肥牛火鍋海鮮酒家

宜家應該少有既打邊爐酒家，開到凌晨十二點，食客九成九是麻甩佬客，侍應服務殷勤，對於某類人呢度更加係佢地既最愛聚腳點，公開的秘密。手切牛脊肉，紋理平均，牛味濃。最欣賞一定是中山脆骨腩，咬落超級爽脆，充滿魚油、田鷄即劏，非常生猛、手打蝦墨魚丸食落足料。唯一不足係較少海鮮類選擇，最普通的活蝦活蟹都沒有供應。可能大家都是志在找個地方吹吹水吹吹煙，啤酒又便宜，經常有買二送一，或者九點後買一送一。沙爹湯底、麻辣湯底味濃，但會愈煲愈咸。如果帶朋友黎記得要做足功課啊～免得被現場環境嚇親啊～…查看更多

早幾日去旺角搵打邊爐，又可以坐得夜既地方，都係去肥牛架啦，整個牛雜煲湯底，入面既牛雜都足夠👍🏽👍🏽，手切肥牛好好味😋😋😋，魚皮好爽脆，朋友叫左田雞，上到枱仲郁郁地😓😓😓呢度啤酒仲好抵飲，三五老友想吹水，就度岩晒，不過大家講野可以大聲少少😅😅😅…查看更多

有一说一，味道可以，但老板娘那个胖女人态度很差，摔摔打打的，而且亲眼看到一个服务员上错菜，被她当众骂，还要让人家出钱，最后才知道就差七块钱，而且过了一会儿又回来吼那个服务员，我想说七块钱你至于吗，有点欺负人了，我就看不了这个，出来打工都不容易，错就错了，就七块钱也不至于，就算让她出也可以，说一次就可以了，没必要一直纠缠，还一直说，确实会让人不舒服，我作为食客，非常影响我的就餐心情，来香港这么多年，第一次见到这样，…查看更多

4月6日揾食肥華為咗尋找，好味 ，牛頸脊，特登捉埋靚媽到呢間，顧客可以，吸煙，高談闊論，麻甩味甚重嘅火煱店，打邊爐，雖然而家通街火煱店，都有牛頸脊食，但肥華總覺得，此店嘅牛頸脊喺勝，其他火煱店一筹，而其他多款火煱配料，此店三四拾蚊，都有交易，大啤，拾零蚊就飲到一枝，真喺成班，麻甩佬，吹水，隊啤，食嘢嘅好地方，加上此店啲，侍應員工對熟客固然有傾有講，招呼週到，而對肥華及靚媽，兩位稀客，亦有求必應，員工良好嘅服務態度，冇令肥華失望嘅，美味牛頸脊，加上合理價錢，今晚呢餐，肥華俾👍👍…查看更多

不嬲好少寫食評，因為好一餐、唔好又一餐，其實食嘢無乜所謂！但係今晚令我最嬲嘅係一個黑衫嘅態度、回答！咩係黑衫？即係一個有返咁上下權力嘅人！？事源今晚，本應開開心心應约，去見一啲好耐冇見嘅朋友！飲得兩枝，梗係要去廁所㗎啦！出咗門口，見到，哦！男廁！我係女人梗係上樓上啦！一入去～咦？男人？兩邊廁所都係㖭！乜我入錯廁所咩？咩料呀？見慣大場面嘅我，梗係知道事有QK啦 ～我不但只無怪男士們之餘，仲係度話，你哋有冇拎起個廁板或者抹返個廁板㖭！但係原來，佢哋女廁係無廁板呢樣嘢㗎～跟住原來，男廁block 咗唔用得！咁唔緊要啦！人有三急，尤其係飲完啤酒之後！明嘅！因為我係其中之一！我唔怪佢哋！之但係我以為好心提間餐廳，應該要有同事提醒客人，有男人喺女洗手間嘅時候，，個身形相對大隻！短頭髮未到膊，有high light ，懷疑經理物體同我講！我呢度唔係酒店！洗廁所唔用得好正常！無可能經常棟個人喺度！男人性格嘅我，梗係無所謂啦！但身為女人嘅你！著黑衫嘅你！點解可以咁同客人講！除咗佢之外，你哋其他同事都非常好，待人非常有禮，多謝佢哋嘅接待🙏🏻😊…查看更多

有位部長級別既女性服務員態度十分差，2個人叫得唔多野食就受到冷眼，沒有服務。食食下唔小心倒瀉左杯啤酒，全程得一個服務人即刻衝過黎幫手，另外個黑衫係隔離都唔幫手，冷眼旁觀仲要指指點點，問佢拎2張紙巾或者巾吸一吸水話要收6蚊，問另一個黑衫就唔洗收錢拎俾我，尼啲咩人黎嫁，仲可以做到主管級別。…查看更多

