聯發茶餐廳

營業中

休息中

🚩九龍城侯王道🚩每次去親九龍城都會食泰國菜🇹🇭，不過聽聞其實有間「茶記」都唔錯👍🏻☕️🍳漩渦蛋包西炒飯 $88大塊漩渦炒蛋蓋上西炒飯，炒蛋嫩滑，不過一定要趁熱食，如果唔係蛋就會變實🥹西炒飯有腸仔粒、餐肉粒連茄汁🥫一齊炒，味道甜甜酸酸，份量都大🌸櫻花蝦臘味煲仔飯 $108常見既臘味煲仔飯，但配上櫻花蝦🦐一齊煲既飯變得更有特色😍店員介紹加埋d櫻花蝦會令到個飯更加香噴噴都會帶出鮮味，加上呢到做飯焦做得幾好，飯焦脆卜卜😎🐷炸餐肉條配蛋黃醬 $32將午餐肉切成條狀，然後炸成薯條般，而蛋黃醬當作茄汁咁，午餐肉炸得外脆內軟，上面仲有少少既糖，令午餐肉唔會咁咸，別有一番風味😉💡除左出名茶餐，其實餐廳都幾創新，有好多唔同既新配搭，令普通一碟炒粉麵昇華😍📍 聯發茶餐廳 (九龍城)🗺️ 九龍城侯王道2-4號地下1號舖

小妹同豬去咗九龍城出名「聯發茶餐廳🍴」食晚飯😙 傍晚已經充滿不少人龍，但好彩排咗陣就入到去食～餐廳以正方形為主，地方非常乾淨，無諗過連洗手間都好乾淨😍👍🏻 餐廳牆壁掛滿美食相，有炭火叉燒，西多士等～非常吸引🤩奶油多士🥪麵包非常軟熟，且呢款係厚身麵包🥯 奶+牛油非常均勻，好味😋滑蛋蔥花叉燒飯🥩🍚呢碟飯份量多，蜜汁叉燒好味🤤 肉質軟腍，脂香不膩，食落仲帶點微濃香😚 而且滑蛋好嫩滑，仲配埋豉油送飯一流😝鴨腿煲仔飯🪿呢排天氣又開始涼，最適合食煲仔飯暖暖身😍打開蓋就聞到飯焦飯焦好香脆，美味，當淋上豉油，味道更佳🤭鴨腿相對較鹹🫨但整體味道不錯😌炸餐肉條配蛋黃醬🍟呢款食物相當特別，第1次見😝 呢盒切到好似薯條🍟既炸餐肉，仲配埋蛋黃醬，而且每條餐肉都有糖灑喺面，味道👅一流，好邪惡😈凍檸茶 🍋檸檬既酸爽與茶香既濃，非常融合，口感清涼宜人🥳仲帶有微微既甜味，喝下一口瞬間提神🤩整體食物有水準，以茶餐廳對比，呢間乾淨企理，價錢中上，但多人食背後一定有原因😝

經過九龍城就一於試下「聯發」今日兩個人，就去叫左一個特餐以及一個炭火叉燒煎蛋飯，可以試既野比較多啲種類🥢 特餐 💰$68沙嗲鮮牛肉湯意粉+火腿滑蛋+牛油餐包茶記必叫特餐，份量夠晒豐富，沙嗲牛肉茶餐必食，而特餐配咗既意粉亦都可以改做米粉、通粉或者出前一丁，炒滑蛋都夠嫩滑，配既牛油餐包出邊好少見🥢 炭火叉燒煎蛋飯 💰$88叉燒份量多，都有9-10嚿，煎蛋夠流心，蛋醬送飯無咁乾身係唔錯，整碗飯份量好足夠

近排工作好繁忙，諗起不如去九龍城按摩，去之前當然要醫飽肚先，於是想起性價比高，又好食，又方便我們去了聯發茶餐廳。沙爹牛肉腸仔出前一丁的味道濃郁，口感彈牙，他們用的是北海道版的出前一丁麵，麵質煙靱，非常之掛湯，加上香香辣辣的沙爹醬，真是美味絕頂，這個丁麵是會令人吃上引的。公司三文治十分足料，鹹牛肉夾在鬆軟的麵包中係靈魂所在，有一支牙籤的厚度。炸餐肉條配蛋王醬則是一個經典的組合，酥脆的炸餐肉條上有些沙糖搭配蛋王醬，非常之新鮮食法，這個有驚喜！雪糕咖啡濃郁香醇，沖落凍冰冰的雲呢拿雪糕球，停不住要吃多兩口😂雖然今次我們無法品嚐到他們馳名的炭火叉燒滑蛋飯，下次一定要早啲黎食至得。

