肥仔記麵家

營業中

休息中

由入店到離開都係好差嘅體驗，同埋唔建議香港人入去食，門口個收銀姐姐聽到你講廣東話都要用普通話招呼你1. 本人入店有吉位但唔比坐，用廣東話詢問點解，收銀姐姐用流利嘅普通話回答我提問：「那裡是給幾位的客人坐的，你一位就要拼桌。」搭枱唔緊要，但係明明我係香港嘅食店，員工係強迫講廣東話嘅顧客聽佢地嘅普通話。2. 到我用餐期間（接近食完），有兩位內地遊客同埋一位香港顧客入左黎，事關我坐緊四人枱靠走廊位置食緊嘢，兩位內地遊客已經坐左係我對面，然後係我食緊嘢期間（帶緊耳機睇電話），操流利普通話員工示意叫我坐入一個位，當時我帶住耳機，嘗試理解佢講咩，繼續用普通話示意我坐入一個，甚至對面兩位內地遊客都協助該員工示意要我坐入去？？？當刻我懷疑自己係咪去左內地消費？？？此時我用廣東話表示我差唔多食完好快走，會唔會係安排其他顧客坐入面，起碼唔會影響到其他顧客用餐體驗，該名員工又以普通話回覆我。3. 食物質素本人點了牛腩+水餃河粉，水餃都唔錯好食，可惜牛腩乾到食緊牛肉乾咁，河粉完全唔入味，需要加辣椒油中和成碗車仔麵嘅味道，味道有待提升。4. 埋單埋單走嘅時候，呢名操流利普通話嘅員工繼續以普通話進行對答。5. 總

唔知所有職員都係老細定係真係呢間嘢嘅老細都鍾意請埋啲態度咁差嘅人！我未寫過食評都要出手警世😂除非大家都有鋪比人串，比錢買難受嘅癮，如果唔係我奉勸大家千祈唔好去呢間垃圾食嘢！入到餐廳好多吉位都叫我哋搭枱ok嘅，但之後發現差唔多每一個入嚟嘅客都會比佢哋串！有幾個大陸客人入嚟，聽到有個男人問呀姐有咩推介，呀姐好唔耐煩咁答佢「你鍾意食乜咪食乜囉！我點知你鍾意食乜？」咁就走左去！一直有人入嚟個呀姐都用啲唔好嘅態度叫人搭枱，之後我對面客人走左，嚟左兩個女仔，可能有個睇唔清楚個套餐係菜/魚皮二揀一就問左句，個呀姐好大反應態度好差好大聲咁講「梗係唔係啦！兩樣都有你就想啦！」搞到個女仔好尷尬講左句「我唔知先問下啫」。仲有，食食下聽到有個應該係我之前就入左去嘅女人叫左雲吞麵，點知個呀姐淨係將寫左幾錢嘅單放喺枱而冇落到單比廚房，之後個女人催單，兩個呀姐竟然大大聲喺度鬥卸膊話係對方冇落！最後一句唔好意思都冇就咁同人哋講好快整好🙄🙄最後，我同朋友食飯大家都想用alipay比錢想分單，另一個態度極之差嘅呀姐話唔得，但明明佢哋嗰啲只係一張手寫左有數字紙質好差嗰啲嘅紙（似拍戲嗰啲茅廁紙～驚大家冇畫面😂），完全唔係嗰啲

收工又是一個人，但是夜晚的時候真的不太想吃多太飽，於是就在金馬倫道隨便找間麵店吃碗麵吧！經過肥仔記麵家，見到寫着全日32蚊，於是便走左入去了。入到去竟然坐無虛席，好彩都還可以搭枱，見到菜單上寫着有部分是32蚊，一些配料是36蚊的，最後我就選擇了鮮蝦雲吞粗麵。咁等了一會兒，麵到了，有4粒雲吞，都算是合理，而粗麵都煮得彈牙，沒有鹼水味，口感不錯，而湯底是大地魚湯，加些少辣椒油非常香口，最後好快食完回家了。

