芋圓一

營業中

休息中

芋圓一🌐@taronehk天氣熱到懷疑人生，連風吹過都係熱辣辣🥵只想搵啲透心涼嘅甜品降下火🪭由樓梯一級級行上去，牆身已經係一幅幅黑白插畫牆🦓 手繪風格，充滿想像力，每一幅都有自己故事✍🏼 配上抹茶綠嘅梳化，色調溫柔🧩傳統仙草芋圓 🇹🇼仙草｜紅豆｜薏米｜白玉｜粉菓｜黑糖蒟蒻｜芋圓｜黑糖汁每啖都係唔同texture👾 震揗揗又勁大舊嘅仙草坐係碗中♟️芋圓、蕃薯圓、紫薯圓都係主角，啖啖煙韌🍠 紫、黃、橙色排到成朵花咁🌼椰汁海燕窩芋圓 🪹雪耳｜雪燕｜蒟蒻｜白玉｜粉菓｜芋圓｜椰汁行滋補路線💃🏻椰汁夠香滑唔膩口🥥 養生雪耳同雪燕超加分🙂‍↕️ 啱曬夏天keep住靚靚肌🌞炸燒賣4粒🏵️炸魚片頭4件📐椒鹽花枝丸4粒🏀全部即炸上枱🔥灑上椒鹽粉，鹹香惹味🧂凍熱鹹甜，間住間住食最爽😗自己碗自己拎，食完有手尾拎埋落樓🫰🏻

經過西環就想食之前外賣過既芋圓一佢地既手工芋圓煙靭份量又足小店係水街 門口好有文青FEEL樓梯同上層既牆都有好靚既圖畫座位以卡位分隔 坐得幾舒服自選仙草最平四十蚊就有一碗仙草芋圓可以按喜好加紅豆蕙米雪燕雪耳等等仙草好滑又夠冰凍黑糖汁甜度剛好我今次揀左蒟蒻 台式粉粿 白玉煙靭好食多芒小丸子芒果肉打碎而成的芒果濃汁 新鮮粒粒芒果肉 小丸子和白玉食完成個人涼浸浸炸雞翼 6隻即叫即製 上枱熱辣辣 雞翼邊微焦好香口週末還會推出限定手工貓山王同芒果糯米糍

大夏天，同朋友做完project 即興想食個糖水冰涼下發現香港大學站附近就有間賣台灣古早味芋圓食糖水舖黎講落單都幾方便，用qr code 落單就可以，唔洗仲叫人黎落單，完全係I人嘅天堂，用手機落完單之後就會有店員送餐上黎，服務周到現場環境好似去咗藝術畫廊咁，每面牆都有唔同嘅繪畫作品，係等緊嘅時候一啲都唔無聊，可以邊睇畫邊等糖水我同朋友叫咗椰汁海燕窩芋圓，冇諗過芋圓都可以咁養生，第一次試有燕窩嘅芋圓，口感唔錯，唔會太甜，料都好足，有海燕窩單價都唔過50，cp值算唔錯另外，我哋仲叫咗芋香仙草芋圓，同樣10分足料，芋圓仙草啖啖肉，有大滿足嘅感覺，食完有飽肚咁，唔係淨係得水最期待係週末限定先有嘅手工貓山王糯米糍，榴槤愛好者嘅我哋點會放過限定嘅機會，好彩個日去係星期日，有得叫黎食，平日冇得叫，榴槤肉啖啖係口，好彩有得食咋，糯米糍一啲都唔細，食極都未完咁，真係好唔錯👍

琴日反西環陪屋企人，因為依家夏天黎到，一係飲手搖飲品一係食個糖水消暑。我帶左佢地去附近新開既糖水舖食個糖水先。佢係有兩層，上面可以比人地坐低堂食，底層都可以，不過就無咁多位。我叫左個多芒小丸子🩷🩷🩷🩷🩷佢個芒果肉都幾多下，撈埋好濃郁既芒果汁入去。而且啲小丸子都好有咬口同埋煙煙韌韌。芋香仙草芋圓(冷)🩷🩷🩷🩷🩷佢有勁多唔同配料可以食到好多唔同口感，同埋啲仙草勁香，呢個天氣解暑一流。仲叫多個小食椒鹽花枝丸🩷🩷🩷🩷🩷揸得勁脆卜卜同埋咬落食到一粒粒嘅墨魚，而且椒鹽配埋好香。買咗支冰糖雪燕燉桃膠🩷🩷🩷🩷🩷冰糖本身都有潤喉嘅功效，再加埋雪燕同埋桃膠更加滋潤，冰冰涼涼啱晒夏天飲又健康。

