芋圓一

營業中

休息中

聽聞呢度芋圓有啲名氣，經開呢度去試下。點知….好失望⋯⋯餐廳一入有少量座位，樓上有較多位，仲有梳化位，糖水店算坐得唔錯。見到糖水價錢唔貴，一碗都係$40左右。叫咗一碗桂花仙草芋圓，賣相幾靚。但係味道真係令人失望，芋圓口感較硬，而且冇煙煙韌韌嘅感覺。如果小店主打芋圓嘅話真係唔合格！芋圓嘅口感就係好似急凍一包買返嚟加熱一樣。鍾意食芋圓嘅，我覺得佢嘅水準真係非常低！所以怪唔得平日晚上一個人都冇。行落少少有另一間糖水舖排晒隊都係有原因的。

成日話女士有兩個胃，所言非虛，呢日我同朋友打完邊爐，意猶未盡，於是嚟到西環嘅「芋圓一」食糖水，除咗因為我哋真係有兩個胃，最重要係我哋都深深被佢嘅芋圓吸引！我同朋友都好鍾意食芋圓，所以呢日我哋點咗桃膠雪燕窩清心丸芋圓（$47）、愛文芒甘露芋圓（$50）同芋頭仙草芋圓（$40）。三碗糖水都有三色芋圓，包括有芋頭、紫薯同蕃薯味，每粒芋圓都好有咬口，口感煙韌，而且中間仲好足料，入面有埋芋頭蓉、紫薯蓉同蕃薯蓉，味道濃郁，亦有飽肚感😋😋至於桃膠雪燕窩清心丸，感覺滋潤， 十分養顏。而愛文芒甘露，所用愛文芒十分香甜，食出芒果鮮味，不是靠加糖水死甜，食埋芋頭仙草就更清新飽肚。所以「芋圓一」不失為芋圓控嘅首選！芋圓一 (西環)地址：西環西營盤水街27號地舖

西營盤除咗出名多Cafe 其實仲有好多小店連呢間之前係大角咀既糖水店都係水街選址重開見到網上既相都覺得好足料同擺得好靚主打自家製芋圓之外 仲有糯米糍、冷泡茶同小食地下主要係廚房同外賣部 室外都有少量座位樓上有十幾個座位 樓梯牆身都有好多手畫圖案✎桂花仙草芋圓 $40桂花糖水好清香 除左招牌芋圓 有三隻口味食到芋頭番薯同紫薯既味道 真係夠哂煙韌仙草份量都好多 食落滑浖浖 仲有爽口彈牙既薏米 白玉丸子 寒天晶球連台式粉粿都好好食 坊間比較少有 超級物超所值👍🏻 愛文芒甘露芋圓 $50另外仲嗌左呢個用愛文芒既楊枝甘露愛文芒夠哂香甜 仲有沙田柚肉 加上粉粿同三色芋圓 一樣咁滋味冷泡茶 $18菊花普洱/白桃烏龍食完糖水仲外賣左2款冷泡茶 茶味香濃飲到淡淡菊花香味 白桃味就比較突出

星期六放工，有人接放工，就想搵啲小食食吓，去咗西營盤拍拖食糖水！💛男朋友話HKU東閘行落黎都好近。-芒果小丸子類甜品近年已經喺香港幾乎絕跡，見到即刻心心眼叫返一碗先😍叫咗一碗愛民芒甘露芋圓，好足料。👍🏻而家二月有擔心左一下芒果會唔會酸，黎到芒果好甜冇根，芒果大大粒，芋圓軟硬適中，愛玉同白肉都好Q彈。👍🏻另外加咗一份雪燕，分開碟仔裝好細心，唔怕食食吓散晒。另外叫咗一碗黑糖薑汁湯圓芋圓，有兩粒芝麻湯圓，皮薄好味，薑汁亦唔會話好辣，暖暖的。有意外驚喜嘅係炸雞翼，純粹係口痕想食多少少小食，外皮脆口，內裡多汁，好滿足。💛-坐坐下傾計傾左好耐都差唔多天黑，再行返落電車路搭叮叮返屋企，完美的一天。

每次去西營盤，夜晚食完飯之後，一定會去芋圓一食糖水嗰日我哋九點幾去到，上層已經冇晒位，得返門口露天位，天氣涼涼地都唔錯，望住條街仲好😎我哋叫咗傳統仙草芋圓同芋香仙草芋圓。先講我自己食嗰個傳統仙草芋圓，分量真係超多，又有珍珠、薏米、仙草同埋白玉，個糖水底係黑糖，咁當然有少少偏甜，但係性價比真係超級高食完之後真係好飽！至於朋友既芋香仙草芋圓，佢就話啲紫色既芋泥/汁?? 漿住咗啲芋圓，識落口感一般，好似有啲一pat pat 咁至於位置方面，要行斜路上去，都唔算好遠，當食糖水之前做吓運動啦🤓🤓🤓