夜晚想食宵夜，或者同朋友飲完酒想去食宵夜，可以去肥牛火鍋海鮮酒家，位於旺角山東街32C號地下至3樓！牛雜鍋推介四個人食份量啱啱好，味道濃厚，鍾意食牛雜嘅朋友仔一定要食呢個牛雜鍋蘿蔔一定要最後先食，因為啲汁索哂入去蘿蔔入邊非常好食另外叫咗其他打邊爐配料，有肥牛，竹笙，牛柏葉，鯇魚片，貴妃蚌，蝦滑，冬瓜仲有其他菜類！用牛雜鍋嘅湯底打邊爐簡直一流…查看更多

因為是中午到來, 所以沒有試火鍋...因為是一個人吃, 所以沒選太貴的, 怕吃剩了. 但50餘元的並不多, 都是湯麵. 結果, 選了排骨湯麵.不過, 那時是午後, 碰不是很多人, 但服務員都不大留意客人要下柯打似的. 或許戴了口罩的緣故.味道一般, 骨和肉很容易分離, 有少少辣!? 辣從火鍋來?正常的份量, 餐廳價錢, 算是這樣的了. 幫補一下, 令每日的生意額加多一點點.最大缺點是要走一層樓梯, 洗手間很細及在酒樓範圍外.…查看更多

話說個fd食完深水埗話好食，諗住就腳啲試吓去旺角，當日都幾爆，餐廳有2層，上到2樓，入到間餐廳坐咗陣叫晒嘢，就見到有人食煙，同啲阿姐講，佢話佢哋話唔到事，要落1樓講，落到1樓，問佢哋可唔可以轉枱，有人係上面食煙，餐廳話好full，冇得轉，點知望真啲，成層都食緊煙，啲阿姐係完全唔理，本身想即走，最慘係叫晒嘢食同埋己經上咗鍋食煙阿姐唔理食煙阿姐唔理食煙阿姐唔理好日都唔出街食飯，重要食得咁難受，無下次啦…查看更多

今次去到深水埗一間樓上火鍋店，都係6點黎就開始人多，6:30pm左右就坐滿哂人。火鍋配料都算不失不過，食材都新鮮，最抵食就梗係加1蚊有個湯底啦，每款配料價錢都合理。不過茶芥，醬料，加一，加埋都唔少。正正常常，沒太大期望，就唔會失望直接睇相。…查看更多

由於冷峰突然襲港，你話唔識間嗱嗱臨去打個邊爐邊對得住佢。終於同友人去試咗肥牛既牛雜鍋，由於我哋都唔係太肚餓，所以我哋叫左一份大既牛脊肉加秘製牛雜鍋嘅孖寶。牛脊肉$288加牛雜鍋$108 （原價$188）變相平咗$70😉如果唔叫呢個孖寶係可以任何湯底任何火鍋配料全單八折。如果會叫好多嘢食其實全單八折係會仲抵😆牛雜鍋裏面有牛膀，牛肚，牛肺，牛筋，牛腸，蘿蔔，仲有少量芫荽。全部啲食材喺濃郁嘅湯底之下都好入味，尤其是個蘿蔔😋 目測都有7-8件本人尤其鍾意食牛肚，咬落去啲湯汁滲出來，有滿滿幸福嘅感覺😍嗰碟牛脊肉本身肉味都好濃，而且唔太肥，灼一灼再掛上牛雜鍋嘅湯汁簡直有畫龍點睛之效😍 我地2個人食左碟大既都覺得下次可以encore!總括而言，我哋嗌左一個孖寶，一份唐山菜，兩支大嘅青島，買單$555⋯⋯ (280 一個人打邊爐, 我覺得都十分唔錯)有機會絕對會再嚟😄😁P.s: 可以外賣牛雜鍋湯底返屋企打邊爐$190同埋要注意，餐廳入面可以食煙，所以如果介意者就要留意。…查看更多

旺角地道邊爐🍲近排天氣凍凍地🌀，最啱就係去打邊爐，暖一暖身。今次就去咗係山東街嘅一間酒樓，就比較地道啲有本土風味🇭🇰呢度一黎就會比一個九宮格你自己混醬😜，有花生芫荽等等。牛脊肉🐮（$268）右邊嗰款係牛脊肉，脂肪分布都好均勻，比較滑身👍🏻招牌手切肥牛肉🐮 （$218）左邊嘅係手切肥牛，呢款就肉味比較濃，牛味比較突出，但係就會比牛脊肉少啲脂肪，口感比較厚實。兩款牛肉都好好食，鍾意邊款就視乎大家嘅口味啦牛雜鍋湯底🍲 （+108）星期一至四嗌以上兩款牛肉就可以加108換牛雜鍋湯底，呢個牛雜鍋湯底我強力推薦🤩👍🏻，因為我本身係完全唔食牛雜嘅人，但係都食到呢個，證明佢牛雜處理得好乾淨一啲腥咪都冇😙，個湯底係好濃咪嘅，白蘿蔔索哂入面啲湯汁吸收晒啲精華🥰火鍋配料呢度啲火鍋配料每份都大概係38至$88內，價錢合理🤑，同埋份量都幾多，都幾抵食。試咗咁多款佢啲丸全部都唔錯，你墨魚滑🦑同蝦滑🦐，都十分之彈牙呀。水餃🥟都好足料，內餡調味都幾好，分分鐘好食過出面啲粉面鋪👍🏻啤酒🍻 （$8）呢度做緊青島啤酒🍻買二送一，打邊爐就啱晒啦😙📍 肥牛火鍋海鮮酒家 (旺角)旺角山東街32C號地下至3樓…查看更多