今次去西營盤的甜品店芋圓，試了爆多榴槤芋圓和椒鹽花枝丸，真係一啖啖驚喜！榴槤芋圓一上枱，香味已經撲鼻而來，芋圓煙韌，而且榴槤香濃美味，感覺好滿足。如果你鍾意榴槤，呢個選擇絕對唔會令人失望。椒鹽花枝丸四粒剛好，外脆內嫩，椒鹽味道適中，非常惹味。最後，清涼的芋香仙草芋圓，擺盤已經好靚，真係消暑良品。仙草的香味加上Q彈的芋圓，口感一流，夏天食正好。今次的甜品之旅真係唔錯，推薦俾愛好榴槤同埋甜品的朋友們！

炎炎夏日☀️，諗起以前台灣working holiday 。台灣超熱，所以成日食芋圓冰消暑，估唔到大學宿舍附近揾到台式風味糖水。🍡芋香仙草芋圓：有清涼仙草、三色芋圓、薏仁、QQ粉粿等等，食完好滿足😌👍🏻，香芋汁唔太甜，味道清爽。🍡芒果甘露芋圓 加蒟蒻：自制蒟蒻口感同粉粿一樣彈牙，芒果汁底🥭同芋圓都夾，啱夏天食。🥢椒鹽燒賣：好脆又唔油膩👍🏻，可以過下口癮。🥢椒鹽魚片頭：偏咸，魚片頭唔夠厚。

同朋友西環CITYWALK ，深度遊下黎到西環重新出發嘅芋圓小店「芋圓一」 ，食其招牌芒果牛奶棉花冰，爆多榴槤芋圓，假期仲有貓山王糯米糍提供，大快朵頤。店面不算大，但設有樓上卡位雅座，夠曬闊落，朋友聚會一流。招牌手工芋圓係店主每日新鮮製作，有芋圓、番薯圓同紫薯圓3款，芋圓真係食到芋粒，真材實料。芒果牛奶棉花冰: 清爽又甜蜜的夏日甜品，結合了芒果的香甜、牛奶的醇厚和綿綿冰的細膩口感，非常適合消暑解饞，牛奶凍成冰塊，打出的綿密冰沙、用上新鮮芒果的自然甜味作為糖漿，不會太化學糖漿味，點少得大量爆珠增加口感，配上新鮮香甜芒果、仲有糯米小丸子，好消暑。爆多榴槤芋圓：濃香爆炸Q彈嚼勁的創意甜品，將榴蓮的霸道香氣和芋圓的軟糯完美結合，口感豐富。榴蓮果肉攪打成泥或直接大塊放入，香甜濃郁冷藏後像冰淇淋一樣綿密，芋圓外軟內Q，咬下去帶點韌勁，和榴蓮的滑糯形成反差，口感超有趣。搭配茉莉茶凍，酸甜清新瞬間解榴蓮的厚重。 冰糖雪燕燉桃膠（樽裝）：清甜潤口冰糖的甜味溫和不膩，與雪燕、桃膠的天然植物膠質融合，形成清潤甘甜的口感，比普通糖水更自然。雪燕燉煮後晶瑩剔透，口感類似燕窩，滑嫩帶一絲Q彈，桃膠軟糯綿密，像果

西環糖水芋圓推介🤤1. 芒果4.3牛乳冰 $98有鮮芒果肉 食落非常多汁 又好甜 仲有啲芒果汁淋落個冰到 滿滿芒果嘅味道 而個冰本身係牛奶冰 所以食落好有牛奶嘅香味 食落都幾棉 夏天食透心涼 仲有好多配料 有蒟蒻 白玉 粉菓 同芋圓 芋圓咬落好煙韌 好有咬口 兩個人食到好飽 2. 爆珠榴槤芋圓 $68榴槤愛好者可以一戰 成個湯底嘅汁都係榴槤汁 再加埋兩大球嘅榴槤蓉 食落真係每一啖都係榴槤嘅味道 佢仲有啲爆珠 咬落甜甜地 有啲咬口 加埋煙韌嘅芋圓 一次過滿足晒我幾個願望📍芋圓一 西環西營盤水街27號地舖

喺西環食完晚餐行上去搵「芋圓一」，本身喜歡佢地個芋圓口感，比較煙靭有咬口，今次點左傳統仙草芋圓，加配了雪燕（$7）同湯圓（$7）！先講加配的雪燕份量很少，湯圓估計係淥超過時間了，湯圓表面已經糊了，入口一團麵粉的感覺不好😔芋圓口感仲保持到，但有幾粒還未熟透🥲另外枱面還有上手的糖水，應該沒有抺枱，衞生就真係麻麻地，感覺不太良好！仙草就保持到滑嘟嘟水準，其他配料算是不過不失！如果主角芋圓同湯圓烹調時間合適應該是不錯的！

