肥牛火鍋海鮮酒家

營業中

休息中

不嬲好少寫食評，因為好一餐、唔好又一餐，其實食嘢無乜所謂！但係今晚令我最嬲嘅係一個黑衫嘅態度、回答！咩係黑衫？即係一個有返咁上下權力嘅人！？事源今晚，本應開開心心應约，去見一啲好耐冇見嘅朋友！飲得兩枝，梗係要去廁所㗎啦！出咗門口，見到，哦！男廁！我係女人梗係上樓上啦！一入去～咦？男人？兩邊廁所都係㖭！乜我入錯廁所咩？咩料呀？見慣大場面嘅我，梗係知道事有QK啦 ～我不但只無怪男士們之餘，仲係度話，你哋有冇拎起個廁板或者抹返個廁板㖭！但係原來，佢哋女廁係無廁板呢樣嘢㗎～跟住原來，男廁block 咗唔用得！咁唔緊要啦！人有三急，尤其係飲完啤酒之後！明嘅！因為我係其中之一！我唔怪佢哋！之但係我以為好心提間餐廳，應該要有同事提醒客人，有男人喺女洗手間嘅時候，，個身形相對大隻！短頭髮未到膊，有high light ，懷疑經理物體同我講！我呢度唔係酒店！洗廁所唔用得好正常！無可能經常棟個人喺度！男人性格嘅我，梗係無所謂啦！但身為女人嘅你！著黑衫嘅你！點解可以咁同客人講！除咗佢之外，你哋其他同事都非常好，待人非常有禮，多謝佢哋嘅接待🙏🏻😊