芝加哥串燒酒場

營業中

休息中

黎到芝加哥串燒酒場，最啱同朋友CHILL住食串燒飲杯嘢，MENU方面都有好多選擇😎今次我地叫左紙鷂雞皮($19)、豚肉串燒SET($98)、招牌茄子燒($42)、忌廉蟹肉薯餅($26)、招牌珍寶生蠔串($68)、燒肉鬆小貝吐司($19)、蔥燒半殼扇貝($55)、蜜汁燒黑豚肉($42)、汁煮牛舌($22)、炸饅頭($23)、蜜糖雞翼($22)、炭燒左口魚珍珠飯($128)、燒宮崎雞腿扒珍珠飯($88)、Peach Mojito($128)、Pina Colada($128)裝修型格得嚟又唔失親切感，幾有氣氛😉食物陸續送到，非常豐富🤩汁煮牛舌：牛舌煮得夠腍，汁料入晒味，食落去有啲似日式燉牛舌，唔係燒嘅但一樣好食😋燒肉鬆小貝吐司：小貝吐司燒到微脆，面頭鋪滿肉鬆，鹹甜交錯，食落去有啲似 fusion 版嘅港式早餐😄蔥燒半殼扇貝：扇貝新鮮，蔥香味濃，燒得啱啱好，唔會過熟，食落去 juicy 又有鮮味😋蜜汁燒黑豚肉：蜜汁燒得好均勻，黑豚肉油脂分佈靚，食落去甜中帶鹹，肉質嫩滑😋豚肉串燒SET：呢個 combo 有極品即燒乳豬、荔枝豚肉卷、椒鹽日本黑豚、炭燒豬頸肉，真係抵食又精彩！乳豬皮脆肉嫩，荔枝豚

話說Happy Hour同朋友約去中環呢間串燒酒場飲嘢食串燒，聽住輕快的音樂都幾有feel吓。落單是用手機scan QR code，串燒款式有差不多過百款，我們order咗兩個串燒set，加一些串燒以及飲品。先來兩個set，包括有雞皮手打蝦滑、無骨白鱔串、芝士魚糕、燒魚肉燒賣。焦香嘅雞皮包住蝦滑，口感幾彈牙；如果食鱔的話，燒白鱔的肉感都幾豐厚，無骨放心食。另一個set有雞皮墨魚滑、芝士雞肉串、雞軟骨，同埋蜜糖雞翼。我自己幾喜歡個芝士雞肉串，燒烤的雞肉特別香，淋上一層芝士醬，十分creamy。再來用蒜蓉去燒嘅招牌茄子燒、燒韭菜、入口有即融口感嘅炭燒牛板腱、煙燻和牛牛舌，這個如果不是燒太耐會好少少，羊西冷、脆卜卜嘅燒乳豬，肉嫩多汁。海鮮亦order咗少少，彈牙的香蒜燒鮑魚、燒魚卜第一次食，口感有少少特別，煙煙韌韌咁。配番杯Chi Bubble，果味豐富，我自己覺得配串燒幾適合。朋友果杯Sake Highball 則比較清爽，解辣會是不錯的選擇。

中環的串燒酒場，門面搶眼，彩虹霓虹燈打卡一流！踏入店內，滿牆酒瓶在幻彩燈光下閃爍，還有一個巨大螢光幕播着足球比賽，相信足球比賽時應該高朋滿座了。招牌雞皮墨魚滑雙串＋芝士雞肉串＋雞肉軟骨棒雞皮墨魚滑外層雞皮脆如紙，內裡墨魚滑彈牙爆汁，炭香逼人；芝士雞肉串拉絲半熔芝士裹著嫩雞肉十分惹味；軟骨棒嚼勁十足，蘸蛋黃醬更佳。  極品即燒乳豬四重奏乳豬皮脆如玻璃，脂肪層薄，啖啖肉，必吃！荔枝豚肉卷果甜中和豚肉油膩，創意搭配；  椒鹽黑豚的肉汁鎖得完美；  炭燒豬頸肉焦邊爽脆，檸檬汁提鮮絕配！  燒蜜糖叉燒顛覆傳統！厚切叉燒表面焦脆，蜜糖甜中帶炭苦，肉質緊實不柴，又是啖啖肉！鹽燒牛舌心嫩中帶韌，非常爽脆。  香辣雞翼包飯燒得剛剛好，裏便包着的飯亦很入味。炸豬大腸炸得脆卜卜的，沒有腥味。芝士年糕流心芝士爆漿，外皮焦脆如日式糰子！  黑松露烤蝦多士松露醬很香濃好味，蝦膠彈牙，多士酥脆不油。炭燒牛板腱厚切牛味濃，簡單鹽燒已經很好味。串燒火候精準，調味大膽不死鹹。特別欣賞「雞皮墨魚滑」和「乳豬」的創意，絕對回頭！

