聯發茶餐廳

營業中

休息中

聯發茶餐廳地址：九龍城候王道2-4號地下1號舖一試再試！試過之後返唔到轉頭！茶餐廳黎講，試過咁多間，質素最好暫時係依間！所有食物睇相都已經覺得好好味，好想食！！😋😋上次試咗個炭火叉燒飯，今次試埋佢其他飯，揀咗個牛肉飯同埋煲仔飯😍😍😋睇相既份量係好多，牛肉多到成碗飯都係，份量好多！！而且味道極好！！無誇張到，未試過一定要黎試吓！！蔥花玉子牛丼 $98大家睇相已經可以見到牛肉份量真係好多，口感，味道都好好，真係成碗飯，啖啖都食到牛肉，有誠意！！凍檸檬茶 $26冰涼之選！解一解膩，爽到爆既檸檬茶鹹蛋臘腸肉餅煲仔飯 $108做得非常好，飯既焦香做得剛剛好，唔會太濃，但又保持到飯既焦香，飯焦口感！！好好食😋👍👍油菜1碟 $26穩定發揮，菜有鮮甜，食得出係新鮮，非常好！！

今天晚上，我和哥哥到位於九龍城侯王道的聯發茶餐廳吃晚飯。我們點了樱花蝦臘味煲仔飯和乾炒黑椒牛肉意粉，再喝上熱檸檬可樂和熱杏仁霜。茶餐廳裡，燈光昏暗，卻充滿了熱鬧的氣氛。桌上擺滿了各種香氣撲鼻的菜餚，使人垂涎欲滴。樱花蝦臘味煲仔飯香氣四溢，米飯融合了臘味和樱花蝦的鮮美，每一口都帶來滿滿的滿足。乾炒黑椒牛肉意粉則是鍋氣十足，濃郁的黑椒味與嫩滑的牛肉完美搭配，讓人胃口大開。在這樣溫馨的環境中，享受美食的同時，也感受到了家人間的溫暖和愉快。哥哥不時與我分享生活中的趣事，讓我忍俊不禁。我們用餐時談笑風生，歡樂的時光似乎定格在這一刻。晚飯過後，我們一起品嚐了熱杏仁霜，濃郁的杏仁香味讓人回味無窮。這個溫馨的晚上在茶餐廳裡度過，讓我們感受到了家的溫暖與幸福。

呢日去法國醫院探完同事出世嘅BB，就行去九龍城嗰邊搵食。之前去過呢間茶餐廳，都幾好食，今次再入去幫襯。茶餐廳裝修簡潔，乾淨企理。薑蔥油雞扒撈丁：雞肉扒煎得剛剛好，外層酥脆，內部保持着嫩滑的口感，並且帶有薑蔥的香氣。薑蔥的辛香、公仔麵爽口彈牙與雞肉的鮮嫩相輔相成，令人回味無窮。茶餐(牛油餐包、火腿煎雙蛋、叉燒湯意粉)：牛油餐包外表金黃酥脆，內裏柔軟鬆散。配上牛油，在餐包融化的熱度下，帶來濃郁奶香的口感。煎雙蛋的蛋白熟透而蛋黃微嫩，配上鮮嫩的火腿片。叉燒肉質鮮嫩，湯底濃郁，意粉口感彈牙。整個組合非常美味。炸餐肉條配蛋黃醬：午餐肉切成條狀，外層炸得金黃酥脆，內裏嫩滑。炸餐肉條的外層帶有一層砂糖，給予它獨特的甜味。配上蛋黃醬，增添了濃郁的口感和風味。凍菜蜜：凍菜蜜清爽、清甜，非常解渴。

