花園餐廳 (康寧道)

營業中

休息中

諗唔到食咩就求其入咗花園餐廳又見到價錢都OK唔算貴。我哋分別叫咗蝴蝶型肉眼牛扒仲有香煎雞扒拼芝士元貝。先來兩個餐包同埋羅宋湯，湯料係夠ge嘅但係味道就明顯有啲淡，算普通la。主菜方面個蝴蝶嘅牛扒份量係好大嘅但係就非常之韌，用刀要鋸10萬次先至鋸到，唔多合格，叫七成熟但係幾乎全熟，大大失望叨一個主菜雞扒元貝就ok，又係大大件，實行用肉質飽你嗰胃味道都算唔錯嘅不過不失咁啦。但係整體而言就一般la。有得揀未必會再食

港式鐵板鋸扒，我個人比較鍾意食午餐；因食材份量跟晚餐點的一樣，但通常比較便宜。食鐵板扒我鍾意去港式扒房，因肉質通常都會較茶餐廳優勝，但價錢相差唔遠～今日下午就嚟到花園餐廳獨樂樂，一入到餐廳，可能時間尚早…約十一點半，人未算多。待應們都好有禮貌地招呼入座。點了個鐵板肉眼餐，五成熟。先到餐湯及餐飽，羅宋湯味道正常，飽用微波爐翻熱…係…無咩特别～再到鐵板，肉眼好大塊，真係五成熟，正！雖然肉味不太突出，但勝在鐵板熱辣辣，配上黑椒汁，都有好香黑椒味同有少少辣，成個配合係絶對可以接受 ！叫埋餐茶凍飲，埋單73蚊。午餐嚟講算貴！但整體配搭加上待應有禮貌之招呼，我認為係值得一試再試！

今天幾姐妹官塘附近shopping 。剛剛落雨....看到大大個花園餐廳招牌，都好耐沒吃，就再去試一下。要撘電梯上二樓。一出電梯就有侍應招呼我們坐卡位，叫了四個午餐，都是西冷牛扒，兩個跟飯，兩個跟意粉，下午用碟上不是鐵板的。牛扒好大塊...蒜蓉汁亦多。咬落去肉質比較實，且好多筋。但是起碼是沒有很多鬆肉粉感覺...滿嘴肉汁，牛味也比想像中濃郁！我果個跟白飯，份量適中。飯身乾爽蒜蓉汁餸飯唔錯！！！奶茶夠茶味....而且夠滑...以午餐來說整體良好，性價比高。待應態度都很好...最好的就是我們一直坐到3:00才走。一直無被人趕（其實2:00之後已經少客）的確是吹水的好地方。

一到午餐時間，官塘上班族向來頭痕，選擇雖多，但又貴又長龍仲味道差，幸好還有花園餐廳存在。干炒牛河同沙茶牛柳絲炒烏冬！干炒牛河，即叫即做，時間要十分鐘很有鑊氣也很入味。顏色方面未算均勻。但味道卻是香口勻循的。不過牛肉不多。感覺是成本的問題。這炒河是菜多肉少，所以$45連飲品咁經濟。也就是這原因。跟住等多幾分鐘 沙茶牛柳絲炒烏冬到主角牛柳絲食材嫩口，都係份量少！烏冬也炒得很香沙爹醬惹味,而且富質感,美味極了題外話有啲衰店做快餐/午餐時。真係會炒定一大鑊，有客叫就夾俾客。非常差嘅方法，而且會好難食

今個星期日與朋友們看電影前...想先吃個下午茶...可是Apm商舖到處餐廳都人山人海！最後行遠少少選擇了較容易入座的花園餐廳！我地叫左乾炒蜆肉煙肉拉麵同！海南雞湯拉麵！蜆肉雖不是什麼新鮮貨色...但是蜆肉的味道適中不會搶走其他配料的味道！煙肉是用細火煎香後再伴拉麵再炒十分香口！拉麵炒得乾身有咬口不會煮得過火！但用不少牛油炒，所以香而多油！海南雞湯拉麵真的麻麻...跟本就是幾件白切雞。而且件件都係骨。雞皮脂方甚多、亦毫無雞味湯拉麵都彈牙...最大問題湯是淡而無味好耐沒有來花園了！以前吃過都覺得只是連鎖食店..食物水準平平...屬於是但求有野填肚的餐廳.