踏入夏天季節，又去咗中環「芝加哥串燒酒場」食下串燒、飲下酒，Enjoy Summer Vibes！*此餐廳收取加一服務費。香蔥燒蟶子王2隻（單點$108），蟶子王好大隻，配以香蔥、炸蒜、秘製麻辣醬食用，食落好惹味。招牌燒澳洲龍蝦（單點$68），龍蝦肉質爽口，食落好新鮮，略嫌好細隻，蝦膏份量多。香蒜蔥花廣島蠔（兩隻$64）。芝士燒廣島蠔（兩隻$64），廣島蠔肉質飽滿，食落好Juicy，味道鮮甜，配以火炙白芝士食用，食落帶點焦香味道。明太子玉子燒（單點$58），略嫌明太子份量少、玉子燒口感紮實，食落甜度適中。燒雞泡魚乾（單點$58）。炭燒牛板腱（單點$49），表面鋪有黑胡椒，略嫌肉質比較薄身，令到炭燒過程中，容易燒至過熟，配以燒汁食用，牛味更加突出。自家製和牛棒（單點$42）。招牌茄子燒（單點$42）。燒大啡菇（單點$35），表面鋪有煙肉、鵪鶉蛋、香蔥，大啡菇食落好Juicy。芝士年糕（單點$32）。燒明太子多士（單點$28），多士口感酥脆，配以明太子醬食用，味道鹹鮮、帶點微辣。限量燒新鮮魚卜（單點$25）。沙嗲牛肉串（單點$23），牛肉肉質軟腍，沙嗲醬味道濃郁。芝士雞髀肉串（單點$19）

二訪中環依間「芝加哥串燒酒場」試下佢哋Menu嘅其他菜式先，今餐嘅蟶子皇、鮑魚、泰式生蝦都好好味，好鍾意，而且價錢上都幾相宜，高CP值。*此餐廳收取加一服務費。4隻香蔥燒蟶子皇（單點$216），好大隻，食落啖啖肉，食落鮮味十足，配以香蔥、炸蒜食用，味道更佳。3隻香蒜燒鮮鮑魚（單點$82），表面鋪滿香蔥、炸蒜，鮑魚口感彈牙，食落帶有牛油香味。泰式生蝦刺身（單點$78），生蝦肉質爽口，配以泰式海鮮醬、指天椒、蒜片食用，味道酸辣。招牌珍寶生蠔串（單點$68），生蠔肉質飽滿，味道鮮甜，略嫌生蠔大小未至於珍寶生蠔。燒黑松露帶子（單點$68），帶子肉質厚實，略嫌黑松露醬份量少，食落未夠香口。燒汁極品牛頸脊（單點$39），肉質嫩滑，配以日式燒汁食用，味道鹹甜。安格斯牛肉露筍串（單點$38），安格斯牛肉食落帶點焦香味道，配以露筍食用，味道清新。一口和牛串（單點$32），牛味濃厚。紫菜年糕串（單點$28）。燒蜜糖叉燒（單點$23）。烤魷魚（單點$20），魷魚乾口感軟硬適中，配以美乃滋、黑芝麻、辣椒粉食用，食落好惹味。香辣雞翅包飯（單點$19）。鹽燒雞軟骨（單點$16），表面鋪有海鹽，雞軟骨口感爽脆。降火