約了阿女逛九龍城買甜糕點甜品，完成任務後就地下食晚做。我們在宋皇臺站過兩個街口到候王道，就找了間茶記落腳~聯發茶餐廳。目測聯發茶餐廳是貼地的民生餐廳，有大量街坊客光發，店內牆壁貼滿各種食品推介，當中最吸晴的海報就是炭燒义燒及蛋包西炒飯。我同阿女分別點了：炭火义燒滑蛋飯~$98及滑蛋包西炒飯~$88，飲品選了凍朱古力~$26及凍鴛鴦~$26。終於明白，點解這兩項主打飯類不以餐項與飲品一起配售。這兩個飯是用心製作，不是大堆頭已弄好餸料未叫已成的餐品。炭火义燒鬆化肥瘦適中，厚切又肉質鮮嫩備玫瑰露香味。蛋包西炒飯更是廚師功架之作，整個西炒飯被整幅滑蛋包蓋著，色澤鮮明又外滑內有飯香。我與阿女享用了九龍城地道茶記水準之作的一餐。

🌸叉燒雞扒飯🐷🐓+凍檸茶🍋☕️份量好足夠！叉燒雞扒都有滿滿嘅炭燒香味😍🤭配埋蔥油味道好夾👍🏻而且好入味！叉燒半肥瘦，雞扒鮮嫩又多汁！我幾鍾意食🫶🏻🌸茶餐（火腿煎太陽蛋🍳+牛油多士🍞+叉燒湯意🍜+熱好立克）叉燒軟腍，湯意粉都好彈牙，唔錯！而我最欣賞嘅係佢地嘅煎太陽蛋，脆邊太陽蛋，好好味😋🌸奶油多士🧈🍞烘過嘅多士外脆香口，咬落口有濃郁嘅牛油香味同埋煉奶嘅甜味🥰正🫶🏻餐廳店員服務態度好👍🏻上菜速度好快🤗餐廳長時間大排長龍，如果大家去食，就要預番多少少時間啦😊

最近好多移左民既朋友，表示喺外國嘅生活最唔習慣就係食物。就算想去食個茶餐廳，嗰啲食材根本就唔正宗，而且仲超貴，話求其一間香港嘅都好食過佢。其實物以罕為貴，掉翻轉你叫佢係香港日日都去食就唔喺咁講啦。所以我喺香港，一般會揀比較出色嘅先至去。 🍖呢度既出前一丁有水準，我揀左餐肉雙旦，餐肉實淨唔會好易散，煎蛋做到燶邊又流心，丁麵煮嘅時間岩岩好，彈牙又唔硬。不過呢啲係基本。 🍖西多做得有驚喜，其實西多做法萬變不離其中，兩塊包夾住花生醬，加蛋醬去炸，完。但係要做到外面好脆，而且企身，就唔係人人做到。好似一早炸起備料，有人order先至返炸，就一定做唔倒咁嘅效果。加上我另外叫左個云尼拿雪糕，變成唔洗加糖漿，都有醬料嘅效果。而且你睇下個雪糕球，唔係用宜家方間整好嘅一球球雪糕，以而係真係自己畢出黎，又圓又靚又好味。 🍺Affogato，大家都知道茶餐廳一般都會用robusta豆,即係相對冇咁有風味既味道。因此佢地一般會加入 Coffee creamer。但咁樣太人工啦，佢哋巧妙咁運用左云呢拿雪糕既香甜，平衡左咖啡太過厚重既味道，邊度又滑又順口。 PS.呢日見到陳山聰坐係我地隔離，我地有眼神交流，但佢好乖