今日喺港島食完晚餐，好想食甜品，朋友住西營盤佢話屋企附近開咗一間專食竽圓的甜品舖頭。坐地鐵去到大學站，跟住行幾分鐘就到，非常方便。店鋪全白色，門口有兩張枱望住街景。原來樓上都有座位，簡潔乾淨，最吸引就是長長的樓梯全黑白色，手繪好多圖像，好文青feel。在枱上scan QR code 就可以落order， 做好後，店員就會送上。喺度一定要食芋圓，因為係店舖主打。每一粒芋圓，番薯圓，紫薯圓都非神煙韌，而仙草滑嘟嘟，仲放上紅豆🫘，薏米，白玉，黑糖珍珠及丸子，真材實料。當然要配上黑糖煮的糖水，好豐富又好食。朋友喜歡食芋香仙草芋圓，主打汁係芋頭做，其他材料一樣有，如果喜歡食芋頭嘅人必定要點。再加上必點手工大芒果糯米糍，糯米煙靭，而且非常薄皮，芒果又大大件，有口感又滋味。

小店分為兩層，牆身有好多特色插畫✨我哋除咗要芋圓仙草之外，仲要咗一份椒鹽海苔魷魚鬚同大份芒果糯米糍💕呢度既仙草芋圓有好多款不同既配搭我哋要既呢款係芋香仙草芋圓💜有嫩滑既仙草喺底配埋chewy既三色芋圓、軟糯既白玉同Q彈既粉粿，仲有薏米同黑糖珍珠添～最特別喺配上香芋汁，食落既口感好豐富，仲有好香既香芋味添😍😍😍椒鹽海苔魷魚鬚份量都唔少香口得黎仲有淡淡既海苔味～而大大份既芒果糯米糍一份兩件，外層薄身軟綿，芒果厚身微辣都唔錯！！！下次經過可以試下其他既芋圓配搭先😚😚😚

今天西環一日遊，最後一站非糖水莫屬，到了水街的芋圓一，甜品是嘆世界的必需項目！😂😂😂門面乾淨企理，下層是收銀、外賣、廚房及半戶外雅座 🤗🤗通經過一條樓梯上到閣樓，樓梯兩邊畫滿卡通壁畫，甚有特色。閣樓布置簡潔，座位舒適，私竇得很！人客不多，可以慢慢坐，慢慢聊！😂😂點菜是用 QR code, 餐牌都只是輔助性質。在芋圓一，當然要點一碗芋圓，嚐嚐它的招牌菜，先來一碗桂花仙草芋圓 $40，芋圓處理得不錯，粒粒分明，邊緣整齊👍擺盤整齊👍，靚仔！👍👍材料豐富，味道不太甜！欣賞少了涼粉那份寒涼的仙草，更保健！愛文芒甘露芋圓 $50，愛文芒是台灣特產，用上高成本的愛文芒，保證係甜芒果，抵食！冰糖雪燕燉桃膠 $30 ，連續邊爐了兩天，這客糖水正好潤一潤，桃膠夠軟滑，也明顯吃到有雪燕，不錯不錯。堂食後即多買兩罐回家享用！冷萃白桃烏龍茶 $21，白桃味香得很，雖是無糖飲品，飲起來彷似有甜味似的，好甜又想健美，最合不過！百多元就有四款糖水，經濟實惠！

係西環食完晚飯就四圍逛下，行行下突然想食糖水，就揀咗間食芋圓嘅糖水舖試下，初初以為得門口幾個户外位，原來樓上閣樓都有座位，糖水款式吾算好多，另外仲有特色小食同糯米糍。桂花仙草芋圓 用料確實幾豐富，而且色彩鮮艷奪目，有芋圓、番薯圓、紫薯圓、仙草、薏米、白玉等等，芋圓煙韌有咬口，仙草入口軟滑，淡淡桂花香氣在口腔中徘徊，另外加配咗芒果粒。椰汁雪燕窩芋圓未食已感覺到椰汁味會好濃郁，入口果然無令人失望，椰香味十足，雪燕窩都幾多，每啖都食得到，仲有明珠同三色芋圓，口感煙煙韌韌、富嚼勁，另外加配咗桃膠，桃膠大大粒，處理得都好乾淨。

琴日去西環附近食晚飯，見時間仲早就決定搵間糖水店去試試，轉頭就搵到呢間充滿藝術感嘅傳統芋圓店。———————————————🌟傳統仙草芋圓 $40呢碗糖水份量真係不得了，仲要材料真係勁豐富，除咗仙草芋圓仲有紅豆、薏米、白玉、珍珠同粉菓。芋圓同白玉都超有咬口，特別想強調上面果舊黃色粉菓，一開始食仲諗咗吓係咩嚟，咬落超煙韌，個口感令人眼前一亮👍🏻.🌟多芒小丸子 $45呢碗小丸子完全唔係傳統果種小丸子，根本就係大丸子！粒粒都大大粒咬落又煙韌😆芒果湯底方面一啲都唔會太甜，反而係有少少帶酸嘅真芒果味，味道好鮮好濃，仲有好多粒芒果係入面😍.🌟冷萃茶系列 $18/樽我同朋友分別叫咗冷萃桂花烏龍茶同冷萃菊花普洱茶，我個人比較鍾意桂花果隻，果種桂花味超香。菊花普洱個花味相對冇咁出，但飲落就真係同時可以有曬花同茶嘅兩種味道，我朋友就比較鍾意呢隻多啲！.🔸整體評價🔸糖水味道好唔錯👍🏻服務亦都好好，掃完QRcode落單就會送過嚟仲有紙巾提供。鋪內裝修亦好特別，周圍都有好多黑白手繪，有啲位拎得好嘅話都好適合打卡！

