肉浦團火鍋放題

營業中

休息中

今日黎咗呢間以電影為主題既火鍋店打邊爐，一入鋪頭就比佢既二創電影海報吸引，以漫畫形式呈現，連餐牌上既介紹都有融入電影元素，幾有沉浸感無限時火鍋放題有三種級數選擇，價錢分別係$248、$298同$368，我地就揀咗最正既$368，呢個價錢就有齊所有肉類海鮮等等，最吸引當然就係A4和牛任食，性價比好高湯底方面點咗期間限定既特濃沙爹鍋，同普通台式或日式火鍋店比真係濃上幾個級數，沾落配料有點漿口餐廳中間就係自助區，包括有近四十款邊爐配料、十幾款醬料、兩款涼拌冷盤、炸物小吃例如薯格同炸燒賣、十幾款飲品拎完醬料同飲品返埋位就已經見到鍋底同點既靚肉，每款肉都有自己既名牌，有A4和牛都有分後腿肉、肩胛肉眼同牛胸片，後腰肉比較有口感彈性，油花分佈平均；肩胛肉眼味道濃香，油脂有如雪花般入口即溶；牛胸片則是有如大理石紋，肉滑柔嫩不膩另有都有點澳洲M5和牛同安格斯牛，主打肉味香濃，配上汁料就更上一層樓，海鮮就簡而精有越南虎蝦、北吉廣島蠔同埋黑魚片，生猛食落夠鮮美特色產品仲有台灣阿給同埋牛滑，牛滑係必試級別，牛味香濃仲爆juicy，食到上哂癮最後會送上甜品就係Haagen dazs雪糕，有士多啤梨馬卡龍同藍莓馬

以前有一個一睇就好似會超爆笑嘅廣告，個廣告問打邊爐最緊要係咩，個食家話系個爐既安全。其實當時個女主角講嘅嘢先至啱，打邊爐最緊要系湯底同的料。不過嚟到呢間餐廳，佢又提醒咗我其實最緊要系朋友。 🍖同呢個朋友都一樣好鍾意食牛，咁當然就係揀好多牛肉選擇嘅呢間啦！牛背峰，封門柳，仲有和牛選擇，牛肉嘅紋理各不相同，口感亦都好多變化，當然我哋都系最鍾意M5和牛，簡單系胡椒豬肚湯底616，牛味充足而且非常幼嫩。 🍖其他嘅素材都好好味，而且新鮮。你睇吓，我哋簡單叫隻蝦，都好似企喺度勁生猛。仲有個牛肉滑，牛味勁濃，佢哋又有搞鬼嘅餐紙，放喺雙刀火雞上面影相，真係好有那些年嘅感覺，"佢食翻嘢啦"。跟住佢哋都與時並進，墻上面亦都有魷魚遊戲同埋各式各樣嘅電影主題，打卡必去。 🍖呢個朋友傻傻地，佢好鍾意飲嘢，平時只系飲啤酒嘅我，呢晚都陪佢癲。 你睇我飲咗幾多嘢，呢度嘅選擇真係好多。 呢度提醒翻我最緊要就係朋友，但係遺憾嘅係，我離開之前都唔記得問間鋪頭，佢哋個爐安唔安全，🤭

女人街原來都有高質牛肉邊爐大家去食既話記得係Deli 入口入去上2樓！今次約左朋友黎e間肉浦團打邊爐揀左set B價錢都ok 仲要有4款牛揀 全部都唔差😝仲點係無限時湯底個方面都有好多選擇 可惜當日無曬壽喜燒 最後叫左蕃茄豬骨濃湯 個蕃茄濃湯好足料！🍅 唔係淨係加雞湯得啲色水🤭餐廳入面係經典懷舊電影風位置都相當闊落 而且好貼心有準備小籃 畀客人放袋四款牛肉都各有特色 重點係 好有牛味！ 雪花分佈平均 只要唔好淥太耐 全部都好好食!大推M5和牛同埋牛背峰！牛滑🐂一定要試下！ 喺出面通常都只有蝦滑墨魚滑 好少有牛肉嘅滑口感好特別 好彈牙 亦都好有牛味 鍾意食滑嘅人一定要試下🫶🏽至於自助區嗰方面 蔬菜類丸類都有好多唔同嘅選擇 亦都好新鮮🥬🌽🍢竟然仲有一個炸物區 有椒鹽燒賣 響鈴 薯格 麥樂雞等等至於飲品區 亦有分凍飲同熱飲仲有啤酒 啱曬鍾意飲酒嘅你哋如果食得太濟 都可以沖杯熱茶飲下🍵最尾仲每位送一個häagen-dazs嘅雪糕添🍨今期係草莓馬卡龍/藍莓馬卡龍👍🏽👍🏽餐廳闊落 唔會太迫啱曬 鍾意打邊爐 又想靜下嘅你哋！下次再黎🫶🏽