今日去蘭桂芳飲野，見到呢間有埋串燒食仲好多人，決定入去試下Lamour 自家品牌紅酒 呢間酒吧竟然有自己品牌既紅酒，都幾出色，果香濃郁fruity易入口Zombie Cocktail好香既Rum酒同菠蘿汁，有氣既好岩夏天飲極品即燒乳豬極品紅東星班柳乳豬新鮮燒起熱辣辣脆卜卜，夠哂juicy, 東星班皮脆肉嫰，爽口彈牙沙嗲牛肉串椒鹽薄燒白鱔燒烤廚師腸沙嗲牛必試，夠哂香濃惹味，白鱔同廚師腸都燒得好正宮崎去骨雞腿雞腿大大隻，無骨啖啖肉，個皮超級脆口，肉汁豐富燒明太子多士燒鵪鶉蛋椒鹽日本黑豚孜然燒羊腩燒牛舌串多士脆卜卜配明太子醬夠哂惹味，其他串燒都熱辣辣燒得夠乾身

放工想同班朋友飲啤酒兼食串燒，我強烈推薦蘭桂坊呢間 Chicago Bar & Restaurant！佢哋所有串燒都係即叫即燒，炭火香氣一絕😋🍗無骨雞腿燒到雞皮香脆，成塊雞髀肉鮮嫩多汁，簡單調味已經吊出晒雞肉鮮香，懶人最啱食！🐥蜜糖雞翼外皮燒到焦糖色，蜜糖甜味中帶住炭火燻香，咬落去肉質嫩滑到難以置信，一人輕鬆KO兩串絕對冇難度！而炸雞軟骨係邪惡送酒小食之王，金黃脆皮包住軟骨，點埋泰式甜辣醬簡直係味覺暴擊！推薦🐖即燒乳豬係必食極品！乳豬皮脆到好似玻璃紙咁，肉質嫩到幾乎唔使點咬。另外🐽 炭燒豬頸肉，炭火逼出油脂香氣，邊緣位焦脆，肉心部分彈牙唔韌，正！而羊架則用上肥瘦勻稱嘅靚羊架，燒到外層焦香內裡粉嫩，羊羶香恰到好處👍🏻🍻：平日每晚都有一款指定啤酒做買一送一優惠！ 咁啱星期四就做緊新力白啤酒，$99就有兩杯超抵！💬 串燒質素高又抵食，喺中環地段絕對係良心價，夜貓族快啲bookmark呢個宵夜基地啦😋

呢間餐廳係酒吧街蘭桂芳一間比較搶眼門面七彩繽紛既酒吧，呢度每日都做緊不同時段既啤酒優惠有d指定啤酒仲係買一送一，小編鐘意cocktail所以叫左杯blue hawaiian，呢杯酒打卡好靚，飲落好濃coconut milk味入面仲加入左rum酒少少甜易入口，仲有菠蘿既酸甜，大大杯藍色打卡幾靚。另一杯bubble mocktail都好吸睛可以睇住職員整泡泡效果，呢杯特制4個波波都幾特別，煙霧化效果，酸甜開胃。小食推介呢度既脆炸蝦多士加埋芝麻一齊脆炸餸酒好夾。另一款小食叫左脆炸鮮奶呢度比較特別係沾上士多啤梨醬汁好酸甜。串燒呢度勁多款式，小編推介必食燒白鱔，外皮香脆，蜜糖燒豬扒肉質嫩滑又大塊，串燒仲有健康既燒黑松露牛油果，滿滿既黑松露好清新。厚燒牛舌大大串又厚實。餐廳 :芝加哥串燒酒場 中環店地址 :中環榮華里12-14號榮華大廈B座地下L及M號舖

位於中環蘭桂坊某條路的盡頭，彷彿是一個鬧市中的避風港，擁有室內與室外空間，適合三五知己暢飲閒聊。🍸 雞尾酒Godiva chocolate & Rainbow我品嚐了兩杯雞尾酒，各具特色，酒味平衡，既有果香也不失酒精的力度，為整晚的餐飲體驗打開味蕾。🍜 麵食驚喜酒吧不只專注於炭火串燒，飯類與烏冬等麵食也表現不俗，燒黑松露帶子珍珠飯，米粒吸收了海鮮與松露的香氣，口感層次分明。🦐 串燒盛宴：這晚的串燒選擇琳瑯滿目，每一串都是主角🩷鹽燒鮮淮山清爽脆口，鹽味恰到好處。 ❤️荔枝豚肉卷荔枝的果香與豚肉的油脂完美融合，甜鹹交錯。 🧡忌廉蟹肉薯餅外脆內軟，蟹肉鮮甜，忌廉香濃。 💙風味羊肉串肉質嫩滑，香料味濃，帶點中東風情。 💚招牌無骨白鱔串果然名不虛傳，肉質細膩，醬汁入味，是蘭桂坊必食之選。 💛鳳梨燒今晚最驚喜之作，鳳梨甜美多汁，燒烤後更添焦糖香，令我忍唔住叫咗第二輪🤭🤭🩵燒三文魚鰭油脂豐富，入口即化，但略為細小。💜香蒜蔥花廣島蠔蠔鮮味十足，蒜香與蔥花提層次。 ❤️玉子燒口感滑嫩，但略甜。🩷香辣雞翼包飯辣味刺激，飯粒吸收雞汁後更添風味。 🖤燒大啡菇菇香濃郁，口感厚實，燒得稍過了。 🤎沙嗲牛肉串沙嗲醬香濃