話說個日收工同同事諗住打下邊爐飲杯酒傾計，由於12點後既餐廳選擇唔多，就揀咗肥牛，其實間唔中都會去下，但比錢多數唔係我，就算比都係合理價錢，唔會特別去留意，個日張單$804就覺得奇怪點解咁貴，我地兩個就嗌左佢$268既牛+$21麻辣同沙嗲湯底，鵝腸、黑柏葉、手打墨魚+蝦丸雙拼、水魷片、炸魚皮、野菜籃、4支青島（買一送一）（268+21+88+43+43+33+28+38+40=602）再加埋一，加埋茶錢各樣我當100，都係700蚊到佢張單有打落左啲咩，但全部無寫價錢，最後總數都係手寫，我同同事都奇怪，但當下完全唔知佢點計，最後就埋左張單就算。⚠️但今日我再去食，比我張單係每樣都有清楚列明價錢，同樣兩個人食，同樣差唔多既野都係$600有找，我再問返有一齊去打過邊爐既其他朋友，先知道原來之前都有試過係咁，亂咁收，總數幾錢由佢寫。如果要講埋野食，亂收我錢個次碟牛同我今日食既差好遠，今日碟牛正正常常，個日碟牛本身一上枱就已經唔好睇，好似倒瀉左啲麻辣湯落去咁😟。經過今日發現咁多野，真係發誓唔再去🤬，生意唔係咁做阿其實，搵啲客笨，咁多位去食記得小心對單阿！‼️…查看更多

1.<抵食牛雜邊爐>🐂鍾意食牛雜既朋友呢間肥牛火鍋唔可以錯過 呢間火鍋店雖然有唔同火鍋底 但牛雜鍋最正 入面落足料 牛蒡 牛肺 牛肚 牛腸 大大件又好味 充滿牛骨味既湯底 加 d葱花 微辣調味 🌿🌶夠哂入味 白蘿蔔又煮得好夠淋 食哂 d料再打邊爐 d火鍋料盡吸牛湯底汁 好味 2. 佢既打邊爐料都唔錯 好似牛頸脊好軟林 水餃大大粒自家包 入面木耳豬肉蝦都好夠份量 🐖🦐 仲有香脆即炸粟皮 新鮮魚卜 黑柏葉 入味既醉雞等等 材料普遍新鮮 味道中上 價錢算抵食 值得 encore好味👍🏻😍#火鍋 #牛雜 #牛肚 #牛肺 #肥牛 #水餃 #牛柏葉 #金錢肚 #魚皮 #魚肚 Score 平均分 <7.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#肥牛火鍋海鮮酒家旺角山東街32 號c地下至3 樓~~~~~~~~~~~~#fafafoodblog #為食花太郎 #fafafoodblog旺角=====================🙂温馨提示🙂Fb like左 page都睇唔到<通知> 若果大家想睇到多d唔同既美食 👇🏻👇🏻👇🏻👇🏻👇🏻除左like 請做多一個步驟 左 👉🏻<追蹤中/Following> 👉🏻<搶先看/See First> 多謝大家支持！🤓🤓Openrice 🍚: 花太郎任何美食😋歡迎inbox 我 , 等我食完開心share！🤓…查看更多

朗豪坊後方的肥牛火鍋海鮮酒家，好似無名咁，可是他貫徹肥牛、火鍋、海鮮三大主題。礙於同行親友的飲食喜好，這次不能為「海鮮」點評，而肥牛與火鍋，就一定無得輸。餐廳有提供特惠套餐，即是order 手切牛便可以$1價錢加購基本湯底（如鴛鴦湯底），可是我們點了招牌牛雜鍋底，所以加購價大約是$88，比各自單點便宜了$60。牛雜鍋湯頭清甜，牛雜足料入味，口感不會太軟稔，絕對是主角而不是「湯渣」。牛肉方面則選擇了大碟牛脊肉，油花均勻，牛味十足這次剛好坐在二樓後方，有一櫥窗可以探視廚房師傅親手切牛，隔住一塊玻璃都知道手手有多酸軟。環顧四周麻甩味濃，服務方面完全沒期望，所以對於侍應們常常裝作「聾耳陳」都不感意外，可是呢⋯他們的確沒有態度惡劣。這家食品價錢貼地而又風味十足，可彌補服務之不足。如果晚上不怕街頭人流複雜（好像是24小時營業）值得一試。…查看更多