我真係唔信大家留言，結果試咗之後發現，味道果然好稀又淡，完全冇預期中咁好。我真係好後悔，因為連外賣平台訂嘅兩碗都要成$120，覺得真係冇咩價值。下次一定要多睇啲評價，唔好再輕易相信唔知邊度嚟嘅推薦。這次的經歷實在令我失望，希望下次可以找到更好嘅選擇！

好日都唔會去西營盤食飯，難得去開呢頭食飯，食完就揾糖水食。水街下底嗰間食過幾次，响Openrice揾到呢間芋圓就撐上去斜路頂試下。雖然大熱天時，同朋友兩個都係叫熱嘅食。我嗰碗紅棗桂圓清心丸芋圓真係好普通，水多料少，每樣得幾粒，$45完全唔吸引，仲要個水唔多好味。咩台灣古早味又真係吹得太大。平時食嘢冇影相習慣有啲後悔唔影低加入呢個食評度。可能食凍野食冰類會好食啲。如果你食過响太子嗰間芋圓，相信你都唔會再去呢間，價錢同質素都冇得比。

桂花仙草芋圓 冷（$40）呢間係近期最愛食既台灣糖水店，唔駛去台灣都食到超足料古早味芋圓，桂花清香唔會太甜，手工芋圓非常煙韌，仙草好滑，好鍾意佢地既粉粿，仲配埋珍珠、薏米、白玉，唔止配料非常豐富，成碗野既口感都好豐富，樣樣都好味，食到好滿足。天氣涼涼地就比較喜歡坐室外感覺好舒服，另外佢地仲有二樓可以堂食，有好多座位，如果怕熱可以上二樓有冷氣。QR code自助下單+送餐服務，但記得食完要自己將餐具交還到櫃枱店員。

同朋友喺西環食飯後, 諗住附近食碗糖水,搵到呢間芋圓一, 芋圓都係我喜好,咁就試吓呢間。睇完menu後, 很多款都有興趣，最後揀咗香芋芋圓仙草(冷）價錢 $43。碗芋圓上抬後, size都幾大碗吓。除芋圓仙草外,仲有愛玉,珍珠等其他配料,加上香芋底 ,未食已經好吸引。我覺得芋圓咬落會比較實, 缺乏”煙韌”嘅質感, 其他配料就ok正常。所有料撈埋香芋底一切食, 其實係好食嘅, 味道亦唔會太甜，食得舒服，成碗食晒，好滿足。

如果唔接單就一早close左OpenRice個平台點餐。朋友現場落單時問左店員OpenRice未接單，佢話等陣睇下但一直冇睇。到過左接單時又等左10分鐘以上先可以同店員溝通。今次佢話冇再接OpenRice。講完又冇再問我叫左咩。朋友現場叫個等左超過20分鐘，完全超過店員之前講的10-15分鐘，最後都等唔切要退款。明白得一個店員係忙，但做唔到咁多單又唔太想理現場買外賣的人不如一早係門口講只做外賣平台（不包括OpenRice）

最近我經過西環，發現咗一間來自台灣嘅甜品小店。一入眼佢俾人第一感覺就係好清新，好文青feel，同埋一種好輕鬆舒服嘅感覺。☺️甜品店分為上下兩層，地下可以坐喺室外位置，可以感受吓初秋嘅涼快感覺。至於樓上就有人手嘅壁畫設計，影相打卡都一流。😍多芒小丸子加桃膠首先小丸子呢啲份量十足，每粒都煙韌又滑嫩，好好咬口。至於主角芒果都非常新鮮，相當香甜。芒果同桃膠嘅結合仲好有驚喜，無論係味道同埋口感都相當配合。🤤椰汁海燕窩芋圓呢款甜品絕對係一個舖頭嘅精心杰作，我自己都好推薦。椰汁滑溜嘅質感同芋圓的韌度出奇地結合，芋圓嘅咬口好好，絕對係令人地越咬越上癮。海燕窩亦都唔單只係配角，每一啖都有濃郁嘅椰汁香甜味。😋食完呢間甜品屋，唔單止味覺嘅享受，更加係一種身心嘅滿足，因為成個感覺都真係好似返咗台灣咁樣。🤣絕對值得一試同支持嘅小店。