芋圓一

營業中

休息中

假日遠離一下繁囂，嚟到港島西區就可以感受一下復古嘅氣息同埋啲街道縱橫交錯嘅特點。 🤭其中西營盤就絕對係其中一個地方，可以感受到另類嘅香港，扶搖直上嘅斜坡亦係一個地標， 而通常都會埋藏住唔少特色嘅小店舖， 而呢一間甜品亦都係以手工作招牌， 價錢亦好親民😌傳統仙草芋圓— 🥣天氣開始熱返嘅時候仙草絕對係透心涼，呢一度基本上大部份嘅食材都係人手製作，🥣特別係招牌芋圓，三種顏色都極度煙韌，非常好咬口，🍠小丸子比起湯圓更加黏。 🍡份量亦都唔細🥣仙草嘅比例，亦都唔少，涼浸浸嘅仙草，再加埋薏米，清心一流🧊4.3 牛乳燉桃膠— 🥛返工，返學忙到爆炸，只需要一支牛乳燉桃膠即刻保持返皮膚嘅健康，特濃嘅牛乳奶香爆燈，🍼加埋大大粒嘅桃膠， 少少彈，再加埋冰糖燉，帶出清新嘅甜味，🥛桃膠嘅份量都佔咗三份一，足料又滋補🥛芋圓一 (西環)西環西營盤水街27號地舖

食飽飯緊係要食個甜品，見呢間喺附近就同朋友試吓主打芋圓，睇落幾多款式，好多配搭✨環境都幾有藝術感，牆上畫上了幾特別嘅壁畫我哋叫咗一凍一熱嘅甜品，試吓佢嘅水準如何～桂圓紅棗清心丸芋圓($42)一嚟到勁香紅棗味，好正😍😍我平時好鐘意紅棗嘅味道，而且紅棗對女仔好👍🏻 芋圓同清心丸都好煙靭，份量都幾多，如果甜度減低少少會更好～芋香仙草芋圓($40)仙草芋圓似係呢度嘅主打，果然味道好好👍🏻而且好多仙草😬除咗仙草仲有薏米、珍珠、白玉，仲有比較少見嘅粉粿，口感豐富😋芋香味冇掩蓋，好好味～手工貓山皇糯米糍($56)榴槤愛好者之選，有香濃貓山皇香味，糯米糍好軟糯，啖啖果肉🤤🤤

📍 芋圓一 (西環)西環西營盤水街27號地舖係附近食完正餐想食個甜品😋見到有芋圓兩個字即刻心動💓原來佢上面仲有一層，好好坐👍🏻👉椒鹽海苔魷魚鬚💰48😋😋😋😋.5/5晚飯後諗住搵間甜品店同朋友吹水，叫甜品之餘諗住叫多份香口小食，就叫左呢份椒鹽海苔魷魚鬚，份量比起想像中大份！即叫即炸上到枱仲係熱辣辣，好香脆，滿滿既海苔包住每一條魷魚鬚，愈食愈上癮😍裡面魷魚鬚都仲係好爽口彈牙，下次可以再encore!👉傳統仙草芋圓💰40😋😋😋😋.4/5呢碗超級足料既仙草芋圓係絕對可以令一般人飽肚😆一嚟到就咁望都有20粒芋圓係面🤣仲有紅豆、珍珠、薏米、粉菓、白玉等等既配料鋪滿係仙草上面，仙草夠凍，唔會太甜，芋圓夠煙靭，粉菓口感亦好特別，呢碗甜品真係性價比高👍🏼👍🏼👉愛文芒甘露芋圓💰50😋😋😋😋.3/5朋友叫呢碗芒果甜品一樣好足料🤤係面層有大大粒芒果粒，一啲都唔酸，好新鮮！下面又係有好多芋圓，食極都仲有😆😆仲有白玉同粉菓，一碗甜品有哂唔同程度既煙靭俾你一路傾計一路𡁻😋回頭: Yes !!!分量又多又好食，佢五，六，日仲有限量糯米糍，好想試😋#kermit食在西環