呢間隱藏中環巷仔嘅串燒店，夜晚氣氛超chill，串燒同酒款都係高質之選！ ✨ 必食推薦▪️ 荔枝豚肉卷 - 一咬爆汁！🍒 荔枝清甜完美中和豚肉油香▪️ 雞皮墨魚滑 - 外脆內彈牙🐙，雞皮燒到脆卜卜，邪惡但停唔到口 ▪️ 極品乳豬，$98有齊4款豚肉超抵 ✨ 飲品優惠▪️ 推介生力白啤 - 啤酒星期四買一送一！🍺 冰涼順喉配串燒一流 ▪️ Gin Fizz- 清新檸檬香氣🍋 打卡able之餘仲好解膩 ✨ 用餐體驗▪️ 居酒屋格局🏮 晚市勁有氣氛 ▪️ 店員推介好貼心，上菜速度夠快 ▪️ OpenRice訂位有75折‼️ 記得預約 雖然位置有少少隱世，但絕對值得摸上門！特別推薦同朋友嚟啤一啤＋掃串燒，人均$200左右已經食到捧住肚走～

今日黎到中環食好西，嚟到蘭桂坊呢道都有間好有氣氛，有音樂，有酒飲，又有美食既好地方，廢話少講，立即入正題。首先我地叫左杯cocktail—Grand Cosmopolitan, 同咪一杯生力黑啤。兩杯都唔錯，尤其係黑啤非常大杯，每日都有做緊優惠按返星期幾有優惠價$99蚊買一送一，係呢個地段呢個環境真係好超值。食物方面就叫左個燒明太子多士，迷你版，但係味道口感都唔錯，香香脆脆。重有叫左燒雞泡魚乾，送酒小食一流，$58蚊份量都可以，點咪沙律醬食真係好野味，值得一試。再黎就係芝士松葉蟹棒，培根年糕卷，香辣雞翅包飯，燒到外脆內軟，我最欣賞既係培根年糕卷，外面一層煙肉包住年糕，呢個配搭非常合拍，真係唔錯既選擇。重有蔥燒半殼扇貝，$58蚊有兩隻，一公一乸，一隻爆膏比我選中，真係回味無窮。燒烤廚師腸，呢個抵食，$8蚊有兩條，好耐未食過，係童年回憶。蒲燒鰻魚串，呢個厚厚一串鰻魚食落十分有睇頭。重有燒羊肉串，羊腸串，好香濃既羊臊味，識食一定要試佢。去骨雞腿都係$42蚊大大塊，抵食過台灣街邊外賣個啲，呢道有得坐底食真係非常感恩。味道都唔錯。再黎就係炭燒乳豬腳，燒日本博多雞心，招牌珍貴生蠔串，最值得試既係生

餐廳：芝加哥串燒酒場地點：中環榮華里菜式：串燒酒場餐牌：多款酒類，包括啤酒，香檳，紅白酒，中國白酒，威士忌，清酒，梅酒，雞尾酒等。食物有主食，冷盤，牛類，豬類，鳥類，蔬菜類，海鮮類，佐酒類，羊肉類，甜品。都有人氣串燒組合。落單用QR code。先叫兩杯雞尾酒。Screw Driver $108 另加一呢杯Screw Driver係Vodka加橙汁，味道甜甜地，都容易入口，入到喉嚨先火燒，面頭加上一片果乾同薄荷葉。Cuber Liber $108 另加一呢杯Cuber Liber就係Rum加檸檬汁同梳打水，味道更易入口，甜甜地少少微微苦，基本上酒味唔濃，好飲。面頭加上一片檸檬。今晚叫左勁多款串燒，記得先選辣度。好多串燒一齊上枱，好震撼。左起炭燒牛板腱 $49 另加一炭燒牛板腱一大片切開多件好易入口，肉質好嫩，牛味濃又多汁，另配燒汁，可令入口更濕潤。燒羊架 $39 另加一呢個價錢超抵食，羊架好大隻，肉好嫩口，都唔算肥，完全唔蘇。伴有薄荷醬。招牌無骨白鱔串 $58 另加一招牌無骨白鱔串一串一大條，燒得皮脆肉彈牙，面頭加上大量蔥花。鹽燒牛舌心 $33 另加一鹽燒牛舌心一串四件，好彈牙。伴有檸檬

