自家製韓國刀削麵 (山林道)

營業中

休息中

原來呢間自家製韓國刀削麵부자칼국수，係李家集團旗下嘅餐廳。李家炸雞就食得多，呢間位於尖沙咀嘅韓式刀削麵就真係第一次嚟。雖然店舖坐位唔多，但環境乾淨舒適，坐位安排得宜。入面人流穩定，特別係晚飯時間，點餐同上菜效率高，放工約朋友聚餐都幾適合。🍝炸醬麵 $78炸醬麵份量十足，仲要超多醬料醬汁較濃同有些少甜味，入面有好多肉粒同洋蔥麵條好彈牙，同醬汁撈勻一齊食唔會過膩🍜牛骨湯刀削麵 $78牛骨湯清香又鮮甜，刀削麵Q彈又有咬口（同炸醬麵嘅麵條唔同嫁）入面仲有六塊牛展，口感軟熟幾唔錯🥟雙拼餃子 $58雙拼餃子真係亮點，好鬼大隻一籠有兩隻豬肉餃同兩隻泡菜餃豬肉餃稱得上皮薄餡靚，有肉汁之餘仲有粉絲增添口感點埋醋味道瞬間提升不過我最鐘意都係泡菜餃，辣味十足滿滿嘅泡菜咬落去非常爽脆總結：放工約朋友嚟食刀削麵都唔錯，性價比高，麵條都有唔同款式，不過淨係隻大泡菜餃都值得嚟食多次。

近年香港開咗唔少韓國刀削麵，在韓國非常普及，由製作麵條開始精心炮製，又相對傳統韓式炸物健康，難怪咁多人捧場。平日晚市嚟到，都要稍為排隊先有位。炸醬麵炸醬麵係韓國傳統嘅麵食，冇湯，但係就有香濃嘅醬料，味道帶甜及望落有光澤。薯仔、豬肉粒和洋蔥炒好，淋落麵條，再加鵪鶉蛋。當中洋蔥令到成個醬汁提味，令人越食越滋味。雞髀刀削麵 牛骨湯底呢隻雞髀係原隻上，以為冇乜味，點不知食落味道都唔錯喎。足料雞湯，爽滑刀削麵同嫩滑雞髀肉一齊煮成，湯底無油膩感，飲落非常鮮甜，刀削麵條厚身，掛湯力強，好有滿足感。海鮮韭菜煎餅韓國海鮮韭菜煎餅係超受歡迎嘅國民美食，配上特製酸甜韓式醋醬油一齊食，勁開胃。外脆內軟，每一口都充滿鮮味香氣。

呢間韓國刀削麵店之前聽朋友講話好食，我即刻叫埋老公黎試下我地叫左1️⃣辣拌刀削麵夏天一定要食冷麵，見到有呢款辣拌刀削麵即刻叫黎試下，同職員要左小辣，食落甜辣甜辣，刀削麵都係粗幼適中，煙靭彈牙，好掛汁，非常出色，裡面都有幾塊牛展👍2️⃣牛骨湯刀削麵牛骨湯湯底係乳白色，飲落係好濃郁嘅牛骨湯味，刀削麵非常煙韌彈牙，我好鍾意❤️，加上幾塊牛展、蛋絲、紫菜，成碗麵簡單得黎食落好正3️⃣雙拼餃子餃子超級大隻，第一次食韓國餃子，好似手咁大隻，一種係泡菜味，另一種係豬肉餃子，兩種餃子餡料都超級飽滿，泡菜酸辣，豬肉爆汁，食完餃子已經覺得好飽🤣結論：（10分為滿分）味道：7.5/10性價比：7.5/10回頭指數：7.5/10餐廳名稱：自家製韓國刀削麵餐廳地址：尖沙咀山林道46-48號運通商業大廈地下20-27號舖

餐廳以香港首間韓國刀削麵聞名本身以為只有刀削麵但亦有其他韓國小食 如餃子及煎餅 體驗地道韓式風味 ⍢泡菜每枱都附上一碟泡菜泡菜少辣 同時爽口花蛤刀削麵湯底清甜 花蛤新鮮無沙刀削麵粗幼適中 入口彈牙 加上翠肉瓜及蛋絲 層次更豐富炸醬麵炸醬汁濃郁帶有甜味麵條與韓國吃的一樣麵質彈牙 亦非常掛汁配料有鵪鶉蛋 薯仔 洋蔥等撈勻吃很快清光泡菜五花腩煎餅煎餅煎得外脆內軟 厚度適中泡菜味濃郁 配上微焦的五花腩口感多層次 分享一流⧐自家製韓國刀削麵📍尖沙咀山林道46-48號運通商業大廈地下20-27號舖