聯發茶餐廳在香港幾出名，連發哥都經常來光顧。今天過來吃晚餐，正好遇到了發哥，看起來他跟老板很熟有說有笑的。香辣櫻花蝦炒公仔麵好多細細粉紅色的櫻花蝦鋪滿在麵條上，看上去好正！吃起來好有蝦香，又爽脆！公仔麵吸收了櫻花蝦的海鮮香氣，再搭配香辣的辣椒油和撒上蔥花，口感豐富、風味獨特！法蘭西多士配雪糕球多士表面烤出一層美麗的焦糖色，兩片多士之間夾住黃油和花生醬，融化成一片濃稠的美味。頂部放一個曲奇餅乾雪糕球，非常誘人，吃一啖香熱的多士，吃一啖冰甜的雪糕，真是享受人間！蔥花玉子牛丼選用優質的牛肉切成薄片，組合成一朵花瓣，中間放一個太陽雞蛋，像一朵向日葵，美觀又好食。牛肉片好有香味，牛肉汁滲入米飯，再加上蔥香，香氣四溢

好耐冇食茶餐廳啦呢間起九龍城有相當歷史，受歡迎到要排隊設有常餐、茶餐，亦可單點各式多士意粉／公仔麵／通粉我點咗個茶餐 ($66)，男朋友叫咗個特餐 ($68)▶️ 叉燒湯意粉湯底濃郁，鹹中帶有蜜汁甜味意粉質感還好啦叉燒望落靚仔，不過肉質偏硬同韌，肥膏多過瘦肉，唔太好食🤥▶️ 火腿煎雙蛋配牛油餐包煎雙荷包蛋好大隻🍳蛋黃流心呈漿狀蛋白位煎得香脆牛油餐包甜甜地，似嘉頓一包四個嗰隻🍞面頭一片厚牛油🧈食落軟綿綿暖暖地，配蛋黃汁食好夾火腿正正常常，金妹牌味道▶️ 凍奶茶 (+$2)忍唔住叫返杯港式奶茶🧋茶底濃醇苦澀，少甜少冰啱啱好飲完醒神晒▶️ 沙嗲牛肉公仔麵用上日本版公仔麵🍜沙嗲牛肉幾腍，好食過叉燒▶️ 火腿炒雙蛋配牛油餐包炒蛋濕潤幼滑，比一般蛋黃有牛油香味男朋友話炒蛋算係佢招牌 (唔少人叫佢個黃袍叉燒飯，的確好靚仔)-炒蛋煎蛋同牛油餐包好食，不過叉燒意粉麻麻哋杯港式奶茶都好飲嘅上菜速度以茶餐廳嚟講比較慢，等咗15分鐘先上齊服務可以，雖然忙碌但唔馬虎或態度差不過環境狹窄，坐得唔太舒服，要同人搭枱，坐得迫啲侍應們上菜又要好小心，啲碟好淺，好容易倒瀉湯 (啱啱都有倒瀉，好彩我避得快🫣)價錢比一般茶記貴，但份量

好耐無落過去九龍城了！趁住假期時間想去泰國街遊走一下，用盡腳力之前先去補充一下體力，我好掛住「聯發茶餐廳」既炒蛋同奶茶☕️我地去到大約中午12時左右，雖然有條小小的人龍但等候時間唔算好長，約10-15分鐘就可以入座，見到鄰座叫左叉燒蛋飯好靚，搞到人地心思思❤️最後我都係想食返茶餐同特餐，我太想佢個炒蛋了！茶餐$66我的配搭：多士+ 火腿配炒蛋+叉燒湯意+熱奶茶特餐$68他的配搭：多士+火腿配炒蛋+沙爹牛肉麵+凍檸檬茶佢既多士好啱我口味，厚厚的外脆內軟！我喜歡先放上火腿再舖上炒蛋，這是我的個人食法😂「他」喜歡這裡的沙爹牛肉，濃郁既沙爹香味帶少許花生醬，牛肉軟熟無筋，而我則愛叉燒😋佢地招牌係炭火叉燒，好多人都慕名而來！原來現在晚巿有煲仔飯🤭等我搵日夜晚又落黎試下！

路過搵野食 念起呢間野成日都好多人排隊想食好耐 今次下午路過一條友咁就好簡單入左去食點左一個最出名既炭燒叉燒蛋飯 加一杯凍咖啡咁食落好 叉燒當然同普通水準有特別不同既效果不然88蚊呢個價錢唔會咁多人排隊食咖啡就普普咁 好普通野收26蚊咁呢個就預左比人賺好正常食完都滿心歡喜 但過左兩個鐘就來料嘔到柒彩 真係嘔左幾個轉 彩虹都嘔晒出真係幾耐都未試過原來食物中毒係會嘔到個頭插返入屎坑入面嘔幾個轉 讚嘆讚嘆 食物好食 但應該唔太乾淨呢間野應該都令我有排都記得佢