西營盤站第二街出口 行兩個街口就到門面清新簡潔 閣樓黑白塗鴉明亮舒服價錢中位但質素幾好 特別係芋圓味重桃膠雪燕窩清心丸芋圓 $47暖暖地又不過甜既湯底十分潤喉配上爽口既雪燕窩及桃膠加上濃郁Q彈三色芋圓集合晒所有甜品既要求 食完十分滿足4. 3牛乳桃膠芋圓 $47份量偏多既爽口桃膠加上芋圓淋上大量凍冰冰既日本4.3牛乳味道清淡得嚟又食到芋香既味道手工猫山王糯米糍 $56圓滾滾既糯米糍釀入大量超濃榴槤蓉咬開一啖即沖出濃郁既猫山王香味即使過左榴槤旺季都可以回味一番

呢間鋪喺大角咀嘅時候已經成日幫襯，當時知道佢執笠好唔開心☹️好彩而家喺西環開番🥳傳統仙草芋圓｜超多料見倒已經好開心😍有仙草、三色芋圓、紅豆、珍珠、薏米、小丸子同清心丸！芋圓煙韌有咬口，仙草滑溜，口感非常豐富😋糖水底係黑糖汁，甜度岩岩好👍🏻愛文芒甘露芋圓｜滿滿既芒果加埋柚子肉，酸酸甜甜好開胃！配料有小丸子、芋圓、仙草同清心丸，同樣係好足料🤩黑糖薑汁湯圓芋圓｜呢款岩哂冬天食，有薑汁好暖胃🥰湯圓係芝麻餡，香濃幼滑🤤手工芒果糯米糍｜糯米糍好大粒😍外皮煙韌帶糯米香，包住大大舊香甜芒果，大滿足❤️水準keep倒😆以後要搵多啲藉口黎西環喇！

好友約我陪佢去西環買海味，冇事忙嘅我就當然樂意相陪。之後佢就帶我去食好嘢打靚卡，所以就嚟左 芋圓一 食甜品~我地order完之後就沿樓梯上到閣樓，沿樓梯兩邊都畫滿卡通壁畫，可愛得嚟有帶點特色~閣樓簡潔嘅佈置，令人坐得舒適，所以可以慢慢傾計呀~我地叫左兩份甜品~先嚟我至愛嘅 愛文芒甘露芋圓 ~芒果份量非常多之外，仲有柚子肉、芋圓、仙草、小丸子…真係好豐富，芋圓好煙韌，再加埋爽口嘅仙草，入口時連帶濃郁芒果甜香一齊食，真心覺得好味~朋友係榴槤愛好者，所以佢就嚟一個 手工貓山王糯米糍 ，真係唔洗講嘢，一送到上嚟就已經聞到超香榴槤味，而且仲係成隻手掌心咁大個，真係望見已經開心。而且煙煙韌韌嘅糯米皮包住雪糕口感嘅cream，口感超香滑，一個字….正~

位於西營盤水街嘅芋圓一， 好受街坊同埋大學嘅學生歡迎。最出名嘅就當然係食台灣芋圓啦。餐廳嘅座位有outdoor同室內， 游完車河再食個糖水就最方便。唔好睇舖仔細細， 原來仲有樓上閣樓。牆壁係手繪嘅圖案， 沿著樓梯行上去， 上面嘅閣樓都可以容納到十幾廿人。呢一碗傳統仙草芋仙， 有齊三種芋鮮口味： 紫薯、芋頭、蕃薯。 色澤搶眼， 味道突出， 咬落嘅口感煙煙韌韌， 非常q彈。另外一邊亦加入咗小丸子同埋薏米、紅豆、 黑糖珍珠等， 增強咗成碗甜品嘅口感。至於仙草非常滑溜， 清涼解熱， 夏天食一流。另外一款係桃膠雪燕窩清心丸， 呢一款係熱食甜品， 感覺相當滋潤。 桃膠同雪燕晶瑩剔透， 養顏又對皮膚好。 清心丸口感獨特， 堅韌得黎又帶點爽口， 口感同芋圓或者黑珍珠好唔同， 而且唔係太多地方有得食，大愛。另外呢度亦都有芒果糯米糍， 大大粒， 芒果肉厚實， 用料十足， 雖然唔清得上係非常之甜， 但就充滿芒果香。 糯米糍嘅外皮夠曬煙韌， 如果外層可以再薄啲， 相信更加好味。另外亦叫咗呢一款桂花烏龍冷泡茶。 清新嘅茶香，芳香優雅。 喺食完甜品之後， 再呷一口， 清新又解膩。