好耐無去過花園餐廳鋸扒細細個屋企人成日都帶我去食大個左之後反而好少食今日放工後突然爆左想鋸扒既念頭出黎諗起花園餐廳 好啦 平平地去鋸下啦坐低睇menu 突然有選擇困難症又想食晚餐既豬扒併魚柳又想食雜扒餐最後 價錢勝出 😂叫左晚餐既豬扒併魚柳朋友就叫左個晚餐既西冷牛扒講講我果個先豬扒併魚柳 $88為免熱氣 我轉左要碟上好大份量 $88 感覺都好抵食魚柳就普通雪藏魚柳 味道一般豬扒反而唔錯 無醃到過哂龍保留返豬扒本身既肉質配角薯條 我9秒9食哂😂始終都係邪惡野受歡迎D朋友點既西冷牛扒 $98朋友話質數好過幾間老牌子扒房肉質juicy 同埋煎得好香估唔到咁耐無食都仲keep到水準呢個價錢鋸扒真係算叫抵下次會再試下食其他

本身朋友話要去花園餐廳食都心知不妙🙊 因爲花園出名貴，但估唔到下午茶係平咁多又多野揀！👍🏼下午茶餐係14:15開始，我地黎到岩岩好，食到tea唔洗坐多3個字，仍然有午市套餐70幾蚊(有排食)，而普遍意粉飯40幾蚊都合理。本身見到「芝士焗肉醬魚柳」都驚伏，將肉醬淋係魚柳面？🤔原來魚柳係配白汁，同肉醬係分開😂，又焗得幾好味😋😋 而呢個香茅雞翼同我想像中幾大出入，佢面頭包住厚厚既粉皮，但唔係脆身的，裏面竟然有雞酒味！但我本身麻麻地酒，佢濃到蓋過咗香茅嘅味道，所以覺得較一般。最後西多士炸得幾靚，係唔錯既，但佢比既糖漿hay到好似水咁🤨🤨

是日午餐，朋友話想据扒，平平地去花園食，我二話不說就叫好，走！花園餐廳出名据扒，有港式風味，夜晚正價會貴d，但lunch就平。鐵板西冷牛扒$69-午市套餐包餐包、餐湯同咖啡或茶。湯要左紅湯，姐羅宋湯，都足料，有好多蔬菜係入面。牛扒要7成熟，燒汁。例牌係倒汁個陣打開紙巾，以免彈到。牛扒ok，唔會好鞋，熱辣辣配埋燒汁食，正！配菜有薯條同小棠菜，薯條雖然淋左，但點住燒汁食，又有另一番風味。餐飲叫左凍檸茶，可以加飯或意粉要$10，唔抵所以冇叫到。

花園餐廳是我學生年代同學hehehaha大吃大喝的飯店⋯真係好多年無去鋸扒了⋯今天約左朋友在在這裡尋回過去的情懷⋯以前最喜歡叫個雜扒餐⋯鐵板上再加那煙霧彌漫的黑椒汁或蒜蓉汁⋯上飯店之前明明打算搵那味道⋯最後見到下午茶時光套餐只是$58⋯自己卻又不能和錢包作對⋯選了黑椒辣腸雞扒配薯菜⋯下午茶餐大概就是無鐡板上甘⋯個餐包好空氣⋯但其實佢好重要⋯幾失望⋯整體份量足夠抵食⋯贊的味道係紅湯(羅宋湯)和檸茶味道無變⋯還有舒服的卡位⋯和朋友由下午茶坐至晩餐⋯老成持重的侍應哥哥沒打擾⋯埋單仍然好禮貌⋯算係回到過去時空走一趟⋯

一如以往嘅花園餐廳，環境比較昏暗另外要留意嘅係哩間花園餐廳好多開好大嘅冷氣正可能位置關係，客人唔算多，我同友人食完嘢仲可以慢慢傾計點左鐵板豬扒拼魚柳，仲跟左忌廉湯豬扒煎到個面脆脆地，夠大塊魚柳本身炸過，份量也多味道其實冇乜特別，但黑椒汁好辣，食到我霧汗