作為食肉獸一年四季都想打邊燼瘋狂食肉，依間大獲好評嘅任食放題火鍋店感覺好吸引。分咗3個set，今次叫咗set B，都已經好多肉類揀。湯底試咗期間限定嘅特濃沙嗲湯同埋秘製麻辣鍋。座位都幾闊幾好坐，裝修都好有特色，平日晚市都好多人幾乎坐滿所以就無影到。同menu一樣都有好多電影相關嘅特色設計好靚。肉類同海鮮用手機落單，菜同丸類就自助拎。仲有好多飲品同埋熟食，種類都好豐富。飲品有啤酒、唔同種類嘅汽水、冷泡茶之餘，有無放入雪櫃嘅罐裝茶，居然仲有熱水可以自助沖茶﹗依個小細節超甜心，因為有時約好咗一大班朋友但又遇上period果陣，就唔洗無野岩飲。而菜同丸類數量同種類都好多，有成兩大個雪櫃，仲有啲較少見到嘅品種，例如翡翠苗，即刻夾一轉先，食落都幾爽。而炸嘢都好出色，炸燒賣好好食之餘，響鈴真係超級好食超級出色。炸到脆卜卜仲好多層好厚身，放入湯唔係一下就即淋，浸耐小小就變成吸晒味之餘內裡仲係脆身有咬口，一食完即刻忍唔住再encore。打邊爐嘅重點除咗肉，湯底都好重要。上枱果陣已經聞到分別勁香嘅沙嗲味同埋麻辣味，連唔食得麻辣嘅男朋友都話聞落勁香。兩種湯都好香好濃，配肉食一流。而麻辣食落都幾辣，睇辣椒嘅數

今日同個friend去行街，經過波鞋街再去通菜街見到一間打邊爐位於2樓嘅，覺得個名幾特別叫做肉蒲團。環境都幾乾淨座位好闊落。基本全部都係卡位湯底我哋叫咗個鴛鴦鍋打邊爐，當然係牛肉啦封門柳 ： 肉質鮮甜有咬口，卓五6秒就可以食得，澳門M五和牛：入口即溶，香油滋味，本人較為喜歡呢個。全部蔬菜都好新鮮，同埋好多種類。啲蝦爽甜新鮮，唔會話好細隻。醬料我只係鍾意嗰幾款，但係其實佢都好多種類俾你揀。當然放題都係全部任飲，包括啤酒，種類都唔少。如果一大班人嚟呢度係一個好嘅選擇，因為多啲人可以食多啲嘢。一個價錢方便快捷。

尋晚去咗旺角食肉浦團火鍋放題，地點真係好方便，唔難搵。一入去就見到啲地道劇照漫畫，好鍾意啊！好有香港特色，打卡一流！我哋兩個人坐卡位，超舒服！呢度最正就係無限時放題，我哋揀咗C餐任食。先講下食物，有個飲品櫃俾你自取，成十幾款可以揀，仲有啤酒添🍻，我好鍾意！食材櫃就有好多普通火鍋配料，全部夠新鮮，選擇都多，自助調味區都幾好👍🏻，仲有我最愛嘅魚皮，真係好脆口，正！熟食有鳳爪，超好食👍🏻，落單係自助掃碼，方便到痴線！  我哋點咗秘製麻辣湯底，真係好香又夠辣！食到我哋出哂汗，啱晒鍾意挑戰辣味嘅人！湯底方面，我哋揀咗蕃茄湯底，湯底超濃，完全唔使再加蕃茄，已經夠晒味。最正係，食到最後加咗湯都唔會淡，依然保持濃郁。  套餐入面嘅肉質方面真係冇得輸，有封門柳同M5和牛，質素非常高。我哋仲加點咗A4和牛眼肉同胸肉，真係食到升級，好滿足。海鮮嗰邊，嗌咗蝦，浸落去濃郁嘅蕃茄湯之後，鮮味更加突出。最後有甜品，雪糕仲可以揀Häagen-Dazs，真係正！無限時放題真係正，可以慢慢食慢慢傾，啱哂同朋友黎食！

