🙈呢個蛋糕面頭有一層芒果啫喱🥭食落就唔係好覺有芒果味 只係酸酸甜甜咁😛其實呢款嘅芝士味同埋口感都好似佢嗰款焦糖芝士蛋糕🤭只係個焦糖就轉咗做芒果啫喱🧐所以嗰款食落就甜啲 面頭脆脆地 呢款就酸酸甜甜 面頭煙韌啲😚芝士蛋糕比較結實 質感好幼滑好creamy 芝士味好濃郁又帶點奶味🧀同普通嘅Cheesecake唔同 話明係芝士撻 就梗係有好厚嘅牛油脆皮包住😍平時鍾意食餅底嘅話 一定會好鐘意‼️牛油味唔可以話太香濃 但係做得好脆✨

今日經過美孚西鐵站，見到A-1 Bakery門口放左幾款芝士蛋糕，賣相好吸引，包括焦糖、抹茶同焦糖味，三款都係$58，最後決定揀焦糖味～～雖然唔算好大個，大約一隻手掌咁大，但勝在用料靚，真材實料。。。上層係脆脆焦糖，口感外脆內軟，焦糖燉蛋味勁濃郁。。。而芝士都好幼滑，非常好食，食完個人好幸福！！！忍唔住一食就食左半個，以呢個價錢黎講，性價比極高，比起美心西餅真係高質好多，完全無得比～下次會試埋抹茶同朱古力味

胃口唔好，加上有 diarrhea，於是就諗住食一件蛋糕舒服一下， 補充下體力。喺 A1 Bakery 就見到呢一個, A1 Bakery Group × Godiva "Dark Chocolate Parfait" 一睇個樣就買。世界著名高級朱古力牌子 Godiva × 香港高級麵包西餅牌子 A1 Bakery 共同製作的 dark chocolate parfait， 個 presentation 絕對係豪華矜貴。朱古力味道係超級香濃，蛋糕個質地係軟綿綿又有濕潤，又柔軟又順滑，食落口一啲都唔會乾爭爭，味道甜甜地又唔會話太甜，朱古力迷同蛋糕迷，一定唔可以錯過。Super Delicious !

好幾次經過A1都見到門口放住cheese cake適逢今日打風早收工，為咗營造chill少少嘅感覺就買咗個cheese cake番屋企佢係放係室溫，但一日食唔哂就要放入雪櫃切嘅時候感覺還好但一咬，就同自己想像中嘅cheese cake唔同自己比較鍾意實淨D嘅cheese cake （好似Starbucks個隻）但呢隻係較鬆散，而且冇乜芝士味食一次就夠了

大多數餅店都要24-48小時前預訂蛋糕才可以寫名牌，A1 bakery可以即日買現成蛋糕及寫上生日牌今次撰左個獅子🦁️頭既芒果慕絲蛋糕海線蛋糕底，夾有少量芒果肉，再連埋芒果慕絲，口感不錯，亦不會太甜

屋企附近係冇a1 bakery既。開左咁多年，都只係覺得佢係裝修得比較靚既日式麵包店。以前咁岩經過，先會幫襯一兩次，但都冇番兜既意慾。覺得麵包同蛋糕都係味道ok la, 但價錢唔吸引我突登番去。但最近有一日，放工好肚餓，好想食d野，咁岩經過a1, 見到 依個秋田縣米粉明太子包！本無期望，直到咬一口，雖然個包係凍既，但竟然比想像中軟熟好多。雖然形容為軟熟，但並唔係果d食落軟到好似一陣風既包！！包中既 明太子醬，並不吝嗇, 每一啖都非常充足，夾集著紫菜絲既味道！食完依個包，又滿足，但又空虛（因為未夠喉），又帶住邪惡咁。。因為應該都幾肥。。不過依個包可遇不可求，成日都賣哂😭😭

生日蛋糕最愛買A-1,價錢合理又好味！剛有新menu就然要試下。秋田縣米粉鮮果千層蛋糕之前秋田縣義大利芝士千層蛋糕大賣廣告但生日蛋糕要色彩繽紛，感覺才開心，所以選了鮮果！千層蛋糕中的班㦸是用秋回縣的米粉造，加上忌廉，正如廣告所形容口感柔滑甜而不膩！千層蛋糕底部是蛋糕增加了層次感！千層蛋糕層層均勻，手工不錯。美中不足鮮果，要扣分。鮮果數量不多還要 酸的或不甜。

今日去拿蛋糕發現，「GODIVA x A-1 Bakery」攜手推出「黑巧克力慕絲蛋糕」，呢個限定嘅蛋糕係採用GODIVA珍貴比利時巧克力，配以A-1 Bakery慕絲蛋糕製造而成♥職員仲話係期間限定❤女生對甜品是不能抗拒，一定要買來試下❤巧克力慕斯蛋糕口感綿密，採用GODIVA 經典比利時72%黑巧克力做慕絲，慕斯口感超細滑♥外層海綿蛋糕非常鬆軟，係用日本麵粉製造而成。中間係特濃巧克力榛子脆脆♥食落每啖都品嚐到三種口感，好有層次♥買呢個「GODIVA x A-1 Bakery黑巧克力慕絲蛋糕」，仲有優惠♥會送返GODIVA散裝朱古力買二送一嘅優惠券♥p.s：當初喺其他分店訂蛋糕在美孚港鐵站分店取，專登搭車出去攞。原本以為係美孚港鐵閘外，入咗去搵唔到文職原來先至喺西鐵站嗰邊，行得好遠應該唔會再揀喺呢間分店取蛋糕。

晌美孚嘅「家傳滬曉」食生日飯，正當臨尾考慮點唔點甜品之時，老婆就制止我，因為佢話早有準備，原來佢已經晌西鐵嘅「A1 Bakery」訂咗一個精裝蛋糕，既作飯後甜點，又作慶祝生日之用，真有心思，俾我就晌餐飯度搞掂埋去，哈哈！「A1 Bakery」嘅蛋糕本身都有唔少款式，不時又有新款，既然喺買嚟賀小弟，所以，老婆特別揀咗款肯定合我口味嘅「海鹽焦糖香梨蛋糕」，亦喺「A1 Bakery」嘅新出品，定價為$128 / 12cm及$198 / 15cm，而我哋得3個人食，就梗喺要個細啦。外觀都幾精緻架，面層鋪上海鹽焦糖漿，再唧上咖啡忌廉，加上果仁或合桃作點綴。切開喺以朱古力海綿蛋糕做基礎，中間塗上忌廉及混入香梨肉，故香甜得嚟有點點清新，海綿蛋糕亦做得鬆軟。整體嚟講都算少忌廉，老婆都啱食，不過，始終都有少少偏甜，所以，老婆同姨仔就淺嚐，小弟就獨佔大半個，當埋第二朝早餐。雖然，小弟就唔喺咁經常食「A1 Bakery」嘅出品，但印象中，佢哋做嘅歐陸包及蛋糕，都有一手，質素唔錯。

一向對於A-1的印象不錯，面包吃得多，蛋糕就未試過A-1的蛋糕款式挺多的，有cheese cake, crepe cake, birthday cake等等，賣相挺吸引，不過價錢略嫌偏貴秋田殼米粉原味千層蛋糕（$32）今次試的是原味千層蛋糕，size正常，厚度正常，不過味道大失所望crepe cake層數不多也不夠薄質感粗糙最不喜歡的是每一層都夾雜著海綿蛋糕，十分影響口感另外，cream也不夠幼滑原味真的吃不出甚麼味道，不推薦