今日經過九龍城，忽發奇想食茶記，舊式茶記在香港越來越少，而咁岩真係見到有一間。傳統懷舊港式茶餐廳裝潢，開放式水吧，可以大約睇到師傅在沖奶茶、檸檬茶，牆上有一部大電視在播放節目，可謂「麻雀雖小，五臟俱全」，卻有一番人情味。滑蛋蔥花叉燒飯 （$68）滑蛋呈黃金色，蛋味香濃，口感很滑，不會過熟而失去口感，叉燒份量適中，肥瘦適中，洋蔥爽口彈牙，附近打工仔可以一試。上碟的同時，店員十分細心，會馬上附上一支甜鼓油，可供自由選擇落嘅分量，重口味嘅我即刻落左唔少，同滑蛋和叉燒十分夾。叉燒雞（扒)飯除左有叉燒外，還有切好的雞扒塊，方便食用，雞扒塊連埋雞皮一起食用可謂一大享受，雞油香味惹口，加上鋪滿表面的蔥油，是米飯的盜取者。

九龍城是我工作的地區，每次午膳我都會與同事盡量試去不同食店，由牛腩粉麵、印度食店、泰國餐廳、日式料理等也試過了不少，但最穩妥的貼地選擇都是選茶餐廳。 點解？ 因區內的大小食店多不勝數，能在此區立足的茶餐廳，水準也有一定保證。今晚放工約了朋友在宋皇臺站外等，然後行了一個街口到候王道的聯發茶餐廳用膳。聯發茶餐廳是貼地的民生餐廳，以叉燒及煲仔飯馳名，我們都喜歡吃叉燒，所以就叫了兩個滑蛋叉燒香蔥飯餐配熱檸茶。飯後當然要叫甜品，店內有雪糕咖啡，我們就點了來品嚐一番。總括而言，叉燒鬆化肥瘦適中，雪糕咖啡有創意，如能由一球雪糕加至兩球的比例，甜與苦的咖啡甘香味道配合，定必效果更佳。

又嚟咗呢間茶餐廳食茶餐, 必試炒蛋同紅豆冰👍🏻！呢度已經成為咗我每次食茶餐嘅日常飯堂, 座位都幾舒適, 而且燈光非常充足！𓌈˒˒ 茶餐有牛油多士、火腿炒蛋、餐肉通粉, 烘過嘅多士好鬆軟; 炒蛋好嫩滑, 蛋味香濃, 仲留有蛋汁; 通粉嘅份量剛剛好。我另外再加咗杯紅豆冰🫘, 紅豆粒香甜軟綿, 而且份量好多, 每一啖都食到紅豆呢, 非常足料～𓌈˒˒ 滑蛋照燒雞扒丼雞扒煎至金黃色, 好香口, 加上滑溜嘅雞蛋🥚, 佐飯一流🍚！

夜晚七點鐘入到嗰間餐廳，見肚餓即刻落單，叫咗兩個煲仔飯（臘腸排骨、鮮牛肉臘腸），等到八點鐘都冇得食，其他遲入嚟嘅枱就食緊，跟住問侍應點解，佢話煲咗嗰啲北菇雞飯先。我就反問佢都係用個爐嚟煲啫，點解要煲咗煲仔北菇雞飯先。好明顯係漏咗單，漏咗單仲多多解釋，對唔住都冇句，侍應個個都口黑黑面。我老婆因為驚佢加料，所以唔等，我哋即刻買單走咗。今時今日嘅服務態度，唔怪得知咁多人北上食飯，所以香港乜嘢夜繽紛都死啦！補充一句，依間咁嘅茶餐廳一啲都唔平，飲咗一杯凍檸樂都要收32蚊，仲要咁嘅服務態度，希望佢早啲執笠。

懷舊茶餐廳暖笠笠煲仔飯🍲聯發茶餐廳📍九龍城侯王道2-4號地下1號舖食臘味煲仔飯暖笠笠🧡臘腸、臘肉，秋冬食呢啲好暖身呢間茶餐廳以蛋料理聞名。其實我已經黎過幾次，高質茶餐廳，價錢又相宜。裏面裝潢充滿懷舊地道香港味，出面經常人龍不絕，非常受歡迎。▫櫻花蝦臘味煲仔飯 $108這道菜色上桌時，煲仔散發出的熱氣讓我們直呼過癮。一口嘗試，那滿滿的蝦香和臘味的香氣瞬間填滿整個口腔，米飯外酥內軟，蝦仁鮮嫩多汁，真的是令人回味無窮。▫窩蛋牛肉煲仔飯$ 108一打開蓋就香味撲鼻🔥🔥，調味本身較淡，但加埋自家製豉油，甜鹹味出哂黎！我覺得出色既煲仔飯一定要成個底都有焦🤣🤣夫復何求呀！• 整體•食物: 𝟺/𝟻環境: 𝟺/𝟻