放題，係好多香港人心目中嘅回憶，亦都係香港人好鍾意嘅飲食模式。香港有林林總總嘅放題，包括日式火鍋、韓燒等等等等。作為90後嘅，我最鍾意嘅就當然係火鍋放題啦！🥰🥰今次我就嚟到食店林立嘅旺角區，旺角區以往都係唔同放題店嘅集中地，今次我就搵到間隱世放題店～「肉蒲團火鍋放題專門店」🥘🥘首先佢個位置都幾隱蔽，喺通菜街其中一間商業中心嘅2樓，一坐低，個裝修幾特別，佢用咗唔同嘅電影同劇集海報做主題，玩諧音gag😂😂成晚唔算多人位置好寬敞坐得舒服，而Menu選擇比起其他放題店係少啲，但係貴精不貴多，見到有A4和牛，梗係唔可以放過，即嗌！我就嗌咗牛板踺、牛後腿肉同埋牛五花，其他火鍋配料，例如丸同埋菜等等就係出去自助區度自己攞嘅😍😍喺我夾緊嘢食期間見到個海報竟然係$38任飲1664！！我即時呆咗😨😨咁嘅價錢可以任飲咁嘅質素嘅啤酒！？如果我唔係揸車我都一定會嗌黎試吓🥺🥺真係大癲！坐咗一陣啲嘢食好快送上嚟，牛肉嘅質素唔錯，食落有牛味，絕對唔係市面上一般嘅Hea牛，非常有驚喜！而海蝦亦都好新鮮彈牙，亦係我意想不到！其他食物水準亦都係中上。另外值得一提嘅係店員嘅服務態度非常之好，好有禮貌，亦都會好主動收嘢同加水，

又到星期六放假即刻約朋友去旺角睇戲，睇完戲喺戲院附近搵間放題食下，朋友帶咗我去一間性價比高食物質素好好嘅餐廳。肉蒲團火鍋放題 ，地址喺旺角通菜街1A號威達商場大廈2樓,上到餐廳地方好闊落，出面嘅火鍋配料全部都係任食，擺放整潔畀人感覺好舒適。今日嗌C餐 368蚊一位澳洲m5和牛，牛肉味勁香濃，加上油脂分佈均勻，入口即溶。美國安格斯牛板腱，牛肉味比較重，脂肪比較少，鍾意食牛肉香味嘅朋友一定喜歡。A4和牛後腿肉, 肉質比較瘦牛肉味香濃。最好味就係A4和牛肩胛肉眼,入口即用油脂分佈均勻牛肉味最香。如果唔鍾意食牛肉嘅仲有五花腩，豬梅肉，雞髀肉。海鮮我情有獨終廣島蠔，虎蝦。廣島蠔size唔算大但係非常新鮮，豪生爽口味道鮮甜。虎蝦蝦肉爽口彈牙，一食就知道好新鮮。呢間火鍋放題性價比高火鍋配料種類繁多衛生程度滿分。

✨我同朋友都係食肉獸，肉蒲團火鍋放題就啱哂我地🥘✨餐廳有三款唔同價錢嘅set，湯底都好多選擇，我哋今次揀嘅係Set B，湯底叫咗藥膳花雕醉雞湯。肉係用QR code落單，其他蔬菜類、丸類、小食、嘢飲就可以去自助區攞。✨Set B🥩可以任食澳洲M五和牛肩胛、美國安格斯牛背峰、薄切封門柳、美國安格斯牛板腱、牛骨髓、牛五花腩、越南虎蝦🦐、黑魚片🐟等等。值得讚嘅係澳洲M五和牛肩胛👍🏼、牛背峰👍🏼同封門柳👍🏼，油脂平均、各有咬口、牛味濃郁😋我地叫左好多round。✨自助區有蔬菜類🥬、丸類等等。✨熱食有咖喱魚蛋、瑞士雞翼、炸物小食有響鈴、薯條🍟、薯格、麥樂雞、咖喱角等等。✨開胃小菜有醃青瓜🥒、酸辣木耳。✨醬料區有10多款醬料，講得出嘅都有。✨原來飲品區啤酒係任飲㗎🍺✨最後一人仲有一杯雪糕🍦