自從去完韓國旅行之後一直好掛住佢哋當地嘅文化同埋麵食，今日行過尖沙咀呢度見到有間韓國刀削麵，即刻想入去試吓 ，叫咗非常冰涼嘅豆汁冷麵，啱晒而家嘅炎熱天氣❤️炸醬麵🍜 用豬肉碎炒香黑豆醬，鹹香濃郁。拌落麵條上，仲可以加青瓜絲、比起中式嘅炸醬，韓國嘅會更加濃味同埋多蔬菜✅豆汁冷麵🌱❄️ 用豆汁做湯底，冰涼滑溜，拌麵加爽口青瓜、麻油，夏天食最解暑。大泡菜餃子🥟🌶️ 韓式大碼餃子，內餡有豬肉、泡菜，酸辣開胃。蒸或煎都得，外皮煙韌，啖啖都爆汁。而且餃子汁都恰到好處，鍾意食辣可以加埋辣醬。

尖沙咀山林道一帶有好多韓國嘢食。試吓呢間香港第一間韓國刀削麵之後會改變你對刀削面嘅定義。他們的泡菜是自製的正宗韓國泡菜。在超級市場買不到。大白泡菜脆脆的，新鮮到一點都不酸。有辛辣感,帶有甜味。含有蝦米和芝麻。可以添完又添。海鮮韭菜煎餅：煎餅麵糊的味道突出。無添加鹽或糖搶走味道。韭菜，魷魚，薄餅汁的味道互相配搭。薄餅汁酸酸甜甜的。整體而言非常惹味。花蛤刀削麵，牛骨湯刀削麵：主要特色是麵條和湯。不是肉。自家製刀削面是黃色的，而且小小透明可口奪目。吃起來煙煙韌韌的，而且麵身長長的。有足夠的麵量，足夠令你愛上它。牛骨湯都係白雪色，除咗牛骨味之外唔會有額外味道。花蛤湯都清甜美味，食到花蛤味的。花蛤都冇沙而且新鮮夠多。牛鍵都軟同薄。主角始終喺佢哋嘅麵。仲有紫菜同蛋花。總括：佢哋嘅刀削麵對我嚟講係比好多其他麵類更好食。而且泡菜仲好好食，無限添添。加1。

自家製韓國刀削麵裝潢簡潔，帶有濃厚韓式小店格調，是一間以正宗韓式刀削麵聞名的餐廳。入座後餐廳提供免費無限量泡菜。花蛤刀削麵湯底鮮甜，刀削麵煙韌彈牙，口感佳，花蛤份量多又無沙，配有翠玉瓜、蛋絲、紫菜等。增添了豐富的口感和鮮味。鯷魚湯刀削麵：湯頭是用鯷魚熬製，帶有明顯的鮮鹹味，刀削麵軟滑有彈性，吸湯性佳，每口都能吃到鮮美的湯味。海鮮韭菜煎餅味道香濃鮮美，韭菜和海鮮的結合讓口感多元化，味道外酥內軟、鮮香撲鼻。

下班後尋找熱騰騰的湯麵，找到韓式炸雞店「李家」的副線主打正宗韓式刀削麵，將韓國家庭式餐廳的溫暖帶到香港環境仿韓國小店，牆上韓文菜單增添地道氛圍木系餐桌，入店時已近滿座，座位略擠但溫馨花蛤刀削麵湯頭清澈，濃郁鮮甜！麵條粗幼適中，煙韌彈牙，吸滿湯汁，入口爽口，配翠玉瓜和蛋絲，層次豐富牛骨湯刀削麵湯底偏清淡，搭配冬菇絲和紫菜，簡單卻暖胃大豬肉餃子皮厚實，內餡有粉絲和蔬菜，咬開肉汁四溢，韓式調味帶微辣，飽滿滿足

今日黎到九龍美食街~~山林道一路行一路睇下食咩行到差唔多街尾 比我發現左一間韓國餐廳*****부자칼국수自家製韓國刀削麵*****餐廳係一間自家製刀削麵...睇番原來重係“香港第一間韓國刀削麵”刀削麵本身都係我喜愛既食物之一入邊簡簡單單既裝修 都好有韓國小店既感覺刀削麵都有好多唔同選擇有豆汁冷麵 有辣冷麵 有牛骨湯 有花蛤湯今次同朋友2個揀左一冷一熱一齊食豆汁冷麵 豆味好濃好香 飲得出係自家制 並唔係一盒盒現成買番黎個種刀削麵好煙韌 雖然佢無肉 但食晒成個麵 都好飽 同埋係好味到會成碗豆汁飲晒夏天一定要叫呢個花蛤刀削麵個湯好清同好鮮甜既海鮮味花蛤既份量都好多 同埋最重要係無沙呢個刀削麵同豆汁個個麵一樣但配上唔同湯底 成個感覺都好唔同整體黎講 2個都好出色我地2個再加左個海鮮韭菜煎餅煎餅 好脆口 唔會淋晒裡要有d魷魚 好有口感下次都會想再黎試下佢個炸醬麵同餃子見到隔離d餃子好大隻嫁人均120左右，好抵食👍

這間店舖初開業的時候經常過來光顧當時覺得他們的刀削麵真的非常好吃但昨天過來的時候，感覺麪質退步了一些湯底及其他菜式的味道依然很好仍然值得前來光顧🦐 海鮮湯麵 $128牛骨湯底配搭海鮮的鮮味，讓湯底非常清甜裏面有不少份量的海鮮，花甲，青口，扇貝，蝦和花蟹，不過貝殼類有小量的沙未處理好🐓雞髀湯麵 $78清甜的湯底, 原隻雞髀很入味, 配料薯仔很腍,健康又美味的餐點🍕牛肉蔥煎餅 $68這是一份五星的煎餅，無論是份量，厚度，口感，還是味道也非常完美！🥢辣炒年糕 $58份量多，年糕口感好，醬汁甜辣到適中！

