肥牛火鍋海鮮酒家

營業中

休息中

由於冷峰突然襲港，你話唔識間嗱嗱臨去打個邊爐邊對得住佢。終於同友人去試咗肥牛既牛雜鍋，由於我哋都唔係太肚餓，所以我哋叫左一份大既牛脊肉加秘製牛雜鍋嘅孖寶。牛脊肉$288加牛雜鍋$108 （原價$188）變相平咗$70😉如果唔叫呢個孖寶係可以任何湯底任何火鍋配料全單八折。如果會叫好多嘢食其實全單八折係會仲抵😆牛雜鍋裏面有牛膀，牛肚，牛肺，牛筋，牛腸，蘿蔔，仲有少量芫荽。全部啲食材喺濃郁嘅湯底之下都好入味，尤其是個蘿蔔😋 目測都有7-8件本人尤其鍾意食牛肚，咬落去啲湯汁滲出來，有滿滿幸福嘅感覺😍嗰碟牛脊肉本身肉味都好濃，而且唔太肥，灼一灼再掛上牛雜鍋嘅湯汁簡直有畫龍點睛之效😍 我地2個人食左碟大既都覺得下次可以encore!總括而言，我哋嗌左一個孖寶，一份唐山菜，兩支大嘅青島，買單$555⋯⋯ (280 一個人打邊爐, 我覺得都十分唔錯)有機會絕對會再嚟😄😁P.s: 可以外賣牛雜鍋湯底返屋企打邊爐$190同埋要注意，餐廳入面可以食煙，所以如果介意者就要留意。