劣質的用餐體驗，不得不開account寫個食評，以儆效尤。我們叫了三款是日晚餐，當中的劣作之首乃下圖的鐵板餐莫屬。相信大家都不能辨認圖中食物是魚柳和帶子（相信自己的眼睛，不用去驗眼）*圖片並沒有任何修改賣相和味道都非常不堪。那塊魚柳和帶子疑似用蛋漿和粉漿沾過再煎熟，相信這是要掩飾海鮮食材不新鮮味道。但魚柳真的是難以入口，既薄而且味道十分奇怪，就是非常不新鮮又混了蛋漿的可怕感覺！！最後這一塊完全吃不下去，放棄了。還有跟餐的薯菜（右上方），也是糟透了，餐來了的時候店員澆了一大匙醬汁在鐵板上（我選了蒜蓉汁，但只有咸味絲毫沒有蒜蓉味），這些薯條全都淋了！！變了爛泥一般！失敗！這是另一份鐵板餐，近鏡讓大家看看那些醬汁，救命！我們要的是鐵板餐，不是鐵板湯！薯條也少不免遭殃了！另一份鐵板的牛要求5成熟，結果上菜後一切，接近well done了，落單時店員還保證「要幾成熟只要你講就可以了」，無言。那些鐵板醬汁就是用兩個類似不銹鋼飯壺的壺盛著，醬汁就長期暴露在室溫和空氣中，坦白說我看不到那些壺有沒有蓋著，不過存在滋生細菌的誘因。醬汁也是一敗筆，非常稀一點也不濃郁。另外，店員上菜時就是推著一架兩層鋪著野餐

可惜嘅係原來沙嗲王已經無咗，一心個個興致勃勃去食個白咖哩，無得食lu，希望觀塘開番。抬頭望下附近有乜食，行多兩步就有花園餐廳，大家都一致決定食呢間，齊齊分享各自唔同嘅回憶，細個50元就可以据扒，以前lunch平食午餐等阿姐好正，要5個位，話好快執俾我就真係好快執好俾我地。坐埋位未坐定，職員即問飲乜湯，超快！大家叫哂餐，等5分鐘已經有飯食。成餐飯就係食呢種懷念嘅味道，我叫左葡汁雞扒，好juicy，汁亦好夠。咁多年佢地食物係無變過味道，由於安排左個好私人嘅小卡位，是次用餐愉快同滿意嘅。

十幾年冇食，今日突然好想食牛柳，晚上8點餐廳坐滿了人，等左5分鐘有枱，坐低沒有附上一杯飲用水，叫咗一個黑椒牛柳餐，先來麵包及牛油同羅宋湯，麵包唔夠熱，羅宋湯只得個咸字！湯沒有牛肉味不夠濃！相比十幾年前差好遠！還值得安慰黑椒牛柳冇變，黑椒汁夠濃夠味，牛柳有兩件夠厚有濃烈牛味又夠軟稔，值得一贊凍飲埋單連加1=$134價錢合理

兩口子慣例星期日返完教會去搵午餐食，心血來潮突然想食港式西餐,所以去附近的花園餐廳去到門口，很快就有位入座，由於是午餐，所以套餐選擇唔係好多。個侍應依舊每隔10秒到就來問叫什麼野食，但是當我們決定好叫什麼野食，個侍應都應依舊唔知去左邊，服務跟以前都是一樣無服務，等左兩三分鐘，終於叫到兩個餐。侍應轉頭出左兩個湯忌廉湯：味道跟以前一樣，牛奶加麵粉煮成，不過今次好似好好多，沒有以前咁飲到成口粉，滑左一點，而且奶味比之前濃點，而且蘑菇同火腿湯料比之前多好多，似返我兒時飲的一樣羅宋湯：味道依舊濃郁，但沒有之前飲過咁辣，湯料也很多餐包：依舊是暖暖的，面頭有少許乾。另一主菜來了-蜜糖燒豬手意粉：被騙了，完全看不出他是燒的，不過隻豬手都煮的相當霖，個蜜糖汁有點甜，食落少了些肥脷感，都算👌🏼來得花園，梗係要食鐵板，我的鐵板肉眼牛扒：肉質是鬆鬆的，牛味當然跟其他港式西餐一樣不濃，但其黑椒汁特濃，加上高熱的鐵板，炸的一聲，一陣濃濃的黑椒味，黑椒汁入晒落件扒到，超喜歡這感覺，最後來過凍檸茶來結尾，爽左

夜晚係觀唐區shopping完，想食西菜但又唔想太貴，揀左花園餐廳dinner set有幾樣選擇，我揀左蒜茸汁煎雞扒配薯菜。煎雞扒肉質鬆軟嫩滑、雞皮煎得幾香脆，我偏好蒜茸汁，薯條就普通啦，不過不失。埋單連埋加一$8x蚊，唔算太貴，但幾好味。