芋圓一（西環）😘😘😘番尋味芋圓一西環西營盤水街、店舖裝修簡潔、以白色系列、除了門口露天座位、仲有閣樓雅座供食客享用、附近學校矗立、放學、放工千祈唔好錯過、賣點台式美味芋圓、手工製作、每日新鮮、有芋圓、蕃薯圓和紫薯圓、仲增添多元化美味小食、椒鹽魷魚鬚、香脆炸薯格、蒜香台灣腸、椒鹽花枝丸、水街炸雞翼、唔好唔記得最佳嘅甜品糯米糍（朱古力、芒果、榴槤）、伴甜品🍮吃、當晚餐食都得😄😋、材料十足、用❤️製作！多芒小丸子$45⋯⋯用芒果肉打磨成芒果蓉底、加🈵️煙韌彈牙台式小丸子、再添上愛文芒果🥭肉粒、真係多芒多小丸子、甜甜蜜蜜、幸福感！蒜香台灣腸$25/2條......烤香嘅台灣肉腸、外脆肉香、添加蒜香、惹味、食到唔停得口、舔舔脷！👍🏻#西營盤#芋圓#小丸子#CP值高質素#芋圓一（西環）港鐵香港大學站B1出口、步行約5分鐘

招牌芋圓糖水芋圓一 (西環)今日同老公去香港大學遊覽，見到有間芋圓甜品店，甜品店設計特別，地面是廚房，樓上是賓客雅座，設計典雅，而且牆身塗上黑白色的壁畫，令人耳目一新。 本店的手工芋圓由店主每日新鮮製作 ，價格經濟實惠 ，非常抵！店鋪 用q r code下單，方便快捷 。除了甜品外，更有糯米糍，特色小食和飲品，以供貴客選擇。1.愛文芒甘露芋圓$50：芒果份量非常多，而且非常甜美，面層鋪滿一粒粒的柚子肉，吃起來酸酸地，令人非常開胃。手工芋圓 用了非常豐富，而且色彩奪目，包括有芋圓蕃、蕃薯和紫薯圓，還有爽口的仙草，煙韌的芋圓，再配上清心丸和小丸子，吃起來令人非常滿足。2. 椰汁海燕窩芋圓$42：海燕的份量非常多，每一啖都食到，嫰滑香口， 而且加配大大粒的桃膠和三色芋圓， 口感一流 ，椰汁味非常濃郁 ， 令人回味無窮。3. 炸雞翼6隻$38大大隻的炸雞翼份量足，而且炸得非常表皮香脆， 肉質 非常滑口， 值得推介🙏

呢間原本係大角咀好出名嘅台式手工芋圓糖水舖 結業之後依家喺西營盤重開🥳 除咗有好多款芋圓糖水外，仲有新推出嘅手工貓山王/芒果糯米糍，同埋唔同香脆可口小食👍啱晒鍾意食甜食鹹食嘅大家~ 桃膠雪燕窩清心丸芋圓(熱) $47睇到呢款糖水好養生又養顏 即刻叫嚟試下🤪食落清清地 唔會好濟😌 有每日人手製作嘅芋圓 蕃薯圓同紫薯圓三款味 芋圓味幾出 唔係個啲得口感但無味嘅芋圓🤣第一次試清心丸 原來咁有咬口 再配埋滑滑嘅雪燕窩 口感好有層次🤪4.3牛乳燉桃膠芋圓(熱)🍼 $47期間限定！天氣涼涼地 即刻想食返碗暖笠笠嘅糖水暖下肚😚呢款糖水食落有香濃嘅牛乳味 桃膠芋圓都好足料 不得不讚 抵曬👍 三色芋圓好彈牙 岩岩好！食完今晚應該好好瞓😚椰汁海燕窩芋圓(冷)🥥 $42作為椰汁控嘅小編梗係要試下椰汁糖水😚 未食已經感覺到有香濃嘅椰汁味 食落真係好濃郁👍有好多雪燕窩、明珠 每啖嘅口感好豐富 爽口嘅海燕窩 配埋煙煙韌韌嘅三色芋圓 好夾！

芋圓一 西環Blue Monday 之放工經過地鐵站當然要買一買甜品，獎勵吓自己。見到呢間糖水舖外面有吧枱可以坐，好似好chill咁，但係我又趕時間，外賣返去試吓。叫咗一碗桃膠雪燕清心丸芋丸，同埋兩舊芒果糯米糍。桃膠雪燕清心丸芋丸材料好足，又唔算太甜，芋丸好煙靭，清心丸咬落去有啲爽爽地，好好食，簡直夠滋潤又養顏😚😚芒果糯米糍大大粒，芒果又鮮又甜，煙煙韌韌嘅糯米皮，簡直食完一粒再想食第二粒啊😋😋😋