我和朋友決定來到旺角一間出名的binno餐廳，門口裝修都幾有趣，而且有位姐姐難得地真係幾有心幫我地安排食物，就算係自助餐，但係佢都記得我哋嗌嗰啲乜嘢，係咁叫我哋嗌多啲嘢食😂我就嗌咗兩個湯底，一個係麻辣一個係胡椒湯底，打邊爐最緊要一個惹味，另一個係可以食到食物完美嘅湯頭，咁樣先會平衡成個感覺！牛肉都好多選擇，我自己係比較鍾意食軟身鬆化嘅牛肉，但係對於牛肉嘅鮮味或者濃味就冇咁喜歡，所以我就好鍾意食呢度嘅A4和牛後腿肉，鬆化得來亦都會掛湯，不過我淨係碌咗6、7秒就攞返上嚟，時間啱啱好。最後佢都有比Häagen-Dazs雪糕，不錯不錯！

約左朋友打邊爐，搵到呢間都幾多人推介就試下👍🏻 餐廳裝潢風格幾有港式特色，加上一啲Q版港產片插圖，令成個環境充滿懷舊感覺我地叫左和牛set C跟蕃茄豬骨湯底 $368每位，包左total 9款牛肉同雞豬肉，仲有唔同海鮮可以食食個夠，重點仲要係無限時放題，今次大食特食🔥牛肉款式推介美國安格斯牛背峰&薄切封門柳👍🏻牛肉鮮嫩，油花分佈平均，食落軟嫩、牛香十足。如果鐘意有多啲口感，安格斯牛板腱同澳洲M5和牛牛肩胛都唔錯，肉質彈牙，牛味濃郁😉而A4和牛唔洗講睇名就知好食🤟🏻三款A4和牛部位（牛後腿肉、肩胛肉眼、牛胸片）牛味好出，最鐘意和牛肩胛肉眼位，雪花分布平均之餘又嫩口！而餐廳配菜選擇都好多，炸物區域嘅薯角、薯條、咖喱角同雞塊都好香口好食，之後仲食埋甜品🍮好滿足😌整體來講餐廳肉類選擇好多，又可以無限時食，好啱食肉獸朋友😎

餐廳環境好闊落，裝修佈置有懷舊香港風味，每枱之間都空間十足，唔會覺得迫，兩個人坐卡位好舒適。揀咗無限時b餐，個胡椒豬肚湯底就好吸引，啲料好足。豬肚香潤唔會好膩，加埋胡椒嘅辛辣刺激，清爽開胃，令到食材提鮮，同時又增加食慾，值得一試。除咗湯底，放題嘅餐點種類都好豐富，牛肉豬肉雞肉都好新鮮，推介嘅和牛肩胛、安格斯牛背峰、薄切封門柳好正。嗌左期間限定嘅台灣阿給，油豆腐外皮，食落酥鬆唔油膩，內餡嘅豬肉鮮美，魚漿柔嫩唔腥，有埋粉絲木耳增加絲絲細緻口感。自助區有生菜、菠菜、皇帝菜……有新鮮嘅菇類，口感Q彈、仲有各種丸類。最驚喜係佢哋嘅炸物區，有酥脆可口嘅炸薯條和炸燒賣，炸燒賣呢種特色小食一定要試，配埋蕃茄醬非常好食，隔離瑞士雞翼都唔好錯過。自助飲品區，有小酒可以暢飲，連各式飲品都應有盡，桂花烏龍、milkis呢啲打邊爐必飲。