約了朋友晚上去文化中心看表演，未看先醫肚，走去尖沙咀區找到這間店。店內位置不擠迫，有圓檯又有卡座，由於不是繁忙時間，一個人也可以坐卡座，吃得舒舒服服。麵店最便宜是32元一碗麵，全日供應。除了散叫又可以加12元有碟菜和一杯豆漿或只加6元配飲品。在尖沙咀區來說不貴了。麵食種類多，常吃的雲吞麵，水餃麵少不了。我喜歡吃魚肉春卷，就要了魚肉春卷河粉，配上一碟菜芯和一杯熱豆漿。麵上檯，份量適中，有三條魚肉春卷，春卷皮是腐皮做的，質感軟軟綿綿，腐皮內包裹著的魚肉口感厚實，可慢慢咀嚼，味道不錯。河粉偏窄身，吃起來也是爽爽滑滑，容易掛汁。湯內有蔥花和韮黃，帶出淡淡香味。湯底也不鹹，吃完沒有感到口喝。菜芯每條已切半，菜身油油光光，易吃入口嫩。豆漿有熱度，豆味可以。簡單一餐，除了吃滿意，店員服務也有禮，餐後慢慢度步去文化中心欣賞演出。

本身只係叫個湯飯+0茶..等等下食品途中..黎左個菜.無為意.食左….跟手店員直接係我張單到寫埋多左既食物錢..話我食多左.要比埋錢….真係好唔順氣！感覺好似被屈錢咁….理論之下..最終都無收黎多左既食物錢..果下感覺好差.hard feeling…以後唔會幫襯！！另外好奇怪..叫個凍0茶走冰少甜…但個店員同舖頭D人講話佢唔識正..叫返佢地正…心諗凍0茶好難正架咩？唔咪只係唔放糖漿？少D冰就可以？？

蝦子雲吞粗麵加牛腩粗麵好有彈牙感，一啲都唔黐牙，每一根麵都好似充滿住活力。雲吞嘅皮好薄，隱約可以見到裡面大大粒嘅蝦肉，咬落去，蝦肉爽口彈牙，鮮味十足，仲有陣陣嘅蝦子香，真係好正。牛腩炆得好淋，入口即化，牛腩嘅筋軟腍又帶啲韌性，肉味濃郁，醬香滲透到每一寸肉裡面，同粗麵同雲吞搭配埋一齊，味道層次豐富到不得了。牛丸河粉河粉滑溜溜，入口即化嘅感覺。牛丸就更加唔使講，彈牙到可以「打波」，咬開嚟肉汁四溢，牛肉味濃郁，每一口都充滿住鮮美嘅滋味，一啖河粉一啖牛丸，真係好過癮。最後梗係唔少得凍奶茶啦！呢杯凍奶茶茶味濃郁，奶味又唔會蓋過茶味，甜苦比例啱啱好，入口冰涼順滑，仲有陣陣嘅茶香留喺口腔呢一餐食得真係好滿足，香港肥仔麵食店呢啲地道嘅港味美食，真係令人回味無窮。應該會再嚟幫襯！

隱藏令人回味嘅美食小店，肥仔記麵家就係其中一間🥰🥰魚肉春卷面🐠🐠一端上嚟陣陣香氣就撲鼻而嚟，條根根分明爽滑彈牙，充滿韌性入口嘅感覺好似彈簧般，同魚肉春卷一起放入口中，魚肉嘅鮮甜瞬間爆發，海鮮特有嘅清新味道，同彈牙嘅麵條配合得天衣無縫，令人食咗一啖就忍唔住食第二啖。牛腩加牛肚雙拼🍜🍜牛腩同牛肚雙拼，呢個組合一見就令人垂涎三尺。牛腩炆得軟腍入味，筷子一夾，肉就輕易地分離開。肉嘅軟嫩與筋嘅膠質感完美融合，滷香濃郁。牛肚爽脆可口，表面嘅紋理吸飽咗滷汁，鹹香彌漫。每一口都充滿住豐富嘅口感。經典港味凍奶茶🧋🧋加 10 蚊多得嘅凍奶茶，真係物超所值。茶味濃郁奶味醇厚，食完濃味嘅麵同肉之後，嚟上一口凍奶茶，瞬間解膩。無論係魚肉春卷面、牛腩牛肚雙拼，定係凍奶茶，都充滿住香港美食嘅特色。