芋圓一 📍西環西營盤水街27號地舖主打芋圓甜品😋小店～鍾意食芋圓既你～千萬不能錯過。芋香仙草芋圓～冷 材料豐富有仙草、薏米、小丸子、蕃薯芋圓、紫薯芋圓、芋頭芋圓～配料好足👍🏻 每款食落Q彈好味另外再加芋泥～單食棉密又香口撈落仙草一齊食～非常夾😁好香芋頭味😍。桂圓紅棗清心丸芋圓～熱 ～滋補之選～桂圓紅棗補身～配以煙靭清心丸～Q彈芋圓 ～再配上絲絲雪燕～口感豐富。冰糖雪燕燉桃膠～樽裝包裝～方便飲用😄～甜度適中本身仲想食糯米糍～可惜已經賣晒下次要早啲嚟試吓先得😍

西環台式糖水舖好食既西環台式糖水舖，一向好中意台式甜品，小丸子好好食！呢間芋圓一想試好耐，入到去見到二樓有好令既壁畫，好令呢！用QR code 落單。小丸子系列有凍有熱，熱既有熱暖胃養生系列。叫左個黑糖薑汁湯圓小丸子！好暖胃，好甜，好滋潤。小丸子好好咬口，湯圓又大大粒，一咬就有芝麻餡！另外叫左個花枝丸，炸到香脆，好似係台灣食既一樣！下次再同朋友利試！埋單都吾過$100，飯後甜品真係好抵，好好味呢！推薦呢間！

同朋友係附近食完晚飯，就散下步，西營盤晚上環境好清幽好舒服。竟然見到有間芋圓店，裝修小清新，立即入去食個飯後甜品先😍芋圓價格好經濟，都係40幾蚊一碗，相當抵食！我叫左愛文芒甘露芋圓，好清新，芒果好清甜，加埋柚子肉，酸酸地好開胃😋入面仲有三色芋圓，口感夠晒煙韌，好好咬😁仲有清心丸同小丸子，好滿足!另外試左個芒果糯米糍，好大舊！入面芒果肉好足料，糯米皮好薄，好好食。最驚喜係個水街炸雞翼，真係炸得好香脆！😍而且好大隻，比坊間一般大隻1.5倍。$38有6大隻，真係好抵食！最得叫個冷泡茶，菊花普洱冷泡茶$18，好香茶味，好飲。支持小店，真心抵食同好食😋

朋友知我喜歡台灣菜，更喜歡吃台式甜品，所以，專誠帶我到來位處西營盤的「芋圓一」大嚐台式芋圓糖水。其實，餐廳位於大學站及西營盤站之間，兩邊過來也十分方便。店內裝修以黑白為主調，光潔明亮，餐廳分為兩層，地下鋪前有些半戶外露天座，內進就是收銀及廚房，而上層就是堂食雅座，一排排的卡位，十分闊落。此外，由樓梯，以至樓上，牆身都有很多手繪，甚具文青感。食物方面，主打當然是芋圓，共有九款選擇，以及一款新出品，此外，還有好些糯米糍、冷泡茶等及小食。友人鍾情椰汁，所以，「椰汁雪燕窩芋圓」（$42）是其首選，椰汁糖水椰香味十足，絕對濃郁順滑，而一大抹雪燕窩，沒有欺場，加上三色芋圓、桃膠、雪耳、白玉、蒟蒻……等等多款配料，口感非常豐富，果然沒有令人失望。而我就偏好芒果，還要是台灣的愛文芒，又怎可以錯過這「愛文芒甘露芋圓」（$50），其實這是楊枝甘露的愛文芒版，台灣直送的愛文芒芒果汁底，入口已很清甜，加上芒果肉、柚肉、蒟蒻、三色芋圓，實在味美。此外，我們還外帶了菊花普洱茶及白桃烏龍茶，一邊行，一邊喝，而這「冷萃茶系列」（$18/樽）還有其他口味，友人讚其菊花普洱茶很清幽，而白桃烏龍茶的白桃味香得很，入口舒蜴。