聯發茶餐廳最出名既一定係佢哋滑蛋！同埋聽聞發哥都會黎食🤫有冇機會撞到發哥呢🤭   1️⃣ 炭火叉燒飯（$98） 個滑蛋好靚😍顏色係偏橙黃，食落好香蛋味。面頭既叉燒帶蜜香，配埋滑蛋正！  2⃣️滑蛋蔥花叉燒飯（$78） 都係滑蛋同叉燒既組合😂但係呢款就係滑蛋同叉燒加埋蔥花、洋蔥炒埋一齊既。反而覺得呢款好食過炭火果款。呢款個蛋感覺更加濕潤同埋嫩滑，而且多啲配料又感覺滿足啲。淋上佢地既甜䜴油更加好食😋  3⃣️ 炸餐肉條配蛋黃醬（$32） 幾特別，個樣好似薯條咁。第一次食炸餐肉條，仲要係間咁傳統既茶餐廳到食。餐肉條鹹鹹地，面頭灑上啲糖，甜甜鹹鹹幾過癮，仲有蛋黃醬點。   4️⃣法蘭西多（$34） 茶餐廳一定要叫西多士啦😀西多士好厚，入面搽左層花生醬，花生醬係帶粗粒花生既果款，面頭仲有塊牛油，慢慢溶下溶下，再淋埋糖漿，唔會有人唔鍾意食啦🤤  5️⃣凍奶茶（+$2） 果然係老字號茶餐廳，茶濃，係我鐘意既港式奶茶！  

行開九龍城，我都食過好幾次聯發茶餐廳，佢係令到我回頭再食幾次，除左炒蛋出名，呢度既叉燒都很不錯的，包括味道口感都係我鐘意的😀員工服務快手又有禮貌，快手就好多都係，但呢度既員工都好有禮貌，對客人態度好好我叫左滑蛋叉燒飯，滑蛋好食就不在話下，叉燒都好好食好正，所以再食呢度既叉燒滑蛋，實在係愛上了，仲有洋蔥一齊炒，更加香同好食，份量十分足夠而且賣相都吸引朋友食特餐，沙嗲牛肉湯意粉配太陽雙蛋同牛油多士，佢話份量同樣好足，味道都唔錯好好食，牛肉唔會過硬，太陽雙蛋入口都唔錯而且煎得好高質！同埋佢好鐘意食多士，覺得呢度既多士值99分飲品我地有杏仁霜同奶茶，亦不過不失，我同朋友都幾度回訪了，除左食物吸引我地當然員工態度都好重要，佢地好快手又有禮貌既態度都留到好多回頭客

今日去九龍城買嘢就經過呢度,聽聞呢度嘅滑蛋係好正, 所以我哋就叫咗滑蛋配搭嘅飯🤤✨炭燒叉燒滑蛋飯🐽同埋漩渦蛋包西炒飯🍳👍🏻份量好多一個女仔都未必可能食得晒😂見到佢有🍦☕️雪糕咖啡本身諗住叫因為實在太飽啦留返下次先啦👍🏻✨

舊式茶餐廳係香港越黎越少，早幾日一家人經過九龍城，就諗起朋友向我介紹嘅-聯發茶餐廳一於試下個煲仔飯先😋😋😋🔹️窩蛋牛肉煲仔飯一打開蓋熱辣辣香味十足🔥🔥，俾眼前新鮮牛肉窩蛋吸引，加埋餐廳自家製豉油就更加美味。重點!煲仔飯精髓：成個底都有飯蕉架😍😍🔹️茶餐-叉燒通粉跟牛油餐包，火腿煎雙蛋通粉配自製湯底叉燒較瘦，不過唔會鞋餐包微熱軟熟👍🏻🔹️炸餐肉條配蛋黃醬將午餐肉切條炸，每一條都蛋黃醬，再灑上糖