一向都多人推介九龍城《聯發》今日一於試試港式茶餐，黎到見到門口都有小部份人排緊隊，不過都唔洗等好耐就入得啦，沙爹牛肉湯意粉，湯底沙爹味濃郁，充滿香料的香氣，牛肉醃得入味，沙嗲感受到濃郁花生同香料香，意粉煮得剛剛好，有咬勁，而特產入面配煎雙蛋，仲要係反蛋燶邊架，啲蛋煎得啱啱好，蛋白熟爛嫩滑，蛋黃保持咗流心狀態😋令外叫多份炸餐肉條，餐肉條炸得金黃酥脆，而且食落唔會柴，炸得啱啱好唔會太油膩。而且每條餐肉都切得剛剛好，大小均勻總括嚟講聯發下一次會回頭嘅茶餐廳，聽聞佢哋嘅炒蛋都做得出色，我下次會試吓埋佢哋嘅炒蛋

📍九龍城 聯發茶餐廳話說今日過完海去玩AIA，喺中環諗唔到有乜好食，於是就搭咗巴士嚟到九龍城覓食。因為時間已經有啲晏，所以好多餐廳都閂咗，見到呢間茶餐廳仲開住，於是就入左去。餐廳係行傳統港式茶餐廳風格，但係佢嘅菜式有啲都好新奇，我見到有一個午餐肉切到好似薯條咁，超搞笑😂٩(˃̶͈̀௰˂̶͈́)و蔥油雞扒撈出前一丁佢呢個出前一丁真係非常出色，滿滿嘅蔥油撈埋落去啲一丁度，淡淡都香噴噴。再加上佢嘅雞扒好滑，而且煎到個皮好脆，正呀。法蘭西多士傳統西多士一定係最好食，加埋中間嗰層嘅花生醬，同埋面頭嘅牛油仲有糖漿，食過返尋味啊🤍鹹牛肉奄列配多士佢嘅鹹牛肉份量十足，加埋佢個多士係有搽咗牛油嘅，所以好香好脆。鮮榨檸汁檸樂飲品方面都好有驚喜，我真係第一次試鮮榨檸檬汁。應該係師傅喺入邊用咗好多檸檬，所以檸檬肉超多，感覺好fresh。

比左4舊幾水仲要比佢串，真係仲係好嬲，完全冇服務態度可言，離曬譜！快啲執啦！本身都諗住食完，人都比左錢走左，件事過左就算，但而家諗返起真係好嬲，呢間茶餐廳啲服務態度原來係咁差。我地一入去話6位，由於當時真係差唔多滿枱，得一張卡位4人同中間唔係卡位既2人枱。入黎果陣被迫分開坐。講真，呢間野係我同老公覺得服務態度同食物質素唔錯，所以先想帶屋企人黎食，點知結果係要分開坐。第二：食食下，見到好多人走左，眼見有啲枱冇人，咁我同老公咪同侍應講想轉枱，轉去同屋企人附近既枱，因為我地入黎都係話6個人既，咁而家有枱想轉過去。侍應不停回應係：等一等你等陣先。我就話等得黎都食完啦，但我都等，比足面你。跟住，個侍應話老細佢地傾緊我地轉枱既問題，我話：下？轉張枱都要開會牙？咁緊要牙？老公：咁我地轉左會點呀？係咪會報警？侍應：你地等等先等等先。我地其實已經等左好耐，再等真係食完。我同老公冇理佢，拎住啲麵同飲品轉左台。我開始後悔揀左呢間同屋企人食，搞到成件事勁尷尬。第三，最後比錢，果個疑似係老闆娘既物體仲要串，我比錢佢，佢話：單呢單呢？都叫左你地唔好轉枱啦，單又唔見，你地食咩丫！我果下佩服左自己，只是反左下白眼，答