食肉獸朋友黎到呢間餐廳一定勁歡喜，皆因牛肉種類選擇極多又高質，揀最貴個Set亦只係$368就有M5、A4靚牛肉任食，最重要係：無限時添呀！餐廳裝潢切合店名充滿電影風格，有霓虹燈又有港產片Q版壁畫，氣氛輕鬆自在，座位亦寬敞，最適合成班老友聚餐。自助區配料都幾多，各式丸類、蔬菜、豆腐等等均有，最特別是竟然有台灣阿給。還有即食的小食如麻辣魚蛋、雞翼、薯格、炸燒賣及咖哩角都可以任拎，輕嘗即可因為要留肚盡情大口食肉。飲品方面汽水、啤酒及茶包都有，當中比較合我心意的是紅豆薏仁水、冬瓜茶都唔錯。湯底我們選了藥膳花雕醉雞，湯底已有陣陣酒香，但店家亦另附一壺酒以便客人根據口味再自行斟酌調味、雞件份量好多，所以已經不用再另外點選雞肉，主攻食牛。牛肉方面，A4和牛肩胛肉眼、A4和牛牛後腿肉真係極高質，口感彈牙有咬口，好重牛味完全唔韌；A4和牛牛胸肉及封門柳的油花都好靚，澳洲M5和牛牛肩胛亦好香嫩，還有其他部位如牛版腱、牛背峰、牛滑可選，最特別的是竟然有牛骨髓，入口無任何內臟異味，軟軟綿綿勁多骨膠原。除牛肉外，還有豬梅肉、雞腰子，其他海鮮如黑魚片、虎蝦等，雖然其他食物種類不算很多，但沒關係，那只是點綴，因為食

今日約咗個朋友去打邊爐，佢咁啱喺旺角行完街，咁就搵呢間肉浦團啦佢有三個餐可以揀，我哋揀咗set B，而家仲做緊無限時優惠，唔使驚要趕時間食嘢👏🏻👏🏻👏🏻入到去間嘢都幾大間，其實幾好好彩，醬料有好多可以選擇，鍾意食辣嘅朋友不妨可以加滕椒油，超級香嘢飲方面都係有基本汽水同埋茶，我地就飲啤酒🍻🍻我哋叫咗個蕃茄湯底，個蕃茄湯底勁濃郁，平時食蕃茄湯底都會另外叫蕃茄擺落去煲，但係呢個湯底完全唔需要再加蕃茄已經好濃味仲要係食到最後加湯都唔會溝淡咗個味，夠足料肉類方面，本身套餐包嘅肉有封門柳同m5和牛等高質靚肉，不過我哋心思思都嗌咗A4和牛肉眼片同胸片，簡直係再提升至另一個層次而且海鮮方便我哋叫咗蝦，浸落去濃味嘅蕃茄湯之下更顯鮮甜牛滑都推介呀，平時墨魚滑蝦滑就食得多，牛滑都係第一次食如果叫蕃茄湯底嘅朋友，一定要叫粟米食粟米本身已經好甜，粟米蕃茄湯之後嗰種清甜真係冇得頂

同朋友仔突然興起想打邊爐，想揀啲仼食嘅打邊爐餐廳🤣因為好想瘋狂食牛肉🤪上openrice 見到有間餐廳叫「肉浦團」，個名好得意，同埋見到啲人話牛肉款式都幾多👻而且係無限♾️時仼食，就試吓你啦！佢分別有A/B/C set可以揀，我哋今日諗住食豪啲，決定揀Set C🫣佢火鍋配料都算幾多都係好似平時啲打邊爐店咁，有自助醬料吧👍🏻佢有好多炸類小食，例如:燒賣、薯格、麥樂雞、薯條同咖哩角，佢會不停更換，而且熱辣辣，正👍🏻飲品都係自助，仲有啲茶包可以自己沖，所以唔飲凍飲嘅，都可以揀熱飲🍵我哋揀咗湯底-清酒味噌卜卜蜆湯，佢個湯底真係俾好多蜆👍🏻呢個餐有好多唔同部位嘅牛肉，分別有澳洲M5和牛肩胛肉 、美國安格斯牛背峰 、薄切封門柳、牛板鍵 、牛五花腩、A4和牛後腿肉和牛胸片 ，而我哋最鐘意都係封門柳，因為佢肉質滑得嚟，又好香牛味❤️另外，我哋都好鐘意牛骨髓，佢食落口滑捋捋👍🏻豬梅頭同越南虎蝦都推薦，好食！臨尾仲有杯雪糕食，開心❤️