如果你想喺中環搵一個放鬆嘅地方，芝加哥串燒酒場絕對係一個好選擇，氣氛好、有音樂、適合放工後 chill 一chill🎶🍹。- 香蔥燒蟶子- 招牌無骨白鱔串：肉質嫩滑。- 大蔥雞牌肉串：雞肉多汁，味道佳。- 車厘茄雞髀肉🍅：甜美搭配，口感豐富。-招牌茄子燒🍆：超大舊，超惹味。-燒娃娃菜🥬：健康選擇。- 秘製金沙骨 🍖- 沙爹牛肉串🍢- 自家製和牛棒：和牛滑嫩，肉食者必試。- 香蒜燒鮮鮑魚：鮑魚鮮美，夠大粒。- 蔥燒半殼扇貝：扇貝鮮甜，味道突出。- 味噌甲羅燒- 香蒜蔥花廣島蠔🦪：新鮮蠔，搭配香蒜。- 鹽燒多春魚🐟：香脆可口，鹽味適中。- 新鮮翠肉瓜：清新又健康。- 韮菜燒- 黑松露大啡菇 🍄：濃郁芝士，完美結合。飲品方面， Cinderella (Bubble)& HK'S Sunday 🍹甜而不膩，消暑又好飲！

芝加哥串燒酒場環境簡潔輕鬆，座位寬敞舒適，非常適合同朋友聚會聊天。我哋先黎一杯Kirin Frozen Beer，超夠凍超爽 ；再叫杯招牌cocktail Ca，打卡一流，而且容易入口野食方面質素完全遠超個價錢，所有串燒都烤至外皮焦香，內裡鮮嫩多汁，而且份量都唔細，唔似好多串燒舖都係比肉粒肉碎，呢到帶子係比日本北海道帶子咁大粒，雞皮薯條成盤咁上，連白松露醬都唔吝嗇比一大Pat最帶驚喜係羊西冷，啖啖肉又完全無羊騷味，一咬落去係好多肉汁流出黎，非常鮮嫩，係我食過最好食嘅羊肉串燒，都只係三十幾蚊！！！真係值得encore再encore

約朋友去蘭桂坊飲下酒見到呢間好似環境唔錯又有串燒可以食就膽粗粗一試每人就叫左杯cocktailWhiskey Cold - 小小甜 鍾意飲可樂既就岩晒，酒既後勁重dAround The World - 有點檸蜜酸味 我自己就幾鐘意，亦唔會太重酒串燒紙鶴雞皮- 好特別成塊好大塊既雞皮極品即燒乳豬 - 好小見串燒有得食，真心超推！必叫！燒到個皮好脆荔枝豚肉卷 ，椒鹽日本黑豚，炭燒豬頸肉，沙嗲牛肉串，鹽燒雞軟骨以上串燒都係基本串燒店有嘅嘢我就唔特別一講啦，總括嚟講都係味道啱啱好少少鹹，但係送酒一流安格斯牛板腱珍珠飯 - 醬汁配肉再加埋珍珠飯食一流，岩晒鍾意食飯嘅我香蒜燒鮮鮑魚 - 三隻都好大隻，香口彈牙黑松露醬燒牛油果 - 好特別，鍾意食牛油果嘅，我梗係試吓啦，燒出嚟個感覺真係好特別，唔錯香蒜蔥花廣島蠔 - 兩隻都好肥美好鮮甜燒新鮮秋葵 - 我本身就唔食秋葵嘅，但係見朋友就話食得好開心鹽燒鮮淮山 - 燒出嚟嘅淮山好爽口我哋兩個人連埋飲酒，食咗咁多嘢，買單都唔使$1000