【油尖旺區】【肥仔記麵家】唔知點解喺尖沙咀真係周圍都見到呢間嘢，第一次係喺土瓜灣食佢，都係正正常常水準嘅粉麵店。之後就發現原來佢喺尖沙咀同尖東一帶有幾間，對我嚟講最困擾嘅係唔知點形容佢。因為大家都知我用十八區來劃分啲餐廳，間間都油尖旺區仲要喺晒尖沙咀。之前講個土瓜灣嗰間同埋近尖東嗰間，今次呢間係喺金馬倫道嘅。入去要諗吓食乜，因為佢個餐牌簡單得嚟都好似幾複雜，都要花啲時間度吓。結果都係揀咗 $32 嘅「鳳城水餃粗麵」，簡單而粗暴嘅美味，我自己本身中意食呢兩樣嘢，佢中規中矩已經贏。食麵加 $10 有凍飲，我揀「凍檸茶」走甜，正常水準。咁我點都想食多兩樣嘢湊多啲嘢畀大家睇，於是就點咗兩碟小食，係各 $25 嘅「炸蝦卷」同「瑞士雞翅」，前者味道都可以嘅，後者唔叫雞翼已經夠衰，仲要難食嗰吓弊。埋單 $92，我再冇意見啦。。。（地址：尖沙咀金馬倫道17號地下A舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：九龍城區：1am1151油尖旺區：1am1520（加連威老道）#1amfoodie #foodie #hkfoodie #thatf

肥仔記麵家肥仔記麵家係尖沙咀金馬倫道，餐廳附近好多主打內地餐點既餐廳，有酸菜魚串燒，今日唔係太肚餓但想食少少野🙈🙈，就黎左呢間港式既麵檔🇭🇰。餐廳單拼粉麵，全日$32，其他麵飯都好平，係尖沙咀物價高啲既地方真係好抵。餐廳環境四正，有好多卡位，晚市無乜人。鮮蝦雲吞河（腩汁底） 💰32一碗4粒雲吞🤣😋應該係所有面檔既標準，個人比較中意腩汁，所以就叫姐姐轉左。腩汁比較濃味，岩曬重口味既我。每粒雲吞都有一粒蝦仔，河粉份量足夠，食物味道不錯，性價比高。

今天下午在尖沙咀逛街，突然心血來潮想吃雲吞麵，於是找到了這間餐廳試一下。没想到味道還是不錯的。湯夠熱，也很鲜甜，多喝也不會覺得口喝。值得讚另外雲吞也是比較大顆的，一碗有4顆大雲吞，而每顆雲吞大概也有3-4隻蝦。麵底很爽口，只可惜分量比較少。下次我會嘗試他們的白灼鵝腸，因為很少會見到有這個搭配出現，可能也會有驚喜。其實加12元配油菜+豆漿也是十分划算的，今天因為要留肚吃晚餐，所以没有加錢轉套餐而己。

外賣左碗雙拼。。。。牛肚墨魚丸米。。。牛肚足料既。。。不過又可能因為切得幼身所以條數多左。。望落就好似好多。。墨丸有3粒。。比出面d雙拼多。。。通常出面果d都係2粒。。。牛肚墨丸食落冇特別。。。普通一碗粉面正常野。。雙拼$46，野飲要另外加最少8蚊一杯熱飲。$10凍飲。即係要成$56 如果飲凍飲。咁好似佢斜對面果間粉面鋪抵食d同好味d....所以最後我都冇加野飲🫣🫣🫣今次外賣自取。。。所以都計番9折比我。賣單計埋外賣加$2。。。一共$43

從未食過咁難食既麵想叫河粉但佢賣曬 轉米線份量就太少叫鯪魚球就跟本係普通魚肉 圖文不符既仲有春卷就好難食 牛肚就薄切切米線煲到爛曬🫠勁難食無理由一間食河粉既地方會無河粉 份量少得可憐叫凍檸檬茶就唔夠味 係又唔夠甜同茶底好淡好似稀釋得好緊要