❣️想食芋圓梗係要去芋圓一食啦～聽到個名都知有幾咁架勢😎店家主打係芋圓甜品主要都係賣唔同組合嘅芋圓點咗個傳統仙草芋圓$40真心好抵食有芋圓、地瓜圓、紫薯圓當然主打嘅芋圓最好食芋頭味好出 煙煙韌韌其次係紫薯圓都好濃郁 地瓜圓相對淡味仲有粉菓、薏米、仙草、紅荳、白玉甜度調較到則則好食完一碗超飽足的本身想食芒果糯米糍見人地食超巨型的點知真係好賣到所有糯米糍類都冇晒😩要食就要早啲去幫襯喇仲點咗冰糖雪燕燉桃膠個薑餅人樽仔真係好吸睛唔會好甜 飲落啖啖都食到桃膠係養顏嘅感覺另外想慢慢hea就點咗勁枝冷泡茶值得一讚嘅係全部都有浸住個茶包飲落茶香都好足而且冇茶包飲得更加安心蜜桃茶真係好香蜜桃味呢度嘅黑白畫風都好好打卡而且好近HKU似乎係好多同學仔嘅私竇而且播啲歌又好啱聽我呢個中女坐響度完全感受到佢地嘅青春

📍 芋圓一 Tarone 🎗️📍 西環西營盤 𝗦𝗮𝗶 𝗬𝗶𝗻𝗴 𝗣𝘂𝗻 • 水街27號地舖〔 follow me on instagram @sikbaobaola ! ^^ 〕-Who loves chewiness?! 😍 If you do like I do, then < Tarone > is definitely a dessert shop you have to visit. They specialise in chewy taro balls which come with different sweet soups, hot or cold. Perfect dessert especially when you're tired of having cakes or ice cream as dessert!-(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)=被不少食客冠名「世一芋圓」的《芋圓一》一直人氣高企💛大角咀店結業後，不少食客大感可惜日前，他們就在西營盤水街重開又有機會支持這家良心小店啦！😛-店子佔地兩層，底層主要是廚房，上層是堂食座位燈光明亮，

西營盤變左文青地方，周圍都係年青人打卡點。行過水街見到有唔少餐廳小店舖，其中呢間叫芋圓一食芋圓，仲要有芒果味，又有得揀仙草，多款選擇，睇落亦都好夾。芒果🥭係我至愛就緊係叫一個，芋泥都吸引就配仙草。下次都想試埋熱既系列。落單即叫即煮，透明碗裝住見到一層層好吸引好足料。芒果個碗似楊枝金露，另外仲有小丸子同愛玉，當然仲有好多煙韌彈牙既芋圓，浸住既芒果汁又香又甜，仲有啖啖芒果肉。另一碗係加左芋泥既仙草，仲有薏米愛玉啫喱小丸子，真係好豐富，芋泥都俾得好多。

冬天就很想吃甜品，這天去了這間很有特色的芋圓專門店。裡面的裝修有很可愛的手繪，彷如置身於漫畫世界一樣。除了芋圓及其他甜點，還有熱辣辣的小食呢，下次一定要嘗嘗。還有節日限定的可愛飲品，真的很吸引。這裡以手機下單，Scan 枱上的Code之後就可以點餐啦。我點了傳統芋圓仙草凍，另外加配了清心丸和雪燕。裡面有台式粉粿、薏手、仙草及芋圓。加配的雪燕分量很多，令人感到很滿足及養顏。芋圓有3個款式，每粒都彈牙可口，甜度適中。另外還加點了芒果糯米糍，沒想過能在這裡吃到肉汁飽滿的芒果餡料，皮亦都不會太厚。果肉相當新鮮，而且當天亦只剩餘一份，限量供應。清心丸爽口彈牙，其實是第一次嘗呢，加到仙草凍中更添口感。總括而言，這間芋圓專門店性價比高，而且座位位於閣樓位置，是和好朋友吃甜品和聊天的好地方。

今日同朋友去水街附近食甜品間餐廳，餐廳有兩層, 樓下就係一個廚房, 樓上畫左好多壁畫, 用白色做外牆, 感覺非常之乾淨，俐落, 坐得好舒服餐廳主力芋圓, 非常之多種類選擇，除咗叫一個黑糖芋圓之外，仲叫咗一個桂花烏龍茶, 都幾大支, 茶順滑，入口滋味略有甜，沒有普通果茶普遍存在的生澀感，品嚐之後回甘明顯，可以使人回味天氣咁凍, 最適宜飲啲暖嘅嘢, 黑糖嘅最啱啦，夠暖胃, 黑糖芋圓，湯品甘甜，配上芋圓與蕃薯圓QQ彈牙的口感，真讓人愈罷不能, 3色芋圓口感Q彈，正！