今次係我第二次食聯發茶餐廳😍不過今次我唔係主打食炒蛋~同朋友都係食煲仔飯問d staff，原來一年四季都有煲仔飯食岩哂一年四季都你會想食煲仔飯既人🤩尤其係冬天，食煲仔飯係最正😋鹹蛋臘腸肉餅煲仔飯 $108厚厚嘅肉餅，加埋臘腸嘅香味再有半隻鹹蛋😍真係超級惹味送飯係一流，食落去每一啖都有飯焦脆卜卜，加埋啲煲仔飯豉油，好好食😋櫻花蝦臘味煲仔飯 $108櫻花蝦同臘味都係滿滿~份量完全唔會手軟，又係送飯一流食落去每一啖又係有飯焦😍不得不讚佢哋整個煲仔飯，整得好好朋友第一次食都大讚佢哋啲煲仔飯😋 炸餐肉條 $32炸餐肉炸得好香脆，有蛋黃醬點又係食過返尋味系列之一🤩同埋邪惡小食之一🤣正呀好食指數(5星為滿分)⭐️⭐️⭐️⭐️⭐️📍餐廳名稱: 聯發茶餐廳 九龍城侯王道2-4號地下1號舖

📍九龍城 聯發茶餐廳今次係二訪呢一間位於九龍城嘅聯發茶餐廳，因為上次食完覺得真係好出色，好有傳統港式茶餐廳嘅風味之餘又有特色。٩(˃̶͈̀௰˂̶͈́)و滑蛋蔥花叉燒飯餐：呢個滑蛋蔥花叉燒飯餐真係好正，滑蛋炒得好滑順，叉燒肉質鮮嫩多汁，配上香氣四溢嘅蔥花，味道更加豐富。飯粒飽滿，口感恰到好處。雞蛋火腿三文治（烘底）：三文治烘底嘅烤香味超正，雞蛋煎得剛剛好，保持住咁啱嘅蛋黃流心口感，火腿肉質鮮嫩多汁。每一口都帶來滿滿嘅滿足感😋。法蘭西配曲奇雪糕一球：呢個法蘭西配曲奇雪糕係超經典。曲奇餅乾酥脆香甜，配上曲奇雪糕，味道絕配。雪糕口感滑順，給人一種幸福感。鮮榨檸汁：呢杯鮮榨檸汁真係非常清新。檸汁酸甜適中，帶有豐富嘅檸檬香氣，喝落去令人感到提神。汁液清澈透亮，口感爽口，好解渴。係一個絕佳嘅飲品選擇，特別係呢幾日天氣炎熱。

上年11月中嘅星期日，同阿爸阿媽食晚飯，又係在九龍城唔知食乜好，唔想食泰國菜，西餐，所以選擇咗有煲仔飯食嘅聯發，依家好少茶記有買煲仔飯，因為即整要最少2 0分鐘，呢間餐廳剛開時，好多人冒着佢嘅老細同澳洲牛奶公司嘅關係嚟食佢哋嘅抄蛋，之前食過抄蛋其實冇乜特別，係價錢貴啲嘅常餐。今日我哋叫咗個奄列，本身係叫咗牛肉奄列，不過上錯咗火腿奄列，我唔醒起就照食咗，好大份，不過要5 0蚊，份量就正常啦，冇乜蛋汁，不過不失。我哋仲叫咗個西多士，熱辣辣炸好，正。煲仔飯就過份啦，叫咗窩蛋牛肉加潤腸，餐廳竟然上咗鹹蛋肉餅，完全上錯，好彩即時發現，唔係老豆冇留意阿媽叫咗乜嘢就食咗㗎啦。個飯好濕，牛肉竟然上肉碎，呢個煲仔飯差唔多一百蚊。真係冇下次架喇，都係食抄蛋有保證。

收銀啊姐態度差，問非所答，三催四請先肯落單埋單又係，三催四請先肯黎收錢食物質素可接受，但侍應態度同趕客冇分別可能習慣咗電子消費，只收現金又唔寫清楚唔會有下次大家黎得真係要考慮下受得氣先好入去食澳牛侍應真係比依間餐廳好好多