呢間係香港第一間正宗韓國刀削麵，上年冬天去過銅鑼灣分店食覺得幾正，今日嚟尖沙咀呢間encore，發現有新菜式，一於點嚟試試😌自家製泡菜🌶️ 江陵辣大醬湯刀削麵 呢碗麵湯底用韓國大醬加辣椒醬煮成，紅紅地好吸引，辣味同鹹香好突出，飲落去有層次感，唔係死辣。麵條由於係刀削，口感煙韌彈牙，吸晒湯汁，每啖都好惹味。份量都幾足，食完好滿足，啱晒鍾意重口味同辣嘢嘅朋友！🥒 豆汁冷麵 呢個冷麵用豆漿做湯底，飲落去超滑，豆香味濃郁又清新，夏天食一流。麵條爽口唔會太腍，配埋青瓜絲、蛋同紫菜，口感層次豐富，清爽解膩，食完成個人都涼晒。🥩 牛肉蔥煎餅 煎餅外脆內軟，牛肉香味濃郁，配埋蔥段，咬落去啖啖蔥香。餅身唔會太厚，煎到金黃色，唔油膩，食落去有少少煙韌感，做前菜或者小食都好啱。

餐廳主打韓國刀削麵, 價錢唔算太高而且份量都多同埋好食！自家製刀削麵超彈牙，好好食💕💕平日午市仲有lunch set添架！！性價比好高❣️❣️除咗有海鮮煎餅之外，都好推薦佢哋嘅蒸餃子！勁大粒又足料💖💖💖💖💖💖💖💖💖💖花蛤刀削麵 $78湯底有淡淡嘅花蛤鮮味, 花蛤份量都唔少！牛骨湯刀削麵 $78湯底好濃牛骨味, 附上幾塊牛肉❣️海鮮韭菜煎餅 $68即叫即煎！煙煙韌韌而且好多海鮮好足料😆😆

真係忍唔住要同大家分享呢間韓國刀削麵！早排同男朋友特登去試，排咗30分鐘先入到去，真係等到少少唔耐煩嘅。不過一食到個麵就即刻冇晒怨氣！個湯底真係好得，飲第一啖就知同平時食開嘅即沖湯底完全唔同，鮮甜得嚟好濃郁，飲完成個人都暖笠笠。每條麵都粗幼適中，咬落去煙韌得嚟帶少少彈牙，仲有陣陣蛋香。超好食！我嗌咗個花蛤刀削麵，男朋友嗌咗個鯷魚刀削麵。兩碗都有蛋絲同紫菜係麵上面，花蛤份量唔少，鯷魚嗰碗就冇肉，得啲紫菜蛋絲同少少翠肉瓜，食肉獸嘅朋友就要留意啦！份量真係大得誇張，差啲就食唔晒。價錢都合理，人均80蚊左右。環境雖然細細間，但裝修幾有韓國feel，牆上menu都係韓文，幾有氣氛。

估唔到興咗一年有多，位於尖沙咀山林道嘅韓式刀削麵舖頭水準都仍然保持咁正🤩雖然間舖頭有啲細，但係同朋友一齊坐都唔會好迫逼夾，店員都好親切‼️🔆豆汁冷麵$78 喺香港接近夏天嘅春天食到一碗咁爽嘅冷麵真係透心涼❗️🔆海鮮韭菜煎餅$68煎餅食落嚟一啲都唔會太油膩，平時唔鍾意食韭菜嘅朋友都覺得煎餅脆卜卜，海鮮嘅鮮味都冇比韭菜蓋過😝餐廳就坐會附送即醃嘅泡菜😋夾住麵食又係一個新嘅配搭🥳如果間唔中想同朋友過吓韓國癮，呢間刀削麵都會係唔錯嘅選擇😎

星期六早上12點多，剛好有座位（需要搭枱）不用等，叫了2個午市套餐，分別叫了豬肉餃子和泡菜餃子，牛骨湯刀削麵和雞髀刀削麵：（1）牛骨湯刀削麵+大豬肉餃子（$88）牛骨湯底味道濃厚，牛肉片較淡，相對比較清，可以加點泡菜調味會好吃些。（2）雞髀刀削麵+ 大泡菜餃子（$88）餐牌備注了含有牛骨湯，又有雞湯味，味道相對比較濃，好味！雞髀肉不會太柴、味道可以，個人比較喜歡這個湯底，喝了不少！泡菜餃子比豬肉好吃，推薦！至於主角～自家製韓國刀削麵，我覺得麵條太粗，口感亦太煙靭，不是太喜歡，個人比較喜歡扁身麵條，掛湯多點入味點比較好吃。午市$88還有支裝水或罐裝汽水算是性價比高的，吃完出來門外已經有接近20人排隊，就不知道是電視效應還是回頭客了。